2000FUN論壇

標題: 錦衣裝備&套路打法交流 (已更新) [打印本頁]

作者: 定海神針 時間: 13-8-9 09:57 AM 標題: 錦衣裝備&套路打法交流 (已更新)

本帖最後由定海神針於 13-8-10 05:47 PM 編輯

開SER到而家一直都玩錦衣, 身邊不斷有錦衣朋友相繼轉門派, 近期可能改版關係, 見到多左好多新人或者回流返黎錦衣GE朋友, 所以開個帖分享一下我對錦衣GE玩法, 各位朋友亦歡迎隨便在此帖提出意見交流一下, 但請勿引發罵戰.

浪遊人

裝備:
臂身內罡體, 五屬性, 4品銀裝的話可推爆2屬性, 4品玉裝/5品金裝可推爆3屬性, 5品玉裝可全爆屬, 建議次序如下:
臂 > 體 > 身 > 內 > 罡
大家都知錦衣鎮派係內功, 命中必要罡氣, 但我會排最後, 因為就算3內你推到爆罡氣都好, 琴日我用3內打比武, 連續2次MISS左招大技..=_="....所以可考慮易骨, 身罡/體罡易骨可能好D, 無妄內功的話就不用易骨
武器方面, 不論廚/鐵刀, 都必要升5品爆擊BUFF, 鎮派連擊數少, 唯大技7HIT, 連技接大技可激發爆擊BUFF, 大技爆擊超痛
爪方面, 雙血雨爪必收, 但鎮派出左, 群戰可用金爪, 要比較的話, 以血雨計, 雙血雙傷4品銀爪比 5品金爪高大概5%攻, (我隻金爪6傷但未頂屬, 接近頂屬可能同雙血雙傷銀爪差唔多) 自己考慮用咩爪喇

套路打法:
門派3套路路, 失魂刀, 爪, 鷹拳
失魂刀, 2內時期多人玩, 但CD時間長,破防起手大,連擊小,儲怒慢係佢GE缺點, 3內開始極小人會用, 就算打交單P群戰都唔會用, 但值得一提大技都好痛

追魂爪:
錦衣主流套路, 架招唔使開,無用的, 鐵勁剛拳都係無用的, 連技方法:
破防 > 鬼爪 > 血雨
鬼爪 > 白骨 > 血雨 > 大漠 > 鬼爪 > 血雨 (聽聞遲下會改大漠之後連唔到鬼爪, 但未知真定假)
留意血雨一定要出左鬼爪先好出, 無鬼爪BUFF的話血雨完全無力
白骨/破防 2招起手一模一樣的, 但起手真的很慢, 敵人難分你暈定破防, 不斷輕功拉距離或三段跳高出, 敵人就會被你玩死, 但打法比較狗, 但跳起的話, 我知GE有3套套路可破, 要小心, 1. 丐幫抱妹 2. 羅漢拳(同抱妹一樣) 3. 龍爪手, 對哩3套套路就唔好跳喇, 尤其龍爪, 計埋大技有3招可破你...另一方面, 而家多人齊進階輕功, 要一套爪走天涯已經過時, 我覺得爪只係輔助, 需要配合其他套路, 增加變化
最後一樣, 鬼爪唔好亂出, 多人識打爪了, 計準CD時間, 你拉唔到人的話, 就被人追9條街, 用輕功就破綻大了, 容易被人反擊, 點先拉得準, 打多D吧 A_A

鷹爪拳:
錦衣鷹爪拳禁地必須要, 特點群吸血, 高傷, 亦係錦衣師門戰必備套路, 事關大技6層後有9 HIT可用輕功自由移動黃霸體, 建議大技, 鷹翔霆擊, 鷹揚虎噬升至7層.
打交鷹爪拳不弱, 破防起手超快係特點, 破防成功亦會令對手倒地, 破防後有2種連技方法
破防 > 奪目爭珠(武技點) > 鷹擊長空 > 鷹揚虎噬
破防 > 鷹翔霆擊 > 鷹揚虎噬
留意必須要有奪目爭珠BUFF, 好處有2個, 自己睇招技有寫, 好多錦衣都係用拳黎作為打交開頭, 雁行破防, 除非對方係識打或高手, 命中率好高. 一破防就連技中BUFF, 倒地再虎噬, 但而家多人識打鷹爪拳, 破防唔到果時有破綻, 俾對手一拉就中, 對方識睇準你破防時你就要小心喇
以前門派戰/幫戰/群戰錦衣用鷹爪拳好常見, 大技黃霸體高傷, 但越黎越小人用, 因為多左開太極......所以令到鷹爪拳多左一個致命缺點

