2000FUN論壇

標題: [版務]有無人讚成響論壇公會區開設FEZ專屬既聚舊版塊 [打印本頁]

作者: 霉乂男 時間: 13-4-7 12:38 AM 標題: [版務]有無人讚成響論壇公會區開設FEZ專屬既聚舊版塊

本帖最後由霉乂男於 13-4-7 12:47 AM 編輯

FEZ玩左好幾年多少有感情，從來無一隻遊戲可以識到咁多膠友，
所以好耐之前已經諗，如果有朝一日結束營運，就搵個地方，
第日有咩好GAME轉又好，得閒吹吹水又好都可以聚下舊。

雖然而家離結束仲有好長時間（或者），但近日已經有唔少朋友轉左去日服，
或者問關於轉去日服既問題，亦有會員投訴哩類帖太多影響港服生態，
所以開帖咨詢下有無人想用論壇功能開一個公會版塊。
（樣板：http://www.2000fun.com/group-index.html）

作用：
集中去左日服玩既朋友，以及去日服需要知道既事；
方便吹水同埋他日結束營運的話一齊轉GAME。

開設的話所有日服相關討論集中該版塊。

總之就係一個FEZ玩家專用既留言版。

作者: donald02hk 時間: 13-4-7 12:40 AM

反正我多數係霉男坊/動漫區吹水....

作者: 霉乂男 時間: 13-4-7 12:42 AM

donald02hk 發表於 13-4-7 12:40 AM
反正我多數係霉男坊/動漫區吹水....

鴨仔無過日服咩?

作者: donald02hk 時間: 13-4-7 12:44 AM

霉乂男發表於 13-4-7 12:42 AM
鴨仔無過日服咩?

無

可能遲下過

作者: 愛雪._. 時間: 13-4-7 01:02 AM

你咁講你好似知FEZ會汁咁- -

作者: 霉乂男 時間: 13-4-7 01:05 AM

愛雪._. 發表於 13-4-7 01:02 AM
你咁講你好似知FEZ會汁咁- -

我咩都唔知,可以對天發誓

作者: delaynomo 時間: 13-4-7 01:08 AM

不過有咩公會會開

紫國都無la~

作者: 霉乂男 時間: 13-4-7 01:12 AM

本帖最後由霉乂男於 13-4-7 01:13 AM 編輯

delaynomo 發表於 13-4-7 01:08 AM
不過有咩公會會開

紫國都無la~

「公會」係指論壇功能，
實際該版只係比fez玩家聚舊+傾計既地方，
不論國籍﹑部隊﹑年齡都係用果塊版。

作者: OOOOXXX 時間: 13-4-7 01:13 AM

如果係日服開公會
我覺得又會張揚左D
入RC之類?skype之類
平時討論就另一個版咁樣

作者: 上海． 時間: 13-4-7 01:15 AM

依家基本上只出沒於霉男坊同偶爾上上水呼吸以免潛水窒息

作者: 霉乂男 時間: 13-4-7 01:15 AM

本帖最後由霉乂男於 13-4-7 01:16 AM 編輯

OOOOXXX 發表於 13-4-7 01:13 AM
如果係日服開公會
我覺得又會張揚左D
入RC之類?skype之類

用審核／邀請方式拉肯定係港服FEZ玩家既人，
名單留港服名＋SKYPE帳號如何？

日服玩緊果陣當然唔會開公會，唔係比人一獲熟。

另外論壇公會功能可以設定非成員睇唔到內容。

作者: 7B! 時間: 13-4-7 01:15 AM

冇咩意見
日服POST不嬲一直都存在
只係近排升BF之類先多左人轉過去玩

作者: 霉乂男 時間: 13-4-7 01:17 AM

7B! 發表於 13-4-7 01:15 AM
冇咩意見
日服POST不嬲一直都存在
只係近排升BF之類先多左人轉過去玩

所以日服ＰＯＳＴ我不嬲都無理（其實你咩都無理）。

作者: OOOOXXX 時間: 13-4-7 01:21 AM

霉乂男發表於 13-4-7 01:15 AM
用審核／邀請方式拉肯定係港服FEZ玩家既人，
名單留港服名＋SKYPE帳號如何？

留港服名呢點我有保留(不過想留都無問題)
反正都過日服重新黎過，仲係到留名做咩?
對於有d人黎講可能會大家面左左(例如有仇口之類)

我相信唔少人係港服投資唔少錢
但係都有個心去日服發展(對黑橘失望)

作者: 霉乂男 時間: 13-4-7 01:25 AM

OOOOXXX 發表於 13-4-7 01:21 AM
留港服名呢點我有保留(不過想留都無問題)
反正都過日服重新黎過，仲係到留名做咩?
對於有d人黎講可能會大 ...

