2000FUN論壇

標題: 我好掛住剛開服既九陰. [打印本頁]

作者: 水浸 時間: 14-5-4 02:12 AM 標題: 我好掛住剛開服既九陰.

本帖最後由水浸於 14-5-7 03:10 AM 編輯

大家好.我係水浸.如果你岩岩開服個時有玩.又係煙雨莊經常出沒,你可能會記得有我E個人.

點解我會掛住剛開服既九陰?開頭咩都唔識既你.岩岩入E隻GAME.係GAME入面識既人.都好自然會同佢一齊玩.

大家都係傾得埋.就連TG出到本扶搖都會開心死.打MS要有歸元陣.個時既日子係最開心

但玩既日子長左.識既人都會多左.大家都入左唔同既幫.但因為係敵幫.本來既[朋友]都會慢慢消失.

係度我想同大家分享一下我玩九陰既故事.內容都係我入九陰玩所發生既事.不過記憶有小小模糊,可能會有錯.或者知道又記得件事既人可以留言更正我:)

在下叫水浸.係我一開始投身江湖既日子.就係煙雨莊度過.
係我仲未識用普攻既時候.就比個叫"百兩金"既人打(現為萬兩金)
當時既我由於無還手既力量.就活生生咁比佢用雙刀打死.雖然我唔識打人.
但由於百兩金不斷封招.基本上我係無郁過.

之後.我決定要做一個出名既大俠.於是我就自立門戶.創立"天下"幫會.
天下創立後.令很多江湖人士關注,不是因為勢力強大.而是天下為自己樹立了一個江湖入面既特色.
就係"外掛多".因此當時水浸(姐係我)就會不時對唔中意既人開紅,然後會補反句"你做咩殺我d人?"
如果人地問"我幾時有?" 水浸就會同佢講"你殺我d外掛!"

基本上.天下都出現左一段日子.係煙雨莊基本上都無人唔識e個"外掛幫".
e個時候.水浸佢見到有個幫個幫名分明想挑機,個個幫就係"秒殺天下"
水浸e個時候就不都無問就打佢個幫主"徐少澤"(現為任教主).
因為水浸打佢既原因.e兩個幫就開始好似江湖大佬咁傾計啦.
當然啦.叫得"外掛幫".咪姐係得水浸一個人.水浸同徐少澤加秒殺天下幾個幫員企左煙雨莊百草講數.
講講下數就唔知點解變左講同盟,就係咁"天下"就同"秒殺天下"同盟左啦.
過左無幾日.水浸亦都拉左佢一個好朋友一齊投身江湖.佢叫做"月夜蝙蝠".亦都入左"天下"做左一分子.

佢地個時係煙雨莊玩得好開心嫁.直到有一日.一個叫"柏月天"既人黎左

作者: 水浸 時間: 14-5-4 02:16 AM

本帖最後由水浸於 14-5-4 02:16 AM 編輯

就係個日.水浸同佢個好友一齊係煙雨莊玩個時.
突然比人一個接天.月夜蝙蝠就訓左係度.e個時候水浸知情況不妙.馬上飛反去百草.無錯.你地無睇錯.係"飛"
再黎一個接天,水浸又訓了.訓之前.佢只係見到一個成身白色衫既黑衣(丐幫) "柏月天"."神判"幫會.
e個時候.水浸覺得江湖唔只係得煙雨莊.係時候要出一出去見識下了.就係咁.水浸dum低左佢一班好友自己出左去蘇州.
一出到去蘇州既比武區,成個世界唔同曬.水浸佢見到好多好勁既人.就覺得自己唔可以咁落去.要増強自己既實力.
就係咁.水浸就搬左家去蘇州.過住既日子都無咩特別.e個時侯.有個錦衣問佢"你打唔打ms呀?"
水浸望一望."尤無名".出神入化.再望一望自己"駕輕就熟",水浸就答左句"好吧".而佢就話"你做左任未嫁?無歸元陣無得打嫁!"

