2000FUN論壇

標題: 真係腦爆(內含個人意見,針對玩台版既港人,不喜勿入) [打印本頁]

作者: 古坦紀洛斯 時間: 13-7-22 08:59 PM 標題: 真係腦爆(內含個人意見,針對玩台版既港人,不喜勿入)

想人多,唔想玩一陣冇人~咁以地區人口黎計,同埋遊戲文化(台灣一家大細一齊玩ONLINE唔出奇)....
台灣比香港係人多好多...呢個絕對係事實...係好吸引(人多呢一點),我點會唔明?

就好似香港好多野都比大陸好...醫療好...零售點既商品品質好...所以國內人會黎香港...又唔難理解...
我個人唔歡迎大陸人黎香港，但吹佢唔漲...因為係入境處比佢入境的!

但係只GAME玩台灣SER既人又點呢?人地官方講到明係台灣地區，營運對象係台灣人ONLY，IP仲要BLOCK埋你，直接D講就係唔歡迎你!而你照玩?緊係冇問題架!世上冇難事，只怕有心人嘛!用VPN偷渡囉!仲要做到好似自己好威咁,呢一下真係腦爆!

而香港人玩台灣SER係咪只有優點冇缺點?講真...除左多人係優點之外，我真係諗唔到其他...
但致命既缺點就一諗就諗到!如果你個ACC有問題...你點處理?你點樣證明個ACC係你既?即係咁...同佢講...我偷渡黎的...我係香港人...睇下佢SO唔SO你?你有問題要同官方講...你覺得好急...真係要打比佢個客服用把口講,你長途電話把啦!

==================================================================================
一定有人問，我咁嬲做乜?咁一定有原因既!話說今日我係M記同朋友講不如一齊玩呢只GAME既HK SER時，佢一句「7頭!玩台灣SER啦!唔係唔識用VPN丫?」我真係嬲左!我果時冇出聲係因為以佢既性格只會越講越大聲，影響其他食客，但我更怕我控制唔到自己!

佢都會黎呢個版既!以上既說話主要都係比佢呢個7頭睇
另外，我唔打算再叫佢再我一齊玩ONLINE GAME喇!(嬲)

作者: 唔知呀你呢? 時間: 13-7-22 09:02 PM

留名睇打手

作者: 古坦紀洛斯 時間: 13-7-22 09:05 PM

如果打手肯回呢個POST推推佢~我唔介意!

作者: 沒沒蛋 時間: 13-7-22 09:09 PM

你理得人地用咩方法玩台版姐

作者: 唔知呀你呢? 時間: 13-7-22 09:10 PM

其實我好BUY樓主

營運對象係台灣人ONLY，IP仲要BLOCK埋你，直接D講就係唔歡迎你!而你照玩?

呢句,睇番版上好多PO拉香港人玩台SER

拿講真果句,你玩咩SER真係唔關我事
拉人過SER亦都唔關我事,但係你做到咁揚咁出面
點都會影響到其他玩家既心情

作者: arylll 時間: 13-7-22 09:13 PM

其實如果有分台版港版 , 點解硬係有人覺得簡港版就唔正常個人喜好鍾意玩咩版米咩版囉
想同朋友一齊玩都唔係用咁既態度同語氣掛

樓主你朋友好似借d意疾你啵

作者: `o無限------ 時間: 13-7-22 09:17 PM

我又要留名睇打手 XD

不過想插多句: 做人留一線日後好相見...又唔洗為左一句說話而破壞關係

作者: 古坦紀洛斯 時間: 13-7-22 09:19 PM

唔知呀你呢? 發表於 13-7-22 09:10 PM
其實我好BUY樓主

呢句,睇番版上好多PO拉香港人玩台SER

我都知道內容係會影響到其他人架啦，不過我都係有感而發，都有自覺咁係TITLE打返"不喜勿入"

如果版主覺得有問題既...咁就刪左個POST佢啦!我冇所謂的!!

作者: 古坦紀洛斯 時間: 13-7-22 09:20 PM

`o無限------ 發表於 13-7-22 09:17 PM
我又要留名睇打手 XD
不過想插多句: 做人留一線日後好相見...又唔洗為左一句說話而破壞關係
...

呢句說話同佢講就真係差唔多...佢一句"7頭"算點?熟都唔係咁架嘛?

