2000FUN論壇

標題: [三國志‧軍事一決] 周瑜 vs. 司馬懿 [打印本頁]

作者: 殺‧拳 時間: 13-8-14 10:33 PM 標題: [三國志‧軍事一決] 周瑜 vs. 司馬懿

本帖最後由殺‧拳於 13-8-14 10:36 PM 編輯

周瑜（175年－210年），字公瑾，人稱「美周郎」，廬江郡舒縣（今安徽省舒城縣）人，東漢末年三國時期孫吳名將，他指揮的赤壁之戰，是中國史上著名的以少勝多的戰役，直接決定了三國時代魏蜀吳三國鼎立的局面。但他於戰後兩年即病逝，年僅三十六歲。
周瑜年輕便成就大功，加上本人謙虛寬容，相貌堂堂，精熟音律，還深得主上孫策、孫權的禮遇器重，他的妻子小喬也稱國色，是後世不少人羨慕追思的英雄形象。

司馬懿（179年－251年），字仲達，司州河內郡溫縣孝敬里舞陽村（今河南省溫縣招賢鎮）人，出身士族家庭，三國時期魏國大臣，政治家、軍事家。其子司馬昭稱王後，追尊為晉王；其孫司馬炎稱帝後，追尊為高祖宣皇帝，故也稱晉高祖、晉宣帝。

ＰＳ。其實三國當中，每個將領都有自己既擅長之處，如政治、人事、計謀、外交等等，不過今次想簡單Ｄ，就以軍事能力作決勝。小弟不才，自問略知一點三國志正史，當中最為欣賞是周瑜和司馬懿這兩位兵家，也認為除曹操之外，用兵最強也可能是全三國中的這兩位，希望大家勇躍投票，當然若有人不認同也可舉出來，歡迎一起討論。

作者: 殺‧拳 時間: 13-8-14 10:35 PM

我投左周瑜，佢赤壁之戰。。。真係好勁。連曹操都中計。。。

作者: 東方．真龍 時間: 13-8-14 10:42 PM

二公子 vs 5師兄

作者: 東方．真龍 時間: 13-8-14 10:43 PM

其實我最鐵鍾意奉孝

作者: 殺‧拳 時間: 13-8-14 10:43 PM

東方．真龍發表於 13-8-14 10:42 PM
二公子 vs 5師兄

咩黎＠＠？　唔明＠＠？

作者: 殺‧拳 時間: 13-8-14 10:46 PM

東方．真龍發表於 13-8-14 10:43 PM
其實我最鐵鍾意奉孝

郭嘉智謀之士也！

出謀獻計尚可，但帶兵打仗不擅！

作者: 東方．真龍 時間: 13-8-14 10:50 PM

殺‧拳發表於 13-8-14 10:43 PM
咩黎＠＠？　唔明＠＠？

漫畫「火鳳燎原」二公子司馬懿, 周瑜係八奇5師兄

作者: 殺‧拳 時間: 13-8-14 10:52 PM

東方．真龍發表於 13-8-14 10:50 PM
漫畫「火鳳燎原」二公子司馬懿, 周瑜係八奇5師兄

唔怪之得我唔明啦！
之前好多人比羅貫中三國演義洗腦，而家到左「火鳳燎原」洗腦，暈了，哈哈！

作者: 莉迪亞 時間: 13-8-14 11:06 PM

提示: 作者被禁止或刪除內容自動屏蔽

作者: 殺‧拳 時間: 13-8-14 11:29 PM

本帖最後由殺‧拳於 13-8-14 11:32 PM 編輯

補充資料：
周瑜係赤壁之戰尚未發生之時，早已不懼曹操，甚至想與其一較高下，憑此可見其膽色。
當時曹操領二十多萬大軍南下。

瑜曰：「不然。操雖託名漢相，其實漢賊也。將軍以神武雄才，兼仗父兄之烈，割據江東，地方數千里，兵精足用，英雄樂業，尚當橫行天下，為漢家除殘去穢。況操自送死，而可迎之邪？請為將軍籌之：今使北土已安，操無內憂，能曠日持乆來爭疆場，又能與我校勝負於船楫可乎？今北土旣未平安，加馬超、韓遂尚在關西，為操後患。且舍鞌馬，杖舟楫，與吳越爭衡，本非中國所長。又今盛寒，馬無槀草，驅中國士衆遠涉江湖之閒，不習水土，必生疾病。此數四者，用兵之患也，而操皆冒行之。將軍禽操，宜在今日。瑜請得精兵三萬人，進住夏口，保為將軍破之。」　三國志－周瑜傳

