2000FUN論壇

標題: 回鍋職業分析/賺錢攻略　一起再來玩他個天翻地覆！ [打印本頁]

作者: 升斗市民 時間: 14-4-25 05:37 AM 標題: 回鍋職業分析/賺錢攻略　一起再來玩他個天翻地覆！

本帖最後由升斗市民於 14-4-25 02:46 PM 編輯

前言
比回鍋玩家建議,純粹個人感受
今時今日大家都成長唔少
諗法,對娛樂既標準,滿足感,耐性都唔再跟以往細路仔一樣
而呢d野係會影響到你玩返童話既感覺
講返隻game先
童話我覺得仲有可玩性存在
只不過可能大家已經習慣用其他game既節奏黎同童話比
依家童話絕對係一隻慢節奏既遊戲 (請新/重玩既玩家自行衡量是否能接受)
精體智裝既出現係我對童話失望既其中一個地方
新手加入根本冇可能負擔得起唔買又好似一起步就輸人一條街
點解要同人比較你去入番幾百蚊港紙去玩一日俾人帶到60~70lv
之後就等入次元拎起分鞭分算秒木水龍官打王直接秒連b23都可以以一人之力上去
解任務?直接洗聲望就可以
如果有人認為咁樣好好玩大家諗法唔同我唔會阻止你繼續
我玩game只係為有  互動
一齊吹水,解任務,打任務王,屎鼠王,白貓屎蟲八獅,打家卡,團升,團p,家競,活動仲有好多好多
(升精體升既30lv已經多你2,3倍血同你做隊友係格離睇你單挑隻王都得啦根本唔洗參與 0刺激感)
點解大家退童又重玩退完童再重玩?
童話式既畫風充滿回憶既bgm 獨有既遊戲節奏,風格
而當中我覺得最主要就係因為有回憶所以我地先決定重玩
當年單純既我地工作技能升一個階級會開心撞到希寵會開心識到新朋友仔都會開心 ...
番黎重玩係想盡可能享受番當年既過程回憶 Right?
所以我認為態度都好重要一個態度絕對係左右到你遊戲生涯有幾耐。

Part1 回鍋攻略,職業分析,經驗分享
建議大家開新角色既時候可以睇下未來二轉造型岩唔岩你心水再決定用邊個。
附上網扯
人類
精靈
矮人
(老實講依家揀咩種族已經冇咩所謂...)

係揀職既之前建議睇左出手順序排列先
因為有部分職業依家出技係會扣敏
附網址  童話出手順序

同埋仲有兩個好緊要既資料網你一定會需要
童話巴哈精華區
童話資料網敗家一族

=職業分析= (注*多少代表個人認為既難易度最高為5粒*)

戰士系
三種分支職業都可以依賴自已角色做輸出
唔需要靠獸化寵
升技唔算難

劍戰士 ***
核心技能 - 風動閃,衝鋒
角色單體輸出極高有風動閃之後見一隻秒一隻
二轉後龍翔閃無屬性繼續用火武都無問題慳番筆錢唔洗買光闇力
缺點係無範圍性既攻擊技能技能單調

刀戰士 **
核心技能 - 大地斬,四連斬
擁有一排範圍既攻擊技能(閃電,大地斬) 單練快清怪快
需要單體輸出既時候可以用四連斬黎彌補番
缺點係傷害不及劍/斧二轉後既技能有d雞肋

斧戰士 ***
核心技能 - 驚雷斧,四連斬
個人認為係戰士入面最全面既職業傷害高技能擁有效果
e.g驚雷斧既扣閃躲率急電斧既定身
二轉後擁有範圍技驟雨斧  打王op利器急電斧
缺點係前期命中稍有不足所以前期升等會比較辛苦

旅人系
職業定位比較特殊
需要針對職業黎做講解
三種職業都係獨當一面

武鬥家 ****
核心技能 - 殘像,破空拳,戰意
一隻擁有buff技能既半戰士多變化自身角色傷害高擁有自身回復HP手段(只限自已)
三招buff技係戰鬥當中可以話係無往不利 (+閃+防+攻)
缺點係二轉後技能組上沒有太大變化
太多技能需要去升特別係戰意無僧侶幫真係升到你嗌救命