作者: 水浸 時間: 14-5-4 02:25 AM

本帖最後由水浸於 14-5-7 03:09 AM 編輯

就係咁.水浸就去左做個個死人任.又要"行"去洛陽(未有洛陽t點),行到去又要搵個個死左屋企人既呀婆
搞左一大團野之後.終於有歸元陣.水浸就搵番"尤無名".話"我搵到啦,可以行啦!"..點知佢同我講一句"我地都係三個人打算啦!"
唉.就係咁.普ms 唔知幾多個鐘事件就出左黎啦= =.成員有"水浸"同"月夜蝙蝠"(兩個都係用雙刀打既極樂)加"尤無名"(用爪既錦衣)
佢地死打爛打死打爛打死打爛打死打爛打死打爛打(刪下100000字)
打到二王啦.水浸同月夜蝙蝠一心諗住封隻王招佢就打唔到我地啦.9分30秒左右.係無殺手既情況下.佢地打完啦.
於是水浸就去開我地努力打番黎既箱."嘩屌!雁行功呀!" "嘩屌!唔係我度呀屌!!!!!!" 水浸望住尤無名係度學緊野...
然後望住佢雁行再打出e個表情"@@". 然後講句"打到e度算啦. 退左隊...

作者: 水浸 時間: 14-5-4 02:26 AM

過左無幾耐.水浸決定離開天下.搵一個大幫照顧佢.水浸就番左佢個故鄉煙雨莊.e個時候.有個君子堂"無雙"幫會(印象中佢好似叫”雷耀揚”)
加佢入幫.佢就入左去啦.一入到去.水浸望一望個幫頻好有滿足感.因為唔似天下咁,有人講野嫁!e個時侯.有人叫佢入rc.佢就入左去.
第一把聲係一個女仔.水浸心諗.投身江湖咁耐都未聲過有女仔.以為全部都係妖黎.係rc到.水浸say左句"hi"就無再講過野啦.因為rc既人未熟.
水浸就係無雙入面過左一段時間.突然一把好嘈既聲出現左.係幫主.佢話要打幫戰.(打咩我就忘記了)..係打既途中,佢一直係度爆mic.
場幫戰無記錯好似係贏左.之後無幾耐水浸班朋友話入番天下幫.水浸就係rc度話"我幫幫朋友搞番個幫先.之後會入番."
之後幫主就講左句"水浸.你要走我地唔留你!"

之後水浸番番去天下.加左個會講野既新幫幫員!佢叫"東方錚".係幫入面成日都運鏢.自此水浸一眾朋友都幫佢改左個名叫"運鏢機器"
但日子不斷過.水浸覺得佢想過番幫頻有人講野既生活.於是佢再次離開天下.期間天下就交左比"東方錚"打理.
水浸記得.佢話過會番番無雙.佢無食言.最後都有番去.但番去無幾耐.水浸覺得佢不能再接受被爆MIC既情況.於是再次離開了無雙.
當離開了無雙後.水浸番番去煙雨莊靜思.突然有個叫"花不落"既人打死了.當時亦見到佢有其他同行者進行殺戮.水浸望一望."惡人谷"幫會.
之後花不落向水浸講左一句"入幫有我保你".當時水浸亦希望有強勁既戰友.加上水浸發現佢朋友"木狼"都入左去.所以水浸就一齊入左去"惡人谷"

作者: 水浸 時間: 14-5-4 02:27 AM

本帖最後由水浸於 14-5-5 12:32 AM 編輯

開頭係惡人谷真係大曬.水浸見住佢地周圍殺人咩事都無.但水浸就唔係咁,因為水浸實力太差.根本無咩人可以比佢殺到.所以水浸入左"惡人谷"無耐真係覺得無咩好做.除左覺得花不落幾型之外就無咩野了.無人玩到熟.於是水浸亦決定離開"惡人谷",而"木狼"亦離開了.到了"飄雨絮"
咁月夜蝙蝠呢?佢一直伴隨住水浸.水浸去到邊佢就去到邊.親身睇過好多幫既離離合合.個時"淺水游龍"幫會解散了.萬兩金亦因此成為了無幫會的一分子
至於徐少澤,水浸都無見過佢了.可以佢退左江湖吧.當時水浸佢地見到自己無地方好去.佢地都係決定番天下(又死番去天下= =).你地可能覺得水浸好無聊,不過佢確實咁樣做左.
入番天下.水浸諗住搵番東方錚,點知發現原來有人用緊東方錚個AC.水浸再問落去.得知用緊東方錚個AC既人叫”公孫初紫”.就係咁,水浸佢又識多個江湖上既識友.過左無幾耐.水浸佢地不斷係蘇州加人入幫.加加下比佢加左個叫”馬騮仔仔”,水浸基本上係唔想同佢溝通.因為佢又ON又OFF又靜係識雞腸.搞到水浸比唔到反應佢

