2000FUN論壇

標題: e個係討論區濕勁版主自己開個認同區啦 [打印本頁]

作者: pkmeok999 時間: 14-4-21 12:22 AM 標題: e個係討論區濕勁版主自己開個認同區啦

本帖最後由 pkmeok999 於 14-4-21 12:27 AM 編輯

刪哂人D貼自己拎data重開
EG 任務個堆

最仆街就係自己亂ban人
屏蔽左人地就理直氣壯劫劫人個post
e個係討論區唔係認同區

強烈要求換版主

作者: pkmeok999 時間: 14-4-21 12:25 AM

ps 人地上次問升級exp表
黎黎去去都係幾多億就幾多lv嫁啦
唔通你堆acc唔同D 有gm包庇唔洗升既

作者: DL7 時間: 14-4-21 12:27 AM

wowow 買定花生等睇戲

作者: 大快奶 時間: 14-4-21 12:30 AM

唔比人回應系度回應先
版主或會員有問題可以到投訴區進行投訴

會員對版主處理有疑問正確方法是以PM方式查詢

討論區?? 這是遊戲討論區是討論遊戲並非討論遊戲以外的事

你分不清楚??
就系分唔清楚比人說是外人?
與事件無關者討論你知道實情有多少??
實情知少就不可發言?如果我玩不懂玩遊戲就唔可以在此發言?
相片是否屬開帖之會員??
就系想知..先問~
能否給予版主證實相片是開帖之會員??
這個問題就系要問你如何證實!
你是否有處理版塊或論壇職權??
冇職權就唔可參與討論?咁你唔鐘意咪鎖POST~
如以上你都沒有你參與討論的論點在那???
論點就系睇版主處理方法!
你能為此事可以有什麼幫助???
就算不能幫助亦學習了解~
如果你對此事沒任何幫助你參與討論的動機是什麼??
討論就動機超版你所言是否離題?
盲目撐開帖的會員力數版主不是??
如何見得?問下問題就盲目撐?力數版主不是? 我中立唔得?
盲目撐版主力數會員不是??
我就見到你盲目撐版主力數會員不是
如果是....那就是挑釁行為違反版規和壇規喔???
有問題發言就挑釁行為??咁討論區不如唔好叫啦改名專屬版主論壇~

作者: 大快奶 時間: 14-4-21 12:31 AM

哩個超級版主強烈偏私要求落埋台~

作者: RCS313195 時間: 14-4-21 12:37 AM

版主又好超版又好~~~
職權係可以禁呢個言刪呢個POST..
理由真的充份嗎?

作者: 大快奶 時間: 14-4-21 12:42 AM

本帖最後由大快奶於 14-4-21 12:43 AM 編輯

我真系唔明個超級板主有幾可有了解下古龍哩個版自己先系盲目撐版主連發言都當作挑釁行為

真系太監騎馬^^

作者: ~星星月亮太陽~ 時間: 14-4-21 12:46 AM

本帖最後由 ~星星月亮太陽~ 於 14-4-22 06:21 PM 編輯

回覆 pkmeok999 的帖子

真係難為閣下又拎返果件事黎講，
你係投訴區開果張帖，魔鬼王已解釋得很清楚。
http://www.2000fun.com/thread-5176519-1-1.html
http://www.2000fun.com/thread-5178688-1-1.html
容許我得罪D講，你只係針對我本人對你做既決定有不公，
而唔係對件事，3-8轉升級表係心得交流版既長期置頂Post，
你引用該連結好難?
你成日話我騎劫個Post?個Post仲好地地係心得交流版個置頂度就叫騎劫?
你唔好再話我霸道啦，只係證明閣下一直對我懷恨在心。
我唔做版主有幾閒?我無要求任何人認同我，只係你一廂情願既諗法。

你搞清楚張帖係升級表定Exp啦，連兩樣野都未搞清楚又入我數?
Exp表一向都唔係我做啦...有人提供完我都係做整合出資料帖姐...
http://2000fun.com/thread-5383171-1-2.html
你即管繼續話我騎劫個Post啦...

