2000FUN論壇

標題: 女職員過勞自殺　公司拒道歉和民蟬聯「黑色企業」首位 [打印本頁]

作者: 風在隨空飄舞 時間: 13-8-14 05:56 PM 標題: 女職員過勞自殺　公司拒道歉和民蟬聯「黑色企業」首位

日本向來被視為好客之邦，當你踏足每一間店舖，店員臉上都會掛上甜美笑容，但有誰想到他們是對人歡笑背人愁，因為他們可能正遭黑心僱主嚴重剝削。業務遍及本港的日本跨國連鎖居食屋集團「和民」，有妙齡女職員因抵受不住日做12小時、一周工作七天而自殺，公司竟拒絕承認責任又不肯道歉，前天（周日）連續第二年獲頒「黑色企業大獎」，被封為黑心僱主。

強迫員工持續超時加班，迫使員工過勞致死，「黑色企業」被視為壓榨打工仔的黑心僱主霸權。由律師、傳媒等業界人士組成的日本民間組織「黑色企業大獎委員會」，是第二年頒發這個「獎項」。經網民投票後，和民集團在29,665張選票中得票率高逾七成，蟬聯「黑色企業」之首，其餘七個「黑色企業」提名亦包括港人熟悉品牌。委員會羅列「黑色企業」的罪狀，希望社會正視問題。

和民──每日加班7小時沒假放
2008年，加入和民僅兩個月的26歲員工森美菜自殺。她被揭發死前一個月加班141小時，以每周五天工作40小時的標準來計算，即每天平均加班逾7小時，意味她每天上班工作逾15小時。她每日至少由下午3時工作至翌日凌晨3時，下班後難以乘車回家，她只好留在沒有休息室的店舖內過夜。
森美菜基本上沒有休假，一周工作七天，假日仍要回食肆工作或被強制參與義務活動，每日上午未正式上班前還被安排前往進修。厚生勞動省裁定森美菜因工作過勞自殺，去年2月確定她能獲工傷賠償。不過和民拒絕為森美菜的死承擔責任，53歲創辦人兼社長渡邊美樹拒絕與死者家屬見面及道歉，只派律師團應付。有報道指，和民在員工手冊內有一條寫着「一年365日做足24小時至死方休」。
Tokyu Hands──銷售隊長一腳踢累死
這間吸引大量旅客前往掃貨的生活雜貨店，今年3月被神戶地方裁判所下令，要向一名因工作過勞而死的男職員，賠償7,800萬日圓（約625萬港元）。30歲男死者是銷售隊長，由於要為情人節旺季做準備，死前兩個月平均每月加班最少90小時，除了要管理7,000件商品，還要培訓三名銷售助理。2004年3月某日，他下班後向家人訴苦，說「好累，已到極限了」，當晚在睡夢中猝死。

東北大學──助理研抗癌劑抑鬱死
除了服務行業，這所位於宮城縣的頂尖院校亦獲選為「黑色企業」，2007年12月有男研究員留下一封「請找其他人代替我」遺書後自殺。
這名24歲藥學部助手，原本就讀博士課程，教授卻以「人手不足」為由，當年6月請他退學，轉任助手。男生其後要從事抗癌劑研究，藥物可能損害生殖器官，但他卻要在排氣系統不佳的研究室內獨自進行實驗，他曾向朋友抱怨「遲早不能生孩子」，又被教授指摘「手腳慢」，自殺前患上抑鬱症。縣勞動局裁定他是因為「業務上的心理壓力過大」而尋死，家屬去年12月入稟要求1億日圓（約800萬港元）賠償。

Cross Company──店長被迫買貨「填數」
擁有「Earth Music& Ecology」、「E hyphen world gallery」等人氣時裝品牌的Cross Company，可能是很多少女夢寐以求的工作地方，但2009年10月有剛畢業的女員工，因壓力過大、疲勞致死。
她在2009年4月入職，9月就獲擢升為東京都一間分店的店長，要追趕銷售額之餘，亦需兼顧大量行政工作，死前一個月不僅加班逾111小時，還因為營業額未如理想而要自掏50,000日圓（約4,000港元）買貨「填數」。

日本 blackcorpaward網站

作者: ?戰神 時間: 13-8-14 06:09 PM

「一年365日做足24小時至死方休」

來至完全自殺手冊

作者: 風在隨空飄舞 時間: 13-8-14 06:16 PM

做到仆街咁
咪又被上面D吸血鬼食埋你份糧

作者: 卍中仔卍 時間: 13-8-14 06:32 PM

每日返工7個中.....

