2000FUN論壇

標題: 香港對漫畫的普遍觀念 [打印本頁]

作者: kyoumo 時間: 13-9-9 03:15 PM 標題: 香港對漫畫的普遍觀念

文化當中所含有的差異，很多時會做成很多誤解或者是沖突，特別是香港這個受著多個地區的文化所洗禮和同化，情況就更加厲害。也因此，不同的文化在香港也會有擁護者，但同時也有著一群不喜歡甚至是反感的群眾。

在香港這個地方要發展一種受大眾所接受的文化並不是一件容易的事。特別是日本的文化，在老一輩的心目中，多數也會覺得是負面的東西，而做成這個結果的當然是過去的歷史，這種經歷並不是一時三刻可以去除的，說一輩子不會忘記也不是不可能的事；而就年輕的一輩來說，因為未曾有過這樣的經歷，所以不會輕易的出現反感的情緒，但這個也是視周邊的人的影響的。

以筆者為例，小時候弟弟還是喜歡動漫的，但當進了中學，身邊的朋友沒有人喜歡動漫畫，很自然就會忽略了這個文化；而筆者的情況是周邊的朋友也有喜歡動漫畫的人存在，雖然比例上不多，但是還是使筆者不會放棄動漫畫。所以身邊的人絕對會影響到自己的。

所以，要推展動漫畫界的發展一定要從生活出發，使該文化變得大眾化，就好像日本那樣，可以做到全民也認同漫畫的地位，也會去接受這種文化。就好像《漫道網》的宗旨「讓漫畫變成生活」，從而改變動漫界的發展！

作者: 乂冇野好講乂 時間: 13-9-9 08:16 PM

係日本都都無動漫大眾化呢單野
但日本宅宅就宅在自己, 識埋一堆宅fd自己搞自己野
呢邊? 睇過幾套民工漫, 就周街話自己係動漫迷, 我愛動漫, 推人入坑
次文化就係次文化, 我覺得無必要去推廣
俗語有云: 一個廚頂十個黑
亂咁推廣只會更多對呢種文化一知半解既廚出現
然後渣渣們咩都可以扯上佢地鐘意既野, 令到外人更加反感
如果ACG變左大眾化, 我相信我不會再愛
例子: 某四月番進X的X人, 播放前是大家很期待的作品, 播放後還好, 到E+.. 見到fb再有人分享關於呢樣野直接black list

作者: yukooo 時間: 13-9-9 10:36 PM

係咁架啦~~~~

作者: kane13kane 時間: 13-9-18 12:05 AM

要草25積分咁多~~SHIT

作者: applelove456 時間: 13-10-11 02:52 PM

贊同+1~~~

作者: LIT!nG 時間: 13-10-13 06:48 PM

好彩身邊仲有唔少朋友喜歡漫畫

作者: lecky 時間: 13-10-16 01:22 PM

看兩地政府對次文化有何反應就知有何差異
連基本的東西都要打幾十字去分別真是對寫此文的人真的是呢

作者: winsonandbee 時間: 13-10-25 03:21 PM

次文化就係次文化, 我覺得無必要去推廣

作者: 不知不覺的 時間: 13-10-26 04:29 AM

本帖最後由不知不覺的於 13-10-26 04:30 AM 編輯

乂冇野好講乂發表於 13-9-9 08:16 PM
係日本都都無動漫大眾化呢單野
但日本宅宅就宅在自己, 識埋一堆宅fd自己搞自己野
呢邊? 睇過幾套民工漫, 就 ...

剛開波果時比人推得太高,結果大失所望.....
問題係點解會比人推到咁高呢?
夠境係未d跟風怪呃緊自己.....
好多人都話係神作......
除左裏面n年唔會解既迷吸引我之外,其它真係好普通....
未出動畫果時,先出左套好有動感,主角飛黎飛去咁戰鬥既介紹短片,睇完我重好熱血咁以為e套會打得好精彩.....
吊,原來係文藝片黎.......
因為多血噴所以令人震撼?唔通以前我成日睇d爆血野所以無感覺?大家平時無睇過喪屍殺人噴血咩?
因為死得人多令人震撼?死埋曬d 2打6,連名都唔記得,死多一堆2打6都唔會有感覺

睇咁多低質既野,真係攪到自己可以入眼既野都低埋.....到時睇天線低低b都會跟住一邊起舞一邊笑....

作者: lecky 時間: 13-10-26 10:47 AM

本帖最後由 lecky 於 13-10-26 10:49 AM 編輯

不知不覺的發表於 13-10-26 04:29 AM
剛開波果時比人推得太高,結果大失所望.....
問題係點解會比人推到咁高呢?
夠境係未d跟風怪呃緊自己.....

神不神作自己去思考一下就知
神作現在的人用於自己觀感大於客觀評論

最後看完什麼感想就只有閣下用什麼詞語去評論
如:鋼之鍊金術士名句:一等於全全等於一
如果只是表面中的打打殺殺而不深思入面所表達什麼的
不如不去看吧.

作者: 不知不覺的 時間: 13-10-27 02:04 AM

本帖最後由不知不覺的於 13-10-27 02:32 AM 編輯

lecky 發表於 13-10-26 10:47 AM
神不神作自己去思考一下就知
神作現在的人用於自己觀感大於客觀評論

神作意思就係被固定左大眾化既想法?用客觀評論去扭曲個人思想?
其實有邊d偉大學者話過神作就係只可以用客觀評論先至係神作?

