2000FUN論壇

標題: 和平，你做到嗎？ [打印本頁]

作者: wongsword 時間: 13-8-21 09:24 AM 標題: 和平，你做到嗎？

本帖最後由 wongsword 於 13-8-21 09:25 AM 編輯

其實對於幫會仇殺,我覺得點解大家唔可以心平氣和傾定佢?

唔洗吓吓隻抽,輸左又除褲吊老母,嬴左又開貼串九人= =

其實玩到咁有咩意思?玩到個個變曬血仇,值得咩?個個為左第一打餐死,值得咩?正如我說第一既總會樹大招風

記唔記得自己一開始入黎新服係諗住點?係一齊開開心心快快樂樂咁玩,無新仇舊恨,一切重新開始

開服既時候,有好多幫會聚埋一d小玩家一齊玩,佢地唔洗d咩「xx天下第一」,但照玩得好開心

佢地唔洗d咩「普ms第一通關」,都打得好快樂,當愈來愈多人加入佢地既大家庭時,勢力開始坐大

難免成為某幫會的目標,無啦啦比人打

死既死,走既走,相信大家都知我講緊既係傾城同誓惡,跟住日與夜,神煌等等

原本一班玩家,各散東西,更有玩家因此唔玩

其實而家既魔塚同紅塵,係可以有和平既(我知其他人個個都講對方不是,我反而係度講和平有d怪)

試諗吓,係不遠既將來,紅塵同魔塚冇野爭冇野打,一齊開副本,扶助,保護新手,見有人哈哈霸霸去較訓佢地

有台一齊開,有玉衫一齊著

到時返去同舊服既人講：「你地仲打緊？仲講緊老母？我地新服玩得不知幾開心！」

以前既舊帳,一筆勾消吧,嘗試去「讓人愛」,不要去「讓人仇」

打住咁多先,打完都有d眼濕濕

利申：可能即將隱退-舊傾城-無名小玩家

作者: Kingsonking 時間: 13-8-21 10:02 AM

其實有競爭先至有進步……畢竟依個係武俠online game…唔打架邊有動力去鼓勵你去學d新武學同埋整勁裝sosad

Btw, 個人認為依家係時候要出現紅塵魔塚以外既第三和平陣營……成日睇住個game得紅塵魔塚係度嘈真係好鬼悶

作者: 雲哉 時間: 13-8-21 10:04 AM

樓主~真係唔好意思，我睇完之後笑左~
個SER一開始紅塵就組隊黑書，之後就魔虫果班~ 帥兒帶頭黑書~ 另外有其他幫啲人黑書~ 問點解.？
佢同你講打機黑書好正常，唔好似個小學雞太過在意。
另外剛剛開始有一部份人都用新手裝打禁地，同人玩比武~ 個個好開心，因為感覺完全技術表演，個個冇裝冇古譜，輸都輸的好甘心。後來又有一班人出晒金、玉裝，殺完人又串Q人，講真有錢玩係比較有著數，冇錢玩果班做咩要留企度俾你地串~？直接DEL GAME啦~ 我地唔係想做 XXX天下第一，打機咋~ 你地要借用其他人提高自己地位？心理平衡啲？
重有樓主好多新手會俾老手昆LO~ 一張台個價格，好多新手唔知價，啲老手用晒所有方法；例如：你有台都冇用啦~ 你有料咩 OR 而家邊會有人整裝呀，好大風險‧‧‧ 真係好ON9，依啲係我用分AC扮新手賣野GA情況。
最後我想表達一次俾人黑書情況，當時有個護書走打我，之後有條友叫原X男走來開紅抽水，當然俾護書打死冇野講，我死左回返晒所有血開紅打返個原X男，佢足足死Q左5次，最後果次就同我講：我以後唔奪書，日日搵9你，搞到你奪唔到書。我將佢黑名單左，第二日有條友密我同我講： XXXXXXX 一大倫粗口。最後果句最記的，我自在有錢，你邊夠我玩‧‧‧加我黑名單啦~~ ，大家可能唔明佢點解話自己有錢，因為佢兩個AC都有名俊，原X男個AC又有一奪斷情~~~
我唔係想搵原X男果條友吵，我係想回應返樓主點解啲人會走，當然九陰打打殺殺好正常~
重有其他原因會另一班人唔玩 & 冇新手入來玩~

利申：無名小玩家 - 千雨

作者: 卓大濕 時間: 13-8-21 11:15 AM

人之間既個別意識唔同,樓主你就無謂強求啦

作者: pokajai 時間: 13-8-21 11:25 AM

玩sims la
九陰無可能做到呢樣野

睇見佢地互post 真人相已經反感到死

作者: wongsword 時間: 13-8-21 12:19 PM

回覆雲哉的帖子

黑書呢種行為我由始到終都完全唔讚成+反感

我記得係國服玩既時候黑書既人係極少,唔似港服十個人五個都黑過

同埋我唔鍾意呢樣野,所以介懷同反感,就代表我小學雞?

正如你唔鍾意死,我可唔可以話你小學雞?

