2000FUN論壇

標題: 〔謝骨〕天空第一垃圾咒的｡:.ﾟヽ(*´∀`)ﾉﾟ.:｡冰島攻略法(變左各職介紹?)已更新圖＆咒師篇 [打印本頁]

作者: hahaha7098 時間: 13-7-31 05:47 PM 標題: 〔謝骨〕天空第一垃圾咒的｡:.ﾟヽ(*´∀`)ﾉﾟ.:｡冰島攻略法(變左各職介紹?)已更新圖＆咒師篇

本帖最後由 hahaha7098 於 13-7-31 10:49 PM 編輯

Warning:本攻略法只屬個人短見，不喜勿插，有錯即改謝
前言（＝廢話）：話說小弟係夢之入面，３職都玩到咁上下，平時又中意研究唔同職既技同埋打下冰島（當然係俾人打多過打人），係長期俾人封門既壓力之下經常係到諗點樣破呢樣個樣（當然個人唔夠勁就咩都唔洗諗．．．），經過一番整理後（同埋太悶）就決定掟出黎大家一齊諗（￣▽￣）～■□～（￣▽￣）　

冰島：戰士篇
戰血攻防都高我諗大家都知，但係係冰島火戰用黎做肉盾都唔錯（火戰）
一轉戰：其實都ok有用，封門個陣可以拉人出黎暈（如果唔介意殺唔到人既話）

二轉戰（火戰）：全夢之pvp入面最可怕既職（個人認為），成日打佢個陣扣個D屎咁多多；俾佢打一野就紅／死埋，而火戰因為有住士同埋加防技既優勢，作為打手／血盾真係勁到飛天

pt配法（本人唔係好知詳細點法但係大致上都係80:20左右．．．？）：

攻血／血攻：最基本既配點，打人夠大力又唔脆，９０下都岩玩，血攻打人比較細力但係比攻血安全
配合：任何職

防血（我夢想中最勁既配法 PS:冰島only)：推薦９０上勁裝戰用，到時人人幫你RJ之餘，打人應該都唔會細力得去邊(打９０上情況唔多清楚，９０下應該都夠力)無論同光咒一齊打定係得自己食mum mum回血應該都會好勁．．．
配合：防血光咒（一邊打一邊回血，到時真係唔知打邊個先好．．．）
　　　限制能力高人士
　　　任何大力人士

全攻：打人最大力，亦係最唔安全既一種配法（當然你盾效補救我冇野好講），但係對火戰黎講應該可以頂到幾秒既．．．係人海戰術入面．．．（未計算強水在內）
配合：血牛人士
　　　限制能力高人士
任何人士

全血：最強血牛，但個人認為唔勁，打人細力回血又鬼死咁慢．．．（話曬冰島可以搵光咒一邊打一邊回血 ---＞光咒唔怕死既話　當然強水就．．．．(￣y▽￣)╭ )
配合：大力人士

3轉(水戰):打咒既神物，狂扣mp+吸攻＋回血，就算唔係打咒都還可以，唯一缺點＋最大死穴係．．．．硬直大到阿媽都唔認得．．．．如果打勁多人個時硬多0.1秒都係＝gg......

pt配法：
攻血：最基本不解釋
配合：任何人士

血防：雖然冇火戰咁平均既防禦力，但係多左招吸攻，所以就算係血防卡打起上黎〔可能〕比火戰更大力，而且有得回血，不過多數人都會選擇攻血多（因為殺到人+s)
配合：大力人士

４轉（光戰）：um....雪地用光戰黎打人既玩家應該．．．冇．．．因為就算光戰係遠攻但係硬直都唔短，而且攻技唔算好多（得大技同弱化技有用d)，所以大部分人都用其他職．．．但係如果係幫人加技既話都可以既．．．所以配咩pt唔係重點．．．用番你打死地個張卡吧+d

pt配法：
屬攻：因為係用黎打死地．．．
配合：任何人士（加技)