作者: 沒沒蛋 時間: 13-7-22 09:25 PM

人多有人多好小人都唔一定差姐同埋...?

作者: 瓦爾基麗 時間: 13-7-22 09:37 PM

古坦紀洛斯發表於 13-7-22 09:19 PM
我都知道內容係會影響到其他人架啦，不過我都係有感而發，都有自覺咁係TITLE打返"不喜勿入"

我就覺得，以和為貴係最重要

另外，你既文章未算係無意義既文章，我覺得冇刪除既必要，不過盡量和諧D吧

作者: 希0_0 時間: 13-7-22 09:46 PM

留名睇打手出沒xD

作者: Rinon 時間: 13-7-22 09:48 PM

留名睇打手出沒+1

作者: 風草 時間: 13-7-22 09:52 PM

本帖最後由風草於 13-7-22 10:51 PM 編輯

玩台服玩港服都係自己選擇者..無需要甘偏激..玩港服又好..台服又好..都有優缺點..大家見到你只係係到發洩自己既不滿..唔好甘多怨氣啦..比人話兩句就發哂脾氣..大個仔啦..成熟D好無?  會唔會係自己睇唔開鑽牛角尖呢?

極有可能個FD係話..你唔係唔識用VPN呀?  下一句..你唔識我教你用

P.S  樓主可能係..搶唔到台版CCB 封測碼..又唔識用VPN..眼紅人地有得玩..你無..吃不到的葡萄..  你懂的..典型小朋友心態..

作者: ivan01329 時間: 13-7-22 09:52 PM

你個fd係咪mk仔黎無啦啦右要加句柒頭

作者: hk200400 時間: 13-7-22 10:15 PM

本帖最後由 hk200400 於 13-7-22 10:19 PM 編輯

其實青少年時期.....總會有身邊既朋友係以串人為樂....

表現到自己係勝過人好多......踩低人地抬高自己係好多香港人既特質....

唔需要為呢D人覺得嬲.....你應該同情佢地自卑無自信....

當你在未來的日子在能力上超越他的同時...你們的友情已不復再

(我親身經歷過,那位昔日的好友已經冇再搵我)

作者: kson2535 時間: 13-7-22 10:19 PM

香港人點都要支持番香港版既

作者: x34932382 時間: 13-7-22 10:28 PM

本帖最後由 x34932382 於 13-7-22 10:31 PM 編輯

其實樓主打咁大篇
7分對朋友不滿 3分對港人用vpn玩台ser
我用個人觀點分析
從你朋友話 [7頭!玩台灣SER啦!唔係唔識用VPN丫?]
我有少少唔明你係唔服你朋友玩先過你? 嬲佢串你? 不跟台服規則
如果你係唔服佢玩先過你你咪下次玩一隻game 起手快過佢先叫佢玩羅
如果你嬲佢串你你咪係玩既時候入多d錢洛去打殘佢
然後同佢講[7頭!出力啦!唔係唔夠我打下哇?]
至於佢唔跟規則咁真係無辦法
世界上大把人唔守規矩警察都捉唔晒你真係耐佢唔何
加上每個人都有自由既選擇但係背負一定代價
佢要vpn玩你可以點? 最多咪係隻game打7佢羅

至於樓主話點解港人玩台ser
係因為香港玩咩都好快快悶快轉game 快放棄
咁樣我唔係話晒所有香港玩家都係 ''快''既人
我係想講有d人真係可以好有心機玩一隻佢鍾意既game
但係因為港服都無晒人咁玩黎有咩意思同單機無分別
所以好多港人都投向台ser
至於樓主對跳牆既玩家相當不滿
我只可以話樓主你除左接受就無其他
好似黑社會咁香港捉黑社會十幾年
但係黑社會都唔會消失
就算舉報人地都阻止唔到跳牆行為
所以樓主可以留返啖氣食個老麥聽你個朋友講隻game幾爽幾勁
到公測咪玩隻恰佢既職入返7-8千蚊打殘佢~

