2000FUN論壇

標題: （非演義）三國志正史，舉出軍事能力最強的將領 [打印本頁]

作者: 殺‧拳 時間: 13-8-14 01:09 AM 標題: （非演義）三國志正史，舉出軍事能力最強的將領

本帖最後由殺‧拳於 13-8-14 05:27 PM 編輯

相信大家三國演義就睇得多，而三國志正史又了解幾多呢？歡迎發問及討論！

３名最喜歡的人物：

1.曹操
（著名的軍事家、政治家和文學家，挾天子以令諸侯，運籌帷幄、親冒矢石、出生入死、身經百戰，相繼討董卓、征張繡、斬呂布、破袁術、敗袁紹、擊劉備、群雄皆滅，統一北方，奠定魏國基礎。）
（官渡之戰，是他打得最漂亮的一戰，也是中國戰爭史上的奇蹟之一。
而他在戰場上真正敗得一塌糊塗的戰例只有赤壁之戰。這一戰，並不是他能力不足，只是實過分輕敵也。）

2.周瑜
事實上正史中的周瑜幾近完美，和演義裡的周瑜說差異太大，簡直已經到了扭曲的地步了。在史書《三國誌》裡，陳壽對於周瑜的評價相當的高並不是沒有道理的：
第一、史書說他「長壯有姿貌」，意即他身材高大挺拔，面容俊美非凡，外表出塵脫眾。
第二、他娶了一個擁有傾城之姿的絕色妻子小喬，英雄美人相得益彰，自古傳為佳話。
第三、他出身顯赫、乃名門之後。曾祖、祖父皆漢太尉（國防部長），父為洛陽令。
第四、年少有成，二十四歲即為建威中郎將，受盡吳人推崇，稱之為「周郎」。
第五、允文允武、精通音律，
第六、溫文儒雅、風度翩翩；性度恢廓、雅量高致。
第七、孔明借箭、借東風、三氣周瑜等等情節根本全是虛構。
實質他不懼曹魏，在赤壁之戰中打敗統一北方、不可一世的梟雄曹操，奠定三分天下之基礎。

3.司馬懿
（用兵可媲美曹操、周瑜，16天破城擒斬孟達，多次抵抗諸葛亮蜀軍北伐，令其最終無功而回，成功守住曹魏家業，最後更謀朝篡位，天下盡歸司馬氏，可見此人深有謀略及野心）

作者: 低低… 時間: 13-8-14 01:52 AM

相信大家真三國無雙就玩得多，而三國志正史又了解幾多呢？

作者: 莉迪亞 時間: 13-8-14 01:59 AM

提示: 作者被禁止或刪除內容自動屏蔽

作者: KaRL-BoYS 時間: 13-8-14 02:39 AM

無睇過正史
無睇過演義
無玩過真三

正係玩過無雙大蛇

我係咪太過份

作者: gOD. 時間: 13-8-14 03:44 AM

我細個去圖書館就係睇正史反而三國既遊戲玩得比較少

作者: 殺‧拳 時間: 13-8-14 11:30 AM

gOD. 發表於 13-8-14 03:44 AM
我細個去圖書館就係睇正史反而三國既遊戲玩得比較少

我個人比較鍾意曹操，無論係用兵、政治等等都好出色，但主要都係佢身邊既人輔助。

不過如果單論用兵勁，我諗成個三國周瑜唔係第一就係第二！可惜早死。。。

作者: SuperDS 時間: 13-8-14 12:42 PM

有傳三國最聰明的係郭嘉

作者: 乂死神 時間: 13-8-14 12:43 PM

反而我就玩得多魔獸的三國

作者: 殺‧拳 時間: 13-8-14 02:06 PM

SuperDS 發表於 13-8-14 12:42 PM
有傳三國最聰明的係郭嘉

郭嘉乃天下奇才，智謀之士！
出謀獻計可以，但帶兵打仗不行！

如果單論軍事及有智謀，以曹操、周瑜、司馬懿、陸遜為首

作者: 殺‧拳 時間: 13-8-14 02:20 PM

本帖最後由殺‧拳於 13-8-14 02:35 PM 編輯

發現2000FUN三國志神人唔多，希望有人一齊論三國～！

作者: 龍仔(G) 時間: 13-8-14 03:14 PM

我對三國既了解就係
華雄係孫堅斬
曹操先有五子良將,蜀既五虎將係9吹
演義趙雲既功績係由陳到同趙雲合併

作者: 希0_0 時間: 13-8-14 03:19 PM

你唔係講過喇咩
又黎

作者: 梁太祖 時間: 13-8-14 03:36 PM

我有睇三國志,
睇三國演義只係純屬過癮!!

