2000FUN論壇

標題: 一代名將都會做這種行為~~ [打印本頁]

作者: manbo14 時間: 13-6-12 02:53 AM 標題: 一代名將都會做這種行為~~

本帖最後由 manbo14 於 13-6-12 03:02 AM 編輯

其實我對一代名將D人的感覺係唔錯..佢地D人都唔會似住自己幫會實力勁而去生事..所以我好欣賞佢地~~~由其有一日孫武出左張英雄貼..内容大至上係話(唔好怪我地以大欺小)..可能對方唔知做過D咩事..但我睇到張貼那一刻的感覺就係果然有大將之風..可惜就係佢地想打的幫地俾人截胡..幫主趙暈發脾氣就帶同會員連洗2晚人地幫地..這種行為可來叫一代名將..趙暈心胸太窄了..江湖事江湖了..你個會咁有實力甚至可以超越神判..唔需要做埋哩D行為呀..堂堂正正打番個幫地返黎WIN得漂亮咪得..唔需要做埋D洗幫地咁GA行為啊..唔係怪小朋友截你胡呀??你要知道大家都係投標姐..LOSE左俾人無得怪人..

作者: athena6227 時間: 13-6-12 03:41 AM

… 洗幫地有咩咁「這種」行為=.=

作者: 難j@0@ 時間: 13-6-12 04:02 AM

原來開追殺令同洗人幫地 = 發脾氣同「這種行為」

作者: 尉遲無缺 時間: 13-6-12 05:39 AM

我其實唔明洗幫地其實係一種咩行為= =?

作者: iamseanan 時間: 13-6-12 08:44 AM

戇鳩
"江湖事江湖了", 而家人地咪同你江湖了囉
全SER邊個唔知英雄堂塊地比一代MARK左,打左咁多日
食得咸魚抵得渴冇咁既屎忽就唔好食咁既瀉藥
截得糊既, 即係高姿態話比人知做架兩
又唔係玩BUG, 爆AC
全面開戰既話清你幫地劫你鏢有咩問題
利申:烏拉拉

作者: LF_KiLLer 時間: 13-6-12 09:19 AM

又2000fun== 咁不如我係到講多次我已經密左趙暈塊地我等你地黎拎要打隨便你~~只係希望唔好有咀炮呢個po絕對唔係講武開==

作者: LF_KiLLer 時間: 13-6-12 09:56 AM

iamseanan 發表於 2013-6-12 08:44
戇鳩
"江湖事江湖了", 而家人地咪同你江湖了囉
全SER邊個唔知英雄堂塊地比一代MARK左,打左咁多日
食得咸魚 ...

答反你我無咁大個屎忽但係我有咁既幫會資金幫戰就係咁鬥智鬥力打我唔夠你地打宣地我係用正當手法去宣贏你孫武講過 (純粹想打幫戰唔係敵對) 你地用你地既方法去攻地我地用我地既方法唔比塊地出黎就係咁簡單

作者: LF_KiLLer 時間: 13-6-12 10:01 AM

manbo14 發表於 2013-6-12 02:53
其實我對一代名將D人的感覺係唔錯..佢地D人都唔會似住自己幫會實力勁而去生事..所以我好欣賞佢地~~~由其有 ...

唔知你咩人希望唔係有人想拉籠新勢力走黎開post挑撥....每次都有啲咁既野去增加仇恨...希望我諗多左啦真心果句大家打機求開心 ...要打我講武既咪黎囉次次都舞龍舞獅搞咁7多野大家都成年人架啦下嘛

作者: manbo14 時間: 13-6-12 10:21 AM

本帖最後由 manbo14 於 13-6-12 10:32 AM 編輯

iamseanan 發表於 13-6-12 08:44 AM
戇鳩
"江湖事江湖了", 而家人地咪同你江湖了囉
全SER邊個唔知英雄堂塊地比一代MARK左,打左咁多日

你訓醒未呀烏拉拉.....卡拉OK呀?MAKE左女就係你老婆呀?唔係投標黎做咩?MAKE左就係呀?你可以180錠投標..人地都可以GA姐....公平投標無問題呀

作者: manbo14 時間: 13-6-12 10:31 AM

難j@0@ 發表於 13-6-12 04:02 AM
原來開追殺令同洗人幫地 = 發脾氣同「這種行為」

要打就街打..洗人幫地就係低等行為...仲有以我所知....第一日係洗洗下先開追殺令...昨晚係完全無開追殺令的

作者: iamsnoopy 時間: 13-6-12 10:31 AM 標題: 澄清post來源

我本人是講武高層其中一位，黎個post來源，盡對唔係由本幫會所發出，唔該。game入面打交又好點都好。唔該。唔好搞小動作，好嗎?我本人極度討厭拎個討論區發表罵戰。希望大家了解。謝謝。感恩。

作者: iamseanan 時間: 13-6-12 10:43 AM

manbo14 發表於 13-6-12 10:21 AM
你訓醒未呀烏拉拉.....卡拉OK呀?MAKE左女就係你老婆呀?唔係投標黎做咩?MAKE左就係呀?你可以180錠投標..人 ...

字都未識串就讀多兩年書先啦幼稚園都識串既字你都串錯真係笑出黎
入返正題
你由頭到尾講野根本就係自相矛盾
江湖事江湖了講到幾瀟灑
跟住又喊晒口話人洗你地殺你D人
洗地就係低下行為係閣下自己定義既
自己檢討下自己拎住咩價值觀審視人同審視自己啦好心
仲係度獻世

每件事都有佢既代價
自己參透下啦

作者: 卓大濕 時間: 13-6-12 10:49 AM

我可以理解既洗幫地就係"有敵意既攻擊"除左咁樣仲有咩特別?