曹操資料
著名的軍事家、政治家和文學家，挾天子以令諸侯，運籌帷幄、親冒矢石、出生入死、身經百戰，相繼討董卓、征張繡、斬呂布、破袁術、敗袁紹、擊劉備、群雄皆滅，統一北方，奠定魏國基礎。

作者: 時 時間: 13-8-14 11:30 PM

諸葛亮

冇諸葛亮就冇赤壁之戰,況且單係寫得出隆中對呢點就贏周瑜幾條街

「司馬懿必謂吾怯，將有強伏，循山走矣。」候邏還白，如亮所言。

已分高下

作者: 殺‧拳 時間: 13-8-14 11:32 PM

時發表於 13-8-14 11:30 PM
諸葛亮

冇諸葛亮就冇赤壁之戰,況且單係寫得出隆中對呢點就贏周瑜幾條街

小朋友，回家熟讀三國史吧

作者: loeleo 時間: 13-8-14 11:56 PM

其實我幾鍾意曹操

作者: 殺‧拳 時間: 13-8-14 11:59 PM

本帖最後由殺‧拳於 13-8-15 12:04 AM 編輯

loeleo 發表於 13-8-14 11:56 PM
其實我幾鍾意曹操

我都係，真係佩服曹操呢條友，真係天生既兵法家、帝王命、梟雄、英雄！

曹操金句：
「兵不在多，在精，將不在勇，在謀。」
「天下沒有我曹操，不知幾人稱王，幾人稱帝了！」

作者: 殺‧拳 時間: 13-8-15 12:12 AM

本帖最後由殺‧拳於 13-8-15 12:15 AM 編輯

公佈：周瑜vs.司馬懿 1:5

司馬懿果真高人！此人詭計多端，不可留之，必先用計除之！

周瑜真乃當世將才！火燒赤壁破曹公，可吾不懼，彈指之間欲取汝首級！

作者: KA2837 時間: 13-8-15 01:33 AM

關羽最強! 其次周倉同關平~

作者: 殺‧拳 時間: 13-8-15 09:34 PM

KA2837 發表於 13-8-15 01:33 AM
關羽最強! 其次周倉同關平~

關羽打得，都算有勇謀之將！

作者: 時 時間: 13-8-15 09:47 PM

殺‧拳發表於 13-8-14 11:32 PM
小朋友，回家熟讀三國史吧

何不直接引經據典說服我?

作者: 殺‧拳 時間: 13-8-15 10:29 PM

本帖最後由殺‧拳於 13-8-15 10:38 PM 編輯

時發表於 13-8-15 09:47 PM
何不直接引經據典說服我?

可以，不過係之前，我想聽下你詳細解釋赤壁之戰，諸葛亮究竟出左Ｄ咩力？功績仲要勁過或大過周瑜？
請指教！

作者: gOD. 時間: 13-8-16 03:16 AM

時發表於 13-8-14 11:30 PM
諸葛亮

冇諸葛亮就冇赤壁之戰,況且單係寫得出隆中對呢點就贏周瑜幾條街

笑左出黎...你係唔係調轉左黎講
論打仗諸葛亮真係排9條街都無得同呢兩位比

BTW 我覺得司馬懿係周瑜之上以性格同作風黎睇我覺得佢先係真正既謀略家

作者: longNAB 時間: 13-8-16 04:59 AM

回覆時的帖子

諸葛亮內政就真係好強
但係領兵就真係差到冇能
自己上網睇番諸葛亮北伐就明
赤壁之戰諸葛亮其實冇乜作用
諸葛亮只不過係去說服孫權共同抗曹

其實你係唔係比三國演義洗左腦??