作者: 少帝 時間: 13-7-23 01:08 AM

你真的認為玩台服只有多人這個優勢？
我反而覺得香港玩家嫌vpn麻煩先唔玩台
有得揀邊個唔去台

作者: ffssdd135 時間: 13-7-23 01:34 AM

本帖最後由 ffssdd135 於 13-7-23 01:34 AM 編輯

如果幻想神域在香港可以熱鬧到夢之X險咁樣的話
我相信大家去玩台SER嘅意欲必定大大減低
現時各人都企硬自己立場睇好台服堅持台服睇好港服堅持港服討論嚟都無用
其實到頭來最重要都要視乎代理商的宣傳活動、遊戲的耐玩程度、商品售價等等因素
並不是人多就可以解決問題爛代理先係禍害根源
所以大家可以等到公測再決定都未遲避免出現過多爭執的情況
玩隻GAME又不是世界大事何必傷和氣呢
當然我都希望香港SER人氣可以持續上升 XD

作者: 屍織 時間: 13-7-23 01:58 AM

人多一定台灣人口係我地好幾倍
活動福利都好d
但香港人支持返香港野都係一件好事
唔好一味

作者: katrina7250520 時間: 13-7-23 02:40 AM

本帖最後由 katrina7250520 於 13-7-23 02:41 AM 編輯

其實台灣封測同香港封測差幾日者~唔差在啦~~支持港SER

作者: a0ailoveyou 時間: 13-7-23 03:51 AM

我都有講用vpn過台有可能無拉拉集體封IP
加上人數點都唔多好小會理

不過人地要玩又唔關我事

作者: 紫爵 時間: 13-7-23 04:08 AM

本帖最後由紫爵於 13-7-23 04:08 AM 編輯

d人唔好以為用VPN大_晒~~~你偷渡客黎架炸~~~yo!

作者: 企鵝先生 時間: 13-7-23 09:18 AM

其實有部份人會玩台服唔一定係為左人多同台ser壽命比hk ser長先玩
好似我自己甘就係因為以前打機識落既台灣機友叫我一齊玩先會玩台ser
打機最緊要係一班志同道合既機友一齊玩先開心既如果我香港班朋友叫我一齊玩hk ser既話
我唔介意2邊走只要玩得開心真係難聽d甘講我理_得你玩咩ser丫~"~

作者: him1111 時間: 13-7-23 09:59 AM

花生SO

作者: 滑蛋蝦仁飯 時間: 13-7-23 10:12 AM

樓主都提供大陸人會去HK買野品質好
以奶粉黎講你都知..水貨客都搵人帶貨啦

其實人地用VPN玩台服道理差唔多都係為"品質"

再者玩咩SER都無所謂啦
而樓主朋友如果識得耐你都應該了解佢平時講野既習慣:)
無需要咁嬲既~朋友麻:)

作者: 涼亭兒 時間: 13-7-23 12:05 PM

我玩台Ser主要係唔想見到D人
係世界頻吵,
以為自己好勁咁係到搶曬成村人既怪

作者: ningbenson 時間: 13-7-23 12:20 PM

本帖最後由 ningbenson 於 13-7-23 12:21 PM 編輯

大陸人黎香港系入境處歡迎佢地香港人唔歡迎
依家台灣BLOCK IP系入境處唔歡迎我地唔代表台灣人唔歡迎
有邊個玩ONLINE GAME 會鍾意自己一個玩
根系人愈多愈好講真系邊個服玩真系無所謂
最緊要多人可以多啲機會識到朋友一齊玩就得啦

作者: zzxzz 時間: 13-7-23 01:16 PM

台服之所以BLOCK IP係因為ALTA代理左.
條款所限要BLOCK..唔係D人唔歡迎

玩咩SER自己鍾意啦,理人咁多做咩?
同港人玩日/韓服一樣,相對條件比較好,自然有人用VPN去玩

冇人講用VPN好威,搵咪識囉
你個FD咁講姐,勿以偏概全
ACC有問題,用得VPN就預左架啦

你朋友個方面唔知你EQ低定佢EQ低了
佢講野有問題,你處理方法都有問題,睇黎唔FD得幾耐

作者: mo仔§ 時間: 13-7-23 01:31 PM

做朋友~~~就係有野就講唔收收埋埋
講真....有幾何有人會咁直接叫你7頭~_~依D先係朋友呀

作者: 皇天無心人 時間: 13-7-23 04:05 PM

好文不妨推一推, 支持樓主!

作者: 扑扑先生 時間: 13-7-23 04:17 PM

重點係個帳號有事你聯絡台灣個方面好麻煩其實玩台定港我又覺得冇咩所謂

作者: 沒沒蛋 時間: 13-7-23 04:18 PM

扑扑先生發表於 13-7-23 04:17 PM
重點係個帳號有事你聯絡台灣個方面好麻煩其實玩台定港我又覺得冇咩所謂 ...