化敵為友不是很好嘛？

暫時都係咨詢階段，睇下其他人有咩意見吧。

作者: ~寧~ 時間: 13-4-7 01:34 AM

不如開個whatsapp群或者line 群組
萬一隻game收左皮,我想唔係人人都會上2KF

作者: 霉乂男 時間: 13-4-7 01:39 AM

~寧~ 發表於 13-4-7 01:34 AM
不如開個whatsapp群或者line 群組
萬一隻game收左皮,我想唔係人人都會上2KF

朋友拉朋友吧。

但話說咁講法唔係好吉利。

作者: 地上之龍 時間: 13-4-7 01:48 AM

可以先開一個子分版
(假設)真係港服汁笠
可以將子分版連內含既POST
都移去第2個版塊的嗎?

作者: ~寧~ 時間: 13-4-7 01:53 AM

霉乂男發表於 13-4-7 01:39 AM
朋友拉朋友吧。

但話說咁講法唔係好吉利。

facebook群都可以

作者: 霉乂男 時間: 13-4-7 02:24 AM

地上之龍發表於 13-4-7 01:48 AM
可以先開一個子分版
(假設)真係港服汁笠
可以將子分版連內含既POST

唔得吧，哩個FEZ版其實係「遊戲橘子」所屬既FEZ版，
日服既事宜都係公會果邊傾比較好。

而且果邊因為無實際管理，比較自由同方便。

作者: 風雨霜雪 時間: 13-4-7 02:27 AM

支持，見到有post講日服斷線，真係唔知關港服咩事……

作者: 火狼cool 時間: 13-4-7 02:32 AM

同意...係甘開貼話轉日服,睇到都覺得不安x_x
比個版佢地傾啦=[, d 新手一見到呢個版甘多轉服del a/c貼
第一個感覺一定唔好, 負面....或者直接唔玩港服走去日服

作者: 唔知呀你呢? 時間: 13-4-7 07:15 AM

[淫] - 傾淫計請進

作者: 刻之未裔 時間: 13-4-7 07:18 AM

同意,分個新位比日版會有條理D

作者: fiy 時間: 13-4-7 09:47 AM

本帖最後由 fiy 於 13-4-7 09:50 AM 編輯

主玩gw2
而家對fez無愛無性趣
已經好多日無開黎玩了

--------------------------------------
入返正題

係fez開個子版比日服is ok
但考慮到hkfez收左皮之後既話
就公會果度開啦

作者: 希0_0 時間: 13-4-7 02:47 PM

不贊成
原因:麻煩

作者: 7B! 時間: 13-4-7 02:56 PM

霉乂男發表於 13-4-7 01:17 AM
所以日服ＰＯＳＴ我不嬲都無理（其實你咩都無理）。

好老豆有心留係港服一定會留
有心去日服阻都阻吾到
我教過好多人去日服玩
但真係好多都玩一排就冇再玩日服返返去港服
所以我覺得日服只係一個渡假營

作者: 原來係咁既 時間: 13-4-7 02:57 PM

支持，果d轉服post真係望到把鬼火
佢轉服關我地咩事，使唔使今早食咩早餐都同我地講
希望可以有個版比果班人圍內傾

作者: jccy1101 時間: 13-4-7 03:06 PM

遊戲資料
營運公司：Gamania 遊戲橘子
官方網站：按此進入
營運模式：免費
可用點卡：Gash
遊戲類型：角色扮演
遊戲風格：寫實,3D,
遊戲下載：按此進入
公測時間：2008-07-03 封測時間：2008-06-05

所以呢個版係for香港既FEZ?

作者: 傻x薇薇 時間: 13-4-7 06:01 PM

一齊搵新GAME轉都好
BTW VPN日服就算了/_>\
慳錢

作者: judas2000 時間: 13-4-7 06:23 PM

拉哂我地入霉男坊米算

作者: 霉乂男 時間: 13-4-8 12:29 PM

jccy1101 發表於 13-4-7 03:06 PM
遊戲資料
營運公司：Gamania 遊戲橘子
官方網站：按此進入

無錯,哩個版的確係比港服FEZ既。

作者: 水錢 時間: 13-4-8 01:16 PM

間接宣傳妹妹坊

作者: 花濺淚v3v 時間: 13-4-8 04:13 PM

霉乂男發表於 13-4-7 02:24 AM
唔得吧，哩個FEZ版其實係「遊戲橘子」所屬既FEZ版，
日服既事宜都係公會果邊傾比較好。

橘子要執FEZ?