５轉（暗戰）：暗戰打pvp一般黎講還可以，有得破壞防具（－５防），限制技亦都唔算少，所以係冰島打人效果都唔錯，不過因為光咒既神技關係所以暗屬唔算可以好突出．．．　另外要注意小心開加攻／暗屬技，因為會扣自己防／血　

pt配法：

攻血：可唔可以忽略說明．．．

攻屬：先攻後屬，確保攻擊力輸出後，如果對方冇上暗抗／神技既話，算係有Bonus既傷害（Bonus唔係褒義詞黎嫁咩．．．）
配合：血牛人士
　　　任何大力人士

６轉戰（聖炎騎士／炎戰）：官方話係為pvp而生既職，我唔反對，技都可以而且有得回血加抗突進blah blah blah,最重要係招盾可以反效，俾人封門個陣７轉咒／４轉咒一招大技車埋黎俾你一反
，出面成班友就咁暈曬，咁就．．

pt配法：

攻血：（忽略）

血攻：個人認為比攻血更穩定，血高了＝能夠反射攻擊的機會增加＝生存機率＋殺人機會增加，攻擊力下降係無法避免既問題，唯有靠裝盾補番．．．

７轉戰（武之神）：個人認為係戰入面第２勁既職，原因係因應pt唔同可以做到唔同角色，血牛得，打手亦得，遊擊都冇問題，有減傷反射回血（保人，呢招真係勁），又有扣防同限制技，突進技射程如同弓手，大技範圍勁大，因此係某方面可能比火戰仲好用

技能特色：悟道．疾／守／攻　　護法心得
說明：話可以因pt做唔同角色就係因為呢個技能

真心７轉戰用悟道．疾再加埋狼魂既話行得超快．．．

PT配法（最麻煩係呢隻)：

攻血：（忽略）要開悟道．疾／攻

防血：保人用，配合悟道．守，加血魔增防增抗，仲可以保人加反射傷害，多人混戰時可先確定自己某人作為目標，然後開技保佢（要跟住佢，因為招技要keep住係１０格先有效），其間你可以幫手打人／開大技停人，但一定要跟實自己個目標，所以係好恩愛（！？）既配法黎

攻屬／攻屬血：同５轉暗戰既原因差唔多，如果自己把劍既盾有扣抗既話會比純攻卡大力好多（當然點大力法要睇人地上咩抗／自己扣幾多抗)

弓／咒(#12)／技巧篇(#14)

作者: hahaha7098 時間: 13-7-31 05:48 PM

本帖最後由 hahaha7098 於 13-7-31 10:24 PM 編輯

弓手篇：
作為〔攻〕手當然要夠大力，所以攻擊力係攻手必要條件，其次唔係防，而係機動力（指走位技巧+移速　老實講我係０機動力+s)

一轉：弓手一轉冇咩用，轉卡啦+d

２轉（水弓）：弓手最基本，最高限制能力的職，神冰＋暈，太陽彈連１００％爆擊,加速加命中加cd，pvp可以話係同火戰平起平坐，雪地作為主攻打手係極好既選擇

pt配法：

攻血／屬血：同戰差唔多，主要係想打人大力＋安全為上既平均型

攻屬：力量特化型，原因同暗戰一樣

配合：血牛
　　　限制能力高人士

３轉（暗弓）：最陰濕既職，可以隱身又可以吸攻，玩家經常隱身都敵方門口殺人（多數冇技），被人發現仲可以吸攻／拉人休克／煙人，但係如果正面戰鬥既話戰鬥力會下降（幻覺？），敵人有神技既話更加細力（神技：增防＋增暗抗＋唔會致命一擊），所以唔建議用屬卡打雪地．．．攻卡還可以

pt配法：

攻血：（忽略）

全攻：要求一擊必殺，但係安全性大減，打唔死人就gg

配合：可自己一人

４轉（火弓）：火弓係冰島上黎講唔算極有用，１００％爆技－＞神技擋左，氣油彈－＞一般扣防已經夠用，而且限制效唔算多，所以唔推薦使用．．．

pt配法：

攻血：(ry

５轉（光弓）：高lv既弓多數有一張光弓用黎打死地升lv，而個張卡用黎打冰島其實都唔錯，但如果想確保打人夠力既話建議攻血／攻屬，光弓既狼熊魂係主要幫人加既技黎，而〔自然力下降〕係打極硬火戰既必要手段黎，十分重要