仲有想買點玩都好煩

作者: 寶貝卡卡 時間: 13-7-23 08:17 PM

台灣SER多人,D人又NICE!俾我都會偷渡，最多叫台灣朋友幫我申請AC囉，有幾麻煩!?

作者: 晴天寶寶 時間: 13-7-23 08:30 PM

寶貝卡卡發表於 13-7-23 08:17 PM
台灣SER多人,D人又NICE!俾我都會偷渡，最多叫台灣朋友幫我申請AC囉，有幾麻煩!? ...

你咁講，嬴哂啦

作者: 細說種種 時間: 13-7-23 08:38 PM

真係好LIKE樓主所講既一切!!!

作者: qwer367691 時間: 13-7-23 10:32 PM

講真.代理/遊戲公司好既話 .玩邊個服都冇問題~~~

作者: kion5050 時間: 13-7-23 10:52 PM

本帖最後由 kion5050 於 13-7-23 11:34 PM 編輯

樓主。其實都只是你個別既朋友針對你玩港服而己.
玩台服的玩家有什麼得罪你?.?
一杆打翻一船人啊
另外,我果時冇出聲係因為以佢既性格只會越講越大聲，影響其他食客，但我更怕我控制唔到自己! 佢都會黎呢個版既!以上既說話主要都係比佢呢個7頭睇

典型不成熟的例子。。這個且不作深入討論。。
這番言論實在令人汗額,基於你控制唔到自己既怒氣值,所以你選擇左係＞網上＜爆發！
這只會令到一部份人眼中(包括我) 認為樓主你真人只是個又要型又要面,但亦不擅長表達自己的小角色而己
再者,你自己也懂說喔他可是你的朋友！！
朋友有錯誤,不是應該糾正嗎?!
但很可惜....好景不常.天意弄人!!
你沒有糾正他也罷了,甚至在他背後"篤背隻"!! 可見做你的朋友實在帶幾分慘情...
最後！樓主試圖以一己之力改變其他玩家對台服的熱衷, 個人對此實在深表遺憾,並且作出強烈的遣責！！
不要感到奇怪,,我舉個例子你就會明白。
做父母的通常都是望子成龍,而且營運對象是自己的子女ONLY，學費仲要PAY埋你，直接D講就係唔想你為遊戲荒廢學業!而你照打?緊係冇問題架!世上冇難事，只怕有心人嘛!去網吧偷渡囉!仲要做到好似自己好威咁,呢一下真係......剩下的自行YY

就連你最親既人都改變唔到你這小小的心態..難道你期望這一篇小小的??抱怨文??能改變到論壇上眾位擁有雪亮眼睛的玩家們的心態嗎?
答案我相信樓主你能自行想出來的..

作者: l0vekahei 時間: 13-7-24 11:13 AM

本帖最後由 l0vekahei 於 13-7-24 11:14 AM 編輯

相信我- -
港服你AC 有問題佢地都係有排搞- -

但如果港台SER 1齊//有9成就會係樂豆代理
樂豆GD 牙..1年前封左我個AC 佢儀加都未回信比我 A_A

作者: 258745 時間: 13-7-24 11:41 AM

封IP係維護香港代理既利益姐,老實講唔係唔歡迎,有某啲台胛服GAME要偷渡易到DEL個文件就連到

都唔知係咪台灣特登整到咁易比人入
=============================
BTW幾讚到樓主,同埋港SER少人某程度上係有班人去左台SER

作者: yoyowobbb 時間: 13-7-24 12:47 PM

我感覺到港服的品質去到哪了

作者: 小時代 時間: 13-7-24 06:00 PM

唔好張人地既錯怪係自己身上. 首先我認為 .係理個社會大把甘既人喇.以口還口.只會越鬧越大
同埋我唔認為封IP代表唔歡迎.就好似tera好多人都用VPN左美服玩.玩隻game都係因個人喜好.
點都好. 台灣人確實係比較NICE.就好似日本講野文化.好有禮貌一樣.
香港人因為用廣東話.潮語多數無法翻譯.都係因為甘樣大家有樣學樣講出黎既無心變有心
每件事唔好單一方面睇. 因為你甘樣講得罪太多人了 . 我們是無辜的