血殺刀:
好痛GE一套刀法, 群戰亦必用, 血洗山河可綁住10個對手定身幾秒, 血戰八方可擊倒10個對手, 但架招開唔開要考慮清楚, 因為架招3層BUFF出血戰八方會有黃霸體, 但如果1打1, 對方既打法係小連擊的話, 用左等如無用. 血殺刀單打通常2個開波方法, 1. 破防再連技, 2. 血戰八方成功再連技, 連技方法有好多, 破防佢唔快唔慢, 對手唔留神都會被破防, 主要有2種連技
破防 > 血戰八方 > 格殺勿論 > 血洗山河(綁住) > [1. 破防(有時間求其打多一野) > 怒技, 2. 雁行走 > 趕盡 > 刀光]
趕盡殺絕 > 破防/血戰八方(捉心理) > 血戰八方 > 格殺勿論 > 血洗山河 > 破防 > 怒技/刀光血影
我講連技方法有好多, 因為血殺刀連技要快, 一慢左就連唔到, 一招出慢左就唔好格硬出, 怒技可以的話, 必須要破防後先出...一黎吸唔到血...二黎儲怒就浪費左
禁忌: 單P不要隨便出血洗山河, 綁到還好,擋左還好....綁唔中對手就起碼1秒破綻被拉或被人反用返血洗綁住. 另外, 血殺大技都幾痛, 連一套大技可以都被你打走大半血, 但打走大半血時記得留趕盡殺絕, 因對手好有可能天馬三環補返血, 可睇下面武當打法

配合打法:
各門派:
以下只包括純門派套路, 不包括古譜
少林:
少林隻抽多數用太祖/鎮派龍爪, 太祖要計佢破防同暈既CD時間, 建議爪+血殺刀2套套路, 太祖破防必定倒地, 知佢差唔多可出破防時跳起打佢就破唔到, 近戰用血殺刀同佢打.通常太祖破防,暈,衝鋒出完少林一定走路, 雁行走時可鬼爪拉, 或血殺刀追住打
對少林龍爪, 用爪就千奇唔好出白骨/破防, 龍爪雙衝鋒技, 其中1招20米衝鋒, 起手太慢俾佢壓住打, 只可捉佢破綻拉佢血雨, 夠怒先轉血殺連技接大技, 龍爪出2招可鬼爪拉, 1.龜波氣功, 2, 捉影(跳起1HIT打個根斗果招) 小心大技擋格都會照被少林拉埋身, 遠距離要長擋

武當:
同純武當單P, 以前就好似對住隻不死小強咁, 而家血殺刀出左, 其實較易克制武當
以正常打法, 無乜特別注意, 武當套路收招慢, 唔難捉破綻, 建議拉中距離打, 因武當唔會被你拉到遠距離, 保持中距離, 等佢出招唔中捉破綻鬼爪.....清風劍就小心雁行破防
武當或其他門派都係, 天馬三環係小強打法, 佢一天馬, 留趕盡殺絕, 最好留埋衝鋒, 俾佢天馬完, 除非佢唔用三環, 佢一用三環要即刻趕盡殺絕, 咁好易CUT佢三環, 等佢轉套路就用正常打法, 佢唔出招就小心佢等CD再三環, 就照留趕盡殺絕

唐門:
有血殺刀後,極少同唐門打....最痛係吞鯨...小心2招, 吐信同破防, 破防起手大到喊, 不用說吧

極樂:
極樂雙刺高攻, 而家小人用追風刀, 打刺的話要拉中至遠距離, 打到咁上下就小心佢爆開你, 但卡武技點無起手爆開就真係無辦法, 對極樂建議初期用爪打, 有怒就轉血殺刀, 但要留意對手, 唔好硬格近戰, 同極樂打一定好快完場, 打佢唔死就佢打你吸飽血, 唔好諗住磨死佢, 我既心態係我未夠50怒前我當佢滿血, 因為佢吸血吸得好多....我夠怒先用血殺爆大技, 正常3內極樂被血殺大技連一套都應該無左大半血, 如果唔夠大半血就認命吧...

君子:
腿法長擋儲怒不解釋, 破防又係起手大到喊
劍法無特別野注意, 被破防就俾君子連一套...建議用爪拉中距離打, 可嘗試等君子出完衝鋒即用血殺埋身打

峨嵋:
必拉遠距離打, 離別刺好煩, 唔擋就暈, 擋又破防就無晒怒, 但技術要求好高, 遇上高手就可以完全被峨嵋控住...初期強烈不建議血殺埋身打, 而峨嵋鎮派亦非常連得, 被破防就注定被連一套, 如果佢原地轉果招你擋到就要長擋, 中途鬆手都會被轉上天連技, 用爪拉中至遠距離捉破綻打會適合D

丐幫:
3套門派套路無乜特別, 而家丐幫多數用打狗, 鎮派打狗都係要拉距離, 初期用爪, 佢個雙衝鋒技出晒就血殺近戰, 控到就連技, 控唔到就拉返距離, 盡量唔好磨佢, 最好係佢一半血前儲夠怒用血殺連佢大技