作者: 殺‧拳 時間: 13-8-16 10:55 AM

gOD. 發表於 13-8-16 03:16 AM
笑左出黎...你係唔係調轉左黎講
論打仗諸葛亮真係排9條街都無得同呢兩位比

終於見到有見識既留言

作者: 殺‧拳 時間: 13-8-16 11:02 AM

本帖最後由殺‧拳於 13-8-16 11:12 AM 編輯

longNAB 發表於 13-8-16 04:59 AM
回覆時的帖子

諸葛亮內政就真係好強

叻仔！！

不過我照引史例，等大家可以學多Ｄ，知多Ｄ！

先主至于夏口，亮曰：「事急矣，請奉命求救於孫將軍。」時權擁軍在柴桑，觀望成敗，亮說權曰：「海內大亂，將軍起兵據有江東，劉豫州亦收衆漢南，與曹操並爭天下。今操芟夷大難，略已平矣，遂破荊州，威震四海。英雄無所用武，故豫州遁逃至此。將軍量力而處之：若能以吳、越之衆與中國抗衡，不如早與之絕；若不能當，何不案兵束甲，北面而事之！今將軍外託服從之名，而內懷猶豫之計，事急而不斷，禍至無日矣！」權曰：「苟如君言，劉豫州何不遂事之乎？」亮曰：「田橫，齊之壯士耳，猶守義不辱，况劉豫州王室之冑，英才蓋世，衆士慕仰，若水之歸海，若事之不濟，此乃天也，安能復為之下乎！」權勃然曰：「吾不能舉全吳之地，十萬之衆，受制於人。吾計決矣！非劉豫州莫可以當曹操者，然豫州新敗之後，安能抗此難乎？」亮曰：「豫州軍雖敗於長阪，今戰士還者及關羽水軍精甲萬人，劉琦合江夏戰士亦不下萬人。曹操之衆遠來疲弊，聞追豫州，輕騎一日一夜行三百餘里，此所謂『彊弩之末，勢不能穿魯縞』者也。故兵法忌之，曰『必蹶上將軍』。且北方之人，不習水戰；又荊州之民附操者，偪兵勢耳，非心服也。今將軍誠能命猛將統兵數萬，與豫州協規同力，破操軍必矣。操軍破，必北還，如此則荊、吳之勢彊，鼎足之形成矣。成敗之機，在於今日。」權大恱，即遣周瑜、程普、魯肅等水軍三萬，隨亮詣先主，并力拒曹公。　
三國志－蜀書‧諸葛亮傳

白話文：
到達柴桑後，諸葛亮面見孫權，先用二分法給孫權兩個選擇：「若能以吳、越之眾與中原抗衡，不如早與之絕，另一個選擇則是激將法：「若不能當，何不按兵束甲，北面而事之？孫權反問諸葛亮為何劉備不投降，諸葛亮便抬高劉備身價，說劉備有氣節，絕不投降，以向孫權顯示劉備的決心。孫權大怒，誓言不會向曹操投降，但卻也擔心劉備還有多少兵力戰鬥。諸葛亮最後才分析兩軍的情況，先說出自軍散兵歸還和關羽水軍有萬人，加上劉琦凡江夏士兵亦不下萬人；再說出曹軍遠來疲弊，追劉備時，又用輕騎一日一夜行了三百多里，正是「彊弩之末，勢不能穿魯縞」；而且北方人不習水戰，荊州百姓又是被逼服從曹操，不是心服；最後肯定的說曹操必定可打敗。裴松之認為在諸葛亮遊說孫權之前，魯肅已經替孫權做了政治方面的打算，為之曉以利害并力戰曹操，而後孫權已經接受了魯肅聯劉抗曹的政治方略，孫權聯劉抗曹的軍事選擇並非完全處於諸葛亮的外交才能，本謀為魯肅。派周瑜、程普、魯肅等率三萬水軍，與曹操開戰。諸葛亮便隨軍回到劉備處。

如果真係要講赤壁之戰功績，就只有諸葛亮以外交方式黎見孫權，雖然當中比左好多意見孫權，但孫權係聰明仔黎，一早有主意，就算孔明唔講，紅字都講左，真正促使同盟其實係魯肅。