作者: 霉乂男 時間: 13-4-8 04:20 PM

NO,只係日版既野另外搵地方集中講會比較好。

作者: dragonskite 時間: 13-4-8 05:37 PM

真心一問，如果真係出左個fez頻，而爛橙又做唔落，又咁抵死又無人搞私服，

到時本地既大人物無衝突，無曬花生俾花生友，

淨係得日服既朋友係到講呢講路話斷線，三日唔埋兩日就出如何轉日服同埋抽爛橙水話日服幾令人羨慕（妒忌）

，
我同你會唔會咁硬膠因為以前相識日日上2KFUN博自己傷心??

俾我：即閃

作者: 唔知呀你呢? 時間: 13-4-8 05:48 PM

本帖最後由唔知呀你呢? 於 13-4-8 06:55 PM 編輯

霉乂男發表於 13-4-8 04:20 PM
NO,只係日版既野另外搵地方集中講會比較好。

點解扣我分

作者: 霉乂男 時間: 13-4-8 06:43 PM

dragonskite 發表於 13-4-8 05:37 PM
真心一問，如果真係出左個fez頻，而爛橙又做唔落，又咁抵死又無人搞私服，
到時本地既大人物無 ...

你又岩wo

作者: 唔知呀你呢? 時間: 13-4-8 06:52 PM

本帖最後由唔知呀你呢? 於 13-4-8 06:52 PM 編輯

霉乂男發表於 13-4-8 06:43 PM
你又岩wo

反白有字

作者: 霉乂男 時間: 13-4-8 06:55 PM

唔知呀你呢? 發表於 13-4-8 06:52 PM
反白有字

你唔講真係唔覺

好啦取消左，下次儘量唔好咁反白，
反正光明正大插班人無咩所謂。

作者: 火狼cool 時間: 13-4-8 11:09 PM

本帖最後由火狼cool 於 13-4-8 11:10 PM 編輯

版主要開好快d 開..愈來愈多日服實況....

我開多左post 都頂唔住

作者: 箭厥乂戰魂 時間: 13-4-9 12:43 AM

連你呢位大哥都講出呢番說話!

作者: 醉孃 時間: 13-4-9 01:18 PM

開日服子板啦..岩岩FOX問港服做咩匯入唔到GASH GAME AC
成班人淨係識一味玩日服玩日服
我自己都有玩過日服但係成班人係咁LOOP真係好煩sor
人地有需要vpn 你地答同埋vpn link係ok
問題係而家人地問緊港服野你都係加把咀埋黎
真係好反感 SOR

作者: 風雨霜雪 時間: 13-4-9 01:39 PM

醉孃發表於 13-4-9 01:18 PM
開日服子板啦..岩岩FOX問港服做咩匯入唔到GASH GAME AC
成班人淨係識一味玩日服玩日服
我自己都有玩過日服 ...

佢地成班圍位喂係到自high= =
我真係睇佢地玩日服玩得幾耐~~~XD

作者: ８千流 時間: 13-4-9 01:42 PM

醉孃發表於 13-4-9 01:18 PM
開日服子板啦..岩岩FOX問港服做咩匯入唔到GASH GAME AC
成班人淨係識一味玩日服玩日服
我自己都有玩過日服 ...

我都覺
呢個版明明係比人傾HK FEZ既野
但總係有D人會開JP FEZ既POST/實況

作者: 7B! 時間: 13-4-9 02:04 PM

回覆風雨霜雪的帖子

起碼吾會早過HK執.

事實往往係殘酷

作者: 醉孃 時間: 13-4-9 02:25 PM

風雨霜雪發表於 13-4-9 01:39 PM
佢地成班圍位喂係到自high= =
我真係睇佢地玩日服玩得幾耐~~~XD

圍內自high無問題
但係人地講緊港服你又無啦啦插把口loop日服野
想點先?

作者: 風雨霜雪 時間: 13-4-9 02:45 PM

7B! 發表於 13-4-9 02:04 PM
回覆風雨霜雪的帖子

起碼吾會早過HK執.