作者: manbo14 時間: 13-6-12 10:55 AM

iamseanan 發表於 13-6-12 10:43 AM
字都未識串就讀多兩年書先啦幼稚園都識串既字你都串錯真係笑出黎
入返正題
你由頭到尾講野根本就係自相 ...

咁你拎咩價值觀呢?公平投標正確呀....你投唔到唔好話人搶地..你出得錢..人地都出得..係邊到LOSE(投標)咪係邊到WIN 咯..唔洗做埋D咁GA野咯

作者: 123451 時間: 13-6-12 10:56 AM

LF_KiLLer 發表於 13-6-12 09:19 AM
又2000fun== 咁不如我係到講多次我已經密左趙暈塊地我等你地黎拎要打隨便你~~只係希望唔好有咀炮 ...

即係依家講武200錠拎塊地豪比趙暈

作者: princealvin0623 時間: 13-6-12 10:56 AM

其實當每個人/幫會就算以前幾好，當有實力或權力既時候就會去做滿足自己既事，樓主你心中既名將可能係好正義好正氣，可能過往趙暈都不太理江湖事不太欺凌弱小，但依家人地有能力去攻幫地當然用所有手段，只要唔係用bug，那怕開紅都唔係犯法，利用九陰遊戲系統，人地都係比錢打機，唔通日日企蘇州門口教新手，教人切磋先叫好人？咁我打機為咩？打機殺人無話咩衰唔衰，狗唔狗，呃裝呃錢爆ac呢d先叫衰

作者: iamseanan 時間: 13-6-12 11:04 AM

manbo14 發表於 13-6-12 10:55 AM
咁你拎咩價值觀呢?公平投標正確呀....你投唔到唔好話人搶地..你出得錢..人地都出得..係邊到LOSE(投標)咪 ...

你真係...果然人蠢係冇藥醫
咁而家佢地出左錢, 放埋話歡迎打地係咪要成全佢呀
全面開戰係唔係包括殺敵幫呀
咁清幫地殺敵幫有乜野問題呀
有乜野咁低下呀
起身未呀你

作者: iamseanan 時間: 13-6-12 11:06 AM

123451 發表於 13-6-12 10:56 AM
即係依家講武200錠拎塊地豪比趙暈

佢既意思係歡迎挑機
唔係送塊地出黎

作者: chilamau 時間: 13-6-12 11:08 AM

一句講晒，有能者居之，我英雄帖都出過。
你用正常方法去投標，我亦用遊戲玩法，殺人，有咩唔岩?
唔夠人打，咪UPGRADE自己囉，唔係抱怨，打機同做人一樣要進步。
我地幫會人又唔多，集人都係1.5~2隊咋。就算你講既清地殺人，我地都係自己幫會人黎打敵對方幫會。
其實我地都係細幫會姐，唔好講到我地好似神咁- -

作者: 123451 時間: 13-6-12 11:46 AM

iamseanan 發表於 13-6-12 11:06 AM
佢既意思係歡迎挑機
唔係送塊地出黎

1999咁睇死人

作者: 無名小卒~~ 時間: 13-6-12 11:54 AM

iamseanan 發表於 13-6-12 08:44 AM
戇鳩
"江湖事江湖了", 而家人地咪同你江湖了囉
全SER邊個唔知英雄堂塊地比一代MARK左,打左咁多日

你地打左有幾多日

聽講係你地插隻腳入黎想拎塊地,跟住神判無雙先讓塊地比你地

作者: LF_KiLLer 時間: 13-6-12 12:46 PM

123451 發表於 2013-6-12 10:56
即係依家講武200錠拎塊地豪比趙暈

你玩過宣戰未？

作者: LF_KiLLer 時間: 13-6-12 12:52 PM

一句講哂要地就黎攻我對一代絕無惡意打機既野我地講武求刺激加上趙暈話唔打到我講武解幫就唔叫趙暈 ....咁就睇下趙暈改名先定我講武解幫先 (趙暈到而家都係我偶像>< 打機千其唔好傷和氣)

作者: 123451 時間: 13-6-12 12:56 PM

本帖最後由 123451 於 13-6-12 12:57 PM 編輯

LF_KiLLer 發表於 13-6-12 12:46 PM
你玩過宣戰未？

我已經密左趙暈塊地我等你地黎拎

我冇on game幾日,我都係照字面解姐我爬文見你200錠尾刀左
關我玩過宣戰未咩事呢?

利申:駛乜理你

作者: 卓大濕 時間: 13-6-12 02:52 PM

暈哥咁辛苦打咁耐比你地尾刀仲咁多野解釋,尾刀就係尾刀,極為唔厚道

作者: jericho_lau 時間: 13-6-12 03:37 PM

本帖最後由 jericho_lau 於 13-6-12 03:38 PM 編輯

江湖就係江湖, 想做乜就做乜, 有能力做乜都得, 咩野叫呢種行為, 你太幼稚, 你以為係現代?香港? 就算係香港, 連特首都可以擺明講大話做狗官都冇事, 有乜野係吾得?

因為D咁0既小事就黎開個POST去嘈吠巴閉? 小朋友, 成長啦.

作者: ex625123 時間: 13-6-12 08:52 PM

希望你地.可以奇遇多D收多幾本RJ嘅開太極黎打我地喇.得果3層咪拎出黎笑喇.@_@

作者: 九陰孫武 時間: 13-6-12 09:17 PM

每做一件事都會有佢既代價. 宣200錠既決定就應該係要建立係可以應付對方一切手段既信心上.

你地比人打到塊幫地落黎既時候比200錠保同盟塊地落黎.

就預左會比人洗地, 劫鏢, 周街殺你地幫會既人, 奪書被追殺.