日子過左一個月到.水浸發現東方錚係天下入面亦有一個分身叫”一個人”.而”一個人”同東方錚一樣做緊副幫主.於是水浸決定將一個人降做堂主比月夜蝙蝠做副幫.點知東方錚唔中意.一句說話都無講就左幫了.由於佢既走幫,天下既人有D都跟左佢一同離開.直到個日.天下正式宣報解散了.隨住天下既離開.水浸同佢既朋友們都一同成為”無幫人”.好彩比我地撞番萬兩金.佢帶左我地入佢入左既幫”熾殤”,入到去既日子.水浸既朋友”茶賢 “亦都回歸江湖.入埋幫一齊玩.我地係幫入面認識左.”傲川幽” .”蘇芸”.”女媧語盼”.等等.係入面都玩得好開心.個時”熾殤”係打緊”煙下閣”.水浸記得有一次幫戰,敵幫有一個叫”夏侯勝”.係茶賢好唔中意既一個.所以茶賢係打幫戰既時候洗出佢既鍵盤古譜(姐係不停密佢頻= =).炸到夏侯勝打打下停左係度.之後仲番埋君子堂= =

作者: aa027047 時間: 14-5-4 03:39 AM

留名等睇續集

作者: LKSHING525 時間: 14-5-4 04:11 AM

無99金的日子，好玩

作者: YUYUE_ 時間: 14-5-4 12:10 PM

好懷念初初開服每個門派都有自家TL既日子

作者: 堅系自卑 時間: 14-5-4 01:11 PM

關我撚事阿

作者: 切菜王狗狗 時間: 14-5-4 02:56 PM

TOO LONG DIDN"T READ

作者: mie_花 時間: 14-5-4 03:44 PM

你做咩殺我D外掛

留名支持

作者: @恨天@ 時間: 14-5-4 05:17 PM

我超想睇落去

作者: opening 時間: 14-5-4 05:45 PM

留名支持之前既日子又真系好開心

作者: justneil 時間: 14-5-4 05:58 PM

明明我早玩d 點解冇我個名睇五透

作者: 水浸 時間: 14-5-4 06:39 PM

因為”木狼”入左”飄雨絮”,係佢同水浸傾開計之下.水浸得知道其中一個好朋友”令狐獨裁”原來都係入左”飄雨絮”,就係咁. ”令狐獨裁”都加入埋水浸既開心一分子.
打下禁地又有.打完禁地ROLL到野曬命既又有.個段日子真係好開心嫁:)之後有一日水浸同月夜蝙蝠一齊去煙雨莊玩.個時仲係用緊大極樂既少陽神功.水浸覺得少陽神功配毒掌好勁,所以佢就老點月夜蝙蝠,就話” 蝙蝠不如我地一人玩死一個套路好過啦.練到熟一熟打人都勁D!嗱.我就玩毒掌!你呢,就玩個個咩天咩地咩刺啦.”就係咁月夜蝙蝠就信左水浸講既野走去升到個天咩地咩刺5層.”頂咩個招死人技(玄毒)加到上8層我得番700血點打呀?!” 月夜蝙蝠同水浸講.因為水浸連贏左3,4場.水浸就話”唔係呀.我兩三野打死你都幾過引XD!”就係咁.月夜蝙蝠都放棄左天地刺.玩左無幾耐.九陰出三階內功啦!水浸同月夜蝙蝠望一望個三內..”合歡缺?嘩正呀!識吸血嫁!” 月夜蝙蝠突然講”咁我有多D血個時玩天地刺咪好勁LOR!” 水浸就笑佢”你得番2000血到打我都唔頂唔住啦.比你吸血又有咩用呀XDXDXD”
月夜蝙蝠就話”我唔信.無理由出個天地刺係無用既” 水浸話”你唔比佢無用既.他睇下兩儀劍先啦XDXD你咪玩LOR,睇下我勁定你勁XD” 就係咁.水浸繼續玩佢既毒掌, 月夜蝙蝠就玩佢既天地刺.

