2000FUN論壇

標題: 十年回憶，再次退童，各位再見 [打印本頁]

作者: 皇家乂天樂思 時間: 13-4-22 05:49 AM 標題: 十年回憶，再次退童，各位再見

本帖最後由皇家乂天樂思於 13-4-22 05:51 AM 編輯

首先強調，並非抱怨，純粹88文

十年前既回憶....我真係有資格講十年前，因為真係公測開始玩，....

玩到大約出左迷裝就無玩，以前玩得好開心，而家玩得好緊迫好急咁，以前無計劃無追求無目的，真係玩得開心好多

而家成日會諗幾時可以2轉，仲差幾多可因先夠買50力玩具，仲差幾多敏先可以快過b23既王之類...

最主要係呢次重新玩，由一開始果一刻，已經知道玩唔長，因為我工作實在太忙太忙太忙....只係想隨便回憶下，但無諗到一玩玩咁長，咁長? 講真以前玩童話...玩下退下5年都唔覺耐，當年果種心情而家真係無可能再有，當年甚至會天真到認為自己可能一世都會係金銀城做買賣，果陣根本唔認為返學同考試係重要，只知雙經係最需要準備！不過都無後悔過既=]

我又係一個極為投入既人，呢次玩仲多左個朋友陪我一齊玩，佢本身無玩過既，所以2條友先可以一齊玩咁多人物哈哈

識我既朋友，再見啦！

多謝果位帶我升lv既死肥仔呀@@佢自己唔玩都唔話我知！

多謝最近過我知要參加小說比賽既朋友！

多謝哂陪傲雲升過lv既朋友！

多謝哂同終極商人交易/訂貨既朋友！

多謝哂係情緣店舖買野買MP既朋友！

重玩既呢次之前無玩果幾年，都經常性會掛住呢隻game，呢次終於重新玩左，做左好多想做既野，以前我未捉過寵...呢次主力玩幻獸師，以前未玩過戰士，呢次玩劍同斧

以前次次上23都唔記路，呢次自己終於學識點行上去

我係呢個ser一開始玩既人係刀手叫樂乂狂，後來好快轉左隻幻獸師，叫傲雲，後來已經轉玩劍，我朋友轉玩斧=] 不過相信唯一識少少朋友既只有傲雲

我以前玩free ser係玩睡ser，我主要玩既人係樂乂武 , 天樂思，點解呢個都講埋，因為以後都應該唔會再玩啦，乜ser都唔會啦

唔係因為隻game唔好，因為我太愛隻game，太投入，生活工作都亂哂，訓醒第一秒就想知檔口清左幾多貨、MP出成點、礦、木、草又採成點，實在太影響到我個人生活中既一切，所以我決定左既然以前遺憾想做既野呢次都做哂，咁.......

各位再見啦！！！二樓送上一張真心童話玩家既相片！

戰鬥系合照

力商人合照

幸商及買賣佬合照

動畫版^_^

圖片附件: 201349155630.jpg (13-4-22 05:19 AM, 67.71 KB) / 下載次數 74
https://www.2000fun.com/forum.php?mod=attachment&aid=NjUwNDEzfGE1MjdlYWEzfDE3Nzg2NjExNDF8MA%3D%3D

圖片附件: 201349155633.jpg (13-4-22 05:19 AM, 68.68 KB) / 下載次數 65
https://www.2000fun.com/forum.php?mod=attachment&aid=NjUwNDE2fDljODVlYjgyfDE3Nzg2NjExNDF8MA%3D%3D

圖片附件: 201349155635.jpg (13-4-22 05:19 AM, 69.19 KB) / 下載次數 61
https://www.2000fun.com/forum.php?mod=attachment&aid=NjUwNDE5fGE2MzAyOTczfDE3Nzg2NjExNDF8MA%3D%3D

作者: 皇家乂天樂思 時間: 13-4-22 05:53 AM

本帖最後由皇家乂天樂思於 13-4-22 05:56 AM 編輯

一個專業既童話玩家，為雙經前既準備

大家睇唔睇到乜?
各類飲品、杯麵、計數機(資深玩家應該都知成日要計野...由其掛技)、後備滑鼠、後備電池、N個電話做聯絡(哈哈唔知聯絡乜野)...

重點係時間係上午未夠10點，正在準備一陣10點既雙經，仲係天空屈緊技a_a哈哈

遠離童話...啊唔係.... 遠離好玩既ONLINE GAME，會身體健康長命百歲{:qq48:}

圖片附件: IMG_0339.JPG (13-4-22 05:55 AM, 228.31 KB) / 下載次數 64
https://www.2000fun.com/forum.php?mod=attachment&aid=NjUwNDM3fGYxMzJlOWUxfDE3Nzg2NjExNDF8MA%3D%3D

作者: 幻之天闇 時間: 13-4-22 08:54 PM

皇家乂天樂思發表於 13-4-22 05:53 AM
一個專業既童話玩家，為雙經前既準備

大家睇唔睇到乜?

諗起以前玩真係幾辛苦, 雙經前要買定d咩, 未帶到自己升之前仲要搵定人帶, 唔熟又驚甩底, 跟住果幾粒鐘都冇得休息, 驚死會蝕, e家諗番起真係...

作者: dreamas 時間: 13-5-30 02:57 AM

以前我都係咁

作者: ZeRO影 時間: 13-5-31 05:23 PM

我都係係童話公測既時候開始玩,玩下退下,都依然好有感情,轉眼間,就算而家退出了,都仍然偶然會想上去睇下:)
或者,童話真係比左個很美好既童年我,哈

歡迎光臨 2000FUN論壇 (https://www.2000fun.com/)