因為你地200錠搶地既行為係話比我地聽, 講武堂係敵幫.

我的確係想同英雄堂打幫會戰, 守唔到係實力不足, 幫地係有能者居之, 打死無怨.

如果你地認為200錠搶地重升係鬥智鬥力, 係幫會戰既一部份.

甘我地亦會認為劫鏢減少你地既幫會資金, 洗地/周街殺你地既人/奪書追殺你地既人以減低你地幫會既戰力都係幫會戰既一部份.

所以其實無必要出呢個post. 你地係放200錠搶地前唔會無諗過會發展成而家甘樣吧.

作者: 雞蛋仔 時間: 13-6-12 10:03 PM

本帖最後由雞蛋仔於 13-6-12 10:05 PM 編輯

本身一開始覺得一代名將好多勁人會好強
但因為一塊地奪唔到係咁開追殺又話要打到人滅幫
感覺上無咩大將風範
閻皇居都係咁本身惡人谷幫塊地其他幫投開來打點知最後果下比閻皇居聽講200幾錠最後果下投返來
而本身英雄堂塊地係比神判同無雙打緊
但聽人講話一代名將幫主話要打到人滅幫就口氣大左的
同埋好似過份左打機姐奪唔到呢塊咪奪第二塊或者打落去打到奪到為止洗唔洗要打到人為滅幫咁- -

作者: parkshan36 時間: 13-6-12 10:36 PM

樓主，江湖事江湖了就咪post 上黎啦，想江湖事論壇了?

作者: 123451 時間: 13-6-13 01:25 AM

雞蛋仔發表於 13-6-12 10:03 PM
本身一開始覺得一代名將好多勁人會好強
但因為一塊地奪唔到係咁開追殺又話要打到人滅幫
感覺上無咩大將風 ...

惡人谷果塊係124錠
神判果日出100錠

作者: mckankitilu 時間: 13-6-13 01:48 AM

本帖最後由 mckankitilu 於 13-6-13 05:27 AM 編輯

未知樓主係講武堂既邊位
定係有d人想扮講武堂既人開post

不過要講既話我都好多野講
果日一代落左幾多錢?300兩
之後話人用200錠搶尾刀,又乜又物
就算我地唔出200錠,都唔會輪到你地拎到塊地.因為你地只出得300兩
第2位係176錠既無雙
如果係無雙投到,唔知你地會唔會又話176錠既搶地行為?
宣戰競標係公平競爭,邊個投得錢多,咪邊個lor
既然如烏拉拉先生咁講一代名將mark左好多日,點解只出得300兩?
唔係認該好似魅惑嶺咁3X錠完又12X錠咩

責任係邊?搶地?自己諗,明眼人一清二楚

至於子霖你話你地係細幫會..我又真係唔覺..
我記得孫武係"呢件事件發生之前"開過英雄貼講句..
"XXXXXXXXX(唔記得內容).唔好怪我地以大欺小.."不知幾有霸氣
事後趙暈果句唔打到我地解幫唔叫趙暈...我嚇到瀨尿添

利申:油太

作者: aa027047 時間: 13-6-13 02:48 AM

第1.當初一代名將開幫時感覺唔錯良好~直到有一日話要滅人幫~~
第2.一代名將幫主趙暈~無錯.你依家係勁.有倚天劍.咁但係未至於咁大口氣掛~
第3.你宣我地塊地我地盡能力去守塊地無錯嫁w0.做咩又要追殺令?
第4.我地有付出去儲幫會資金~我地就可以洗出黎~
第5.就算200錠拎黎尾刀又如何?當初你地打得塊地.你地應該有心理準備比人尾刀掛~
真心個句~我就唔開名喇"你要地姐~無必要出口講到滅唔到講武就唔叫趙暈.仲細?

作者: 迪路. 時間: 13-6-13 06:15 AM

一代名將！！！！boboboy!!!

作者: 九陰孫武 時間: 13-6-13 09:42 AM

回覆 mckankitilu 的帖子

你既comment 意思係唔係200錠尾刀搶地責任唔係講武身上.

首先, 其實我個人好欣賞你地200錠保同盟幫地, 講武堂的確堅實履行左一個同盟幫既責任.

但係, 唔代表你地對同盟履行責任既同時, 唔洗背負200錠搶地既後果.

背負200錠搶地既後果,係你地作出對同盟履行責任既決定時應該考慮既因素之一.

而唔係一時意氣, 唔係而家出2個英雄貼, 出個2K FUN POST 加 2個責任論comments 就覺得可以令對方收手.

此外, 本幫既外交政策同宣戰方針亦無必要公開同向你解釋, 只有一句: 你唔宣200錠塊幫地會係我地的.

最後, 本幫會成立時間短, 人數亦唔係多, 仲係係發展階段.

比起好多幫會來講仲係有所不足. 所以子霖講既都無錯.

但係我出既英雄貼都無錯. 因為... 點解你地要逼我地以大欺小?