係人都顛......

作者: 友誼第一^.^ 時間: 13-8-14 06:48 PM

卍中仔卍發表於 13-8-14 06:32 PM
每日返工7個中.....

係人都顛......

每天平均加班逾7小時，意味她每天上班工作逾15小時。

作者: 風在隨空飄舞 時間: 13-8-14 07:45 PM

友誼第一^.^ 發表於 13-8-14 06:48 PM
每天平均加班逾7小時，意味她每天上班工作逾15小時。

一日返15個鐘要喺公司訓埋
真係痴撚線

作者: 友誼第一^.^ 時間: 13-8-14 08:17 PM

風在隨空飄舞發表於 13-8-14 07:45 PM
一日返15個鐘要喺公司訓埋
真係痴撚線

試過返飲食呢個鐘數但樓上樓下, 全職但計時薪$23, 兩餐, 坐住食10分鐘左右, 其餘全程冇得坐,
1AM收鋪, 對腳好似唔屬於自己咁.. 跟住去大家食/新香園食碗麵煲下煙...
返到屋企沖埋涼基本上2AM~2點半, 我都幾多頭髮...好多時都唔理佢未乾就直接瞓..

做運輸(搬搬抬抬)呢個鐘數, 深水埗<=>中環, 6點幾起身, 8點2到步, 8點半開波...
兩餐, 食飯一個鐘, 返到屋企沖埋涼, 11點幾..

作者: KaRL-BoYS 時間: 13-8-14 08:36 PM

本帖最後由 KaRL-BoYS 於 13-8-14 08:39 PM 編輯

其實唔能夠完全怪哂黑色企業...員工自己唔識正面處理搞到出事都有責任

最好有儲落錢用1~2年時間進修...是但搵個文員仔做下都好

奉勸一句...做唔掂真係唔好死頂要出聲搵人幫拖

作者: 風在隨空飄舞 時間: 13-8-14 09:15 PM

友誼第一^.^ 發表於 13-8-14 08:17 PM
試過返飲食呢個鐘數但樓上樓下, 全職但計時薪$23, 兩餐, 坐住食10分鐘左右, 其餘全程冇得坐,
1AM收鋪, ...

係一日定日日

作者: 風在隨空飄舞 時間: 13-8-14 09:16 PM

KaRL-BoYS 發表於 13-8-14 08:36 PM
其實唔能夠完全怪哂黑色企業...員工自己唔識正面處理搞到出事都有責任

最好有儲落錢用1~2年 ...