不過...點都好啦

如果港服玩家既情況仲係咁樣繼續既話,我諗都唔會再玩

可能會轉國服,甚至轉玩單機遊戲算

其實九陰呢隻online game係我玩過最好既遊戲,幾乎完美,冇乜大問題

可惜既係港人打機實在太.....唔知點形容= =

搞到我都冇心玩落去

作者: mrtomriddle 時間: 13-8-21 04:08 PM

回覆 wongsword 的帖子

生意角度睇，有交打G1蝸牛先有生意，我地唔打G1同蝸牛會有佢地方法令到所有人打生打死打到上腦，最終得益者都係G1同蝸牛但蝸牛R&D真係用左好多人力物力，值得一讚。咁講你每次登入個game都有提你呢個係自由對戰遊戲，選擇係你隻老鼠到

作者: wongsword 時間: 13-8-21 04:32 PM

回覆 mrtomriddle 的帖子

咁我隱退唔玩算

就當我唔適應港服

作者: ~kwok~ 時間: 13-8-21 04:49 PM

本帖最後由 ~kwok~ 於 13-8-21 04:54 PM 編輯

唔想打架就咪玩九陰啦
去玩d不斷做任打怪up lv game
之於黑書我就覺得無咩問題
人地黑你，你咪黑返其他人lo
要拎到正野當然會有風險架啦
你以為拎左書就可以平安無事咁走？
未免太天真了吧！

作者: aesopf29893 時間: 13-8-21 08:34 PM

本帖最後由 aesopf29893 於 13-9-27 01:56 AM 編輯

作者: liuyifeifans 時間: 13-8-21 11:11 PM

好認同,但呢個局面無可改變,只能接受現實。

作者: 9090678 時間: 13-8-21 11:27 PM

回覆 wongsword 的帖子

國服仲多人黑你玩咩區咁好丫?
同埋wn已經講左黑書係佢特登設計正常玩法黎

作者: 9090678 時間: 13-8-21 11:29 PM

回覆 wongsword 的帖子

國服仲多人黑你玩咩區咁好丫?
同埋wn已經講左黑書係佢特登設計正常玩法黎

作者: 9090678 時間: 13-8-22 12:00 AM

回覆 wongsword 的帖子

國服仲多人黑你玩咩區咁好丫?
同埋wn已經講左黑書係佢特登設計正常玩法黎

作者: aesopf29893 時間: 13-8-22 06:12 AM

本帖最後由 aesopf29893 於 13-9-27 01:56 AM 編輯

作者: 黑薔薇 時間: 13-8-22 09:16 AM

唔想比人黑書咪將自己變強,奪武當君子要識得避戰,有料既人地打你唔入,自然會揀下一個

作者: 雲哉 時間: 13-8-22 09:36 AM

抹黑你>? 如果以下有一條錯就當我抹黑你.!!!
果日無法無天有條友護書, 你有冇開紅黑書走來抽水.? (一打一俾你黑書, 輸左我唔介意, 唔好做D狗招,走來抽水.!)
我死左之後幾時有咀炮.? (你攞書, 之後走左出去同護書打啦, 你有老人病.?)
你原地復左4次, 你係唔係死足4次? (你俾我打到咁HAPPY, 當時咩火都冇晒~

)
我念住係你自己攞來~ 之後我走左屋後~ 你有冇開紅再打我.?
之後你又死Q左, 你有冇咀炮.? (日日唔奪書, 走來搞我) 我答左你一句: 好呀.! 你慢慢等死.

之後我都唔記的你依個人GA存在, 點會江湖報復你.? 我第二日無啦啦有條友密我話大把錢同我玩~ 冇咩仇家, 我估係你~~

重有我上來係話有D玩家俾人黑書黑到唔想玩, 當然大家都有自由可以黑書 OR 可以唔玩, 依個係討論區, 大家有發表GA自由.

作者: aesopf29893 時間: 13-8-22 12:18 PM

既然你都係咁既...再同你講經哂氣

作者: 雲哉 時間: 13-8-22 01:13 PM

笑死我咩
我冇講錯~ 就話同我講經哂氣~
你自己人品有問題~ 俾人江湖報復就話係我搞你...?
用下你個豬腦念下啦~ 果日你唔開紅, 我都打唔WIN護書果條友啦~ 預左係冇, 之後你俾我殺足5次~ 我重走去玩江湖報復做咩, 我有做唔怕忍, 重有我之前個幫啲人同你講過咩, 我完全唔知. 你想來搞我, 我都同你講: 好呀~ 你慢慢等死.

利申：無名小玩家 - 千雨

作者: band626 時間: 13-8-22 01:38 PM

我覺得其實九陰而家好和平......
咩打生打死宣戰追殺都係門面野,實情就個堆幫其實都夾埋環環互扣統治九陰......

作者: mrtomriddle 時間: 13-8-22 01:56 PM

回覆 wongsword 的帖子

我覺得華人服都5錯, 只係太遲, 就出5內封頂玩創建門派, 依家開新手,可能要好耐時間

作者: ☆無賴★ 時間: 13-8-22 02:07 PM

本帖最後由 ☆無賴★ 於 13-8-22 02:08 PM 編輯

打幫戰,追殺其實係好正常既事
但唔洗下下都嘴炮
某某公會又話輪邊個大米之類果d呢

作者: wongsword 時間: 13-8-22 09:50 PM

冇玩一兩日,上返黎睇

搞咩??我個POST都變埋咀炮場= =

作者: 大淆青大 時間: 13-8-23 11:48 AM

我神判煙雨，唔夠打呀！
唔咀炮，唔夠打呀！
可以點，唔夠打呀！
ＨＥＥＨＥＥＨＥＥＨＥＥ～

歡迎光臨 2000FUN論壇 (https://www.2000fun.com/)