作者: manbo14 時間: 13-6-13 10:22 AM

本帖最後由 manbo14 於 13-6-13 10:53 AM 編輯

尾唔尾刀無話GA.......你有心拎你出多D錢咯.....就算人地唔200錠....一代出幾多錢投呢個晚????(都未到你話事).........人地見無雙17X錠...唔想俾無雙拎唔得??....定係一代做左狗仔天GA狗....還是狗仔天E+有2個主人???狗仔天可以幫一代出錢.....人地都可以幫盟友.....有心拎地一代咪出得多過人咯.....人地以為無雙要17X錠...咁一代幾多呢?一代想要就要俾個信息人出錢出多D.................咩叫投標唔洗教下話

作者: realhmy 時間: 13-6-13 10:44 AM

做欄路狗就預左俾人打
講咁多廢話,
講經堂當仁不讓呀

作者: whitedino 時間: 13-6-13 11:01 AM

想拎地一個方法就打幫戰
開追殺清人可以扲到塊地咩?
點解係要e塊地呢?想扲返自己塊地還是睇過咁多幫地最好恰就係果幫會呀?
你地實力打塊塊地都扲到啦 ~
不如一句講哂我e加企係無雙果邊啦~

作者: iamKT 時間: 13-6-13 11:12 AM

講真本來對趙暈都幾有好感
平時統戰比人感覺都唔差
當初佢打到華山第一我同班fd都覺得係眾望所歸
點知呢件事佢既做法令人對佢大失所望
投標一向都係錢多話事
冇資金既咪運多d鏢
而家搶唔到地就係到輸打贏要
仲要兇晒人地對家條同盟線話邊個出手幫就打邊個
輸風度仲要輸人品, 對你好失望

魅惑嶺之前扮晒係中立幫~而家一痴埋邪教同一代名將就原形畢露

利申: 同盟線中一個幫會既小角色一名

作者: chilamau 時間: 13-6-13 11:58 AM

以大欺小，意思應該唔係指幫會規模，坦白說，本幫會資深玩家老手相對較多姐，大係指呢方面。

作者: 公孫千尋 時間: 13-6-13 12:16 PM

老實講上左敵幫唔通唔可以開追殺令?
你話我地連兩晚帶人洗幫地唔通上左敵幫都唔打得?
咁呢個系統拎黎做咩?
咁對敵幫開追殺令都有問題?
真心唔明洗幫地有問題嗎?
唔通拎200錠去宣完地唔洗有後果?
唔好話我地小氣上左敵幫就要打唔係浪費左個系統

作者: 卓大濕 時間: 13-6-13 12:24 PM

出200錠保同盟幫地好威,但係關人地打唔打你有乜關係?
唔明白點解截人尾胡比人追殺可以話人冇風度,你嬲就可以追殺敵幫,趙暈嬲就唔得既,雙重標準

作者: 聖庭 時間: 13-6-13 12:30 PM

用200D汁尾刀原來幾有風度...
你預左威就要有代價架啦
你幫人保地戈刻冇諗過後果?

作者: whitedino 時間: 13-6-13 12:40 PM

無雙排第2 百幾d
比無雙汁左會唔會 (敢) 講?
---->你預左威就要有代價架啦
你幫汁尾刀戈刻冇諗過後果?

作者: 聖庭 時間: 13-6-13 12:47 PM

whitedino 發表於 13-6-13 12:40 PM
無雙排第2 百幾d
比無雙汁左會唔會 (敢) 講?
---->你預左威就要有代價架啦

講到尾咪又係要威又俾人洗又話人冇風度
神又係你鬼又係你

回應番你問題先
有d野我唔需要講你知
無雙點解百幾D 自己用個腦諗一陣先再講出黎

作者: 趙暈 時間: 13-6-13 12:58 PM

本帖最後由趙暈於 13-6-13 12:59 PM 編輯

回覆 iamKT 的帖子

講真本來對趙暈都幾有好感 <--- 你只係全ser入面其中一個, 講出來有意思嗎?

平時統戰比人感覺都唔差 <--- 你講左個事實出來

當初佢打到華山第一我同班fd都覺得係眾望所歸 <--- 實力我有,都有加少少運氣

點知呢件事佢既做法令人對佢大失所望 <--- 我做左d咩? 攪你屋企人? 用game入面所有既預設正當方法清你地有問題? 定係你地知奶左野而家冇計發皮四上來2000fun 開post?

投標一向都係錢多話事冇資金既咪運多d鏢 <--- 你講少左樣野, 唔止運標, 劫敵幫標,每日定時清人,奪書開追殺令,都可以大大影響敵幫收入.

而家搶唔到地就係到輸打贏要 <--- 200錠尾刀做大哥, 我地一代名將好清楚收到你地既挑釁性行為.

仲要兇晒人地對家條同盟線話邊個出手幫就打邊個 <--- 我由第一日打英堂塊地已經講左邊個幫就打邊個, 要重複嗎?

輸風度仲要輸人品, 對你好失望 <--- 你有妄想症? 定係你講緊你自己輸?

澄清一下, 而家2條線還2條線. (一代名將+邪教+魅惑嶺) 係獨立的, 唔好混亂.
講武堂200錠買起左英雄堂,收哂英雄堂d人, 加油, 我祈望你地可以反擊, 而唔係做d弱者行為.

最後，講武堂，英雄堂，龍騰天下，見一個殺一個，不解釋．

利申：趙暈

作者: chilamau 時間: 13-6-13 01:02 PM

如果無雙打左果塊地，我地一樣會打。我地係唔屬於2條戰線既任何一方同盟。

我地只係一個剛成立既細幫會，保持中立。

作者: 無惰 時間: 13-6-13 01:32 PM

本帖最後由無惰於 13-6-13 01:35 PM 編輯

whitedino 發表於 13-6-13 11:01 AM
想拎地一個方法就打幫戰
開追殺清人可以扲到塊地咩?
點解係要e塊地呢?想扲返自己塊地還是睇過咁多幫地最好 ...