咁套野想表達咩?暗示現實,話你地班人係豬,比人養緊準備劏都唔知....等等?
如果係暗示緊個個都知既野,真係無乜feel.......好似響到講呀媽係女人一樣......
如果係暗示緊某d無乜人知既個案裏面發生既事,都重有d神秘感.....不過如果係咁,就要比少少tip比觀眾先理解到
唔係個個人都見過作者見過既野

到表達手法....套動畫好似想比觀眾有種恐怖既感覺,想比人一種好似壓迫感?但係我完全感覺唔到,感覺唔到好危險,好緊張既感覺.......我只係長時間見到d人個頭畫左好多條線........

套野係動作片既話,佢既動作打鬥真係好弱.....套野係文藝片既話,又比唔到feel人,無共鳴......

最後只係期待佢d由頭帶到尾既迷,其實一套戲裏面一開始做出一d迷,係幾吸引人既做法,但係套野中間又悶場,個迷又由頭帶到尾,只會比人感覺係拖人睇你表演......可唔可以話係無料到呢?

希望佢最後可以做個首尾呼應,將裏面d碎片切好,唔好變爛尾啦,成功既話,應該係e套動畫既唯一一個驚喜黎

我講左套野裏面d優缺點出黎,你都可以講下,唔洗話人唔諗套野想表達既野就可以令自己比人認為諗好多野

http://2000fun.com/thread-5440393-1-1.html 裏面d人講果d,我好多都有睇而且真係感人,係觸動人心,我諗我既taste都唔係好奇怪咋? 你又post下巨人裏面有邊d位真係觸動人心,我就覺得無啦....裏面係咁死人,全部都係大茄,無感情交流過咁濟....

作者: 低低… 時間: 13-10-27 03:43 AM

本帖最後由低低… 於 13-10-27 03:49 AM 編輯

不知不覺的發表於 13-10-27 02:04 AM
神作意思就係被固定左大眾化既想法?用客觀評論去扭曲個人思想?
其實有邊d偉大學者話過神作就係只可以用客 ...

無感情交流過

你可以再去睇多次

作者: 不知不覺的 時間: 13-10-27 02:38 PM

低低… 發表於 13-10-27 03:43 AM
無感情交流過
你可以再去睇多次

無感情交流過咁濟

你做乜要扭曲人意思?係未唔扭曲人講既野就唔可以令自己講既野有說服力呢....

我唔係話佢完全無交流過,果d走馬燈既交流....

你知唔知動畫裏面,響某女角死果段,制作組自己加左劇情?為左增加果種死得好慘既feel,制作組自己加左劇情啊....
可能動畫制作組都覺得如果跟住漫畫咁去做,d大茄死跟本就唔會令人印像深刻.....

作者: 低低… 時間: 13-10-27 03:08 PM

不知不覺的發表於 13-10-27 02:38 PM
無感情交流過咁濟

你做乜要扭曲人意思?係未唔扭曲人講既野就唔可以令自己講既野有說服力呢....

你想要點樣既感情交流？

由第一集艾撚老母比人食左，到佢自己親身體驗戰友死亡
佢個種囤積左對巨人既仇狠赤裸裸咁向大家表露出黎
而大家同是失去戰友既好基友，對巨人既仇恨同樣同艾撚一樣
透過訓練互相交心，需要談不上摯友，但某程度上仍互想理解

咁上面個d算唔算感情交流

再講拋屍落車個幕,加新劇情有問題？

作者: 不知不覺的 時間: 13-10-27 05:33 PM

本帖最後由不知不覺的於 13-10-27 05:40 PM 編輯

低低… 發表於 13-10-27 03:08 PM
你想要點樣既感情交流？

由第一集艾撚老母比人食左，到佢自己親身體驗戰友死亡

只係一d表面既交流,
一開始死老豆老母,好多戲都有,無深刻既回憶跟本同大茄無分別
成套野死好多人,我相信作者都只係當果d係大茄.......唔係既話,作者真係唔多掂....或者我理解錯,作者只係想話比人聽係咁死人,跟本就無諗過死果d人要令觀眾有咩感覺呢....

所以我前面就話無交流咁濟

我講新加劇情果到,你睇唔明我意思咩?我無話新加劇情果到有問題喎,唔明你可以重讀加上用腦理解下我講咩架,我果到講得好白,應該無用到d咩深奧既比喻喎

響我眼中,e套雖然未到三流作品,但係只算二流,吹捧到一流真係未夠班,最多只係因為題材新穎比個創意獎佢

作者: 低低… 時間: 13-10-27 11:27 PM

不知不覺的發表於 13-10-27 05:33 PM
只係一d表面既交流,
一開始死老豆老母,好多戲都有,無深刻既回憶跟本同大茄無分別
成套野死好多人,我相信 ...

係你既字詞令我覺得你對新加劇情好不滿

至於老母個度，我諗唔洗要咩深刻回憶
淨係第一集既片面互動再加之後既少少回想
我諗都足以了解佢地家庭既關係

既然了解到佢地既家庭關係
再用番同理心，我諗都夠震撼
其實唔洗下下畫公仔畫出腸
動畫唔同原作，無可能下下做哂出黎
總要cut番d劇情，至於cut完劇情之後
觀眾既感受係點，我覺得制作組都會預計過

but，巨人對我黎講都唔算神作，頂到盡去到佳
當然有一半原因係因為我睇過原作
但除去劇情方面，音樂同作畫等，我覺得都好唔錯

作者: MFOnlieBoy 時間: 13-11-7 08:17 PM

其實看你自己的喜好,你喜歡它便沒問題,部分的人只是因為"巨人"好hit所以看它,然後自稱動漫迷,這我接受不了

歡迎光臨 2000FUN論壇 (https://www.2000fun.com/)