作者: gOD. 時間: 13-8-14 05:03 PM

我認為論用兵司馬懿周瑜次之
不過我個人比較鐘意文人

作者: king.s 時間: 13-8-14 05:06 PM

點解冇人講諸葛亮既

作者: 殺‧拳 時間: 13-8-14 05:20 PM

本帖最後由殺‧拳於 13-8-14 05:23 PM 編輯

king.s 發表於 13-8-14 05:06 PM
點解冇人講諸葛亮既

諸葛亮...。三國演義比作者神化左，洗腦，其實係正史只係一個文官。

簡單講，只有政治可以。至於打仗。。。唔好提了！

作者: ChrisCheung1992 時間: 13-8-14 06:24 PM

陸遜陸遜

作者: 希0_0 時間: 13-8-14 06:30 PM

黎黎去去都係三國志
你唔悶我都悶

作者: 殺‧拳 時間: 13-8-14 06:40 PM

本帖最後由殺‧拳於 13-8-14 06:44 PM 編輯

希0_0 發表於 13-8-14 06:30 PM
黎黎去去都係三國志
你唔悶我都悶

其實你都幾搞笑，不過網上總係有你呢種人，既然唔鍾意，覺悶，冇人迫你入黎架喎！咁點解你仲要入呢個ＰＯＳＴ呢？另外，你講第一次果陣，我都冇理你，唔同你一般見識。第二次，我先理下你。希望唔好有第三次，面係人地比，架係自己丟，唔鍾意就請出去吧！唔該！

作者: 殺‧拳 時間: 13-8-14 06:46 PM

本帖最後由殺‧拳於 13-8-14 06:46 PM 編輯

ChrisCheung1992 發表於 13-8-14 06:24 PM
陸遜陸遜

幾欣賞佢，用兵不亞於周瑜，如果你講多Ｄ最好

作者: tangkaki 時間: 13-8-14 06:52 PM

本帖最後由 tangkaki 於 13-8-14 06:53 PM 編輯

更係呂布呂布一條友單挑百萬大軍
但係會死咁解姐

作者: 殺‧拳 時間: 13-8-14 07:01 PM

tangkaki 發表於 13-8-14 06:52 PM
更係呂布呂布一條友單挑百萬大軍
但係會死姐咁解

死仔，玩野

呂布，有勇無謀，比曹操斬左

引用三國志，
曹公用荀攸、郭嘉計，遂決泗、沂水以灌城。月餘，布將宋憲、魏續等執陳宮，舉城降，生禽布、宮，皆殺之。

作者: 希0_0 時間: 13-8-14 07:13 PM

殺‧拳發表於 13-8-14 06:40 PM
其實你都幾搞笑，不過網上總係有你呢種人，既然唔鍾意，覺悶，冇人迫你入黎架喎！咁點解你仲要入呢個ＰＯ ...

其實再講三國志唔係問題
講番果d人物都唔係問題
問題係你連句子照COPY
曹操同司馬懿都係同上次果POST一樣
真係得周瑜係原創(?)

作者: 殺‧拳 時間: 13-8-14 07:52 PM

本帖最後由殺‧拳於 13-8-14 07:57 PM 編輯

希0_0 發表於 13-8-14 07:13 PM
其實再講三國志唔係問題
講番果d人物都唔係問題
問題係你連句子照COPY

相比起之前，今次真係有問題發問，不過都係廢話一遍，問到１９９９，真係唔好介意我咁講！不過，我都會照回答你既。

第一，你所指應該係我呢個ＰＯＳＴ吧？http://www.2000fun.com/thread-5396716-1-1.html
你話我ｃｏｐｙ返之前打既野，我想問「引用返屬於我自己既野」有咩問題？
再者，只不過係人物介紹，你想會有Ｄ咩改變？難道曹操打外星人？定周瑜生花柳？定司馬懿食屎？

第二，兩者既題目都唔同。

第三，咩周瑜係原創，都唔知你問乜，真心笑了。

ＰＳ。如你對三國冇興趣，大可返回屬於你的二次元空間，反之，如有，絕對歡迎一齊論三國。
最後，我冇乜興趣同你筆戰，十分無聊，就此收筆。

作者: 希0_0 時間: 13-8-14 08:01 PM

本帖最後由希0_0 於 13-8-14 08:02 PM 編輯

殺‧拳發表於 13-8-14 07:52 PM
相比起之前，今次真係有問題發問，不過都係廢話一遍，問到１９９９，真係唔好介意我咁講！不過，我都會照 ...

你係咪誤會左少少?