幻獸師 *****
核心技能 - 誘捕,強化,殘像
全童話最具/需要魅力既職業主要作用係捉寵擁有對寵物用既buff技能
可玩性高升親和度快二轉後既技能更實用更op
80等學既獸神可以打出高傷害+全體攻擊技
缺點係前期太辛苦完全要依賴獸化寵輸出
幻獸知識極度難升響依家咁少新手既情況下你好難有機會去幫人捉寵
只可以選擇燒錢升技法或用15lv技觀察慢慢升上去

商人 *
你都係用黎掛工作技算啦

修士系
容易上手
四種職業皆備祈禱
唔會有無mp用既煩惱
各有特色但難易度相當極端

法師 **
核心技能 - 火焰流星,大地之怒,煉獄之火
定位為大範圍法術輸出
技能範圍大擁有五行元素打怪根本唔怕屬性被克既問題
單練快清怪快精華期係元控24/36既時候火流/大地全體技
係前期團升係最受歡迎既職業之一
缺點係一轉前單體輸出不算可觀二轉後有明顯改善
但元素等級由36開始就極度難升接近崩潰級絕對係先甜後苦既職業

僧侶 **
核心技能 - 木精之魂,123木頭人,456木頭人
定位為輔助同法師一樣擁有五行元素超過8成都係輔助技能
多變化 123/456木頭人(23/45神守)全體對敵定身(對王無效)
神守還算易升適合鍾意輔助既朋友玩
缺點係自身沒傷害輸出要依靠獸化寵清怪慢
輔助技能多但實用性低
456木頭人係上次童話改版之後依家出技差唔多要扣一半敏實用性大減
現今已經沒乜人會選擇呢個職業可惜

闇之信徒 *****
核心技能 - 混沌之門,黑暗儀式
定位為前期輔助後期為大範圍法術輸出先苦後甜
前期優點我只想到混沌之門可以飛3大城3大村同埋闇儀可以方便團升
後期會轉生成為大魔王擁有黑洞爆發(61闇技) 全體高傷害 op技能
雖然依家用已經要扣一半敏但係實用性還在
缺點係闇技難升唔同法師可以一路升lv一路升技唔適合一d怕悶既朋友

光之信徒 ***
核心技能 - 治療術,彩虹之橋,聖光彈
定位為輸出兼輔助但技能組上比起僧侶更具實用性
自身具備回復HP手段(可以幫助隊友) 係我眼中一轉前無一招係廢招
特別係當你升到有聖光彈(45光技)既時候你既輸出唔會比法師差
又補得又打得好職業
缺點係光技事實上唔會比闇技好升大家二轉後聖光彈會被其他更強大既技能覆蓋左
所以2轉後既光術師既輔助性質偏重無再咁全能

＝角色屬性分配＝
開頭50體20智呢個點法你後期會有一個穩定既hp&mp
呢度希望大家可以唔好咁死板　可以根據自已玩法而去配點
如果真係無乜都唔識可以上去巴哈/敗家度跟d高手點法

=Part2 賺錢篇=
相信呢篇一定會受到關注
咁小弟係咁依分享下暫時白手興家既方法
前期 - 1~29lv
1.做可因任務 - 簡單 - 回報一般
2.開舊角色掛幸福星 - 簡單 - 回報極高
附網址幸運星活動詳情
(如果唔知賣幾錢入去商場睇下再減番少少放就ok)
3.去尼克草原(11~15lv怪)打怪儲材料(優格.牛奶.草莓.麵粉各一)
再到貝伯港30:226 屋內整優格冰淇淋
再去貝伯港31:296 飛米夏島(需2000可因傳送費,19~20lv怪)15:50搵風帆船老頭換氧氣泡泡糖
拎番金商擺檔賣 1w1個 (小弟成set都俾人清哂) - 一般 - 回報不錯
中期 - 30~51lv
1.去撞小灰貓捱佢10個回合
(30lv以上先撞到,撞到怪既地圖就會隨機出現) 一次最少有萬幾 - 難 - 回報一般
2.有本錢之後就開分身掛工作技建議只掛原料
因為可以直接賣物流快靚正升到20~30lv工作技果陣可以考慮入豐收島
(金銀城傳送石左上角有npc 每次入去1000$ 出番黎唔洗錢) - 簡單 - 回報不錯
3.自已係闇師而又練到53技有闇影既話可以收錢幫人升技印象中100w/1hr - 一般 - 回報不錯