的確佢唔識出聲係戇鳩 (我唔係指佢唔出聲叫人幫而係應該出聲返少D)
但黑色企業係話佢對員工唔負責
根本唔合常理

作者: 風在隨空飄舞 時間: 13-8-14 09:16 PM

而且我覺得冇人唔係因為環境而自願返呢種鐘數

作者: 惡魔獵鷹 時間: 13-8-14 10:40 PM

其實日本人不嬲都好慘....瘋狂加班

作者: 友誼第一^.^ 時間: 13-8-14 11:17 PM

風在隨空飄舞發表於 13-8-14 09:15 PM
係一日定日日

飲食個份一時時, 2pm->1am, 周不時叫早返幾個鐘炒埋個午市咁
但星期一到日不斷loop冇假放, 不斷話
"冇人手" "幫幫手" "請緊人架啦" "休息冇錢喎"
"返多一日多一日人工喎" "有錢都唔去賺咩" "第時請到人你想搵咁多都冇得你搵"
但keep住請唔到人
跟住有幾個full又好pt又好都走撚咗, 愈少人跟住愈請唔到人, 跟住都少叫我返早幾粒鐘
後尾我話唔做, 又話加我1蚊, 再跟住又話加2蚊, 結果都冇加, 但又想留住我
夜更真係幾難搵人, 師奶返到5點收工買菜煮飯, 個度仲要收1點, 車又冇得搭
住附近夜媽媽要行幾條街啲人又未必想, 加上深水埗, 夜晚周不時聽到爆樽聲
或有人交易粉狀物, 又多幫會的南亞人打手流連街上
好幾次陀地mk仔mk囡差多收鋪仲入嚟話要食嘢又大吵又鬧..黑唔黑就唔知, 但麻撚柒煩..
又有啲唔知乜人經過你鋪頭, 笠啲乜嘢飯盒筷子飲管話笠就笠. 好順手...

運輸個到是炒散, 但試過有段時間星期1-5不斷keep住返足...即係休星期六日咁解
出日薪...朝9到晚6計, 6點打後逐粒鐘計ot
要返咁足不如返長工吧啦
我一個禮拜最多都好似試過4,5日咁上下...有時會返星期六...
次次要做嘅嘢都唔一樣唔係返固定地點
一般通常都朝9, 晚5,6,7都常有...最常6,7... 8,9亦會有...

作者: 風在隨空飄舞 時間: 13-8-14 11:27 PM

友誼第一^.^ 發表於 13-8-14 11:17 PM
飲食個份一時時, 2pm->1am, 周不時叫早返幾個鐘炒埋個午市咁
但星期一到日不斷loop冇假放, 不斷話
"冇人 ...

第一份嗰種真係呃細路
根本唔會請人

斷日計又係，都唔知邊條友諗出黎
乜柒福利都冇，人工又唔係特別高

作者: 友誼第一^.^ 時間: 13-8-15 12:50 AM

風在隨空飄舞發表於 13-8-14 11:27 PM
第一份嗰種真係呃細路
根本唔會請人

我心諗人地要請假你畀唔到人, 有冇可能....
十幾廿間分店, 會分唔到人手畀人放下假咩.....
結果有人走, 即刻其他鋪調到人啦.....
其實香港奴隸心態好撚豬的, 一個月畀到你放兩日假已是莫大恩賜, 會好盡心盡力幫你打工
但偏偏死都唔騰個期畀你, 大家撐到行, 不歡而散, 咁就安樂

至於請唔到人... 好難講...
我做麵位, 隔離就鍋貼位.....我個位啲麵撐啲氣一路蒸面.....
我係熱...隔離條友係熱加不斷彈油....一個廿歲出頭的腥揀人企個位...
有次佢發燒....
嚟見的好多都是腥揀人, 有啲師奶望住個鍋貼位點樣出品, 睇咗幾個字就話唔啱做
有啲廿零歲o靚仔試做幾個鐘頂唔浦了...有啲又頭暈又反胃....我即刻去藥箱攞晒啲雙飛人, 白花油出嚟...
最長嗰個做咗一日, 收工前幾粒鐘我都有撩佢吹水, 佢話諗住唔做啦
跟住收工差不多, 條友埋去佢到諗住要訓話之類的, 開始了幾句
佢話其實佢想唔做, 跟住條友即刻改口諗住哄下, 初初上手係差啲, 慢慢做落就慣架啦
佢企硬, 跟住條友大佢話你聽日後日都要嚟, 公司規距剩係試一日工冇得出糧架
(心諗咁多份飲食真係第一次聽, 試一兩粒鐘唔啱即時出埋糧畀你走, 費撚事煩啦)
跟住佢都繼續企硬, 收咗工出了門口煲煙, 大家都有食, 佢仲問我係咪真係
我話你聽佢9up啦, 佢唔出你就上勞工處傾下計啦