作者: 水浸 時間: 14-5-4 07:04 PM

就係三內正式成為大部分人所用既內功既時侯. 月夜蝙蝠就決定同水浸打番一場.水浸心諗”你點會打得贏我呀XD”,好啦,大家睇到E度你地都知邊個係贏個個了/.\水浸根本無得打.結果水浸就決定加入埋天地刺既一族.
不過,係三內發展時期,都發生左好多唔開心既事.”熾殤”解幫了.所以水浸. 月夜蝙蝠等人就做左流浪漢.另一方面. “令狐獨裁”係”飄雨絮”都發生左問題,內容大要好似係令狐獨裁有日同某飄雨絮幫員玩.用開紅無故打某飄雨絮幫員,結果, 某飄雨絮幫員真心嬲左.係一次既小事中. 令狐獨裁被踢出幫.如事者.木狼都跟住一齊離開飄雨絮.係個個事侯.除左無雙海皇被認為係一大有錢人之外.龍小邪都開始上左水面,仲開左個幫叫”邪教”.就係令狐獨裁同木狼離開飄雨絮後入既第一個幫.
個時水浸同月夜蝙蝠,茶賢因為無所定居既關係.佢地都入埋去.無記錯既話.水浸第一次入邪教RC.入面既人不斷係度講” 講經咩講經咩講經咩講經咩講經咩講經咩講經咩講經咩講經咩講經咩……”煩到水浸入左一震RC就走了.亦都因為水浸覺得無人熟落到.同月夜蝙蝠離開了邪教,亦因為萬兩金既關係.
我地入左依一個幫,”神判”

作者: wiwyzz 時間: 14-5-4 07:05 PM

開服就玩揮手
但係你上面D人名幫名
我除左萬兩金,熾殤,煙雨,飄雨之外都未聽過

作者: justneil 時間: 14-5-4 07:17 PM

wiwyzz 發表於 2014-5-4 19:05
開服就玩揮手
但係你上面D人名幫名
我除左萬兩金,熾殤,煙雨,飄雨之外都未聽過 ...

無雙神判你都冇聽過你確定你冇答錯時光機？ btw萬兩金甘出名

作者: 水浸 時間: 14-5-4 07:23 PM

本帖最後由水浸於 14-5-6 10:51 PM 編輯

入左”神判”之後,水浸話咁快就同入面既人玩熟左小小,但係佢最想搵番既柏月天竟然唔見左?!好啦,E件事水浸都無放係心上,慢慢就唔記得左柏月天E個人既存在了.
因為三內真係升得太慢既關係.平時唔TL既水浸都迫住去TL.結果水浸就番左極樂谷TL.係E個時侯.水浸就發火了.點解?唔係有人TL唔禁制.唔係有人T T下走左.係有個略有小成極樂谷,個名叫”明斷你吹咩”既死人頭係度開紅CUT我地TL.仲要既係唔止一次.搞搞下本身TL既人都無再係度TL了.直頭有人叫D 團練既人走去洛陽個山洞團練. ”明斷你吹咩”真係多得你唔小.
過左無幾耐.(唔記得左咩原因)茶賢同木狼係邪教發生左D事離開左邪教.過左黎”神判”同我地一齊玩.兩個幫都無咩話係敵人.都係自己有自己玩,所以個時都無咩問題.
玩左一排.水浸,茶賢同月夜蝙蝠等人都係神判玩熟左.水浸班底既人都比女神翼翼(閻逆翼)收拾左XD(BTW.真心想收翼翼閃卡!)個時係水浸入江湖最開心既日子.永遠都有一班戰友陪住你.江湖就係咁先至開心.

作者: 水浸 時間: 14-5-4 07:26 PM

wiwyzz 發表於 14-5-4 07:05 PM
開服就玩揮手
但係你上面D人名幫名
我除左萬兩金,熾殤,煙雨,飄雨之外都未聽過 ...

唔係既.我可能係煙雨莊玩開,又玩得廢.你唔識我都唔出奇XD

作者: 易牙 時間: 14-5-5 04:51 AM

有冇2ser人打番篇

作者: aibaytung 時間: 14-5-5 09:21 AM

回覆水浸的帖子

女你死人頭,0分重作

作者: 堅系自卑 時間: 14-5-5 07:44 PM

關我撚事阿!?

作者: 9090678 時間: 14-5-5 09:02 PM

我記得你地
BTW 排下版丫睇得有D辛苦

作者: goneraway 時間: 14-5-5 10:05 PM

回覆水浸的帖子

你講果個東方錚, 我見過好多次, 成日係金陵出沒, 之前掛既牌頭係無量幫主

作者: 水浸 時間: 14-5-6 10:22 PM

本帖最後由水浸於 14-5-7 12:16 AM 編輯

係水浸佢地入左神判之後.佢地都有機會打世BOSS.因為幫會與幫會之間講好左一星期分不同幫會打.可能星期一邪教.星期二一代名將,星期三神判等.
好記得有一次.水浸,木狼及神判等人一齊打世BOSS既時侯.水浸佢地打得好落力.希望可以快D打完有得ROLL野.但係當水浸佢地打到世BOSS就死既時候.一班”[西]皇居”既人就係世BOSS個頭上面從天而降汁左隻世BOSS,水浸佢地當場呆左,就係咁.個次世BOSS就無左啦.
後來,幫會之間慢慢就出現左問題.原因好似係因為練針引起.結果神判線的幫會就要同邪教線的對立了,就係咁.水浸就要開始面對九陰江湖上.兩一盟線之間既對決了,兩大戰線開始不久,”魅惑嶺”亦成為了邪教線之一.
其實水浸加入兩大戰線之一,唔係因為想贏,唔係因為成為江湖上獨大一分子.水浸打交,雖然唔係話幫到咩大忙,但係水浸依然要打交.係因為水浸想守護佢個家.