點解要問呢d問題咩點解係要e塊地.揀中呢塊就係呢塊架啦唔通我地揀左第2塊果塊地既幫員又問點解係e塊地?!
一代名將打幫地既選擇輪唔輪到你地過問?! 係無錯你地睇一代冇風度又大恰細. 換個角度你地又好有風度嗎. 上2000fun開post?! 唔該學下講武堂管理層既精神!講武堂絕對係講義氣為玩而玩既幫.佢地洗開post講呢d野?!我係講武堂學過更賤更乞人憎都有.唔好靜係話一代手段差! 仲有唔好問我點解唔返黎! 原因我一早同你地奧村龍丘解釋過n次無數次! 我由2月講到依家我想打你地某2個同盟好耐!! 依家有機會我仲要幫果2個所謂同盟?! 我已經講清楚我唔會開紅打講武堂只花生不動手..!唔該你地rc講清楚d! 唔好好似12號晚rc咁話我搵藉口打返你地..你地有人要抹黑我我一樣可以以其人之道還治其人之身

作者: mrtomriddle 時間: 13-6-13 01:47 PM

樓主註冊時間為13-6-12 02:17 AM
真係為左講武定係想挑釁?

利申: 講武SUMMER

作者: jim2007 時間: 13-6-13 01:51 PM

一切只為幫地,打到為止
利申:上官城

作者: chilamau 時間: 13-6-13 01:51 PM

SUMMER是誰@@

作者: 公孫千尋 時間: 13-6-13 02:09 PM

你地保一次我地打一次打到拎到為止就係咁簡單
最後，講武堂，英雄堂，龍騰天下，見一個殺一個，不解釋．我抄趙暈

作者: Nancy0119 時間: 13-6-13 02:15 PM

回覆公孫千尋的帖子

千尋收皮啦

作者: mrtomriddle 時間: 13-6-13 02:18 PM

chilamau 發表於 13-6-13 01:51 PM
SUMMER是誰@@

夏xxx天是也

作者: 公孫千尋 時間: 13-6-13 02:20 PM

Nancy0119 發表於 13-6-13 02:15 PM
回覆公孫千尋的帖子

千尋收皮啦

閣下有咩問題

作者: 星乄唯世 時間: 13-6-13 02:21 PM

本帖最後由星乄唯世於 13-6-13 02:23 PM 編輯

趙暈發表於 13-6-13 12:58 PM
回覆 iamKT 的帖子

講真本來對趙暈都幾有好感

你出300L ? 想投地?
如果300L投標係100%保證成功!
系統就唔洗SET做暗標啦!
300L過得到你,過唔過到其他幫?
300L呀,你估你出左300錠呀?
用下個腦啦,嘈淵巴閉,9之馬碌!
下次出多D錢先嘈,
300L(趙暈)VS 200錠(講武)
你嘈咩很野?

作者: 聖庭 時間: 13-6-13 02:24 PM

公孫千尋發表於 13-6-13 02:09 PM
你地保一次我地打一次打到拎到為止就係咁簡單
最後，講武堂，英雄堂，龍騰天下，見一個殺一個，不解釋． ...

PS你上線一陣就會知咩叫杯具架啦... 恥笑你

作者: 公孫千尋 時間: 13-6-13 02:25 PM

聖庭發表於 13-6-13 02:24 PM
PS你上線一陣就會知咩叫杯具架啦... 恥笑你

有人同我講左喇柒頭

作者: luntan1010 時間: 13-6-13 02:45 PM

而家登入ac果陣，系咪自由對戰按否都入到game，我試過好似唔得咖

作者: wiwyzz 時間: 13-6-13 03:25 PM

咁多人上線怕咩姐

作者: iamseanan 時間: 13-6-13 03:47 PM

星乄唯世發表於 13-6-13 02:21 PM
你出300L ? 想投地?
如果300L投標係100%保證成功!
系統就唔洗SET做暗標啦!

你真係ON9到出汁

作者: ngaingai456 時間: 13-6-14 02:47 PM

收皮拉烏拉拉佢一句話要就要？姐係隻 game佢大曬？之前明明有人話只要幫地唔開戰依家呢？大把人笑緊你地咋刷鞋嶺

作者: ngaingai456 時間: 13-6-14 03:17 PM

一代你地諗下自己同我講過咩先啦！口口聲聲話點點點依家咪又係小人當初講過你要地既話狗仔天一定吠住埋黎咁比你你自己扮有性格叫我地同盟唔好守嚇Q我d同盟但你真係估唔到我地係有情有義呢？

作者: ngaingai456 時間: 13-6-14 03:18 PM

我地唔似得刷鞋嶺同狗仔天我地唔識刷鞋我只係知我打緊機姐

作者: manbo14 時間: 13-6-14 05:58 PM

ngaingai456 發表於 13-6-14 03:17 PM
一代你地諗下自己同我講過咩先啦！口口聲聲話點點點依家咪又係小人當初講過你要地既話狗仔天一定吠住 ...

原來係真GA.....果然係堅料...........聽到趙暈放風出去話邊個幫英雄堂就打.....OH~~原來凶9人地盟線......魔性(魔塚)難改???

作者: chilamau 時間: 13-6-15 12:31 AM

如果打字可以贏，咁我投降。

作者: ngaingai456 時間: 13-6-15 01:54 AM

咁你學左刷鞋未

作者: 雞蛋仔 時間: 13-6-16 01:18 AM

本帖最後由雞蛋仔於 13-6-16 01:20 AM 編輯

其實一代名將比起邪教  真係無得比
邪教唔搞事如果個幫有人周圍殺人cap圖比龍小邪人地會做事野
佢地塊幫地係佢地自己靠幫戰實力打返來一代名將 ??你靠幫戰?  感覺上你依家係靠滅幫一代名將??  大將之風在那??
無聊亂開追殺令.....祝趙暈永遠只能用得一次倚天劍唔會再比你羅到0.0

趙暈本身你係全SER 人心目中地位唔錯但因為你搞英雄堂呢的和平幫重要口聲聲話要打到人滅幫
我覺得你係度話比人知你唔值得擁有倚天劍  你唔會再有嫁啦0.0

作者: 北．冥 時間: 13-6-16 02:17 AM

以在下之見英雄堂不是和平幫
當年英雄堂得講武堂煙雨幫手, 欺負和平幫若瓏(試劍崖幫地第一手)
以人多蝦人少既方法搶左若瓏塊地

作者: hang12b 時間: 13-6-16 03:04 AM

俾人打果時叫和平, 到平靜D米出黎攪事, 人地打到塊地你地尾刀, 係人都打你啦~你叫GM 封左開紅啦~係度叫有咩用?~登入果時睇下條文啦! E隻game 寫明會無啦啦俾人殺!