講了好撚多次唔好企死23蚊請人, 我話你出夠三十幾起碼啦好心, 通街都廿幾
但又話這是公司規距, 新入職一定是這價錢, 當時已經好一段時間都請唔到人
佢地又仍然覺得"係畀個工作機會你學下嘢, 你唔識做又唔熟手都仲有得收人工已經算係咁"
我諗佢差啲冇講出口埋心入面個句係"嚟見工的應該貼錢返幾個月先可以開始收人工"
佢又實在唔諗下煎鍋貼呢門技能係香港會有幾多發揮空間個實際性
試諗下"唔做呢間鋪, 其他地方好少可用得著呢門技能"
你話撈廚房學徒, 水吧學徒都可以四圍走啦.....
簡單講即係, 冇嘢學, 又辛苦, 工時長, 諗住抖份人工點知人工少, 個價又通街畀到

加上要簽合約的長工, 但冇假期, 計時薪...返一日有一日錢, 呢樣已經令好多師奶都唔制.....
寧願去啲出返月薪有幾日假正正常常咁...

---

運輸個份真係老散嚟, 唔係長工扮老散...長工真係有間公司要上公司簽約.....
都幾多廿零歲o靚仔做.....朝9到晚6計一工$450~500, 6點後計ot每粒鐘$50
食飯一個鐘/一個半鐘, 有時密密做, 有時係倉, 坐三四粒鐘都冇一架車嚟到....
淨坐係到不斷煲煙...
但通常會臨收工一次嚟幾架或者迫晒落第朝早...
都還可以, 有時跟車走, 唔使自費過海, 深水埗放低我... 或者旺角太子之類我行返屋企...
有時幾條友做, 視乎做咩..
有次搬消防局, 廿幾三十人做
試過海關起咗批走私貨, 臨時call我地出嚟, 唔記得5粒鐘定6粒鐘計一工, 過後照計ot
2點幾打嚟話要唔知邊到等(我搭地鐵都是2,3個站的應該)
跟住車我地去貨櫃場, 應該都邊境位置, 話時話經過上水見到水貨客場面真係好誇張....
3點幾到, 在場近六十人, 剩計我地自己, 海關個邊又十幾廿人定廿幾
做完好似7點零到, 等dinner, 用貨櫃車去載飯盒, 聽到五十幾盒飯都冇餐廳做生意搵了好幾間
清一色某酒家燒味飯, 加每人一支支裝飲品, 飯後每人交出30蚊
又2,3粒鐘冇嘢做吹水煲煙會....
跟住臨尾唔知點解又要做啲嘢....
然後完....
因為一定冇車走所以都有車接送出上水火車站.......跟住我自己搭車到九龍塘轉返屋企...陰鳩公...
fd子上咗架載貨返車場經深水埗出葵涌唉屌.....搭緊火車時好似11點幾

作者: 風在隨空飄舞 時間: 13-8-15 01:10 AM

友誼第一^.^ 發表於 13-8-15 12:50 AM
我心諗人地要請假你畀唔到人, 有冇可能....
十幾廿間分店, 會分唔到人手畀人放下假咩.....
結果有人走, ...

有時D舖頭根本唔係計緊你諗盤數
請條友撳低個價，錢就由呢度出黎
生意生意，有人一間舖做到幾間做到發
係運氣係實力定命水好，但人地計過數
慳埋呢D人工咁少既事，比起舖租同食材成本
人工D野都係嗰幾招縮數
細個出黎做野覺得乜都冇撚所謂，唔會同上面講數
點知上面你唔出聲就陰你，又唔係跣你嗰種
我出來做野以前有個缺點，唔生性經常轉
自己學歷唔高，但唔知點解都叫搵到
只係成日都唔想做呢種諗法，而家轉到厭了
應該真係想要份長
都叫有野學，見過好多老闆
可能都係表面一層，但原來都有好多套
但始終覺得冇邊個好好好好，可能打工仔永遠係咁
就算走左都一樣咁諗

如果咁又唔算PAY得少
而家出面有D一日都冇$300
都係呃D後生仔去做暑期工
食埋飯搭車一日得$200
M記都舒服過佢
睇黎間野應該有咁上下規模

不過現在出黎打工平均都冇咁值錢
主要香港太多人

作者: 梁太祖 時間: 13-8-15 01:21 AM

阿彌陀佛!!!!!!

作者: 我愛可嵐 時間: 13-8-15 03:23 AM

太可怕!!!!!!

歡迎光臨 2000FUN論壇 (https://www.2000fun.com/)