海s]真心問點解你地打肥狗bbg - 2000FUN論壇

相信大家冇幾耐前都睇過TVB吳綺珊同麥皓兒唱既「請你食麵」
大家可能覺得佢戇鳩、話佢冇腦
我只可以笑住同大家講，你地錯哂，呢首歌帶比大家既，唔只係一首歌。
而係一個人生。

我地不妨睇下歌詞，撇除一開始為左引人入勝既前奏，我地直入戲肉分析。

「食麵好比生命的幻變，甜酸苦辣味覺的考驗，食麵好比友情的喻意，手拖著手你我一起互勉。Forever Forever We Support You Forever！」
認真，食麵既方式千變萬化，你可以點醋、加辣椒油、加腩汁、走青、加底或者黎個一乾三濕，兜頭淋個老細......

我地看似食麵方式任君選擇，但事實上，我地既人生都係如此
當我地既人生一開始就注定係一碗雲吞面，我地就注定唔可以自由選擇做一碗最pure最true既雲吞麵。
我地只可以任由人生係我地身上加入腩汁加入紅醋，我地跟本唔可以對住社會大叫：「我要做一碗雲吞麵！」

古有諸葛孔明為左做雲吞麵深居隴中，亦有徐庶被逼過曹營立志做一碗雲吞麵。
但可以好似徐庶既人少之少有，就連諸葛亮都被劉備落左辣油兼走青，令佢既人生改變。

甜酸苦辣甘咸酸，人生就係如此，我地以為我地自己係主人，我地渴望人生可以自由自在，卻唔知道我地冇權利渴望。

「食麵好比友情的喻意，手拖著手你我一起互勉。Forever Forever We Support You Forever！」
或者你會話，戇鳩亂填歌詞，我就話，我已經兩目淚光。
你幾耐冇同你既好朋友食過一碗最pure最true既面? 或者，你有冇最pure最true 既朋友？
純潔友情既難能可貴，唔係我地想像中容易，你地又係唔係真係搵到？
假如，有一日，當你同港女女朋友分手，陷入人生低潮，你啲好朋友請你食麵，仲要加埋佢既心意落去，再同你講：「Come on, James！We Support You Forever！」
你仲會唔會笑呢首歌戇鳩？（打到呢度，不禁淚如雨下。）

來，讓我們再聽下呢首歌，感激人生仍有一道清泉鼓勵我地！