我話原創姐係話你冇引用之前d野
唔係角色原創

至於你話引用番自己d野
其實你可以用下其他字句去取代(詳細,縮減),唔係叫你老作
COPY番出黎有咩意思

作者: ChrisCheung1992 時間: 13-8-14 08:50 PM

等我help一help 諸葛亮先

其實諸葛亮在軍政上都有好好既表現
只不過內政大權係劉先生健在未有全權掌握
而且佢唔係劉先生最信任既人

最信任係法正好比唐太宗信任既魏徵

劉備死前輸個場波都係因為無法正係度勸佢唔好打一場勝算不高既仗

"先主一稱帝便東征孫權為關羽報仇，群臣大多進諫，皆不聽從。......若法正還在，便能夠制止皇上，使不行東征；就算隨行東征，一定不致大敗而歸" (法正, 2013) Reference from http://zh.wikipedia.org/zh-hk/法正

作者: 殺‧拳 時間: 13-8-14 10:08 PM

本帖最後由殺‧拳於 13-8-14 10:13 PM 編輯

ChrisCheung1992 發表於 13-8-14 08:50 PM
等我help一help 諸葛亮先
其實諸葛亮在軍政上都有好好既表現
只不過內政大權係劉先生健在未有全權掌 ...

幾好！
我想補充下先，其實論政治、外交諸葛亮可算數一數二既人物

，可惜帶兵打仗真係唔掂...。

第一次北伐，用錯人（馬謖），以致失街亭，無功而回。

第二次，攻陳倉，比一個不出名既魏將郝昭阻擋，最後亦都係無功而回。

第三次，好辛苦先攻下武都、陰平兩郡，但之前＋今次都唔知花左幾多人力，物力。

第四次，比司馬懿以逸待勞之計及守城阻擋，攻極都攻唔到，最後斷糧，又無功而回，可能連之前攻下既城都冇埋。

第五次，同樣司馬懿採用以逸待勞之計及防守戰術，最後活生生咁拖死阻諸葛亮，死於五丈原。

ＰＳ。點解我話諸葛亮唔識用兵，除左以上根據之外，其實可以睇返三國志故事，孔明係擅長政治，劉備未死之前，掌兵、打仗都係佢。係劉備死之後，基於蜀國已經冇軍事人才，係無得選擇之下，所以諸葛亮先掌兵。

另外，唔好以為司馬懿以守為攻既戰術係廢，其實係大智若愚、上上之策，以逸待勞。一，保留自己兵力物力，二，同時消耗對方時間、兵力物力。再者，其實佢要ＫＯ諸葛亮非常簡單，點解？如果佢好快ＫＯ左孔明，佢之後既下場就係死路一條。唔明？自己睇三國啦！面對上頭壓力、又唔想咁快ＫＯ孔明，因為要自保，所以佢先慢慢拖，最後拖死孔明，亦最後吞佔埋魏國，一切都係佢既計劃當中。

如果佢唔係為自保，冇呢Ｄ壓力。。。諸葛亮到時唔係病死，而係被司馬懿斬之。

作者: hk1234567 時間: 13-8-14 11:02 PM

本帖最後由 hk1234567 於 13-8-15 01:01 AM 編輯

鄧艾,俯衝懸崖
呂蒙,白衣渡江
馬超,赤膊上陣
趙雲,單騎救主
徐晃,背水一戰
曹操,治國能臣

作者: ChrisCheung1992 時間: 13-8-14 11:03 PM

殺‧拳發表於 13-8-14 10:08 PM
幾好！
我想補充下先，其實論政治、外交諸葛亮可算數一數二既人物，可惜帶兵打仗真係唔掂...。

甘又好難講
北伐時強大既武將寥寥可數
連廖化都做先峰
隊人馬係中國隊你係費格遜都死啦
點打？！

此發言謹為本人立場

作者: hk1234567 時間: 13-8-15 12:41 PM

龍仔(G) 發表於 13-8-14 03:14 PM
我對三國既了解就係
華雄係孫堅斬
曹操先有五子良將,蜀既五虎將係9吹

真實無三英戰呂布呢回事

作者: hk1234567 時間: 13-8-17 01:02 PM

無人提過黃忠既,知唔知佢有咩甘勁

作者: 清君 時間: 13-8-17 01:33 PM

諸葛亮北伐，係為左消耗+拉近魏蜀國力，但係對方實在實力太雄厚

睇過一份資料，諸葛亮首幾次北伐因為領將係曹真，所以叫有得打，諸葛亮叻既唔在於主動出征，而在於玩「回馬槍」，佢落敗而逃，你追佢就死硬咁濟，呢個係化被動為主動既招數
至於後來換左司馬懿管諸葛亮北伐之地，司馬懿深知孔明計策，所以理都費事理佢