其他資料待續....

圖片附件: cg_02.jpg (14-4-25 05:38 AM, 42.65 KB) / 下載次數 27
https://www.2000fun.com/forum.php?mod=attachment&aid=NzAxNTU4fDk5NDVhOWZjfDE3NTQ3NDI3NzV8MA%3D%3D

作者: c04352001 時間: 14-4-25 06:19 PM

本帖最後由 c04352001 於 14-4-25 07:55 PM 編輯

我記得僧侶二轉都有招巨木連擊或火焰衝擊都打到一排,但始終木系唔係主要攻擊技能,就算配合木智法化都唔見得會高得去邊,而且仲要65神守。當然僧侶仍然有一定價值,例如補血類全體再生,未必會比回復之語差。重有全體的灸焰刀,配合火智法化寵,多攻寵或攻人既話傷害都唔見得會太低。

至於全體加魔攻,全體加命,全體加閃躲,全體加防,全體加魔防等等,就真係唔知係咪甘見效(唔太清楚加成攻擊或減免傷害的比例)。

至少主流升級方面,51-60級升級難度(主要都係睇輸出,起碼未至於只係吸經驗)既,光師的聖光彈,刀戰的大地斬,武鬥家的斷空拳(?),法師就比較難講,始終二轉前既法術,打被克的怪,例如大地之怒打木系,火焰流星打水系只會扣1,一來耗魔量高(成日補魔或帶MP藥),二來就係被禁咒既話,好大機率會被打死。暗師幾乎唔需要刻意原地暗儀,除左空爆同埋生命奪取外,幾乎就冇傷害輸出。

光師二轉前重有治癒之光,係回復術既加強版,二轉後聖光彈會被恩惠之雨(補全體+打一排)取代。

講到尾,其實真係好多職業既道路都被限定了,以修士系為例,法師36技前升技仲算簡單,而面對51級以上的怪,傷害力就開始被直線削弱,這時非常依賴同伴,例如多個法師或單個光師,刀戰,武鬥家去互補傷害力既不足。

而僧侶呢?魔量根本不夠用,一方面二轉前你需要維持攻寵既生存先打到怪,水土寵你免強可以用巨木之擊湊合攻擊,但金系光暗系傷害力就明顯不足,而你加太少智,血量又變得太低,更加唔好話敏捷。

光師只要前期搏命升到45技,就以帶護寵(木波)放聖光彈打怪,雖然慢D,但練功既生存力起碼比法師高。

暗師只要前期搏命升到40技,就不太缺隊友(40技有暗儀,原地怪物+5級),換句話亦極度依賴隊友既傷害輸出。

作者: 轉淚點 時間: 14-4-25 07:13 PM

回覆 c04352001 的帖子

你既分析都唔錯。有冇興趣入族一齊玩?
各種職業都需要其他職業既配合。
我覺得光師係2轉前輸出最多既職，聖光彈真係唔講得笑。
至於戰士系，有既定既輸出，另外都可以做坦既角色。
暗師2轉前最有用真係得暗儀，輸出幾乎零。但係都係一個不可缺少既職。
至於僧，真係好小人玩，但係對於如果團體合作既升等隊伍黎講，係一個好好既支援人員。