Off topic

作者: 123451 時間: 13-6-16 04:13 AM

雞蛋仔發表於 13-6-16 01:18 AM
其實一代名將比起邪教真係無得比
邪教唔搞事如果個幫有人周圍殺人cap圖比龍小邪人地會做事野
佢地 ...

但因為你搞英雄堂呢的和平幫 <- 大聯盟中入面其中一個幫所以唔係和平幫

作者: 迪路. 時間: 13-6-16 06:44 AM

manbo14 發表於 2013-6-14 17:58
原來係真GA.....果然係堅料...........聽到趙暈放風出去話邊個幫英雄堂就打.....OH~~原來凶9人地盟線.... ...

竟然仲有人記得魔塚....

作者: wolf25 時間: 13-6-16 06:50 AM

英雄堂是不是和平重要嗎...... 地又沒了幫又沒了還在乎和平嗎 ...

作者: wolf25 時間: 13-6-16 07:31 AM

本帖最後由 wolf25 於 13-6-16 07:44 AM 編輯

講武的朋友很仗義面對他們的實力都願意出面幫忙在下在這表示感謝話說我從上年10月進入了英雄堂到現在已經有大半年了吧除去有段時間沒玩可以說見證著從沒到有再從可有可無都到沒有.幫地了的時間!本身我很少打幫戰或一起玩追殺令我比較喜歡聊天.喜歡比武.也熱愛打坐食別人花生最近有事需要出幫了
因為公會環境也因為被某個幫追打需要求.神判請求他們的保護來保證我在so洲的比武食花生不被打擾但今次不同... 本來幫地利益呢d野就是留給更有實力的人不夠強守不到你有實力打得下來沒關係但需要到見一殺一打不到別人滅幫就改名的地步嗎...很上腦更令宅男如我也害怕會有天變成這樣神經病~!

當我一入幫就接受了英雄堂內的.幫助解答材料副本被人殺出來打架的時候我就同樣有義務同責任回饋...英雄堂的朋友你不是孤單的朋友我們一起站百草 haha

作者: wookilily123 時間: 13-6-16 05:44 PM

講武等解幫

我唔覺得一代同趙暈有咩問題LOR，自已唔打就搶地

睇你地保得幾多個領地

作者: purplesnow 時間: 13-6-17 03:29 AM

本身對一代名將無咩特別感覺
不過自從上次佢地有部分幫眾為左搶個玄鐵令
成班好似山賊咁係蘇洲捕d交令既人
佢地咩幫都殺
當然我都有俾佢地殺

我覺得佢地好無品
你可以話呢個係活動
不過始終都係開紅殺
同黑書無咩分別

點解咁多人唔鍾意慕容不義
就係因為d人覺得佢成日黑書
覺得黑書呢個行為好無品

呢班人就係做緊同類既事
佢地當然有自由開紅黑我令
但我都有自由出聲話佢地無品

上次我嘈佢地佢地就話我小事化大
而家佢地俾人臨尾bid贏塊地就咁大反應
我都同樣可以覺得佢地係小事化大

作者: Coral 時間: 13-6-17 04:00 AM

真係小朋友唔開紅唔追殺唔打交唔通係game同你吹水傾計咩

作者: Conscience 時間: 13-6-17 07:57 AM

首先呢個係討論區  咩都可以講  但並不是中傷別人  (先別攻擊任何人)
遊戲係你進入前  系統公告過要你知道進入後被人殺戮  你同意才進入 (明知你自己會被殺何必玩)
你的意向唔可以加於別人身上  你亦不能控制一代唔去打你 (只要你唔係敵對公會)
當你公會受到攻擊時  有否想過公會因何事而被攻擊  (煩事皆因強出頭)
我睇晒咁多張貼  我只係覺得  為何每當有人  去打講武  龍騰  2000FUN都有貼出唱衰人(唔夠打呢度發洩)
先有夜月  中有無雙  後有一代  咁唔鐘意被人打咪唔好打機(又要打又要嘈)
我係呢個服都係中立公會  我做左中立公會會員好耐(我真係成日都睇2000FUN)
每次係蘇州  成都  洛陽花生都會見到神判  無雙  夜月同敵對打  我有時會問無雙(因為有跟過佢地副本)
[點解你地每次都要當前或者串敵對 ?] [因為每次打交  講武  龍騰慕容世家都抽水  開追殺令就縮百草]
[點解你地每次都封住百草打交?] [你估我想?你睇下佢地所謂同盟邊個敢出黎打?](呢度有出入因為6月12日晚煙雨
真係敢同無雙打左場追殺令)
幫同盟手無錯 (要承受同盟的禍)  幫手都要睇下自己實力 [(不能的便閃)我成日都見慕容世家閃]
如果係呢度講幾句就可以令到唔被人清駐地(我想好多公會都會在這留言)
假如我係你  我情願去中立公會玩(總好過被人殺)
我記得當日我們一班中立公會去同神判  無雙講不參與任何戰爭  無雙幫主講左句
[中立公會亦可以有同盟  但只守地不攻城  不參與任何戰爭] 到而家我地都係呢個宗旨
我地又無被佢地騷擾  點解你地咁多怨言既??
不如咁呢個服唔岩你地玩  去新服  岩你地玩

作者: mrtomriddle 時間: 13-6-17 02:13 PM

奇怪...一個虛擬世界被投射為現實生活...被殺, 復活, 再被殺, 又復活....但依然在現實世界生存

SUMMER

作者: 123451 時間: 13-6-18 07:05 AM

Conscience 發表於 13-6-17 07:57 AM
首先呢個係討論區咩都可以講但並不是中傷別人 (先別攻擊任何人)
遊戲係你進入前系統公告過要你知道 ...

