2000FUN論壇

標題: 想玩新版魔力2的話入黎睇睇 [打印本頁]

作者: night29 時間: 13-8-19 02:07 PM 標題: 想玩新版魔力2的話入黎睇睇

本帖最後由和平核彈奀仔於 13-8-22 11:14 AM 編輯

期待左好耐既魔力2終於有復活消息
但正確黎講唔算復活, 因為『學園篇』對魔力2係一個大改革 (好定壞就見仁見智)
以下我會講解一下新版同舊版有咩分別 (新版=學園篇 / 舊版=扉之協奏曲)
先小人後君子, 我並唔係扮哂野曬命對隻game有幾多認知
只係想俾新玩家有個心理準備
但如果你係無玩過魔2, or只係玩過魔1的話
係可以直接上一頁離開, 因為我講既係新版同舊版既分別
無玩過舊版魔2既, 你直接當新game玩就ok
以下字海慎重
-----------------------------------------------------分隔線--------------------------------------------------------------------
其實官網都有介紹, 不過大家可能都仲係唔太清楚, 我就講下重點係乜

1.新版仍然係半回合制+即時制 (同舊版一樣) 但戰鬥方式由舊版既 2 x 5 轉為 3 x 7 (官網有講)

2.新版既職業定位由舊版既『戰鬥系』『生產系』『特殊系』增多一個為『魔法系』 (官網有講)
有咩分別呢? 以前大家開始係由無業遊民直接完成做職任直接做你指定既職業
宜家做法都一樣, 不過1轉職就鎖定左, 再由1轉職>2轉職慢慢升上去做你之後想做既職業
舊版係一開始已經揀定職業, 之後慢慢升職, 但只會影響裝備同技能既級數上限
新版係一開始揀定『路線』, 再拆落去分1轉, 2轉, 同系的話有機會交叉學技
舉個例子, 舊版你既職業係魔法師, 你學既技當然係魔法, 升左職之後, 都仲係魔法師, 係學唔到傳教士既回血魔法
而新版, 你1轉係『魔法系』, 2轉先再做魔法師 (官網稱魔物使, 但我覺得個名好.......6+1, 所以用番舊版稱呼)
係新版既魔法師, 你係可以學回血魔法既 (因為同樣係魔法系), 但就算學到, 都唔會係專用技
專用技係指該技係該職業專用, 如果唔係非該職業學左既話, 使用時會用雙倍MP同少一半技能EXP
咁可能有人會問, 咁點解要分2轉職, 反正都可以交叉學
答案就係技能等級問題 (呢度唔係指技能GR) 因為升落去, 技能分為 I級 II級 III級既時候, 唔係主職就會學唔 III技
版主補充：「魔物使」是二轉職業，類似以前的「封印師」，而「魔法師」是一轉職業，並沒有取消。

3. 技能範圍, 官網係有咩用咩武器會打咩範圍, 我呢度係講新版用技所打出既範圍
舊版好簡單, 得單技(單體) T技(4格) 超技(全體) 吹飛 (前後) 橫掃(一排) 亂射(複數隨機對象)
新版因為多左一排, 所以除左原有舊版模式之外,仲多左幾種範圍技, 例如有 3X1 (打橫/打直) 3X3 (9格) 等

4.buff, 舊版係無buff, 新版既buff係pk/打王時最關鍵既因素, 新版常用既buff有加速/減速, 算係咒術既一種
用法係影響對手/自己詠唱既咒文速度, 例如未有speed up buff 時單魔詠唱可能係5秒,
食左buff之後可能係2~3秒左右 (純粹例子, 無實施數據提供)

5.新版有個數值係隱藏, 我簡稱為儲氣(sorry, 我搵唔到正式名稱) 呢個數值係只會於戰鬥中先會發揮到出黎,
但你係睇唔到幾時儲滿。玩法係, 你係戰鬥中, 被對方擊中, 你個人就會有機會著一下火, 著左既話就代表你儲左一次, 儲到咁上下, 你個人(寵都會) 就會好似爆左seed咁, 叮左一下, 係呢個時候, 你下一次既攻擊會係幾倍級咁打出去, 我見過既例子係, 本身戰士既迅果 (舊版稱, 新版轉哂, 一陣再講)係打幾百左右, 但佢爆seed o個下係打對手6千幾 (咩都飛...........)呢個系統係俾你pk/打王時最後一擊逆轉, 每人都會, 至於正式叫法係咩, 要儲幾耐, 定幾多次, 抱歉, 我真係搵唔到資料提供