至於任務版既問題，該堆帖子夠年期被系統自行刪走...
我未上任堆帖都已經無晒...該區亦只有版主才可以重新開帖...
你硬係咁樣入我數，我都唔介意啦。

作者: kwn6680 時間: 14-4-21 01:01 AM

算吧啦自己開古龍論壇
呢到板主相護
你有無見到板主會話板主錯嫁？
講得佢錯甘做牙頭都會錯嫁啦
你幾時見過板主係錯嫁
永遠都係會員錯嫁啦
鬼叫你吾係梁震嬰鬼叫你吾係李家成
你地無權發言嫁啦
得 Hi Ms Pa Ce 先夠膽講到大家服
但有幾可會有甘多个Hi Ms Pa Ce敢言牙
呢个板無嫁啦邊到係論壇牙
呢到係黑盒論壇得有佢講無你講嫁啦
算吧啦兄弟班放棄吧

作者: Tommy1988 時間: 14-4-21 01:22 AM

完全明哂啦....連超板都包庇佢仲有咩好講姐......佢講咁多野直頭係保住佢既....如果真係冇野既又洗咩怕俾人講...又洗咩禁言姐......做得岩既有鬼人會話佢咩....而家就係d人認為佢唔得...咪出聲lo~超板出到黎我實俾面你ga~...但就真係好失望lo~原來你出到黎只不過係講埋野....一出黎就話禁言lo~....仲有咩好講姐....講真個句你地咁做野法既...損失係2000fun之嗎....又唔係我地...有問題又唔正視...整係係到包庇...咪睇你保得幾多次lo~真係大把屎你汁啊之後

作者: Tommy1988 時間: 14-4-21 01:28 AM

唉~~真係合估唔到2000fun都要做埋689 d 野...完全係失望

作者: Tommy1988 時間: 14-4-21 01:31 AM

kwn6680 發表於 14-4-21 01:01 AM
算吧啦自己開古龍論壇
呢到板主相護
你有無見到板主會話板主錯嫁？

講得岩丫...極之認同.....雖然him屎係有時搞隻game的確有點西...但起馬佢出到黎令d兄弟服佢先....有意見真係會聽....而家呢到完全唔係既.....

作者: Tommy1988 時間: 14-4-21 01:32 AM

坦白講又超板第一個回應真係啞哂啦...仲邊敢出聲..保到咁出面

作者: ~星星月亮太陽~ 時間: 14-4-21 09:58 AM

本帖最後由 ~星星月亮太陽~ 於 14-4-21 10:48 AM 編輯

回覆 Tommy1988 的帖子

其實閣下成日話有人要保我...Hims令你服等等...

我好想問你有咩咁唔服?買/賣帖唔服?講外掛唔服?
我做實習版主第一日已經開置頂帖講明我上任會做既事。
果張帖，講真無人唔服，宜家唔服果個係你。

你對我要打粗口我可以忍，但我個人既問題，關我屋企人咩事?
文化亦講唔通，若果你一句粗口我一句粗口，我亦睇唔出究竟閣下有幾理性討論件事。

你地一個二個成日話我亂Ban/刪Post?
我自問或者可能有一兩件個別事件，但代表件事可以無限放大?
我睇你真係幾唔理性。
你認為我唔著既野，我無放寬到?
我單單拎抄官網Link黎講，我有冇再ban過人，
我可以問心無愧咁答你，果件事之後我就無再ban過，亦只係對重覆發既帖刪Post，就係咁多。

你同一張帖一堆回覆懶得用編輯，我有冇對閣下做D咩?唔通我又亂ban?
你一日到頭就講咩689...有咩問題，我都係講緊道理囉...
法理情又好，情理法又好，請用道理說服我。

好多野我真係懶得覆你...但我唔覆的話又話我唔理你感受...
原本我無理既野，理左你又唔服，咁代表我就係要係度被你縛手縛腳?
你唔好成日話我唔肯走，我真係睇唔出依度有邊個頂到依個位。
只有我依度獨立做任何事，Ser3講真無人玩，就算有人玩，我可以幫既咪幫下手囉...
其他Ser我係玩過，但我唔會沾手囉。
再者，整理資料帖我幾時有邀功?
有幾多人拎過落黎用?有幾多人會讚果個Post?
我有冇係該帖有任何得益?我做咩要晒咁多時間做資料帖?
而閣下有冇問過我任務問題?你自己問你自己啦。