pt配法：

攻血：．．．

全攻：唔適合冇勁裝既人士玩，因為要靠勁盾效先可以整到好勁

攻屬：同暗戰一樣

配合：血牛
　　　任何人士

６轉（灼魂狙擊手，炎弓）：個人最討厭既敵人之一．．．限制技還算可以射程亦長到離曬大譜，有扣抗扣防，最重要係唔夠做可以係船個到閃人．．．打到佢紅血先黎俾佢閃到真係火到黎+f　１８格射程唔係講笑的(cd又快)

<---呢個位

攻血：．．

屬攻：有人會咁pt，原因係你既裝好勁而且上左扣好多抗既盾，因此非HKD戰士不建議使用

利申：６轉其實只要夠mp用＋閃到人既話血加唔加都冇咩大問題．．．

配合：近戰誘餌

７轉（隼之狙擊手）：其實我唔明點解俾人話廢．．．連曬技既話大技射程２０格，仲要加勁多％攻，再加多招隱身＋１００％爆效既技俾你．．．試諗下俾隻７轉弓加曬連技黎打你既話，冇幾萬都偷笑（你有減致飾既話．．．．）

技巧：連技順序

森羅萬像－＞快速裝填

－＞連技

－＞走遠隱身

－＞猛禽感應

－＞狙擊

PS:如果得伏擊１既話都可以用大技，但威力冇伏擊２咁勁

pt配法：

攻血：基本配法

攻屬／屬攻：實際效果未知．．．但要求既同樣係一擊必殺既能力

配合：可自己一人

咒師篇(#12)

作者: 送禮達人:] 時間: 13-7-31 06:10 PM

冇咒士篇既＠＠

作者: a13167 時間: 13-7-31 07:42 PM

希望你打多d
鼓勵

作者: 、醜.♥ 時間: 13-7-31 07:45 PM

比心機好詳細

作者: babylucky 時間: 13-7-31 08:10 PM

加油. 暗弓土告左無用的..

作者: _呀K~ 時間: 13-7-31 08:35 PM

幾有用wo
BTW點解好似成日都建議點攻屬既

作者: `★CrayonDays 時間: 13-7-31 09:11 PM

呢個post簡直對我好大幫助-.-(此人不懂如何加pt)

作者: _呀K~ 時間: 13-7-31 09:26 PM

講完之後我終於識用晒7轉弓d技

作者: ChiNGovo` 時間: 13-7-31 09:39 PM

好有心機!!!
雖然我唔多打雪地但多謝你打左篇野出泥

作者: hiukit1503 時間: 13-7-31 09:41 PM

死人妖

作者: hahaha7098 時間: 13-7-31 09:48 PM

本帖最後由 hahaha7098 於 13-7-31 10:27 PM 編輯

冇計咒唯有係呢到打．．．．

咒術師篇：
咒師最強大既地方就係屬性力量同埋可以回血，弱點係行得勁慢同埋脆，但係６／７轉完全改變左呢個弱點，成為全部咒師既喜好職

１轉咒：１轉咒係３劍弓咒既１轉入面最有用，回流光罩，以至煙人眠人都可以做到

２轉咒（火咒）：作為咒師第一隻S卡，老實講打怪還可，PVP就可以完全摺埋彈開，出技慢都飛起咁，出得黎都俾人cut+暈，但係自己個邊多人個陣可以用黎大技暈下人既（PS：火神好重要）

pt配法：

屬攻：咒師主要強化屬性，所以由普遍攻血轉為屬攻（咒好多武都有扣抗）而好多勁咒師多數都全屬＋扣勁多抗既武，所以上唔上抗都係萬幾萬幾咁扣

攻屬／攻血：有人專門用黎PvP既話就會有咁既pt法，配攻就算人地上抗都唔會有好大影響（但係冇pt屬＋扣抗咁大力）

配合：大力打手
　　　近戰誘餌

３轉咒（光咒）：用途廣泛，而我個人認為同主防既火戰係天作之合（人地１血１血咁扣火戰，然後就回佢．．．．真係打到下世都未死．．．當然光咒要夠硬）打怪既話用黎打暗系／不死都幾好用，但PVP主要作用就係加技同回血，神技係雪地黎講真係必要，冇神技＝GG　

