2000FUN論壇

標題: 為左魔力. 你可以去到幾盡? [十多年魔力玩家分享及回顧] [打印本頁]

作者: oO戀冬Oo 時間: 13-11-20 05:02 AM 標題: 為左魔力. 你可以去到幾盡? [十多年魔力玩家分享及回顧]

本帖最後由 oO戀冬Oo 於 13-11-24 12:45 PM 編輯

Hi! 大家好! 我叫 o戀冬o
吾知有冇人識我呢? 我系以前魔力2 封測公會 oO永愛之戀Oo 會長!
應該識我果d都系老屎忽, 因為中段我都已經去左玩日服

回想由玩魔力1 Ver1.5 連2.0立體公仔都未有開始然后組隊轉去玩魔力2 計算應該都有十年掛?...
應該吾止...!!! 甘就老了十歲!!!

當年封測公會合照

其實我玩過都算幾多伺服器, 臺版玩過... 最后都系死于死城, 美服玩過CB 但最后連公測都冇就胎死腹中...
歐版就連CB都冇就Project shutdown... 港版就開左個公會, 但最后好多人都覺得悶就消失了....
連國服我都逗留過1個禮拜喂寵物食肉...
玩下玩下留守到最后連日服都關門大吉... 相信各位都已經知道魔力寶貝2某程度上已經系世界絕跡

我好記得當初港服OB時好多好多以前系魔力1 度一齊玩ge朋友都返哂黎甘滯, 但最后好快都系吾左見人.
記得當時游戲評論就系魔法師傷害太高啦, 咩經驗值需求提高疑似官方逼人買龍沙... 等等
后期因為調整關系, 新世代魔力2玩家應該吾明我講明我講咩明就同我一樣屎忽老哂
但無可否認當時最多人要求就系要玩原版日服魔力2, 因為當時魔力2 Ver 1.0 （睇黎有新Term用啦 lol 而加叫魔力2 Ver 2.0) 香港代理系用選用我們共產大國的魔力2... 所以其實同日本魔力2所有更新幾乎無緣. (順帶一提冷知識日服其實并冇咩阿斯蘭傳說...)
所以到最后好多人都覺得因為吾夠原汁原味所以離開魔力2... 但事實呢?

阿斯蘭...? 究竟你系咩黎 = =?

我見證住魔力2日服從第一版轉代理公司再發行魔力寶貝2 學院版.
同樣就算系日服一開始的確好多人, 多人到任何一個分流都全爆...
但最后我可以好坦白講... 其實到中后期日服已經冇日本人甘滯...
系個Ser入面幾乎已經全部都系我所加入ge QQ群ge人, 分別來自臺灣,香港,國內,小數日本中國人等.
留守到最后果幾秒到比server彈出.
然后接住第二日就輪到港服消失.

魔力寶貝日服第一代

其實我并吾系想講自己有幾熟習魔力, 自己有幾勁幾老手,
但可能因為玩得耐好自然都會知道魔力... 通常都系有頭威但冇尾陣...

好多人覺得因為港服并吾系日版, 代理做得差(雖然我絕對認同!!!), 所以導致魔力2消失...
當然這些因素絕對系其中一個令魔力死亡ge原因之一, 但最真實ge原因系因為人類太怕悶.
而某程度上魔力又的確系吾似其他Online Game甘刺激, 但亦成為點解我甘迷戀魔力ge原因.
如今連電腦網游都開始絕跡ge年代, 幾乎好難穩到甘舒服同輕松ge游戲.
但必須承認舒服同輕松反過黎講就系悶...

我好記得最后一次登入魔力2當日系 2013年3月27日, 然后整整大半年我生活系無魔力時期...
其實感覺好吾好受, 有d似情人分手后ge感覺... 而且仲要系十幾年每日都會見面的情人...
突然時間多左好多, 生活充實左好多... 但總感覺好似身體小左一部份甘... 好吾自在.
吾知有冇同我一樣有甘ge感覺?
所以當我知道港服會重生其實我超開心! 雖然原本話5月之后變7月最后到而加都未有反應

大家舉哂手, 可以代表哈佬, 同讓亦可以代表再見...

我相信好多人好期待玩魔力2 Ver 2.0 因為系原汁原味日服學院版,
而我亦可以用過來人身份話你知系好大分別, 簡直好似新游戲甘, 而且好耐玩.
(因為你系每一個職業都要從1Lv開始升Lv先可以就到你想做ge職業有排你玩)
但究竟重開魔力2 又可以挨幾耐呢? 每次一想到而到... 其實我難免都有點心酸...
甘多年黎每次都系開始好多人, 到慢慢一個一個離開, 每一次delete名片更系無數個吾舍得... 我想我都受夠啦...
我原本打算今次開服吾再玩魔力... 免得又要難過... 但原來我都系放棄吾到...