先主至于夏口，亮曰：「事急矣，請奉命求救於孫將軍。」
果陣曹操打到黎，你睇下呢段，可見到諸葛亮係好驚好怕。
簡單Ｄ講，如果冇東吳，就冇周瑜，就冇赤壁之戰，就冇諸葛亮（因已死），之後佢果Ｄ咩隆中對，三分天下之策，一早消失得無影無蹤了！

作者: 殺‧拳 時間: 13-8-16 11:18 AM

本帖最後由殺‧拳於 13-8-16 11:20 AM 編輯

諸葛亮：我係政治達人，至於帶兵打仗我真係唔得架！另外，赤壁之戰全是周瑜之功！

諸葛亮（181年9月17日（農曆7月23日）－234年農曆8月28日），字孔明，中國三國時期蜀漢丞相，中國歷史上著名的政治家、軍事家、散文家、發明家。徐州琅琊陽都（今山東省沂南縣）人。諸葛亮青年時耕讀於荊州襄陽城郊，地方上稱其臥龍、伏龍。受劉備邀請出仕，隨劉備轉戰四方，建立蜀漢政權，官封丞相。223年劉備死後，劉禪繼位為蜀漢皇帝，諸葛亮受封爵位武鄉侯，成為蜀漢政治、軍事上最重要的實際領導者。辭世後追諡為忠武侯。後世常以武侯、諸葛武侯尊稱諸葛亮，是中國傳統文化中，忠臣與智者的代表人物。

如火燒博望與新野，諸葛亮尚未出仕劉備；三顧茅廬、七擒孟獲、六出祁山（實際是五次北伐，只有第一、四次出祁山）等都經過誇張和劇情創造，歷史上諸葛亮用兵的功績不如他治理蜀國的政績耀眼；而舌戰群儒、草船借箭、借東風、智激周瑜、三氣周瑜、空城計等則是虛構或將劇情移花接木。

作者: 殺‧拳 時間: 13-8-16 11:32 AM

本帖最後由殺‧拳於 13-8-16 11:32 AM 編輯

公佈：周瑜vs.司馬懿 5：8

司馬老賊！汝還不中吾之計也！

不好！差點中周郎反間之計也！

作者: ChrisCheung1992 時間: 13-8-16 11:56 AM

周瑜係美斯
魯肅係沙維

作者: 霉乂男 時間: 13-8-16 07:54 PM

本帖最後由霉乂男於 13-8-16 07:58 PM 編輯

時發表於 13-8-15 09:47 PM
何不直接引經據典說服我?

首先，諸葛亮謹慎有餘但進取不足，
從演義中劉備以龐統入蜀，
以及棄用魏延子午谷奇謀足以作證；

韓信背水佈陣，項羽破釜沉舟，而諸葛亮明顯唔夠果斷。

其次用人方面存在爭議，廖立﹑魏延等人懷才不遇，
初次北伐以馬謖守街亭導致大敗，爾後出師再無優勢；

臨終推舉蔣碗﹑董允﹑費禕等人為相，
令蜀國偏安十幾年錯失時機，
導致姜維北伐時魏晉已穩定國內以及完善體制。

最後，演義尊亮貶瑜，借風不過小說情節；
正史中赤壁之戰亦由周瑜一手策劃，
不存在無諸葛亮就無赤壁之戰一說。

諸葛亮被稱為我國史上最成功軍師，
在於佢令劉備從一個流亡者變成一方霸主，
但其才能主要體現於外交同政治上，
而當中涉及幾多軍事才能就見仁見智。

作者: ~九刈草~ 時間: 13-8-16 08:00 PM

我會揀司馬懿...

作者: 霉乂男 時間: 13-8-16 08:01 PM

殺‧拳發表於 13-8-16 11:02 AM
叻仔！！

不過我照引史例，等大家可以學多Ｄ，知多Ｄ！

周瑜﹑魯肅﹑呂蒙﹑陸遜﹑諸葛恪﹑陸抗，
東吳都督真係個個有料

作者: 霉乂男 時間: 13-8-16 08:20 PM

回主題，個人投比周瑜，原因如下：

曹操領有天下三分之二，司馬懿以魏晉強兵固守對抗勢力較弱既蜀國，
其後郭准﹑陳泰﹑鄧艾﹑鐘會等亦有類似功績且野戰更多，
而生平其他對手諸如孟達﹑公孫﹑王凌等輩微不足道，實在稱不上軍略體現。

反觀赤壁之戰雙方實力差距懸殊，而周瑜憑謀略同軍略完美結合嬴得勝仗。

作者: KA2837 時間: 13-8-16 10:19 PM

殺‧拳發表於 13-8-15 09:34 PM
關羽打得，都算有勇謀之將！

關羽强在上到神枱, 就算未讀過書都知道邊個係關二哥~

周倉關平呢啲副將都憑關公上到位!

