2000FUN論壇

標題: 東方公公教你如何自宮,無圖文字教學 [打印本頁]

作者: band626 時間: 13-6-16 01:05 AM 標題: 東方公公教你如何自宮,無圖文字教學

本帖最後由 band626 於 13-6-25 02:37 PM 編輯

咳咳......各位好,我係東方公公......
今次係黎教咁多位對自宮有興趣既人自宮既......

先放上自己寶貝一幅!

嘛嘛,見大家唔回復真係幾無奈,反正都係加段前言係到......
有好多人對太監有誤會......

有人問:太監可唔可以結婚?
太監,係可以結婚架
練葵花都可以結婚,葵花要自宮架嘛

有人問:自宮有咩用?
自宮無用架,但你要做囉
練葵花,第日出無根門練辟邪
佢本身做唔到咩野,但係條件囉

有人問:係咪自宮就會變樣?
自宮,係唔會變樣既,鬍鬚都會仲係到,
練葵花到6,16,26就會變樣啦
咩講野變字,撞NPC佢會話你死太監都係

好啦,自宮需要咩呢?
1.戒刀(可帶可唔帶,帶估計會平少少,由一名奇遇和尚派,可惜我都無)
2.銀子(無戒刀430兩,有戒刀估計200,只係估計,最好430就實無錯)
3.男性(自宮當然係男人做架啦!女既點做......)
4.無比勇氣同耐性
5.唔依賴地圖(後期NPC無自動導航慢慢行)

注意,由於本人係自宮後突然心血來潮想教各位,
所以圖片恐怕就要欠啦,大家信唔信就自己考慮

第一步:
請到金陵北郊搵退休太監－施承恩(677,241),
主角會向佢打探自宮既訊息,
佢話退休都仲要俾班漁民煩真係好黑人憎,
叫主角打佢後便既鏡湖漁民,10隻即可,
係漁民唔係流民,佢地行埋一堆好易打錯

第二步:
主角又想打聽,施承恩話咁少野就想知難少少,
要我地主角去城中賭坊,幫佢從職業賭徒－嚴子翔(1150,1002)到贖回家傳玉墜一隻,
我地主角無考慮搶,真係去贖,價錢:200兩銀子......
返去交差!

第三步:
施承恩話自宮係人生大事,想人地幫你定自己做?
選擇題,有戒刀者可自己做,跟住我唔知,
人地幫者,施承恩請你入宮搵佢前下屬,小太監－小魁子(625,1144)

第四步:
小魁子話唔肯講邊個係宮內淨身名手,
更不畏俾主角威脅,反要求主角助佢由冷宮偷玉器(1010,1492),
偷後出門口,撞正三個禁宮侍衛,大戰一觸即發!
可惜實力平平,三位侍衛對練左三內既主角簡直有如豆腐......
番去交差

第五步:
小魁子曰:宮中自有宮中的規則.
簡單黎講,係時候俾錢疏通一下......
去銀作局搵小太監－吳平威(529,1194),
用十兩銀買籌碼一個交差......
當然,可以預先買定,呢次任務中總共要23個,共230兩......

第六步:
根據小魁子所講我地搵到淨身名手－關公公(655,1053)
關公公兼任宮內廚師(一年黎淨身既就得幾個,當然要俾野你做)......
關公公要整蛋粥,要我地去御花園,
拎該處五彩錦雞生既錦雞蛋(935,971)俾佢......

第七步:
煮蛋.......走去公公旁邊個台,禁一下,搞掂......

第八步:
公公叫我地搵佢下屬,小太監－小華子(628,949)
小華子曰:宮中的事情,要能有多講究,就能有多講究
我地主角想要講究少少......小華子要我地拎辣椒......
無錯!就係關公公旁邊既紅色燈籠椒!交差......

第九步:
小華子有個豬苦膽,叫我地拎比關公公片,
話叫順便俾我地見識下佢刀法......無動畫- -,
片完番去交差

第十步:
小華子話要個鉗,宮入便有兩個,
一個皇上用,一個後宮眾用,
皇上用我地主角放棄左,太難,
後宮用既係關公公間房(660,1028),開工具盒拎去交差

第十一步:
燒紅個鉗,又係用煮蛋個灶台......

