2000FUN論壇

標題: 【大砲頻道】澳門議員馮志強：唔吸煙先係壞習慣 2014/4/8 [打印本頁]

作者: 我愛伍少梅 時間: 14-4-16 02:38 AM 標題: 【大砲頻道】澳門議員馮志強：唔吸煙先係壞習慣 2014/4/8

【大砲頻道】澳門議員馮志強：唔吸煙先係壞習慣 2014/4/8
https://www.youtube.com/watch?v=p7tYch-S94g

咩野人呀,好爆呀!!!!!!

賭場全面禁煙議員舌戰火藥味濃

2014年04月09日
http://www.shimindaily.net/v1/ne ... %e5%91%b3%e6%bf%83/

　　【本報訊】立法會大會昨辯論應否立即修法對賭場全面禁煙，期間，正反雙方的議員唇槍舌劍愈辯愈激，有議員認為控煙會影響賭收，沒有即時修法的必要；有議員則反駁指有關言論「靠嚇」，要求提出數據說明禁煙對賭收的影響。辯論到尾聲甚至觸動有吸煙習慣議員的神經，批評全面禁煙是歧視他們，一度令議會內火藥味甚濃。

　　昨日會議下半場每位議員有10分鐘發言時間，各人盡情各抒己見。議員陳澤武明言反對是次辯論的議題，因非突發情況，「係咪第二啲法律嘈一嘈又立即拎上嚟修改？」質疑現時修法非常輕率，應待《控煙法》3年過渡期屆滿，政府公布總結報告後再考慮是否修法。

　　他續說，現時博彩收入過千億，有此好勢頭可能是容許娛樂場吸煙，「可能真係控咗之後生意唔好，邊個負責？議員就唔同喎，佢話控煙嘅下一屆可能佢都唔做，係今次希望攞多啲選票咋嘛，下一屆未必選到佢。」

　　他又稱，20年前拉斯維加斯的賭場控煙，卻因此令經濟蕭條，反過來再容許賭客吸煙。而本澳周邊競爭對手的賭場均容許吸煙，「唔通澳門要叻到全世界第一？」他強調賭收佔目前財政收入八成，不能輕舉妄動要求娛樂場全面禁煙。

　　贊成：禁煙有損賭收純假設

　　議員區錦新反駁說，現時賭場未有全面禁煙，正是政府擔心會影響賭收，但政府有否計算禁煙對賭收會有多少影響？食肆全面禁煙後，生意根本沒有受到影響，質疑賭場全面禁煙會影響賭收之說純粹假設，「澳門賭場即刻幾千億收入冇晒，嚇我哋澳門人啫！」「搭飛場10幾個鐘頭唔吸煙都得，點解賭場玩幾個鐘頭，點解唔可以唔吸煙？」他更認為現時正是博彩業的上升期，能夠承擔全面禁煙的風險。

　　其後，身為醫生的議員陳亦立更語出驚人說：「從醫學角度，吸煙是個人的懷習慣，作為醫務工作者我哋唔鼓勵，問題係咪要即刻禁咁緊要呢？有啲人食咗煙幾十年，真係乜事都無，我啲親人無食煙嘅，有肺癌，咩原因呢？有冇關連呢？」

　　他更表示：「我知道好多後生仔鍾意食煙，邊個鍾意食煙嘅，去（賭場）吸煙區。而家博企做好多社會公益，咁不妨為吸煙區嘅員工提供營養津貼、生活津貼，每人1個月多3000蚊。」他甚至稱「要保障從業員健康，體檢囉、津貼囉，佢（博彩從業員）返8個鐘頭無煙食好辛苦㗎嘛，咁食下二手煙都好㗎，反正都食開煙咯。」

　　反對：歧視煙民阻享受人生

　　會議尾聲，外號「馮大砲」的議員馮志強亦不忘發表高見，直言「人係有七情六慾，你淨係食飯瞓覺做嘢㗎？人係要追求生活樂趣，食煙係其中之一，你唔食煙做乜要我唔食煙呀？」

　　他愈講愈激動，反問「點解要用你哋嘅價值觀強加喺我哋食煙嘅人身上，點解你要歧視我哋？食煙都係生活，你唔食煙唔知食煙嘅好處！」

馮志強 (澳門)
馮志強OMIC（1947年－），澳門商人，現任澳門立法會議員，於嶺南中學肄業之後輟學。
http://zh.wikipedia.org/wiki/%E9%A6%AE%E5%BF%97%E5%BC%B7_(%E6%BE%B3%E9%96%80)

作者: c04352001 時間: 14-4-16 03:02 AM

本帖最後由 c04352001 於 14-4-16 03:06 AM 編輯

控煙其實一樣都係矯枉過正,而且專門針對中低收入,家庭或個人入息不高於2萬蚊且無法置業既煙民。有本事咪真係禁煙囉,最好將所有煙民扔哂去孤島由佢地自生自滅。甘樣一來社會就減少吸煙帶來的醫療服務既負擔,只係一向供應禁煙服務的機構呢?就多得你唔少。

作者: KA2837 時間: 14-4-16 04:56 AM

不如修例將煙仔列入毒品吖屌你~

作者: 姜太人 時間: 14-4-16 09:44 AM

歪理

快d 食撚死佢

作者: 盟主 時間: 14-4-16 11:39 AM

唔明點解呢D人做到議員

作者: 我愛伍少梅 時間: 14-4-16 03:58 PM

盟主發表於 14-4-16 11:39 AM
唔明點解呢D人做到議員

因為澳門大不同.

作者: 你講乜春 時間: 14-4-16 04:09 PM

提示: 作者被禁止或刪除內容自動屏蔽

作者: 我愛伍少梅 時間: 14-4-16 04:17 PM

你講乜春發表於 14-4-16 04:09 PM
食煙會生鼻咽癌

生鼻咽癌可能是議員馮志強的樂趣!!

作者: 祖兒的誘惑 時間: 14-4-16 11:50 PM

佢黎香港好玩.!!

作者: nikidj 時間: 14-4-18 10:50 AM

叫佢去新加坡

歡迎光臨 2000FUN論壇 (https://www.2000fun.com/)