原來不知不覺間我對魔力的情意結已經超深...
所以今次我決定再玩返魔力就要系港服留守到Ser停止營運為止! 玩到幾耐就幾耐!
以后就算有朋友再離開魔力都好我都會等任何一個再返黎! (雖然坦白講... 走左翻黎機會好微 )

所以我好想系度大叫一聲! 我返黎喇!!!
同埋多謝每一個愿意睇哂我篇文ge朋友! 希望可以系港服一齊玩! 玩得幾耐得幾耐!

我叫 o戀冬o, 已經算系化石屎忽!
如果吾介意系下面回復等我都認識下大家吖!

我最愛老鼠

所以有私心Post張吾關事的圖

打個小廣告(別介意嘛 >///<)
我在遊戲中會重開以前魔力寶貝2 Ver 1.0的公會, 如果有興趣加入的話, 歡迎到以下網址看看喔! ^^
https://www.facebook.com/groups/ForeverCGF/

如果不想進公會也沒差的~ 那就來交友群和我聊聊天吧~
魔力寶貝2 Ver 2.0 - 粉絲交友社 (Facebook 現時最多人的玩家交流群)
https://www.facebook.com/groups/ConcertoGateForte.zh

預祝各位聖誕快樂! ^^

作者: ☆BB仔☆ 時間: 13-11-20 01:57 PM

最愛水鼠

作者: 好。玩 時間: 13-11-20 04:57 PM

支持下！！！

作者: 和平核彈奀仔 時間: 13-11-20 06:02 PM

好感人~~~

support~~

作者: chubbyqq 時間: 13-11-21 12:18 PM

支持!!!!!
我自己本身第一隻online game係魔力1,但因為要付費玩,所以最後先冇玩到T_T
但當我一知道有魔力2個陣,我勁開心,好似有番哂D童年回憶,但係玩左冇耐,D人已經走:(((
所以今次出番魔力2,我都一定會keep住玩!!!!
到時樓主一定要加我做好友><

作者: oO戀冬Oo 時間: 13-11-21 07:35 PM

回覆 ☆BB仔☆ 的帖子

我最愛火焰鼠, 大地鼠~
我覺得有耳仔得意啲~

作者: 彩雲公主 時間: 13-11-21 10:13 PM

hi.我係港服·留到最後一刻.的人.希望快d.有得玩。我以有了魔力病,哈哈!

作者: oO戀冬Oo 時間: 13-11-22 12:49 AM

回覆好。玩的帖子

多謝支持! 開服一定要一齊玩!

作者: oO戀冬Oo 時間: 13-11-22 12:50 AM

回覆和平核彈奀仔的帖子

我都系寫返我自己感受姐

開Server一定要一齊努力

作者: oO戀冬Oo 時間: 13-11-22 12:53 AM

回覆 chubbyqq 的帖子

冇問題!

魔力一定要多朋友先好玩架!
我會從開公會堅持到最后!

作者: oO戀冬Oo 時間: 13-11-22 12:54 AM

回覆彩雲公主的帖子

哈哈! 我地大家都有魔力病

開Server見! xd

作者: 香菇炖Teemo 時間: 13-11-24 01:08 AM

我也是最喜歡這個角色。。。髮型顏色都一樣。。同樣喜歡四色老鼠加上鼠王

當然，我最喜歡是火焰鼠。原因嘛。已經這麼久了早就忘記了。。唯一的記憶就是對火焰鼠的念念不忘。。

鼠王太寶貴了。。。只能口水ing

希望可以快點開放。已經忍不住了。。。（我們這CG1還在天天弓格魔。要麼就是收費帶任務。滿街黑心寵。唉）

作者: oO戀冬Oo 時間: 13-11-24 12:59 PM

回覆香菇炖Teemo 的帖子

我記得以前魔力1 一隻鼠皇賣HKD 2500呢 - -"
的確很想要吧

大愛老鼠 XD

作者: oO戀冬Oo 時間: 13-11-24 01:00 PM

打個小廣告(別介意嘛 >///<)
我在遊戲中會重開以前魔力寶貝2 Ver 1.0的公會, 如果有興趣加入的話, 歡迎到以下網址看看喔! ^^
https://www.facebook.com/groups/ForeverCGF/

如果不想進公會也沒差的~ 那就來交友群和我聊聊天吧~
魔力寶貝2 Ver 2.0 - 粉絲交友社 (Facebook 現時最多人的玩家交流群)
https://www.facebook.com/groups/ConcertoGateForte.zh

預祝各位聖誕快樂喔! ^^

作者: 依霏 時間: 13-11-24 02:08 PM

認真，我都算港服魔力2老屎忽，內測封測玩到公測，但真係未見過你，1d印象都無

=。=

作者: oO戀冬Oo 時間: 13-11-24 02:22 PM

回覆依霏的帖子

我微小

唔緊要啦! 而家開始認識未得囉!