PT配法：

屬血／屬攻：光咒主要用黎打死地，好少用黎PvP　因此呢張卡係死地分法黎

防血：絕對係同防血火戰一組，打火戰又煩唔打火戰又煩，邊打邊回真係打到無名火起．．．

配合：血牛火戰

４轉咒（水咒）：感覺上行得幾快（錯覺，一定係），而且因為係水屬所以超多限制技，又有冰盾，多一條保命符，但唯一缺點就係大技要成１秒先放到出黎．．．其他技能都放得唔算慢，射程都可以，係冰島係咒師其中一個可取既職

PT配法：

攻血：怕人地上抗既分法，但冇屬pt而人地冇上抗／扣人地抗咁大力

屬血：可以打到人地超痛，但係人地上抗就８８～（如果自己有扣抗盾既話會勁好多）

攻屬／屬攻：前者輸出穩定，後者有機會打人大力，但係一樣好易俾人秒

配合：大力人士
　　　近戰誘餌

５轉咒（暗咒）：感覺上好似多左吸血同扣人血技能既防戰，冰島實戰上作用唔大，技能亦冇可取之處

PT配法：

防血：因為多左吸血技，可以一邊吸人地血一邊磨人地條HP．．．（唔排除人地爆強水／唔耐煩走人）

防屬血：比上面更大力，但可能脆左（我會減血pt）

配合：大力人士

６轉咒（赤熾炎法師，炎咒）咒師們的寵兒，因為夠大力（增屬力高），但相對地MP消耗極高（技能再加上MP盾），因此９０上裝有返咁上下勁推薦用６轉，但低LV最好唔好用(８x都還可以既．．．)，因為人地用技車埋你到可能都冇左一半MP了

PT配法：

全屬：確保自己既裝真係扣屬扣得好勁先好咁pt，之後打人唔理人地上咩抗都幾萬幾萬咁扣（本人成日俾人扣抗打到飛起．．．）

屬攻／攻屬：比全屬穩定

屬血／攻血：可以修補MP不足既問題，而且生存機會比全攻型較高

配合：（一般）大力人士＋近戰誘餌
　　　（勁人）一個打十個＜－－唔係講笑

７轉咒（海之神）：個人最中意用（個人中意叫波塞頓），主要原因係雖然冇６轉咒咁高攻，但係嬴在攻守平衡，限制技比６轉咒多而且易中（個人比較中易限制技多的職－＞可以煩死人），實用技都多（落雷最大可停人４秒＋扣水抗／１８格出血技)

PT配法：

屬血：穩定輸出＋安全

屬攻：大力

全屬：高手向

配合：大力打手
－－－－－－－－－－－－－－－３職介紹完畢－－－－－－－－－－－－－－－－－

雪地技巧篇(#14)．．．

作者: `★CrayonDays 時間: 13-7-31 09:57 PM

樓主好有軍師feel-0-
我個人認為火戰同光咒擺埋係一齊好襯= =

作者: hahaha7098 時間: 13-7-31 10:18 PM

冰島技巧篇：
１．封門時（對象：板騎人士
先說明何為封門，姐係勁多人企係大約呢個位

有人出黎即刻殺

但係其實咁係好危險，雖然唔洗俾天使／惡魔守衛打中，但係會俾以下既方法可能整到全滅．．．

講之前要再講埋點解要板騎先做到呢？睇圖

冇錯就係隱形
首先係門入面上板騎隱身，然後先沖出門去到D人既位置

〔紅十字為目標地點，沖得越入人群效果越好〕
之後落騎再車D停人大技（７轉咒20j／４轉咒20j／２轉戰１８j／etc）
注：此方法請先確定自己陣地內有足夠戰力係你自殺式攻擊個陣沖出黎
話說本人只試過一次此方法，效果唔錯，如果唔係出技個時俾人停埋＋冇人沖出黎，絕對有機會解封門，我廢甲出完技都仲未俾人殺