只要一講私隱講外掛，你地仲惡過我，我先搵超版出面，係唔係理虧自己心照啦。
唔係將所有人既問題放係我身上啦，我無義務受你地氣囉。
我要覆亦只係覆咁多，你有訴求我聽完亦係會覆你地。
換版主真係無所謂，請有能之士向負責版務既人應徵，
版務既人批准我自然會退落黎。
一日無人管依度，你要做我底線不容之事，我恕難接受。

作者: ~星星月亮太陽~ 時間: 14-4-21 10:39 AM

本帖最後由 ~星星月亮太陽~ 於 14-4-21 11:54 AM 編輯

回覆大快奶的帖子

我諗我回覆你多一次啦...我已經將件事盡量地透明。
只係透明既地方不能透明到全個古龍吹水版版塊。

1.我係PM涉事人既...出post者亦唔係我，討論亦唔係我鎖Post。
2.涉事人要求我解釋我咁做既原因...唔代表其他人有知情權。
就算有知情權，我亦無權利向公眾發佈該違規之個人資料。
原因係我一直只是想PM就可以解決成件事，最終演變為涉事人公諸於眾，
兩個人解決唔到既問題，才迫於無奈由我解決。
3.若我係論壇公開有關證據，我同樣犯法。
4.該帖內有人向我詢問有關貼照片問題，我亦如實作答及解釋自貼之相關定義。
5.若果樓主真係咁有理據證明張相係自己，
佢係無道理改簽名既文字...而係同我據理力爭。
而事實亦證明，佢只有改字無改相，佢無證明張相係佢自己本人。
佢未改簽名文字我係有截圖做證明。
6.現時版塊上的兩個事件全部唔係自貼，而係貼別人既時候。
你要我一一證明是否當事人，倒不如討論該行為是否正確。
若然該行為正確，討論亦會自然地結束。
而事實係，該涉事人並無收斂並繼續砌詞狡辯，咁樣又變成係我本人既問題，
咁樣真係講得過去?若我唔做野=我可以縱容該行為?
7.個別人士唔服我，我搵上級處理真係有問題?

我同你好理性討論件事，我亦無話你為難我。
我解釋那麼多，若果你認為我唔夠大公無私，我亦只留留白。
總之，我講既係『法』『理』『情』，邊樣先邊樣後，
我諗由我自行解讀，我無意亦無需向你再解釋...

作者: kwn6680 時間: 14-4-21 10:48 AM

嘈係無用嫁..
不如我地開個投票有數據啦咁埋知板主你係唔係岩囉..

作者: ~星星月亮太陽~ 時間: 14-4-21 10:59 AM

本帖最後由 ~星星月亮太陽~ 於 14-4-21 11:03 AM 編輯

回覆 kwn6680 的帖子

究竟係邊個要嘈?張帖係邊個開?
我真係唔明如果真係咁唔服我，我上任兩年多。
投訴帖又有幾多個，黎黎去去都係幾個人係度雞蛋裡挑骨頭，
包括依張帖既樓主。
閣下要求開投票帖，講真，點解要係依度開?
開係開過既，但好有指向性且有侮辱本人之成份。
況且對人而唔係對事的話，我睇唔出開投票帖又有幾公平公正。

我亦講過好多次，唔服我既，請去投訴及舉報區，而唔係係度撒野。
邊個唔守規則?點解由我負責?
所以你條問題真係唔係問題，我亦無義務比答案你。

作者: kwn6680 時間: 14-4-21 11:10 AM

~星星月亮太陽~ 發表於 14-4-21 10:59 AM
回覆 kwn6680 的帖子

究竟係邊個要嘈?張帖係邊個開?

不用勞嘈由會員公投吧
好的...做好本份的怕什麼別人說?
那個公投只是各會員對你的看法,意見和數據給上上上級看
一.可以平息各會員對你的生氣
二.可以令上上上級知道你的不是
三.可以令各會員對你的了解
四.令會員心服口服

你害怕嗎!?你心虛嗎!?
都不是...那怕什麼!?

作者: Tommy1988 時間: 14-4-21 11:12 AM

~星星月亮太陽~ 發表於 14-4-21 09:58 AM
回覆 Tommy1988 的帖子

其實閣下成日話有人要保我...Hims令你服等等...