6.新版技名係轉哂, 變得好型 (認真, 真係幾型), 唔會再係乜乜魔法, 物物技能II, 全部都變得好鬼專業
大家可能會一時三刻唔適應, 但睇番效果就會清楚明白, 如果睇唔明, 就代表係新技 (即係新版先有既技能)
題外話, 日版玩pk仍然係有禁技 (不論pk大賽定普通玩家交流), 普遍都係連擊, 石睡咒, 換寵等 (不能盡錄)

7.寵物, 我會大家最關心係呢樣野, 因為魔力最引人入勝(敗家)既地方就係呢度!!!! (至少我咁認為先)
先講技能, 呢個係我覺得繼由2x5 變為3x7 改動得最大又最唔同既地方, 呢一part真係好有心思
新版既寵物技能, 係會因應你隻寵物係咩系而改唔同既技能!!!
例子1, 舊版寵物學到既技能只會分物理/魔法, 有 d 寵係只係用到魔法, 用唔到物理,
例子2, 新版寵物分得仲專, 例如『人型系』寵物可以學回血魔法, 『昆蟲系』可以學蜘蛛網 (帶有減速buff既攻擊)
即係話, 你可以當左做pokemon一樣, 唔同寵學唔到技, 再並唔係只係為左能力而揀死某 d 寵 (火岩/火舞/盾精)
再來合成, 呢個就係我覺得最敗家既地方, 大家應該記得, 魔2既寵合係有分兩種, 一種係突變寵, 一種係可以繼承能力既合成寵, 先講繼承, 同舊版一樣, 只要你同星寵合成既話就可以繼承哂所有技能+能力去新寵到, 只要你透過合成, 你就可以打造一隻能力+種族都係你想要既寵
例子1, 火岩能力好用, 但因為『金屬系』關係, 種族唔靚, 幾勁都無用, 於是你合做甲虫, 可以用到蜘蛛網(明pk用)
例子2, 你想幫隻寵扮令拎武器, 於是將佢合成『人型系』, 又可以拎武, 又可以學回血魔法, 一舉兩得
(p.s 新版好多寵係『人樣』但唔係『人型系』都可以拎到武器)
點解我話敗家? 因為商城一定出扭蛋星寵, 實有一款你係好想要, 日版商城扭蛋更新速度為每月一次, 過左就絕版
再來突變寵, 大家都應該記得, 舊版合出黎既突變寵都係個睇字 (能力廢+唔係lv1), 最多拎黎騎
今次新版突破左呢個盲點, 就係突變寵係有lv1, 仲要分分鐘勁過你係出面捉
why say? 因為出面捉既寵, 最多都係得12星 (呢度明就明, 唔明我就唔多解釋喇...)
而突變寵係有機會合到12.5星既寵物 (有指定formula合成, 唔係隻隻都有)
例子1, 用舊版方向解釋, 你首先用指定公式合左一隻獅就, 一隻橙鳥人
而你宜家再用獅就+橙鳥人呢個組合, 就有機會出12.5星既寵物 (舉例only, 咪當真)
原理就係咁, 組合太多, 不能盡錄。但合上合呢個玩法一定比普通合成既代價大太多, 因為會有一定機率失敗

8.商城, 我估呢個都係大家最想知既一點, 係日版, 所有擴充系道具既都係永久, 即係買左第一次之後, 係唔需要續
日版係完完全全靠每月既商城扭蛋維生(所以你明點解執左啦?) 我唔知港版會唔會, 我只能講下日版商城既模式係點, 好多人都怪港版魔力無得雙開(多開), 係日版, 你係可以既, 但呢度唔係指同時開幾個windows魔力, 係指你同時on到幾多隻人 (即雙生, 三生) 係日版商城, 本身佢已經開放左雙生俾你 (定三生, 唔記得, 不過唔重要) 之後你可以係商城買野繼續開, 同港版既分別係, 係港版你點都只係最多同時開2隻人, 但係日版, 你擴充左幾多個人物, 你就可以同時開哂咁多隻人, 即係如果你擴充到 lv5, 你係可以超自閉咁5隻人開哂自己成team打. 人物擴充係有上限, 好似係十幾個, 唔記得 (相信無人咁癲掛....) 而日版商城, 所有道具都係分lv, 好似擴充道具咁, 你一定要買左lv1, 先可以買lv2, 再買 lv3咁去, 個形式就好似我地舊版魔2寵物技能擴充咁, 一定要學左lv2, 再學lv3
其實大致上差唔多, 不過款式多好多, 主要係藥水 (buff / mp / 龍沙lv1~3咁)
版主補充：日版是內建三開