咁一定~
我話玩得幾耐係佢地自己有心機玩幾耐，
幾多人轉過日服，但長玩ge好少。

作者: ~寧~ 時間: 13-4-9 02:50 PM

唔係幫爛橙講說話
話晒呢到都係HK FEZ既集中地
強力建議開返日服子板俾佢地集中傾,話晒2邊傾既野都唔同

作者: 技能大師 時間: 13-4-9 02:59 PM

開過子版比日服最好support

作者: 7B! 時間: 13-4-9 03:01 PM

風雨霜雪發表於 13-4-9 02:45 PM
咁一定~
我話玩得幾耐係佢地自己有心機玩幾耐，
幾多人轉過日服，但長玩ge好少。 ...

今次佢地硬直得好勁

原因吾多講

港服繼續努力

維護完未??))))

作者: 地上之龍 時間: 13-4-9 04:13 PM

簡簡單單開個子版算啦
少D爭辯
好鬼煩
想留咪留, 想過咪過

作者: ericlok 時間: 13-4-9 05:00 PM

順帶一提
麻煩版主係主頁banner 加返條官網Link /_>\

作者: 上海． 時間: 13-4-9 08:09 PM

ericlok 發表於 13-4-9 05:00 PM
順帶一提
麻煩版主係主頁banner 加返條官網Link /_>\

主頁banner已補回連結
按banner即可進入官網

作者: 火狼cool 時間: 13-4-10 12:58 AM

7B! 發表於 13-4-9 03:01 PM
今次佢地硬直得好勁
原因吾多講

有部份人兩邊玩..我個團d人係甘
得兩個係長過日版
btw 可能仲會多多兩個
事因日服佢地要狂刷星戒
港服今個星期無活動
佢地應該都係玩住日服先.__.
前排waiting d人可能真係覺得煩掛
但之前惠惠子加埋換書活動, 真係做得好好
waiting 問題得一兩日係真係要入好多次先得
我自己就重開四五六次就ok..十分鍾之內一定入得番去

作者: 7B! 時間: 13-4-10 01:04 AM

火狼cool 發表於 13-4-10 12:58 AM
有部份人兩邊玩..我個團d人係甘
得兩個係長過日版
btw 可能仲會多多兩個

玩日服都2年幾..
但港服有活動/平時有時間都會上去玩
依家陪人玩/人地陪我玩多

作者: 火狼cool 時間: 13-4-10 01:10 AM

7B! 發表於 13-4-10 01:04 AM
玩日服都2年幾..
但港服有活動/平時有時間都會上去玩
依家陪人玩/人地陪我玩多 ...

我自己就唔過日服啦, 要升過lv
又要刷星戒.....買裝,買石,買水
唔係多時間真係頂唔順

我都係得閒上下港服就算, 戰場多同少對我無咩分別
日服我覺得最好就係多任務戰, 依家港服任務戰真係少
我自己好鍾意打任務=]

fez 都係有朋友一齊打先正, 單機真係悶到死
好彩我個團一至日都有唔少人上

訓先..聽日再上=]

作者: hanonkakai 時間: 13-4-10 01:26 AM

火狼cool 發表於 13-4-10 01:10 AM
我自己就唔過日服啦, 要升過lv
又要刷星戒.....買裝,買石,買水
唔係多時間真係頂唔順

其實日本人唔多鐘意任務
我自己都唔鐘意
所以任務戰其實唔多....

有雙星例外

作者: WinG﹏榮。 時間: 13-4-10 01:35 AM

你地玩日服有冇轉unicode

我唔轉會彈game

但又要轉番香港之後重新開機先玩到港服

所以懶得轉就冇on港服

作者: hanonkakai 時間: 13-4-10 01:59 AM

本帖最後由 hanonkakai 於 13-4-10 02:07 AM 編輯

風雨霜雪發表於 13-4-9 01:39 PM
佢地成班圍位喂係到自high= =
我真係睇佢地玩日服玩得幾耐~~~XD

見到D人講到玩日服好似得抽裝奶mon咁
我覺得好好笑

一黎日服D國戰點睇都好玩D緊張D啦下話

二黎笑料八掛永遠唔會得雷神一單
http://www54.atwiki.jp/fezishuld/
http://www49.atwiki.jp/fez_kether/
識睇不知幾多笑料，想討論去2ch大把post