你下台就緊ga~la~...你係有料既...就唔會整係係到俾我一個話你啦...而家唔係我一個唔服...你有冇聽下成個post ga~...其他人都好唔服....好多野你既解釋係令人接受唔到...就好似而家香港既689証府咁...在加上你搵超板..我真係冇咩所謂....但好可惜既係當超板回覆既第一個post......好明顯地係係到包庇你保緊你...呢樣係所有人都見到既

作者: ~星星月亮太陽~ 時間: 14-4-21 11:13 AM

回覆 kwn6680 的帖子

我哪裡害怕心虛?
我哪裡知道閣下在我回覆之時開了一張投票帖?
無論投票結果如何，我問心無愧。

作者: kwn6680 時間: 14-4-21 11:14 AM

~星星月亮太陽~ 發表於 14-4-21 11:13 AM
回覆 kwn6680 的帖子

我哪裡害怕心虛?

GD,,

作者: ~星星月亮太陽~ 時間: 14-4-21 11:22 AM

本帖最後由 ~星星月亮太陽~ 於 14-4-21 01:03 PM 編輯

回覆 Tommy1988 的帖子

所以我一而再，再而三問你有咩接受唔到囉...
其他人有咩問題，我大約都知道。
唯獨只係閣下你成日都講唔到你有咩接受唔到在下。

如果我唔落台，你需要去遊行請願嗎?
如果一個版可以令你咁氣結，你真係太睇得起我了。
希望閣下搞清楚，閣下使用論壇還是論壇去擺佈閣下?
製造話題本身唔係版主重要職責，
宜家係遊戲唔配合有新資料發佈而係歸咎我整理秩序的話，
咁我係版主還是閣下才是版主?

作者: Tommy1988 時間: 14-4-21 11:26 AM

你而家講咩都係冇X用ga~la~...你能說服到其他人嗎?

作者: ~星星月亮太陽~ 時間: 14-4-21 11:30 AM

本帖最後由 ~星星月亮太陽~ 於 14-4-21 11:35 AM 編輯

回覆 Tommy1988 的帖子

其他人要對我有偏見，定時定候會出現。
出現完無事發生就自然無影...
亦只有閣下係我鎖你賣渦鬼包之後就一直係度單單打打。
講黎講去...真係得你說服唔到...

至於樓主，佢係另一個Case。

作者: Tommy1988 時間: 14-4-21 11:34 AM

真係對撚住你唔講粗口都唔撚得..........d 巴打味起身你就話說服哂佢地..你真係冇撚野丫...我都冇話你話我渦鬼包既野...你又做咩心有屎咁拎出黎講啊.....渦鬼包gameone俾我放既...我賣到今時今日都仲有...你就知我咩料啦......

作者: ~星星月亮太陽~ 時間: 14-4-21 11:37 AM

回覆 Tommy1988 的帖子

大部份人都懂得適可而止，
亦只係你同個別其他人士唔明。
而現在，係閣下唔明白此道理，
我無法不向閣下再發警告。

作者: Tommy1988 時間: 14-4-21 11:44 AM

你咪警告lo~俾其他人睇到你點做野都好啊....俾你警告下我會唔會死啊-.-..人地唔出聲係怕o左你.....但sor個個唔係我....等d巴打起身先在上黎..陣間見

作者: wailok0803 時間: 14-4-21 12:30 PM

回覆 Tommy1988 的帖子

哦....原來呢個板主係咁做野既!唔怪得引起其他人不滿

作者: DL7 時間: 14-4-21 12:53 PM

2000fun 好熱鬧

作者: ~星星月亮太陽~ 時間: 14-4-21 01:20 PM

本帖最後由 ~星星月亮太陽~ 於 14-4-21 01:26 PM 編輯

回覆 Tommy1988 的帖子

你成日口口聲聲要我說服人，我一直有做丫。
若果本人既言論係有甚值得相榷之地方，我亦與相關人士客氣地討論。

宜家個問題係你開口埋口爆晒粗，而我都尚算對你客氣。
再者，一直都係你唔願意講對我有何不滿。
你唔講就係我責任的話，我該負上哪一種責任?