作者: 【落葉】 時間: 13-7-24 08:57 PM

香港網上遊戲每況愈下
好多時都係因為代理問題

同一個遊戲台灣跟香港的優待會好唔同
亦都係好多人去台灣SERVER玩既原因

我完全認同台灣人大部分來說都比較有禮貌同質素

VPN來說有無問題? 見仁見智

但真係各取所需玩得開心就好

別太大壓力呵

作者: 寶貝卡卡 時間: 13-7-24 09:04 PM

本帖最後由寶貝卡卡於 13-7-24 09:04 PM 編輯

l0vekahei 發表於 13-7-24 11:13 AM
相信我- -
港服你AC 有問題佢地都係有排搞- -

無錯，講得好，我撐你，港服最少都要搞成個月!

作者: 眼訓 時間: 13-7-24 10:50 PM

以下說話將提供兩種語言觀看
文字版:
其實說真的,如果可以選擇,我也會選擇台服
為甚麼?
第一.人多(這就不用多解釋了)
第二.香港人玩遊戲太快就轉遊戲了
大約就是這兩個理由,不過我也是會玩港服
為甚麼?人家都封你IP了!還故意衝去台服玩做甚麼?
討厭大陸人來港但自己卻偷渡去台灣,這不是超矛盾的嗎?

口語版
老實講,有得揀我都係揀台服
點解?
第一.台服多人囉(唔係仲要問下話)
第二.香港人打機不嬲都快跳GAME
理由都係呢兩個咁上下啦,但係我都係玩返港服
點解?頂!人地都封左你個IP,仲去台服做乜?
整日遊行抗議人地落黎,自己又玩偷渡,唔覺得勁矛盾?

作者: ck豪 時間: 13-7-25 07:19 AM

其實我覺得人少有人少既好處,起碼人少唔會有人覺得lag,同埋都易d上十大

作者: 芯雅 時間: 13-7-25 08:36 AM

講真個句，點解看港game少人玩?咪就係個個都走哂去玩台ser仲點會多人玩！

作者: kiki54321 時間: 13-7-25 08:59 AM

個FD同你講笑,咁認真嬲做咩-.-
只能說你傻仔,不過都明既
好心叫FD一齊玩無啦啦俾人吊一下
咪話唔火

作者: 帥不 時間: 13-7-25 10:06 AM

我係咁諗的
國內人黎HK  我地唔多歡迎佢
同樣道理
我地入到台SER玩
台灣朋友的心態會唔會好似我地對國內朋友的心態咁睇?

因為我見過好多GAME 係港台澳的好多港人都對台人不滿  台人又對港人不滿  或者呢啲係小事係好小會發生

不過咁諗
我地成日話台灣朋友好NICE  GAME又持久又多人  所以過去玩
你話人NICE姐  咁點知對方點諗? 一定有小學雞因為去台SER玩搞到人地唔鐘意好嬲  對港朋友有抗拒
正如一定有一部分國內人黎到影響到我地生活  另到我地好憎佢地的道理一樣

作者: 生菜魚肉 時間: 13-7-25 10:46 AM

本帖最後由生菜魚肉於 13-7-25 10:46 AM 編輯

樓主提出的呢個致命問題真的好致命... 台灣很多時間要對身份證.... 結果只能放棄帳號..........

作者: hkcow2 時間: 13-7-26 12:28 AM

本帖最後由 hkcow2 於 13-7-26 12:32 AM 編輯

還有交易會很煩

個人喜好.........唔洗嬲

作者: ToFuJoe 時間: 13-7-26 12:37 AM

我自己好多online game 都係玩開台服習慣左
不過真係鎖左ip 我又唔會咁麻煩走去用vpn去玩

作者: kiana 時間: 13-7-26 10:25 PM

個人黎睇有港服試咪試下先LOR-,-
同意,你所講~如果台服會封港IP, 玩黎冇謂又冇保障=.=
就算咩VPN , 個AC有咩問題,比人爆AC呀/轉手果D 都冇得搞.
港GAME時間短? 覺得係睇代理做法 , 就算隻GAME本身幾好, 黑X代理都可以好易搞死~~
唔覺得台灣人特別好NICE, 同香港人差唔多~ 但香港GAME, 小學雞多就真既(思想上..^^~)

歡迎光臨 2000FUN論壇 (https://www.2000fun.com/)