第十二步:
要整大麻水,以便宮後止痛......
大麻可以係樂壽堂幾包大麻粉(659,800)到拎......
拎完交差

第十三步:
疏通時間!拎一個十兩籌碼俾佢

第十四步:
去搵關公公,關公公話佢一生夢想就係食皇上御賜既御膳......
岩岩好有道賜左俾個將軍,我地要收買負責送運既太監,
小太監－小寶子(838,1166),又一個十兩籌碼.......交差!

第十五步:
大家見到仲有二十個籌碼......咁齊頭有咩用?
關公公大貪囉,要二十個!俾佢啦

第十六步:
自宮開始......斬兩刀,
第一刀之後,抆左燈籠椒同豬苦膽落去傷口到之後......
關公公發現佢張幸運抆血布唔係身!
要我地幫佢去徒弟,小太監－小甸子(629,920)到拎......
限時一分鐘,有減速BUFF,跑去小華子對面既小甸子到拎!
各位係時候表現穿雲技術,GOGOGO!

第十七步:
自宮完成,任務鏈全清,獲得寶貝一盒,半小時減速BUFF......
幾經辛苦,幾經波折,恭喜你地已經成功自宮......

P.S.:寶德(928,1523)係葵花寶典查詢者,佢身邊既鄭恩銘,董賢都係,想伏人去個到啦!

圖片附件: 1.jpg (13-6-16 12:06 AM, 128.03 KB) / 下載次數 173
https://www.2000fun.com/forum.php?mod=attachment&aid=NjcxNTU0fDcwODY1ZTEzfDE3Nzc3MjY4OTB8MA%3D%3D

作者: FGFGAA 時間: 13-6-16 09:38 AM

作者: band626 時間: 13-6-16 10:34 AM

回覆 FGFGAA 的帖子

呵呵,年輕人,睇你個樣梗係怕左自宮呢......
自宮可以結婚(官方都話練葵花可以結婚,葵花要自宮,咁自宮點會唔得?)
而且打機姐,下便個樣野都無用架啦,又唔會生仔,就算生都只係個NPC姐......

作者: kenlam_2204 時間: 13-6-16 09:35 PM

要銀子唔去切

作者: 66161918 時間: 13-6-16 09:44 PM

自宮完有咩用

作者: band626 時間: 13-6-16 10:03 PM

回覆 66161918 的帖子

正如我前言所講,
自宮本身做唔到咩,但你練葵花,將來出無根門既辟邪,你都要......
但佢本身並無任何用處

作者: 鬼雅 時間: 13-6-18 04:15 AM

band626 發表於 13-6-16 10:03 PM
回覆 66161918 的帖子

正如我前言所講,

不過我睇大陸網練葵花好銀難
要殺好多人練個支唔知乜鬼針既熟練度

作者: band626 時間: 13-6-18 01:14 PM

鬼雅發表於 13-6-18 04:15 AM
不過我睇大陸網練葵花好銀難
要殺好多人練個支唔知乜鬼針既熟練度

葵花始終係絕世神功,難練正常既......
更何況殺人其實對我地有好處,系統設定,葵花持有者殺人會出公告,方便我地追殺
如果唔係,諗下,低級時,唔出葵花招你都唔知佢有葵花,高級時想殺都難......
更何況咁樣其實更突顯到江湖上人人都有可能係自己敵人呢種緊張既感覺,所以我覺得呢個設計幾有意思

作者: chilamau 時間: 13-6-18 02:57 PM

辟邪揮手區。

作者: band626 時間: 13-6-18 03:04 PM

chilamau 發表於 13-6-18 02:57 PM
辟邪揮手區。

竟然連上官子霖都黎睇我呢種小人物既帖,本人感榮幸啊T_T(喜極而泣ING)
無記錯辟邪係作為將來無根門既套路放出,希望唔洗搶啦......

作者: band626 時間: 13-6-18 07:27 PM

kenlam_2204 發表於 13-6-16 09:35 PM
要銀子唔去切

萬物都要付出D代價既......

