2000FUN論壇

標題: 戲院偷拍許亦妮急耍冧 [打印本頁]

作者: wing12366 時間: 14-1-11 10:16 AM 標題: 戲院偷拍許亦妮急耍冧

【太陽報專訊】許亦妮前晚到戲院欣賞有份演出的《喜愛夜蒲3》時，用手機偷拍電影畫面，並公然將相片放上微博，她得悉是侵權行為後即刪除微博及認錯！

演藝界一直被翻版、盜錄問題困擾，多年來一直向公眾提倡保護知識產權訊息，但身為一分子的許亦妮卻立下壞榜樣，前日她到戲院觀看有份演出的電影《喜愛夜蒲3》時，竟然在戲院內公然用手機拍攝電影畫面，並把兩張相片放上微博，其中一張是她與陳柏宇演對手戲一幕，懵然不知犯法的她還在微博得戚地說：「昨晚又去看喜愛夜蒲3，竟然和雨僑同場，散場才知道……好！今晚再去看，爭取同場機會！」昨日她似乎終於知道自己犯法，急急刪除該微博。

侵權被斥愚蠢

許亦妮昨日接受電話訪問認錯道歉說：「係我細路女唔識世界，以後都唔會咁做，事前真係唔知咁樣係唔啱！我見到自己演出太興奮先咁做，唔係要盜錄，有網民提醒我，我已經即刻刪除咗微博。」問到可擔心被起訴？她說：「希望大家原諒我！我真係唔係有惡意嘅。」而《夜蒲3》的導演錢國偉為她講好話：「當時佢想影張相畀我，話睇咗套戲幾次，好支持套戲啫！唔存在利益關係，佢細路女無心之失，希望大家手下留情！」

而為海關拍攝反戲院盜錄宣傳片的任達華說：「可能佢太年輕，只係諗起將照片放上社交網站宣傳，對於藝人呢個係宣傳方法，無可厚非，大人不記小人過，如果佢知錯，大家原諒佢啦！唔係無綫又少個藝員！都係好小事，唔係將成套戲拍晒上載就得。」至於黃國桐律師對於許亦妮在戲院內拍攝，並公然放上微博一事，他直斥是愚蠢行為：「雖然唔算構成盜攝刑事罪行，因為通常盜攝係指成套戲、或者一節片段，但係影幾張相已經係侵犯版權行為，要負上民事責任，版權持有人可以作出民事起訴。」

作者: 小洋少 時間: 14-1-11 10:20 AM

可能佢太年輕，只係諗起將照片放上社交網站宣傳，對於藝人呢個係宣傳方法，無可厚非，大人不記小人過，如果佢知錯，大家原諒佢啦！唔係無綫又少個藝員

佢年輕咩佢係演員咩?

如果知錯就得人原諒呢個世界無啦

作者: KA-ar 時間: 14-1-11 12:11 PM

d靚模大胸冇腦是常識吧
跟本就係一隻唔要面想出名既雞

作者: 黃米奇 時間: 14-1-11 03:34 PM

蠢撚到成隻豬咁

作者: =To-Day 時間: 14-1-11 08:07 PM

而為海關拍攝反戲院盜錄宣傳片的任達華說：「可能佢太年輕，只係諗起將照片放上社交網站宣傳，對於藝人呢個係宣傳方法，無可厚非，大人不記小人過，如果佢知錯，大家原諒佢啦！唔係無綫又少個藝員！都係好小事，唔係將成套戲拍晒上載就得。」
咁都可以抽到無線水...

作者: 莉迪亞 時間: 14-1-11 08:16 PM

提示: 作者被禁止或刪除內容自動屏蔽

作者: ＊＊＊＊＊ 時間: 14-1-12 12:19 AM

提示: 作者被禁止或刪除內容自動屏蔽

作者: 海芯 時間: 14-1-12 12:56 PM

叫導演copy番片段比佢咪得

作者: 友誼第一^.^ 時間: 14-1-13 10:57 PM

之前睇報紙見啲律師講過話觸犯任何法律
"唔知該法例存在" "唔知該行為算犯法" 唔構成罪名不成立理由
只可作求情理由...

作者: next_to_me 時間: 14-1-13 11:47 PM

哈哈,底死

歡迎光臨 2000FUN論壇 (https://www.2000fun.com/)