作者: 24herbs 時間: 13-11-28 08:11 AM

想當年, 玩到死都要玩

作者: 香菇炖Teemo 時間: 13-11-28 02:51 PM

oO戀冬Oo 發表於 13-11-24 12:59 PM
回覆香菇炖Teemo 的帖子

我記得以前魔力1 一隻鼠皇賣HKD 2500呢 - -"

老鼠可是CG1絕對的主角噢

作者: oO戀冬Oo 時間: 13-11-28 07:36 PM

回覆 24herbs 的帖子

想當年唔食飯, 儲起d飯錢就系為左買點卡! 好懷念

作者: oO十三妹Oo 時間: 13-12-3 10:29 AM

我最中意儲貓，名義上係對中意老鼠嘅你嘅尅星。試過一日只食一餐儲錢為咗抽貓，貓貓一隻不漏咁儲齊，最中意擺貓陣喺東e,第一隻唔計蝙蝠仔嘅寵物就係貓，得閒無事會去捉貓，錢包有錢剩會去合黑貓........

作者: wukayuen 時間: 13-12-3 08:06 PM

支持!!!!!
我自己本身第一隻online game係魔力1,厄到3.0有玩.
之後魔力2 OB有玩過,但同魔1差太多,玩有嬤日就走了!!
超想玩番魔1

作者: k66643752 時間: 13-12-4 04:27 PM

wukayuen 發表於 13-12-3 08:06 PM
支持!!!!!
我自己本身第一隻online game係魔力1,厄到3.0有玩.
之後魔力2 OB有玩過,但同魔1差太多,玩有嬤日 ...

咁你點解唔玩返魔1-.-"

作者: duncan620 時間: 13-12-4 05:57 PM

回覆 oO十三妹Oo 的帖子

你好似貓都齊哂
貓好貴下
btw by 迪

作者: oO戀冬Oo 時間: 13-12-4 08:11 PM

oO十三妹Oo 發表於 13-12-3 10:29 AM
我最中意儲貓，名義上係對中意老鼠嘅你嘅尅星。試過一日只食一餐儲錢為咗抽貓，貓貓一隻不漏咁儲齊，最中意 ...

哈哈! 果然係我克星! 但我絕對明白為左合寵要犧牲幾大...

當年隻水鼠同蛋鼠... 哈哈, 讀書幾多餐R飯食都係因為甘!

作者: 和平核彈奀仔 時間: 13-12-5 11:08 AM

oO十三妹Oo 發表於 13-12-3 10:29 AM
我最中意儲貓，名義上係對中意老鼠嘅你嘅尅星。試過一日只食一餐儲錢為咗抽貓，貓貓一隻不漏咁儲齊，最中意 ...

貓女王

分享下d圖看看~~
話說舊版重有d貓未出過XD
最難有係巴菲？

作者: oO十三妹Oo 時間: 13-12-14 12:05 AM

本帖最後由 oO十三妹Oo 於 13-12-14 12:12 AM 編輯

自己睇,左至右為:巴菲,闇夜,天使狼人,魔瞳,赤瞳羅剎。其他貓o係分身度冇圖影出o黎。

作者: monkeymko 時間: 13-12-15 04:03 PM

支持。。。。但我未玩過魔力。。。只係我朋友成日話好好玩。。。所以想Try下

作者: [群英]小滿 時間: 13-12-16 08:11 PM

如果你有玩過IC D 遊戲，你都會知道隻game最後都係收皮收場
eg KH2

作者: 依霏 時間: 13-12-18 12:12 AM

回覆 [群英]小滿的帖子

就算匯思搞得好都無用，今次魔力2港台澳獨家
但1大班大陸仔湧入呢個ser
情況就等同1班大陸人黎香港1樣我唔多講解相信身為香港人都知有咩問題

玩過有大陸仔既online game都知1定外掛/bug橫行
唔洗1陣隻game就收皮

作者: [群英]小滿 時間: 13-12-26 08:07 AM

回覆依霏的帖子

無錯，IC代理D遊戲絕大部份都有大量人民幣戰士湧入黎玩，最後咪又係變成佢地GA私服！

歡迎光臨 2000FUN論壇 (https://www.2000fun.com/)