2000FUN論壇

標題: 補習時, 教中國文化, 提到夫妻相處之道: [打印本頁]

作者: 友誼第一^.^ 時間: 13-8-2 07:03 PM 標題: 補習時, 教中國文化, 提到夫妻相處之道:

補習時, 教中國文化, 提到夫妻相處之道:
‘兩人相處, 貴在相敬如賓, 夫妻關係並不是後期宋明理學的極端男尊女卑, 而是處於較平等的關係必要時更互相提點, 發現對方有錯便要指出, 而並不是一味奉承……’
‘例如, 古時候, 晏子是齊國的國相.’
‘一次他外出時, 車夫的妻子從門縫中偷看, 見身為車夫的丈夫拉車時, 十分得意.’
‘車夫回到家, 她的妻子要求離婚.’
‘丈夫問她原因, 妻子說: “晏子身高不到六尺, 做齊國的國相, 揚名諸侯. 但他外出時, 志慮深沉, 面無喜色. 而你身高八尺(即約今日6尺左右), 只給人做車夫, 卻趾高氣揚, 覺得很滿足, 我因此要求離去。” 從那以後, 她的丈夫一改故態.’
‘所以呀, 在座各位同學, 如果你地有拍拖嘅話, 唔好成日掛住氹佢, 間中都要點醒佢架!’

這時候, 有一女學生, 面露愁容, 衝口而出說: ‘唉, 有拖拍就好啦! 我學校果班40人, 得10個男仔咋!’
此語一出, 不少女同學均附和, 竊竊私語地說:
‘我地果班仲衰呀, 全班得5個男仔, 當中4個仲要乸乸地!’
聽罷, 女同學們個個頭耷耷, 覺得自己中短期好難發市.
由此可見, 好多學校, 真係陰氣好重!

男同學們則喜形於色, 攞晒彩咁講:
‘無計啦, 而家女多男少, 物以罕為貴嘛! D女仔追我地就差唔多!’
‘我班D女同學全部都係豬扒! 無樣無身材……’
為免男同學們繼續吹噓下去, 我說:
‘好啦, 而家貼下DSE題目勒, 下年嘅熱門題目就係…….’
成班同學, 立即收聲, 奮筆疾書喪抄貼士;
但我的內心卻翻騰不已!

回家途上, 我覺得要為那些信心盡喪女生說一些公道話,
也權當是回應那些自以為是的男生吧!

是的, 近年女多男少, 已是不爭的事實.
從香港出現了剩女或盛女一詞, 便可見一斑.
三十年河東, 四十年河西, 男人們覺得吐氣揚眉的時間到了!
從數字上看, 可能是對的.
但物是否一罕便貴, 卻是未必.
從前男多女少的時候, 男仔為要得女仔歡心, 都十分上進有為, 自我增值.
因為要在芸芸男孩子中脫穎而出, 希望得到女仔青睞嘛!
偏偏, 現今男少女多, 男的恃寵生驕, 自恃罕有, 反易自甘墮落.
問問一些老闆, 現在的大學生是什麼樣子的?
曾聽說有男大學畢業生來見工, 媽媽全程陪伴左右, 連面試也是媽媽代問代答!
30歲以上男人, 仍由爸媽養的大有人在;
結婚時, 由家人支付婚宴的, 比比皆是!
以前, 男人等事業有充足準備才向女孩子求婚, 然後一個人擔起頭家;
現今, 男人結婚後才去準備事業, 然後搵成頭家擔起佢一個人!
男人貴在有擔當, 試問現在貴在哪裡?