原來仲有雪亮眼睛既觀眾

作者: uranuswong 時間: 13-6-18 12:01 PM

唔覺得趙暈既行為有問題 @@
有實力先洗到幫地啊,冇既話...一切如浮雲

作者: Conscience 時間: 13-6-23 01:59 PM

各位喜愛打交的便打吧!!
別要在這吵鬧!!
抹黑唱衰別用這些技倆!!
光明正大地打吧!!
各位加油努力成功在你們前面!!

作者: SKSY 時間: 13-6-23 08:51 PM

manbo14 發表於 13-6-12 02:53 AM
其實我對一代名將D人的感覺係唔錯..佢地D人都唔會似住自己幫會實力勁而去生事..所以我好欣賞佢地~~~由其有 ...

人地都無話自己會做咩行為

作者: rickysoso 時間: 13-6-26 01:37 PM

維護無聊上2KFUN抽下水...講武堂花音走左之後我相信都唔會開分身搞埋D2000FUN政治
劫鏢=停止敵幫幫會資金增長[運鏢是會增加幫會資金]
掃幫地=減慢敵幫幫眾提升實力[30%內修轉換CUT]
是什麼不正義行為??... 用錢尾刀是你的本事,但相對也會增加敵人..
後果自己一早就諗到架啦,根本唔洗理其他生事既人
一代名將目標攻佔千燈鎮..你要搶,就預左敵對..敵對就唔好怪責任何事...
@@無咁既能力?做咩要拎住塊地? 意思一樣...
利申:夜月閣副幫主諸葛阿汶上
純中立討論

作者: iamKT 時間: 13-6-26 02:26 PM

比心機, 我期望一代名將有能力攻得到塊地
派多d人黎打幫戰唔好次次都摸唔到王座空手而回

作者: Conscience 時間: 13-7-2 04:54 AM

阿汶哥,聽講你同無雙甩左同盟,跟住上左一代名將
現時高登同神判追殺你,發生緊咩事呀?
可唔可以講下?你之前公會既副幫會員做咩走晒去神判?
到底發生緊咩事?可唔可以告知一下我地各大好奇心既玩家?

作者: realhmy 時間: 13-7-2 01:51 PM

回覆 Conscience 的帖子

唔知同前英雄堂的人入左神判有冇關係

作者: 雞蛋仔 時間: 13-7-3 11:03 AM

本帖最後由雞蛋仔於 13-7-3 12:00 PM 編輯

英雄堂的人入神判真係好跌眼鏡
因為神判無雙果面係咁打佢地塊地搞到無左幫地輪落到要入講武堂合幫
但之後因為某人溝左人地條女比人殺左講武堂唔幫某人  所以某人帶一眾英雄堂幫友走晒去神判打返講武堂
惜日同盟朋友因為一人私人感情問題導致現在反戈相向真係可惜  [係個人所知既江湖傳文未經證實]

而夜月果面聽講係因為某位幫眾定高層殺高登幫眾其後不斷咀炮
而殺人果個肥豬仔好似去左新服玩  0.0 間中會返來舊服
都係聽返來肥豬仔佢殺左同盟跟著重丫之丫左炮咀  而肥豬仔而家就拍拍屁股走去玩新ser
問題係0.0加上夜月  幫主可能覺得自己幫實力開始越無雙神判
加上做埋聖主覺得同唔同盟無所屬但據知連日被開追殺令都唔敢打0.0有趣
夜月唔係因為有無雙天哥照料相信無今日
就好似一個仔係老豆辛辛苦苦保護佢
但個仔大左有毛有翼就覺得老豆無利用價值0.0
無雙對敵幫做好多鬼鼠野真係好乞人憎00.00
但無雙對同盟由其係佢養大既幫就好好0.0
例如惡人谷夜月閣呢兩個幫係無雙一手養大
一個就因為踢人變傳位無左個幫一個就有毛有翼唔認老豆0.0  天爸爸我會精神上支持你 0.0

所以我覺得父親係好偉大
一手養大兩個仔一個就衰onXX 踢人變傳位一個就由毛都未出齊養到依家有毛有翼多左兩條毛就唔要老豆
老豆一定好傷心

作者: iamKT 時間: 13-7-3 11:22 AM

點止英雄堂去神判
琴日幫戰見到班飄雨既人入左一代名將黎打幫戰
其實有冇人知點解飄雨解幫
當初又係飄雨搞條同盟線出黎
而家第一次離場又係飄雨

作者: 雞蛋仔 時間: 13-7-3 11:26 AM

本帖最後由雞蛋仔於 13-7-3 12:10 PM 編輯

飄雨果面就聽講係同同門合幫而部份人唔想合自己開左個惜雨但有部份可能想出去玩而各自入其他幫派
而一代呢排無打敵幫算係和平左
但同盟線依家就係就如由三國時代轉為七國時代更本知唔邊面打邊面