我重申一下，就算版面張帖結果如何。
我唔需要你向我道歉，而我亦唔會請辭。
你覺得依度係黑箱，你絕對可以選擇離開。
每個人有發表意見既權利，但不包括粗口。
對於任何意見我予以尊重且重申符合版規之情況下我不會干涉任何討論，
並適時檢討。

自己理虧變成我身有屎，
你有包賣沒問題的，在論壇版塊叫賣被禁原來係我有問題，
那麼，又是誰的霸道，我沒法承認這個是我本人的問題。

我自問我無做對此版任何人唔住既事，所以我係唔會向此版任何人道歉(包括Hims)。
我做既野，為論壇盡責為自己盡責，對遊戲公司也盡責。
我唔會期望閣下理解同支持，我亦只致力維持本版之討論空間是合理和合法的。
我亦不會再就閣下任何回覆再予回應。

作者: 無情ｋｋ2 時間: 14-4-21 03:55 PM

你唔知2KF 不嬲係小圈子作風? 不嬲都係管理職係度喂喂喂

睇我簽名檔啦

作者: 裙 時間: 14-4-21 08:41 PM

本帖最後由裙於 14-4-21 08:44 PM 編輯

sosad

我見到幾年前既魔力版既影子

版主成日比人抽水同鬧同嘈

利申:  只係路過,  睇唔明你地up乜

P.S.  版主唔好咁怒氣啦,  你一個抽咁多個點抽姐,  邊個唔岩都好啦,  你咁樣好傷身架......

利申:  唔知邊個岩邊個錯, 但覺得版主無糧出又比人鬧到咁比一眾巴打囉尼發洩好慘

呢個post成堆04~08年註冊, 大家都有番咁上下年紀唔再係中學生, 都重咁好火氣! 我當年係網上嘈人既火一早已經無曬! 佩服

作者: 天狼星12號 時間: 14-4-22 01:37 AM

裙發表於 14-4-21 08:41 PM
sosad

我見到幾年前既魔力版既影子

邊個做咪一樣有呢班人唔滿意
佢地都係想無晒規矩,佢地想點就點姐

作者: 無情ｋｋ2 時間: 14-4-23 01:27 AM

你地古龍版唔知AVA戰地之王果邊既版主點做野...如果知道..其實呢邊已經好好-.-

作者: 二千級梯 時間: 14-4-23 06:22 AM

本帖最後由二千級梯於 14-4-23 06:26 AM 編輯

其實冇乜好嘈,唔滿意咪唔好上黎睇

古龍都係得返掛機,根本都唔算係一隻GAME
(買包>掛機>買包>掛機)

大家去玩9陰,剩係追POST都笑死你,又可以粗口環飛

作者: DL7 時間: 14-4-23 06:38 PM

而家玩得古龍既，大約都20至30歲

作者: 天狼星12號 時間: 14-4-23 06:55 PM

二千級梯發表於 14-4-23 06:22 AM
其實冇乜好嘈,唔滿意咪唔好上黎睇

古龍都係得返掛機,根本都唔算係一隻GAME

九陰好玩嗎

作者: °★康||x]] 時間: 14-4-27 12:27 AM

屌你班撚樣真係戇鳩, 人地做版主無錢收, 義務工作黎, 我真係佩服佢會打咁撚多字應酬你地, 痴撚線

作者: Chong 時間: 14-4-27 08:00 PM

本帖最後由 Chong 於 14-4-27 11:15 PM 編輯

３－４年前成個版無人理，又係度嘈2KF古龍吹水版無王管
好啦，黎左個比較有心做野既版主

整理返大多數有用post，有用資料比你班友仔
跟住又係度嘈嘈共

呢班真係一班濕鳩黎。

作者: 夠薑 時間: 14-4-27 08:18 PM

Chong 發表於 14-4-27 08:00 PM
３－４年前成個版無得理，又係度嘈2KF古龍吹水版無王管
好啦，黎左個比較有心做野既版主

路過花生友......

好多人都係為嘈而嘈架啦....

無計啦生活壓力大

又吾敢反工屌老頂...

咪放工反黎搵下版主(起碼大個會員叫上司掛...起網路世界)有乜位入...

有咪放入去插下插大佢....

咪有人嘈下有人叫下咁囉

反白:::利益申報:::以上任何聯想如本人無關

吾發洩下...遲早抑鬱既...

...

作者: DL7 時間: 14-4-27 10:12 PM

其實版主真係唔錯。

作者: 夜神亮 時間: 14-5-17 12:43 PM

只想要自由自在既吹水版

歡迎光臨 2000FUN論壇 (https://www.2000fun.com/)