2000FUN論壇

標題: 【戲假情真】四爺吳奇隆戀劉詩詩：珍惜這份得之不易的感情 [打印本頁]

作者: 友誼第一^.^ 時間: 13-11-13 08:46 PM 標題: 【戲假情真】四爺吳奇隆戀劉詩詩：珍惜這份得之不易的感情

最後更新: 1113 19:21 / 建立時間: 1113 13:56

吳奇隆喺微博直認同劉詩詩拍拖，兩人外型匹配。(微博圖片)(互聯網)

近期娛樂圈喜事重重，除咗章子怡同汪峰相戀外，今日又係黃曉明﹑余文樂及羅蘭姐生日，而劉愷威同楊冪今晨喺微博，亦宣佈明年一月結婚。

而「四爺」吳奇隆被指拍內地劇《步步驚心》時，同飾演「若曦」嘅劉詩詩戲假情真，早前兩人被內地傳媒拍得喺上海密會，而地點竟然係劉詩詩寓所，兩人喺屋內逗留近八小時，可見關係密切。

今日凌晨吳奇隆喺微博終於承認戀情，佢貼咗張同女友劉詩詩合照，仲話：「謝謝大家的關心及祝福，我們很珍惜這份得之不易的感情，真心的希望大家在我們僅有的私人生活裡，給予一些自由的時間與空間，謝謝體諒。」

當四爺貼咗親密合照後，有成50幾萬人轉發呢篇微博，亦有逾22萬網民及粉絲留言，而喺劉詩詩都喺微博到話：「謝謝大家關心，我相信上天會給最好的安排。」

而吳奇隆同劉詩詩兩人相差17年，有心水清嘅網民就指，吳奇隆啱啱出道時，劉詩詩先至一歲幾，不過年齡及緣份無礙兩人相戀。至於吳奇隆其實情史不弱，佢曾同徐若瑄﹑楊采妮及蔡少芬傳緋聞，及後吳奇隆迎娶內地女星馬雅舒，惟兩人於2009年8月離婚收場。

http://hk.apple.nextmedia.com/enews/realtime/20131113/51898013

作者: 夢的理由 時間: 13-11-14 12:31 AM

乜水黎我唔係好識

歡迎光臨 2000FUN論壇 (https://www.2000fun.com/)