三黎其實抽輪盤，見到中獎個下最開心，著上身不外如事
可能玩左3年中過6、70套裝以上，咩都見過麻木啦
都係果句，小夜曲我一抽到就回左，我都唔明呢度D人點解要cap圖當寶咁
最緊係要有新活動有新裝可以打比D Fd吹下水
又可以恥笑哀歌果D人600抽先中第一套戰士

四黎我地成班10年過到去玩到而家，雖然都唔係日日上啦
其實我又唔明咩叫圍內自High
過到又唔係識唔到日本Fd，而家講埋去東京旅行，會約出黎玩啦
當然台灣/香港同胞都撞到唔少既，咁岩係香港玩家既咪約出黎食放題囉
都出左黎玩幾次lu

重點：
我都唔想講咁多，不過見到D唔鐘意日服Post又鬼禁留意
然後自己又禁入去睇，好似有無形既手逼既
睇完又要講D廢話，咁我當然要回應下

我地成班過到去好好，迎接緊第四年啦
過去玩既判斷都好正確，有好既國戰，有消費有回報
最重要係我地有玩既，成班得閒就會出黎食野唱K，關係維持得好好(多謝RC)
所以唔係過到去日服就無朋友要單機，係你本身就無朋友亦都唔識識朋友 Thank you

仲有就係其實我一直唔覺得呢度只係For 討論HK Ser
只係一個官方認可既討論區
最少你進板團左下角Logo已經係Gamepot

我就唔會拉人唔識既人過檔，亦都唔會教人買VPN
港服既朋友你地就加油留人啦

作者: 醉孃 時間: 13-4-10 02:10 AM

本帖最後由醉孃於 13-4-10 02:14 AM 編輯

大家中意玩咩SER咪咩SER 分番開都無問題嫁
問題係我講港服野班日服能係咁話港服垃圾轉日服
比你見到想點先

開板唔係為左淨係方便你地識朋友又盛果D
同時都係還番一個乾淨既地方比港服能

以前我都係日服課金抽裝但係頂唔順同人溝通唔到
攪到無咩動力打囉

作者: 風雨霜雪 時間: 13-4-10 02:17 AM

hanonkakai 發表於 13-4-10 01:59 AM
見到D人講到玩日服好似得抽裝奶mon咁
我覺得好好笑

所以就係去日服ge人當中，
有幾多人好似你咁識睇日文、真係睇個國戰而唔係裝、真係溶入到個環境~
而唔係都仲係食住港服花生開日服活動post。

圍位喂係講緊哩排先轉果堆，而唔係你哩啲老玩家，
你成功溶入，我俾個手指公

你，
但唔代表其他人都係咁，我都有轉過日服，你玩日服咁耐，應該清楚過我。

作者: hanonkakai 時間: 13-4-10 02:40 AM

風雨霜雪發表於 13-4-10 02:17 AM
所以就係去日服ge人當中，
有幾多人好似你咁識睇日文、真係睇個國戰而唔係裝、真係溶入到個環境~
而唔係 ...

本來我都覺得唔需要特登開個區

而家我十分認同好似巴哈咁開個海專區了

作者: 霉乂男 時間: 13-4-10 12:28 PM

收集各位意見之後似乎都係覺得子版優先，
所以今日會向上層提出開海外子版建議，
如果開唔成再考慮公會區開版吧。

作者: Ｍi1ｋiｉ奶孑 時間: 13-4-11 09:27 PM

表示FEZ真係好多回憶
好多膠友

作者: 三爪痕 時間: 13-4-13 02:03 PM

講到日服問題

我向左走向右走都係解決唔到個client crash問題

作者: 利綾 時間: 13-4-14 10:23 AM

~寧~ 發表於 13-4-7 01:34 AM
不如開個whatsapp群或者line 群組
萬一隻game收左皮,我想唔係人人都會上2KF

簽名圖-W-/好閃啊啊啊啊~~~

作者: 技能大師 時間: 13-4-15 01:37 PM

今日膠左未:0)

作者: 仙人SH 時間: 13-4-15 04:12 PM

説好的子版呢?
雖然我無想聚舊ge人.

作者: 霉乂男 時間: 13-4-15 11:15 PM

仙人SH 發表於 13-4-15 04:12 PM
説好的子版呢?
雖然我無想聚舊ge人.

上頭未有回覆，
睇黎都係要開響公會區。

歡迎光臨 2000FUN論壇 (https://www.2000fun.com/)