9.新版多左個lobby(都係係法城入面) 但我相信lobby會成為大家主要集合既地點, 因為基於係日版環境,
lobby係重要過東e, 佢地會分為東e賣裝, 南e賣寵, 西e賣料理藥水 (日本人真係好自律) 我地則係只會集中係東e
叫團 / 賣寵 / 賣裝 / 賣水, 如果唔係無位都唔會退到去南e西e (後期無人另計), 但講番點解會變左集中係lobby
因為lobby係一個大型傳送點, 只要你想解任, 去到lobby同npc講野, npc就會傳你去該任務既第一個按任地點
呢個做法有好有唔好, 好既係專for懶人/無記性既人用, 唔好既係我本人覺得好似無左種投入感去解任

10.最後一樣就係講下lv, 新版入面就算你行幾步路都會有exp+, 因為好多玩家一樣都唔鍾意專登去升lv, 都只係做下任捉下寵, 行街吹水, 但唔好期望會+好多, 呢個只係bonus黎。另外就係如果係城出面某部分迷宮行得太耐/升得太耐, 個exp係會不斷減少, 呢個時候就要轉其實地方升 (防止你不停爆lv) 經驗方面原日版係少港版好多好多, 所以大家都唔駛擔心 (我估唔會改掛....? 不過改左你都唔知啦 www)

以上10點係我個人覺得係同舊版最大出入, 因為我知唔少玩家都係因為魔2而決定等新版再出, 所以先係到開post提提大家有咩變動, 等大家有個心理準備, 免得到時玩落去先知另一樣野黎。上面既資訊係我之前仲有玩港版魔力2 留意日版既資訊黎, 個人日文能力有限, 如果出錯的話大家請見諒。但如果再有問題, 歡迎係個post到問, 我見到的話而我又識答我一定會答

希望早日開ser =[ 暑假都完了

作者: lok1124 時間: 13-8-19 08:51 PM

好詳細,多謝分享

作者: lung123321 時間: 13-8-19 09:29 PM

一睇就知專業,魔力2 我只係玩過一陣...
當初電腦廢玩唔到,玩到時已經人去樓空了.
所以好期待魔力2重開,希望日版會吸引玩家回鍋,
公測叫理D FD一齊玩,仲有雙開真係好重要,限單開限到無人玩真係喊出來

作者: 依霏 時間: 13-8-19 11:10 PM

本帖最後由依霏於 13-8-24 09:53 AM 編輯

謝謝大大無私的分享

作者: lung123321 時間: 13-8-19 11:20 PM

依霏發表於 13-8-19 11:10 PM
架仔PK禁技: 五月雨剣 (劍士連擊打N次), 劍之舞(劍士+BUFF) 騎R6技, 騎R1+BUFF技,

攻吸, 魔吸, 所有有範 ...

剛剛講完規則,轉個頭就變成UFC(無限制綜合格鬥)

作者: 依霏 時間: 13-8-19 11:23 PM

回覆 lung123321 的帖子

了解下人地架仔文化姐, 好似以前未合SER2個SER都有唔同啦...

IC Facebook 話係簽訂左台港澳, BLOCK左大陸可能好D既
但BLOCK左大陸都有方法黎玩嫁啦...

作者: night29 時間: 13-8-20 12:31 AM

回覆依霏的帖子

不能同意更多

作者: winnieyimyim 時間: 13-8-20 12:44 AM

咁既系統...覺得有d似當日Depth Fantasy既影子...

作者: 彩雲公主 時間: 13-8-20 06:54 AM

回覆依霏的帖子

依霏.出左會玩嗎!

作者: 梳打餅 時間: 13-8-20 10:40 AM

睇落好似唔錯咁

作者: 依霏 時間: 13-8-20 02:04 PM

回覆彩雲公主的帖子

你想我玩嗎

作者: 和平核彈奀仔 時間: 13-8-20 03:08 PM

很用心，置頂一個月。

補充一些
1) 「魔物使」是類似以前的「封印師」，而「魔法師」是一階職業
2) 日本原設定內建三開

作者: 黑暗之龍 時間: 13-8-21 01:47 PM

改左做3x7
咁仲係5個人一隊定7個人一隊?

作者: night29 時間: 13-8-21 03:49 PM

回覆黑暗之龍的帖子

最多都係5人5寵

作者: lok1124 時間: 13-8-21 08:12 PM

置頂左D人反而睇唔到
擺番落去整高亮仲好喇...

作者: 放臭屁 時間: 13-9-5 04:02 PM

寫得好詳細
唔幫手頂下過意唔去

作者: zankues2 時間: 13-9-12 11:08 AM

請問, 魔力2有沒有現時OLG都會有的『市場』、『拍賣所』之類?