作者: c04352001 時間: 14-4-27 12:48 AM

本帖最後由 c04352001 於 14-4-27 12:51 AM 編輯

童話既戰士,實際上冇乜機會做坦克,一來你若練血牛,初期純點體,就係急需高戰技能加成既武器,武化寵要求更高,雖然有保護這個幫同伴擋物理攻擊既技能,可能對於霸王龍或者小藍喵都仲有d用,但實際上物理系boss,你有水敏寵用浪子舞+冰刀術(限制回合),如果有暗系降埋命中就已經低威脅,這樣說來,有沒有戰士的保護技能其實真的,可免則免罷。

而魔法傷害既boss真係太變態,禁咒又未必禁到,冰刀始終又講機率,好似那個人,惡靈呢d,法攻極高,二轉前幾乎冇乜邊個職業頂多佢一擊,雖然就大多數既onlinegame黎講,本來平均不足6x去打70級以上既boss可能太遙遠,但始終51-60級就係一大挑戰,等級夠你又未必睇得上個任。

前期非純敏(靠分子武器或香檳以上法智寵)角色,又唔想玩光師,僧侶真係唔錯既選擇。土遁術近乎100%的逃跑率,再加上地之門同埋村之門,解任其實都過得去。始終唔好忘記,好似迷宮這類,光c係冇辦法用彩虹橋save。

作者: c04352001 時間: 14-4-27 01:03 AM

本帖最後由 c04352001 於 14-4-27 01:11 AM 編輯

死一次扣太多經驗,好大程度上已經係新手(老手就算點死,一來起碼有感情,二來有能力可以急速升返上去)難堅持既主因,而且還要練技能?玩自己鐘意既職業,例如僧侶或幻獸師又太依賴寵,升lv太慢?寵成日死?法師51級前升級幾乎係最快,36技前重算係比較易升,但唔通人人都玩法師咩,而多開太多又似單機game,唔多開既話,又未必搵到自己需要既裝備,寵物或其他任務或遊戲功能物品。

其實令童話倒退既原因,我覺得無非就係虛寶(戰娃,工作娃娃,經驗種子,加油棒,鞭打棒,經驗娃等等),尤其係令隻game變成即食面形式,只要肯俾錢就高人一等既感覺同埋慳時間(耐性未至於磨光)。反而唔係用任務,至少將更多任務變成唔係一次性,而且肯花時間就會獲得虛寶,當然你可以係呢類任務多少加三五個前置任務,起碼未至於1lv都可以去解。

作者: 升斗市民 時間: 14-4-27 06:07 AM

c04352001 發表於 14-4-27 01:03 AM
死一次扣太多經驗,好大程度上已經係新手(老手就算點死,一來起碼有感情,二來有能力可以急速升返上去)難堅持 ...

童話既任務獎勵真係怪怪地
好多任務都係為左聲望先去做
其他獎勵果D仲衰直情冇人肯做

作者: ︴銀。曲﹏ 時間: 14-4-28 08:04 PM

僧侶真係好好玩輔助技好多技已經唔算難升
以前一班人一齊團升打王都好有貢獻i think

童話上60後d升級經驗值太高
由新手玩上去團升會好辛苦(特別係劍拳斧果d)
有團體技都仲好d
不過如果有班fd一齊互相支持落會幾開心：D
辛酸是最美好的回味：)

作者: 偉偉XD~ 時間: 14-4-28 09:41 PM

回覆升斗市民的帖子

ching好用心打。支持下

作者: ULTRAMAN1 時間: 14-4-29 03:13 PM

千其唔好玩刀戰

作者: c04352001 時間: 14-5-9 04:08 AM

升斗市民發表於 14-4-27 06:07 AM
童話既任務獎勵真係怪怪地
好多任務都係為左聲望先去做
其他獎勵果D仲衰直情冇人肯做

仲唔止,聲望加金錢,你有掛機既話,賣俾國家分流收購就賺到唔少,根本冇必要去解任。當然二封石,三封石對於低lv玩家仍然係必不可少。

歡迎光臨 2000FUN論壇 (https://www.2000fun.com/)