對古譜:
打狗古譜:
認真, 對住打狗古譜輸左9成 (期待開放四內,如君子四內), 理想打法拉中至遠距離, 但被打狗破防用輕功消耗好多輕功值, 初期唔好用血殺...求指教對打狗古譜

龍爪古譜:
用龍爪係想拉遠距離, 打龍爪在遠距離就要長擋, 通常龍爪敵不動我不動, 可嘗試中至近距離用爪打

太極古譜:
太極拳好少一開波就用 (我見過一個會=_="), 通常等左7秒公共CD擋到你果招老推破你防開太, 即係前提佢要有50怒先, 要自己預返對手怒氣, 打各門派以正常打法, 對手一有怒氣就要留神, 除非好有信心打中, 如果唔係唔好出實招, 尤其近攻實招...對手一擋你就GG, 走到的話就乜輕功都出齊走(三段路+雁行) ,另外, 明知佢有怒, 老推你果時就可以用金蟬雁行走, 一係等佢轉用返原本套路就正常打法, 一係大家磨到脫戰無晒怒....如果你成功走甩, 對手仲用緊太極古譜(通常衝埋黎破你防) 果時, 記得保持中至遠距離

作者: 鬼影 時間: 13-8-9 10:18 AM

錦衣1打1點打?比人一拉近就好易比人禁住打,例如:君子腿,求敗.錦衣岩唔岩玩極樂刺???

作者: 卓大濕 時間: 13-8-9 10:40 AM

大漠接唔到鬼爪係BUG,已經冇事

作者: 寒霜~子 時間: 13-8-9 10:56 AM

我發覺自己鬼爪血雨大漠之後要等1 2秒cd先出到鬼爪有時對方仲會擋到

咁我就試到改為破防鬼爪血雨大漠白骨鬼爪血雨夠怒通常都可以再接多次大漠咁

有無朋友試過以上情況？

作者: realhmy 時間: 13-8-9 10:56 AM

回覆定海神針的帖子

第一場只差一點就可勝你
諗住鷹爪大技就可ko 你

作者: 定海神針 時間: 13-8-9 12:07 PM

寒霜~子發表於 13-8-9 10:56 AM
我發覺自己鬼爪血雨大漠之後要等1 2秒cd先出到鬼爪有時對方仲會擋到

咁我就試到改為破防鬼爪血雨大漠白骨 ...

正常, 所以要用白骨, 但留意白骨後血雨未必連得咁快(睇距離), 慢左就唔好大漠, 因為對手會擋

作者: 定海神針 時間: 13-8-9 12:09 PM

realhmy 發表於 13-8-9 10:56 AM
回覆定海神針的帖子

第一場只差一點就可勝你

最後趕盡殺絕爆HIT WIN A_A

作者: 寒霜~子 時間: 13-8-9 01:54 PM

會唔會有寶物推薦如果想硬身d 除左血寶仲可以有咩配謝謝

作者: jason321456 時間: 13-8-9 02:28 PM

其實錦衣應該玩廚刀定技刀?
6傷好用定有2成大技寒鋒.?

聽聞樓主把3成寒鋒洗左30D....
但遲D錦衣又係玩刀出2階鎮派會唔會又要洗過技呢? ..
我見到好多錦衣把刀都係玩技刀 2,3成技

作者: 黑薔薇 時間: 13-8-9 02:37 PM

寒霜~子發表於 13-8-9 01:54 PM
會唔會有寶物推薦如果想硬身d 除左血寶仲可以有咩配謝謝

堆滿臂力,體及5品玉護腕是必須的
經脈入面既內功化解,內功防禦系列係十分重要的一環
因為已經退GAME,實際名稱唔太記得
總括黎講,點解有時擋左人地既攻擊,但都爆成千幾
因為對方開了忽視內功防禦的經脈(例如丐幫,武當)

(以上所說單憑記憶,如若有錯,請各高手更正)

作者: 黑薔薇 時間: 13-8-9 02:44 PM

jason321456 發表於 13-8-9 02:28 PM
其實錦衣應該玩廚刀定技刀?
6傷好用定有2成大技寒鋒.?