先更新到以上咁多心得，如果大家都有意見想講，不妨留言，多謝：P

作者: ~唯我~ 時間: 13-7-31 11:25 PM

隱5秒有盾ge會好快秒人

作者: s2002125 時間: 13-7-31 11:48 PM

首先多謝你的心思
但我想講玩得你既「攻/能」以外既pt根本要90上/靚sl
無以上根本只會兩頭唔到岸
玩pt從來都是攻屬能搞好<p場冰島已沒大問題
什麼能防也只是多餘或錦上添花
你既配點/意見均建基於3傳之上
試下玩神裝你就知你意見上的問題

作者: hiukit1503 時間: 13-8-1 12:24 AM

hahaha7098 發表於 2013-7-31 21:48
冇計咒唯有係呢到打．．．．

咒術師篇：
咒師最強大既地方就係屬性力量同埋可以回血，弱點係行得勁慢同埋 ...

chan就係一個打十個個黎

作者: volley=] 時間: 13-8-16 02:35 AM

支持出多啲

作者: Asce_Nam 時間: 13-8-16 05:10 AM

幾詳細起碼解答到好多人既問題
不過嚴重唔認為光戰廢同埋雪地冇咩光咒會跟埋出去回血多數都係6/7轉殺人
如果係多人既時候上曬水/火抗/4抗光戰未必會係細力果個
我之前張光戰15 雖然錯點但係58+5弩打某族傳9293戰都扣到佢6000左右 80+7弩就8000左右
而你係雪地有幾何會係幫人回血係人去都係想殺人嫁啦光咒唔係唔殺得不過6/7轉好好多姐

不過咁有心機打骨係唔可以唔比的

作者: l0vewuing(k)` 時間: 13-8-16 05:49 AM

依我所知7轉咒玩屬既力度有限
雖然咒卡係玩扣抗
但係佢既攻力低
攻屬至大力@@冰雪都好似玩攻屬

作者: small李` 時間: 13-8-16 09:11 AM

咒師打火戰
暗咒全防都玩死佢

作者: 錯綜複雜 時間: 13-8-16 11:35 AM

本帖最後由錯綜複雜於 13-8-16 11:48 AM 編輯

但係打開雪地既人,一般都有4抗
一見到古c巨人4抗果啲
玩全屬都係返去食mum mum算
Btw我唔否認你話啲職有扣抗技
真係,無90上玩全屬都係收皮

利申：樓主冇講茶茶啵

作者: 呵呵_ 時間: 13-8-16 12:14 PM

樓主你好有心機@@
3職都整齊晒a_a

作者: siudiu828 時間: 13-8-17 06:52 PM

對我非常有用

作者: hahaha7098 時間: 13-8-17 07:16 PM

錯綜複雜發表於 13-8-16 11:35 AM
但係打開雪地既人,一般都有4抗
一見到古c巨人4抗果啲
玩全屬都係返去食mum mum算

目前個人所知既係d人用扣抗盾+扣抗裝+全屬卡既話你上抗都好大力…(不只限咒)

作者: cheng12301 時間: 13-8-17 07:20 PM

比唔到骨住

作者: Ｐｒｏ奶β 時間: 13-8-17 07:26 PM

係吾係教緊點咩pt??

作者: hahaha7098 時間: 13-8-17 07:51 PM

Ｐｒｏ奶β 發表於 13-8-17 07:26 PM
係吾係教緊點咩pt??

原本係想講下唔同pt法有咩用,點知變左教點pt Orz
話說洗返個post上黎姐係迫我更新姐Orz

作者: §×幸福﹌ 時間: 13-8-17 07:57 PM

樓主整得好有心機咁支持你

作者: a13167 時間: 13-8-17 08:06 PM

心機爆分@@ 支持

歡迎光臨 2000FUN論壇 (https://www.2000fun.com/)