P.S. 不如開個三國人物知名度排行吖~

作者: 殺‧拳 時間: 13-8-16 10:26 PM

霉乂男發表於 13-8-16 08:20 PM
回主題，個人投比周瑜，原因如下：

曹操領有天下三分之二，司馬懿以魏晉強兵固守對抗勢力較弱既蜀國，

冇錯！有見地！
想補充少少！

我都投左比周瑜，原因曹操係我最欣賞既人，有智有勇，打左無數次勝仗！
但佢竟敗比周瑜呢位少年，當然係有輕敵，但就算曹操佢冇輕敵，要對付周瑜都唔係一件易事。

曹操ＶＳ.周瑜

中反間計、苦肉計、敗於赤壁。

作者: 流氓 時間: 13-8-17 02:28 AM

如果全能力令講係周瑜~不過唔識隱藏自己~
計謀略司馬~能夠吞魏讓子孫建晉@@

作者: 殺‧拳 時間: 13-8-17 08:53 PM

本帖最後由殺‧拳於 13-8-17 08:54 PM 編輯

流氓發表於 13-8-17 02:28 AM
如果全能力令講係周瑜~不過唔識隱藏自己~
計謀略司馬~能夠吞魏讓子孫建晉@@ ...

意見都幾好!
如果全能力令講係周瑜~不過唔識隱藏自己~<----

其實周瑜VS.曹操果陣，曹操係唔知佢咁勁，之後就輕敵，因此可想而知，周瑜捉住曹操驕兵必敗呢一點，最後係赤壁取得勝利。

至於司馬懿，佢兵事能力上應該不及周瑜，但城府深、有野心、耐性，最後以政治手段吞左魏國。

作者: 殺‧拳 時間: 13-8-17 09:16 PM

有關赤壁之戰：
借東風全是羅貫中的三國演義情節！這是假的，作者神化諸葛亮咁誇，睇到都眼火爆！

[utube]0Utmc2H69Kw[/utube]

燒赤壁情境，由１：２７開始
[utube]fwLbroK8aC0[/utube]