如果你果套套路無咩邊招特別出色,技能數又多,好似極樂十三劍咁,就用廚劍
吞鯨,血雨,風車,全套套路中只有1招輸出技的當然用鐵匠武
(個人見解)

作者: 納蘭可生 時間: 13-8-9 03:21 PM

首先我係台服錦衣一名 (已叛去丐幫)
裝備全五品玉:腕衫爪(雙血雨玉爪) 其他全部5品金武器(單刀:6破防)
寶物:血雨+5 外暴傷+10%以上為主
本人主玩爪所用既套路都係以配爪技為主
應用就唔教了技能配搭就講2招啦
炎陽刀:破防後會破2下 e個特性係第2下暈既時候剛好係7秒可以轉爪技用鬼爪拉轉
鷹爪:因為鷹爪破防快破防後接奪目爭珠然後雁行拉開距離因為奪目爭珠既特性係限時內敵人用輕功會有機率倒地拉開距離後可因應情況去用爪技破防/暈再接鬼爪同血雨(e招對一般有爪技既人都無咩用)

作者: yktcarson 時間: 13-8-9 04:20 PM

本帖最後由 yktcarson 於 13-8-9 04:21 PM 編輯

定海神針發表於 13-8-9 09:57 AM
開SER到而家一直都玩錦衣, 身邊不斷有錦衣朋友相繼轉門派, 近期可能改版關係, 見到多左好多新人或者回流返 ...

樓主不如一齊切磋下血殺我發覺周街都冇人玩

一齊研究下

舊ser 景玄意

唔係戰書黎純粹想搵下朋友打架我技術一般吹水成份多

作者: 定海神針 時間: 13-8-9 05:46 PM

yktcarson 發表於 13-8-9 04:20 PM
樓主不如一齊切磋下血殺我發覺周街都冇人玩

一齊研究下

星期日晚9點半有師門戰, 早少少黎, 打完遲少少走, 留係度一齊開擂玩下~各錦衣們都來玩下

作者: 定海神針 時間: 13-8-9 05:47 PM

yktcarson 發表於 13-8-9 04:20 PM
樓主不如一齊切磋下血殺我發覺周街都冇人玩

一齊研究下

星期日晚9點半有師門戰, 早少少黎, 打完遲少少走, 留係度一齊開擂玩下~各錦衣們都來玩下

作者: joker789 時間: 13-8-9 07:14 PM

錦衣4內特效未修改前，一個飛鏢普攻都cut到...依家開4內，幾時先會再更新個修改...？

作者: 定海神針 時間: 13-8-10 05:26 PM

已更新各門派

作者: 納蘭可生 時間: 13-8-10 08:17 PM

唔係掛- .-唐門未4內之前根本比錦衣打到喊=.=...4內之後技術好既唐門先同錦衣打得差唔多=_=吞魚根本打唔到你= =金蛇刺個套路招破防慢到笑= = 吐信你小心D無咩好怕- -而且你講既所謂打其他門派= =好似講到人地唔識學爪技咁=.=..丐幫識玩既都知丐幫手短大部份丐幫PK玩家都會收套爪不過我轉左去玩華人服就唔知E家港服既水平了- -麻...錦衣4內就別期待太大了面對丐幫4內既強勢錦衣內功失哂色-_-

作者: 納蘭可生 時間: 13-8-10 08:22 PM

補多句= =我唔知E家港服PK水平但我係台服打左幾個月打既人都係好少人用單一套路= = 點樣可以切換套路而唔比對手有機會反擊係我地諗得最多既野- - 單一套路無可能打天下 ONLY打狗古普無玩錦衣爪既都好易打-_-

作者: 定海神針 時間: 13-8-10 08:28 PM

納蘭可生發表於 13-8-10 08:22 PM
補多句= =我唔知E家港服PK水平但我係台服打左幾個月打既人都係好少人用單一套路= = 點樣可以切換套路而唔 ...

我所講既其實係講對門派套路..唔代表果個門派, 港服亦好多人有爪技, 唐門我唔多講就正如你所講咁.......
請教一下點打打狗古譜呢....改版後撥狗起手快左好多

作者: yktcarson 時間: 13-8-10 08:42 PM

定海神針發表於 13-8-10 08:28 PM
我所講既其實係講對門派套路..唔代表果個門派, 港服亦好多人有爪技, 唐門我唔多講就正如你所講咁.......
...

1. 用主攻套路例如鐵頭娘娘動呢d 同佢硬對鐵頭效果唔錯可以破盡天下武學前提係要人地打你唔到例爪技

2. 用番錦衣本門既血殺既話唯有同佢拉距離預判佢雁行再趕盡擋住等佢2招衝鋒技打落你度冇哂衝就追上去破防

3. 用古譜反制

4. 炎陽求敗一招熱沙反敗破佢撥狗

作者: 納蘭可生 時間: 13-8-10 11:35 PM

回覆定海神針的帖子

台服之前有賣一套99武學叫霓裳動完剋古普打狗如果港服有賣可以留意下另外如果無既話可以係打狗強挑個招方便下小小轉變. 通常古普打狗玩家有一個習慣雁行過黎強挑但e個時候你反應夠快絕對可以用沖風技cut左佢.但之後點接技就睇下你自己打法了0.0

歡迎光臨 2000FUN論壇 (https://www.2000fun.com/)