又或者像RO那樣的個人商店?

還是仍要擺檔擺寵, 同人交易比人選裝 ?

作者: night29 時間: 13-9-12 12:08 PM

zankues2 發表於 13-9-12 11:08 AM
請問, 魔力2有沒有現時OLG都會有的『市場』、『拍賣所』之類?

又或者像RO那樣的個人商店?

理論上黎講, 係無

無好似其他OLG咁會有個拍賣/交易所就咁打個字就搵到貨品

所以想買野一定要同人地面對面交易

至於個人商點...嚴格黎講, 算有

玩家可以將想賣既貨品透過寵物技能作擺賣

由賣家set 好左價錢放係寵上, 然後隻寵就放出黎

好似一部自己售賣機咁

但咁每隻寵最多只可以放3樣產品 (而你最多同時可以放5隻寵出黎)

而且人物不在線上時系統會收回寵物

所以魔力既買賣交易主要都係好似去街市買野咁, 邊行邊買邊講價 (特色黎)

作者: 一安一 時間: 13-9-12 10:22 PM

想問下突變寵係有lv1果D係咪只係以下呢D?
http://cgate.wikiwiki.jp/?%A5%DA%A5%C3%A5%C8%B9%E7%C0%AE%2F%C6%CD%C1%B3%CA%D1%B0%DB%B9%E7%C0%AE
呢D都同以前一樣?
http://cgate.wikiwiki.jp/?%A5%DA%A5%C3%A5%C8%B9%E7%C0%AE%2F%C6%C3%BC%EC%B9%E7%C0%AE

作者: night29 時間: 13-9-13 04:13 PM

一安一發表於 13-9-12 10:22 PM
想問下突變寵係有lv1果D係咪只係以下呢D?
http://cgate.wikiwiki.jp/?%A5%DA%A5%C3%A5%C8%B9%E7%C0%AE%2F%C ...

1.係

2.我地舊版魔力只係開放左最初頭頭兩期既特殊合成
所以我地就算有公式都合唔到其他組合 (指第三期打後)
嚴格黎講係同以前一樣既...但一定有多無減囉

作者: shaman12 時間: 13-9-15 11:34 PM

十分期待~~~~多謝樓主SHARE
幾時先有得玩呀0.0

作者: `★夜雨 時間: 13-9-16 01:47 PM

我係新加入嫁, 我想問下呢我唔想升LV阿你可以同我升嗎

你是最好的你知道嗎

作者: shaman12 時間: 13-9-16 09:24 PM

夜雨0.0 好耐無見

作者: PARIS妹妹 時間: 13-9-17 01:35 PM

本帖最後由 PARIS妹妹於 13-9-17 03:22 PM 編輯

魔力係咩黎??? 食得ga???
我係新手..請多多指教.. =^=

作者: yin01172239 時間: 13-9-17 01:56 PM

官方係咁吊引,,頂佢個肺
係FB係咁放圖出黎
但係又唔講幾時封測
我聽完開返既消息已經等左一個月

D大假都唔放諗住留黎公測之用

作者: night29 時間: 13-9-17 04:27 PM

yin01172239 發表於 13-9-17 01:56 PM
官方係咁吊引,,頂佢個肺
係FB係咁放圖出黎
但係又唔講幾時封測

不負責任地附上連結

如果犯左版規的話...麻煩版主刪除

http://home.gamer.com.tw/creationDetail.php?sn=2159646

作者: lung123321 時間: 13-9-18 10:13 PM

以官方的尿性保守估計都要11,12月先封測,
公測可能要等到下年...但今年冬季好多新作,太遲出可能吸引唔到人...

作者: 波子汽水 時間: 13-9-24 08:43 PM

行街街都有EXP吸咁正- -不過唔明Y要合寵好次魔1咁未幾好

作者: S!u粉 時間: 13-9-28 01:41 PM

好懷念以前騎老鼠既日子牙

作者: takegift2 時間: 13-10-3 04:12 PM

lung123321 發表於 13-9-18 10:13 PM
以官方的尿性保守估計都要11,12月先封測,
公測可能要等到下年...但今年冬季好多新作,太遲出可能吸引唔到人 ...

遲唔係問題,係怕佢又再次攪死左雙game

作者: ☆BB仔☆ 時間: 13-10-5 01:56 PM

takegift2 發表於 13-10-3 04:12 PM
遲唔係問題,係怕佢又再次攪死左雙game

官方都差唔多係時候公佈測試日期

歡迎光臨 2000FUN論壇 (https://www.2000fun.com/)