也有些男仔經常詬病女孩子的外貌, 又要求做他女友要外貌完美.
成日話身邊女仔樣衰, 身材矮, 無胸, 手臂粗, 象腿, 皮膚差……
對她們如動物般評價, 完全不尊重人.
我想問問這些男孩子: 你成日批評人地外表差, 你自問又好好咩?
你話女人胸細, 你地男仔又有無42寸胸肌先?
你話女人樣衰, 你地男仔不又是眼細牙黃鼻扁嗎?
你話女人身材差, 你地又有無六舊腹肌倒三角形身材?
識話人唔識話自己!
你本身有沒有之前中環成班外國男MODEL嘅身型?
有些做人老公的, 更怨老婆生完仔女後身材走樣!
街上好多麻甩佬, 則對行過嘅女人評評點點!
但呢班諸兔挑剔的男人, 又唔低頭睇下自己個大肚腩同兩側鬆泡泡的手臂肉, 或摸摸自己個禿頭,
遠睇不就是成群白皮豬混種蝙蝠河童嗎?

男仔也常說: 女孩子只喜歡名牌, 追星, 無品味.
頂, 男仔們又有什麼品味了?!
近年十個男生, 九個是宅男, 日夜只對著電腦, 沉迷ONLINE GAME同睇波.
係網上嘅成就, 大過現實上嘅成就!
幾日前, 便聽聞有個男仔, 因在網上GAME的角色被‘群毆至死’而嚷著要自殺!
現實不少男仔, 出街就拎住部PSP, 玩GAME就用老翻, 軟件全DOWNLOAD, 揸車改大聲死氣喉扮超跑, 自欺欺人, 仲覺得好自豪!
其實, 什麼行為也有高低雅俗之別, 即使是閱讀也有分睇金庸和睇咸書, 但在此不細表了.
但近年在街上拿金庸小說看的男仔, 你見過幾多?

反之, 不少女人, 的確愛名牌, 愛追星, 但追求過程與男仔有些不同.
大部分女人們會死慳死抵, 節衣縮食, 都要追番個正版名牌手袋.
她們以買冒牌貨為恥, 覺得一旦被發現用假野, 會永不超生, 故絕不自欺欺人.
知恥, 是好事.
女孩子也追星, 但為了親近這些偶像, 我見過不少女學生走去學日文, 韓文
你何曾見過男仔鍾意 C. RONALDO 或 MESSI 而走去學葡萄牙文或西班牙文?
好學, 也是好事.

當然, 我見過不少男學生, 有修養, 謙虛, 有禮, 有品味, 好學且有擔當, 這些人性格多較內斂, 也懂得男女要互相尊重.
相反, 淺白之徒, 便喜歡上網力陳港女不是, 在街上對女人指指點點, 覺得尊重女性就是丟晒男人嘅架, 打女人才是人生最高的成就!
其實, 香港不少適婚女人沒有結婚, 不是不能結, 而是不想是旦搵個麻甩佬結!
人工高過你, 學養高過你, 品味高過你, 英文好過你, 口才叻過你, 對感情又專一過你, 連身高都分分鐘高過你……
頂, 我係女人的話, 真係寧願單身都好過同你!
內地不是男多女少嗎?
即使要嫁, 香港以外的男人也是一個好選擇, 當中更有不少是好質素.
ANGELA BABY, 蔡少芬等不正是選內地男人為伴嗎?
香港女人學貫中西, 見識廣闊, 正是內地女人所缺乏的;
香港女人溫柔婉約, 英文流利, 也合西方男人的口味;
內地男人及西方男人一旦黎香港娶妻成風,
港男們, 無論身型, 身家, 身份, 你地有邊樣夠人家揪?