作者: y93742 時間: 13-6-24 07:47 PM

回覆 band626 的帖子

上官子霖又如何

作者: 定海神針 時間: 13-6-24 07:53 PM

哩個消息............上星期咖喇喎

作者: a263914 時間: 13-6-25 05:16 AM

打死我到5做太監!

不過5合邏輯可以結婚! 做對吃夫妻!

作者: band626 時間: 13-6-25 01:07 PM

a263914 發表於 13-6-25 05:16 AM
打死我到5做太監!不過5合邏輯可以結婚! 做對吃夫妻!

太監可以結婚係合邏輯架......

首先先講明,太監正確黎講叫宦官.....
雖然係東漢之前唔洗淨身都可以做,
但東漢及之後就要,所以我舉既例子都會係東漢同東漢之後

東漢漢桓帝時五侯(五位封侯宦官－單超,徐璜,具瑗,左悺,唐衡)多娶良人美女為姬妾......

唐朝宦官高力士娶刀筆吏呂玄晤之女為妻,同為宦官既李輔國就娶元擢之女......

而明清時期宦官會同宮女或者女官結為對食或者菜戶,對食你可以理解做短暫交往啦,菜戶就有如夫妻

明朝沈德符寫既萬曆野獲編曾記載一間放滿宦官伴侶牌位既寺廟,牌位上都寫住宮女既姓名
每逢宮女的忌日,同佢結為菜戶既宦官就會前來祭悼......

等等等等......由此可見,宦官,或者你地所謂既太監啦,係可以結婚既,只係無生育能力咁解姐

作者: 俠三麥泰萊 時間: 13-12-12 11:26 AM

自宮在古代已經夠慘, 而且通常係窮人先會自宮為求搵到一官半職, 仲要收費230兩更是可悲

作者: opening 時間: 13-12-20 09:09 PM

請問公公我好好奇想問無根門系咪真系有主線任務架

作者: p13324 時間: 13-12-20 10:57 PM

回覆 opening 的帖子

主線任務
有，佢會叫你走來走去、打下怪同Boss啦

作者: band626 時間: 13-12-21 10:27 AM

回覆 opening 的帖子

要用無根令黎接,唔夠二萬幾聲望唔換得......
所以主線注定慢到無倫......當然,我明白渾天辟邪先係重點......
但當你練完辟邪頭2層,渾天頭10層,後便又係要二萬幾聲望先換得......
無耐性唔好入無根,做日任做到傻......

作者: p13324 時間: 13-12-21 06:30 PM

回覆 band626 的帖子

東方公公你幾多聲望?
我入左成個月得果60000

作者: opening 時間: 13-12-22 12:56 PM

回覆 band626 的帖子

我系想請教入無根門有無主線任務架

作者: opening 時間: 13-12-22 12:59 PM

我系想請教入無根門有無主線任務架??

作者: 孫吾飯 時間: 13-12-22 05:36 PM

您的寶貝有幾長

作者: band626 時間: 13-12-25 02:12 PM

回覆 opening 的帖子

有......難度都幾高(有一到車輪戰打怪,1+2+3咁出,用3內黎講勁難打我跑圈圈黎打......)

作者: band626 時間: 13-12-25 02:12 PM

回覆孫吾飯的帖子

裝得入罐應該唔會太長.....

作者: cyrusapple 時間: 14-1-1 12:26 AM

頂！！！
（注：此回復雖且僅有一個字，卻深刻地表達了回復人的無奈和刻骨的情感，可謂言簡意賅，一字萬金，隻字扣人心弦，催人淚下，足以見作者扎實的文字功底和信手拈來的的寫作技巧及慘絕人寰的創新能力。實是佩服的五體投地！再加上以三個感嘆號收尾。第一個嘆號感歎對事情本身的無可奈何。第二個嘆號感歎對社會的無奈。第三個嘆號感歎人生無常！點睛之筆，妙筆生花，意境深遠，照應前文，昇華主題，把作者的感情表達得淋漓盡致，給人無限感動和惆悵，有渾然天成之感，實乃回復中之極品，頂貼中之絕筆。）

歡迎光臨 2000FUN論壇 (https://www.2000fun.com/)