例如
一個和平幫比人打到無左個幫地要輪落合幫命運,
但據知和平幫話成條同盟線得講武堂肯接收佢地幫地覺得佢地有雷氣所以入去合幫對抗一代既追殺令
但後期一代名將無再開追殺令
而因為某人溝左人條女0.0 比人打
所以帶埋一眾英雄走進神判腳下,意思係想打講武堂0.0  但神判惜日打到英雄無左幫地0.0依家英雄走進神判腳下
惜日英雄現走進狗雄懷抱就係怡笑大方

而同盟線方面除了英雄堂其餘同盟依然堅守各同盟幫地同盟戰線沒被分化

但無雙神判高登同盟線開始混亂起來
三大幫
部份
1部份走左去新ser
2部份走左去邪教
3部份走左去一代名將
4部份走左去敵線聽聞係賣左acc
5部份走幫無幫自覺好型
6夜月唔認老豆甩左同盟
7惜日惡人谷開左閪皇居但呢個幫值得稱讚勇敢與各大幫敵對

睇來呢三大幫會將會走進魔塚後塵

另一方面
邪教
一代名將
暫時和平與各線互相合作  值得留意兩大幫去向

而夜月聽聞到處找中立幫同盟
希望能穩定得來不易的聖主地位
但神判開始投入攻佔武當幫地希望能破壞夜月聖主地位
但惜日夜月曾經做出反戈行為  希望各大中立幫會認真考慮一下這個幫會
會不會真心與你同盟  同時間如果上了同盟也需要一起接受神判高登既追殺令

聽聞因為太亂所以某大幫同敵線私下合約停戰
但好笑係但某大幫可能手痕有時會借幫某個小幫暗X 而吸紅破壞敵線停戰協議

作者: iamKT 時間: 13-7-3 12:17 PM

夜月閣之前都知佢地陰陰濕濕
而家真係放長雙眼睇佢地點死

作者: 123451 時間: 13-7-3 12:20 PM

雞蛋仔發表於 13-7-3 11:26 AM
飄雨果面就聽講係同同門合幫而部份人唔想合自己開左個惜雨但有部份可能想出去玩而各自入其他幫派
而 ...

英雄堂塊地唔係神判打

利申:馬史乜理你

作者: 雞蛋仔 時間: 13-7-3 12:21 PM

123451 發表於 13-7-3 12:20 PM
英雄堂塊地唔係神判打

利申:馬史乜理你

0.0咁係邊個打0.0??

作者: 123451 時間: 13-7-3 12:23 PM

雞蛋仔發表於 13-7-3 12:21 PM
0.0咁係邊個打0.0??

打左2次佔有
剩返1XX果陣冇再打
跟住發生既就大家都知

歡迎想象

作者: 雞蛋仔 時間: 13-7-3 12:25 PM

本帖最後由雞蛋仔於 13-7-3 12:26 PM 編輯

咁姐係有無打過??
係咪打到佢地塊地就爆跟著無打?
明白0.0咁就叫神判無打

作者: 123451 時間: 13-7-3 12:26 PM

雞蛋仔發表於 13-7-3 12:25 PM
咁姐係有無打過??

YES
有打過

作者: 123451 時間: 13-7-3 12:32 PM

雞蛋仔發表於 13-7-3 12:25 PM
咁姐係有無打過??
係咪打到佢地塊地就爆跟著無打?
明白0.0咁就叫神判無打

你編輯左我好難回你

我睇你D文,照我理解,打地既意思係打左塊地落黎

作者: 藍魂 時間: 13-7-3 01:04 PM

雞蛋仔發表於 13-7-3 11:26 AM
飄雨果面就聽講係同同門合幫而部份人唔想合自己開左個惜雨但有部份可能想出去玩而各自入其他幫派
而 ...

聽講係夜月同求無雙點先唔打佢地講好之後又劫人地同盟線既聖主鏢

作者: ☆無賴★ 時間: 13-7-3 01:27 PM

新ser玩家黎插插嘴
要打咪打囉  講咁多做乜
  你搶得地就預左比人打  仲嘈乜q.......
人地掃地劫標  樣樣都係遊戲正當行為黎啵
又無用bug
如果好似你條廢柴咁講做呢d野全部都係無品
咁佢地用咁多錢堆套神裝出黎做咩???

作者: wiwyzz 時間: 13-7-3 11:48 PM

雞蛋仔發表於 13-7-3 11:03 AM
英雄堂的人入神判真係好跌眼鏡
因為神判無雙果面係咁打佢地塊地搞到無左幫地輪落到要入講武堂合幫
但之後 ...

高登同夜月起因係高登一個堂主係禁地做殺手,連滅夜月團十幾次
但全個過程都冇任何人搵佢講係咩幫咩團
之後咁岩就成都打同門煙雨果D既追殺令當時代幫主雨霏殺到紅名,番駐地掛機
掛掛下番黎發現自己比冰極小企鵝送左入監入人駐地殺人幫主同宣戰有咩分別?
之後搶龜果陣又海捕神判完場又開紅斬守龜高登先打佢駐地
果晚就係無雙RC開過一次會,即係CUT頭CUT尾比人擺去一代/邪教RC果段
之後好似夜月完全冇神判有任何交待,所以神判第2晚宣100錠去武當中華樓塊地,逼夜月用百幾錠去宣
之後唔知邊個帶頭,就有話講和叫晒幾個幫去神判RC講數,最尾講唔掂數 (呢段錄音好似又係斬頭斬尾流出左去煙雨) 之後開佢追殺,
之後去到武當幫地清下清下有個項無雙再出黎話講和  話比3日時間處理
過左一日又成班一齊黎劫聖主鏢唔止暗哨,仲特登組團走埋黎劫
咁咪開佢追殺LO  ,今日咪打佢塊地lo

我記得冰牧係有段係夜月去神判RC講數既錄音

歡迎光臨 2000FUN論壇 (https://www.2000fun.com/)