作者: franky$$ 時間: 13-8-18 10:44 AM

周瑜（175年－210年）

作者: loksang933 時間: 13-8-19 04:45 AM

軍事兩字包含太多了，要仔細比較的話……要寫很久……

作者: 神怪 時間: 13-8-19 05:08 AM

殺‧拳發表於 13-8-14 10:35 PM
我投左周瑜，佢赤壁之戰。。。真係好勁。連曹操都中計。。。

我覺得赤壁之戰=0=孫權果邊

周瑜出火計,係有賴龐統既幫忙

佢係最重要既人物,對方既一舉一動全靠佢

匯報,借箭又全靠佢先靠到

呢場赤壁之戰如果無左龐統,曹操就唔會戰敗,

三國要改寫,感覺上成場赤壁之戰都係靠龐統的

作者: mmllcc110026 時間: 13-8-19 10:18 AM

其實我鍾意陳宮

作者: 雲路 時間: 13-8-19 01:01 PM

霉乂男發表於 13-8-16 07:54 PM
首先，諸葛亮謹慎有餘但進取不足，
從演義中劉備以龐統入蜀，
以及棄用魏延子午谷奇謀足以作證；

諸葛亮被稱為我國史上最成功軍師，
在於佢令劉備從一個流亡者變成一方霸主，
但其才能主要體現於外交同政治上，
而當中涉及幾多軍事才能就見仁見智。

依我所見
古時好重皇族血統
劉備自號中山靖王之後,吸引左好多追隨者
正如劉表,劉璋~ 都因群帶關係做到一方土豪
只係因為姓劉就係咩皇親國戚,自然聚集到一班人

現代來說,因互聯網興起,大眾終於知道孫劉在赤壁之戰打勝,唔係因老朱借箭借東風
但羅貫中三國演義成功把世人洗腦了數百年矣

近年劉備會俾人說成是一流既演員,仲要係悲劇演員
吸引到大眾既垂青,所以成功建立功名

作者: 殺‧拳 時間: 13-8-19 10:13 PM

本帖最後由殺‧拳於 13-8-19 10:17 PM 編輯

神怪發表於 13-8-19 05:08 AM
我覺得赤壁之戰=0=孫權果邊

周瑜出火計,係有賴龐統既幫忙

我覺得赤壁之戰=0=孫權果邊

周瑜出火計,係有賴龐統既幫忙

佢係最重要既人物,對方既一舉一動全靠佢

匯報,借箭又全靠佢先靠到

呢場赤壁之戰如果無左龐統,曹操就唔會戰敗,

三國要改寫,感覺上成場赤壁之戰都係靠龐統的

首先，要知道一件事，做咩事都好，團結就是力量，冇人可以單單一個人就成功到！
其次，冇錯，當時龐統係周瑜既屬下，係三國演義當中，佢向曹操獻連環計，因此將戰船用鐵索連接起來。其實呢個情節係假既！至於你話報告、物資果Ｄ，可能有，或者冇，但我想問呢Ｄ野一個士兵仔都做到既野，你估會唔會紀係史書？

以我所知龐統係冇參與赤壁之戰，如果你話咩箭呀、咩報告都計，是但一個士兵都做到。。。
無言，我真係冇野好講=_=...

歡迎比意見，但唔該做好功課先，完全可見你冇讀過三國志

作者: hiiragi 時間: 13-8-20 04:31 AM

陸遜係咪比孫權迫死?詳細係點

作者: 殺‧拳 時間: 13-8-20 01:19 PM

hiiragi 發表於 13-8-20 04:31 AM
陸遜係咪比孫權迫死?詳細係點

冇錯！個原因係孫權到！唉...提起就傷心...陸遜一代忠臣也！

當孫權稱帝，晚年後，變得昏庸無能！

吳赤烏七年（244年），顧雍死後，陸遜被委任為丞相，但不久在太子孫和與魯王孫霸間的皇儲派系爭奪之中表態支持孫和，遜上疏陳述：「太子正統，宜有磐石之固，魯王藩臣，當使寵秩有差，彼此得所，上下獲安。」陸遜又強調了昔日劉表與袁紹廢長立幼而導致國破家亡，所以請孫權不要廢掉太子孫和，反而要廢掉魯王孫霸。但不被孫權接納，孫權廢掉孫和的太子之位放逐，魯王孫霸則被孫權賜死，最終將太子之位傳給幼子孫亮，而陸遜遭孫權多次譴責。陸遜於吳赤烏八年（245年）去世，享年63歲，家無余財。據《三國志》記載，陸遜是被孫權反覆的責備氣死的。

簡單講幾句

1.立太子一事

2.唔相信自己既下屬，疑神疑鬼

3.為左要「面子」,所有野都打橫黎講

正所謂:食君之祿擔君之憂
佢既直屬下屬就係陸遜，事後又聽信謠言，話陸遜貪污，要拉佢，
一代忠臣陸遜根本就係清白，就係咁比佢激死左。。。

作者: 神怪 時間: 13-8-24 03:12 AM

殺‧拳發表於 13-8-19 10:13 PM
我覺得赤壁之戰=0=孫權果邊

周瑜出火計,係有賴龐統既幫忙

其實孫權果邊都係靠廳統潛入曹軍,偷取軍報

先係得到協助,廳統既職責係探索敵軍軍報,係無必要

參與呢場戰爭,我流左講一個人,三國係咁寫

火燒連環船係黃蓋諗出黎完全唔係孔明同周瑜諗出黎

周瑜都只係軍師,孔明負責風向,龐統軍報,而黃蓋係負責成個火燒連環的

無左2位老將我諗孫軍係好難打得贏=0=你話我未讀過三國咩...

我就唔同你嘈,你點講咪點講=0=亦都唔想同你嘈

歡迎光臨 2000FUN論壇 (https://www.2000fun.com/)