對三國歷史唔熟，不過曹操真係一代梟雄

親注孫子既人對軍事用兵唔會差得去邊

作者: 【絕】 時間: 13-8-17 07:31 PM

見你地傾得咁開心~ 我細個都好鐘意三國~ 不過唔係正史~所以同你地搭唔到咀~ 不過就搵緊3國志D單機GAME 玩緊~ XD

支持樓主~ 介紹多D正史~ 其實正史有冇書睇下架,有埋公仔仲好XD

作者: 天使長 時間: 13-8-17 08:08 PM

單講正史根本搭唔到嘴

作者: ChrisCheung1992 時間: 13-8-17 08:48 PM

最識時務者郭嘉也

作者: 殺‧拳 時間: 13-8-17 08:56 PM

【絕】發表於 13-8-17 07:31 PM
見你地傾得咁開心~ 我細個都好鐘意三國~ 不過唔係正史~所以同你地搭唔到咀~ 不過就搵緊3國志D單機GAME 玩緊 ...

多謝支持！
因為我見好多都比三國演義洗腦，個個都諸葛亮，趙雲。
所以開ＰＯＳＴ加強佢地對正史既認識！

作者: 龍仔(G) 時間: 13-8-17 09:52 PM

回覆 hk1234567 的帖子

我有提三英戰呂布?

作者: 陳手跛 時間: 13-8-18 02:33 AM

懶睇上面d無意義回覆個人認為正史論最聰明算係郭嘉

又打得又有d腦袋`既姜維

顏良算係一個幾揪得既物體可惜一刀比人秒左

作者: hk1234567 時間: 13-8-18 09:28 AM

陳手跛發表於 13-8-18 02:33 AM
懶睇上面d無意義回覆個人認為正史論最聰明算係郭嘉

又打得又有d腦袋`既姜維

姜維指揮唔及趙雲,兵陣唔及馬超,武力唔及張飛,而且只係用番孔明既舊僑同據點地形做防守,同時計謀都唔及孔明

作者: hk1234567 時間: 13-8-18 09:39 AM

tangkaki 發表於 13-8-14 06:52 PM
更係呂布呂布一條友單挑百萬大軍
但係會死咁解姐

如果可以一條友單挑百萬大軍就唔會比曹操捉左去斬

作者: 殺‧拳 時間: 13-8-18 11:16 AM

陳手跛發表於 13-8-18 02:33 AM
懶睇上面d無意義回覆個人認為正史論最聰明算係郭嘉

又打得又有d腦袋`既姜維

懶睇上面d無意義回覆

兄台，此言差矣，其實２０００ＦＵＮ都有唔少人識三國史，當然都有人魚目混珠，
但唔緊要，最重要大家討論開心，學多Ｄ野，呢個都係我開ＰＯＳＴ既原因！

個人認為正史論最聰明算係郭嘉
郭嘉係聰明，論計謀真係唔錯，不過單單只有聰明係唔夠架，仲要有其他既野，例如ＩＱ，ＥＱ等等
由於小弟對三國志都知一二，整體黎講，在郭嘉之上，大有人在！

又打得又有d腦袋`既姜維
有勇有謀之將，可惜相比三國前期人物，不算出眾！

顏良算係一個幾揪得既物體可惜一刀比人秒左
一介武夫，加上已比人秒殺左。。。

作者: 星魂11 時間: 13-8-20 10:17 AM

三國好多都係老吹,例如劉關張三個根本唔係結拜兄弟,桃園結義只係d人作出黎美化三國歷史

作者: 殺‧拳 時間: 13-8-20 01:29 PM

星魂11 發表於 13-8-20 10:17 AM
三國好多都係老吹,例如劉關張三個根本唔係結拜兄弟,桃園結義只係d人作出黎美化三國歷史 ...

冇錯！

作者: 天地龍王 時間: 13-8-23 12:00 AM

講軍隊質數張遼同高順應該最強,當年匈奴入侵西涼,呂布領兵連場大戰,高順軍隊傷亡少,殺敵最多,名叫陷陣營,張遼後期等同呂蒙一樣有進步好多
而領兵應該係盧植同皇甫嵩,全國70%起義全靠盧植逼張角入廣宗北上唔到,可能漢朝到靈帝就冇左了,而皇甫嵩係令張角勢力由50%全國地區變至10%,令黃巾之亂平息的主力之一!曹操當年只殺左5萬人左右,而盧植殺左40萬精銳,逼死埋張角,如果唔係個太監搞死阿盧植,漢朝都冇咁快亂世

歡迎光臨 2000FUN論壇 (https://www.2000fun.com/)