女生們, 好好裝備自己吧!
不要妄自菲薄, 紆尊降貴就人家, 乞求人垂青自己!
有拖拍, 嫁得出, 也未必是好事,
因為倘若你的男友或丈夫, 只像晏子的車夫一樣, 毫不上進, 卻驕傲自負,
那麼, 和他在一起, 只是有苦自己知而已!
更何況,
他的身高,
可能都無8尺!

https://www.facebook.com/elcheungyanyan/posts/389228247857052

作者: 友誼第一^.^ 時間: 13-8-2 07:31 PM

張欣欣，前稱楚鋒，香港補習導師，曾效力當代書院，現於活學教育任教。曾因一廣告造型而被網民恥笑，近年則因經常於facebook分享生活瑣事而受網民關注。

簡介

張欣欣畢業於香港大學中文系，後於將軍澳寶林邨開設補習社，經營五年每月純利兩萬多元，但他卻不甘穩定令「自己愈來愈kai」下，將補習社轉手。之後欲應徵當代書院私校部當老師，卻因言談有趣獲建議轉攻補習班，並將他改造成「補習天王」。

講座出位言論

學友社在2007年舉辦的會考講座中，邀請張欣欣講解中文科應試技巧，但他言論「出位」惹起部分人不滿。

他在講解作文卷時表示「我曾經收過一個女同學的文章，文章寫得很美，她寫遲到原因是因為返學途中被人拉入後巷強姦，然後寫被人撕破衣服，然後露出雪白的……但同學考試時不用這樣寫」，惹來在場學生哄堂大笑。他亦不時用上「爆睇」、「爆留心」、「爆講自己意見」等字眼。提及「說話」一卷時，張欣欣則提醒學生，縱使認識某些字的正確讀音，也不要「臭寸」地向考官拋書包。

當時，學友社社長謝劍明形容張欣欣部分言論猥瑣，亦有工作人員反映內容有問題，強調如商討後認為言論不恰當，便考慮不再邀請他出席將來的講座，永久列入黑名單。教育評議會副主席何漢權批評張欣欣「百分百失言、失德」，身為教師，教導學生考試技巧毋須使用低俗語言。陶傑亦曾在節目《光明頂》中評論此事。

事後，張欣欣向《明報》發律師信，指上述被評為「猥瑣」的報道，對他構成誹謗，但《明報》編輯部發言人表示當日記者親身在場採訪，報道內容屬實，不會撤回報道。

Facebook分享被指煩膠

2012年中，張欣欣開始在facebook專頁上分享婚後生活瑣事，但漸漸成為煩膠，惹來負評。網民主要認為他過於着跡表達對妻子的愛意，極度造作；又認為他的分享旨在令港女認同及like，質疑當中可能有吹水成分，亦有網民認為他的文筆未符中文教師的水平。甚至有人認為他像唐英年一樣，靠老婆上位。

作者: 友誼第一^.^ 時間: 13-8-3 02:26 PM

開帖係咪一多字就會冇人睇

作者: NoMatter! 時間: 13-8-4 12:36 AM

友誼第一^.^ 發表於 13-8-3 02:26 PM
開帖係咪一多字就會冇人睇

恭喜你已中POINT

作者: KaRL-BoYS 時間: 13-8-4 01:07 AM

友兄high 大左...

(無睇文+1)

作者: KA2837 時間: 13-8-4 01:37 AM

友誼第一^.^ 發表於 13-8-3 02:26 PM
開帖係咪一多字就會冇人睇

你聊版開嘅帖我一定會睇晒!

作者: 希0_0 時間: 13-8-4 01:40 AM

我居然睇哂
我真係有病==

作者: 低低… 時間: 13-8-4 02:22 AM

夫妻相處之道在乎 — 忍

作者: a2003070 時間: 13-8-4 02:43 PM

無AV唔睇

作者: 友誼第一^.^ 時間: 13-8-4 02:51 PM

KA2837 發表於 13-8-4 01:37 AM
你聊版開嘅帖我一定會睇晒!

暗戀我唔需要講出嚟

作者: 友誼第一^.^ 時間: 13-8-4 02:51 PM

低低… 發表於 13-8-4 02:22 AM
夫妻相處之道在乎 — 忍

好多回覆都插佢為吸女FANS出埋啲自慰文

作者: 藍羽臣 時間: 13-8-6 04:32 PM

夫妻相處以和為貴。

歡迎光臨 2000FUN論壇 (https://www.2000fun.com/)