作者: 水浸 時間: 14-5-6 10:51 PM

係兩大戰線對立之際,蘇州亦成為兩大戰線交戰之地. 水浸就係兩大戰線交戰高峰期間.水浸再次見番東方錚.見番佢既時侯, 東方錚已經成為”無量”既幫主.可能係佢自己創立.
兩大戰線交戰,難免有人會頂唔順退幫.於是水浸,茶賢決定開幫挽回番流失既人.創立了水浸茶賢第一個”聚劍門”.因為”聚劍門”係水浸同茶賢創立.所以比女神翼翼改左個花名叫”茶水幫”= =
“聚劍門”創立之後.水浸佢地加左兩個新成員入幫.一個叫”凌賢”,一個叫”風清”佢地兩個都為聚劍門帶來左好多歡樂.聚劍門慢慢開始多左小小人識.
就係E個時侯.有個叫”崔逸晨”既人,係”淚光幽醜”既幫幫搵水浸.
崔逸晨:水浸,你仲記唔記得我呀?
水浸:下?你係..?
崔逸晨:我係徐少澤呀.你真係唔記得?
水浸:徐少澤…?呀!係唔係秒殺天下既幫主?
崔逸晨:之唔係我囉!
就係咁.水浸一開始玩開既朋友再次出現係江湖上了.

作者: 水浸 時間: 14-5-6 11:12 PM

本帖最後由水浸於 14-5-9 03:45 AM 編輯

係水浸同徐少澤(現任教主)相認番之後.茶賢就加多左個新成員入黎.個名叫”七點數字”佢一入黎我地幫既時候佢只係識講”…”同埋”?”所以起初水浸佢地都無咩點理佢.
但係.慢慢就覺得佢有問題.水浸發現”七點數字”周不時都無啦啦打人.令到有人開始對聚劍門不滿.
就係咁.過左幾日到.幫員突然求救.水浸之後發現同門設定左聚劍門為敵幫並見到有聚劍門成員比同門既人打.因為聚劍門只不過係一班新手玩既和平幫.根本無可能與大幫匹敵.
水浸理解一番之後得知同門打我地既原因係因為”七點數字”開紅打佢地既人.於是水浸決定踢”七點數字”出幫.希望同門可以停止打聚劍門.
好彩.係商議過後.可以解決件事.下過事情並唔如意.水浸係事後同番”七點數字”只要唔再打人就可以加番佢入幫.E加諗番起.水浸既決定係錯. ”七點數字”入番幫並無改過.更變本加厲.於是係幫員流失及同門追打之下.聚劍門正式宣佈解幫.水浸亦隱退了江湖好一排.

作者: 不二做 時間: 14-5-6 11:43 PM

等下回

作者: cat2013 時間: 14-5-7 12:07 AM

好想睇~ 樓主請繼續

作者: 過路野人 時間: 14-5-7 12:16 AM

支持原創!!其待續集!!

作者: a5884770 時間: 14-5-7 04:28 AM

馬騮仔仔勁到爆屠水浸

作者: goneraway 時間: 14-5-7 10:54 PM

回覆水浸的帖子

點解仲未繼續?

作者: smallsak 時間: 14-5-8 09:32 AM

- -睇黎你都係好後先出黎玩弄江湖的人...

難得放假冇野做上黎睇小說

作者: 水浸 時間: 14-5-9 03:08 AM

本帖最後由水浸於 14-5-9 03:27 AM 編輯

水浸已經離開了江湖好一排,突然江湖傳出謠言說江湖將出現天下變之事. 見到江湖看似有所變動,水浸本來都係無意欲回歸江湖.但天下變後出現左好多事情令水浸十分之掙扎.萬兩金亦同水浸講過要番黎幫手,但水浸都係無寧兩可.最後,過了一段日子,水浸最終決定重反江湖.了解究竟.
水浸回歸江湖後.發現天下真的變了,佢最唔想見到既係,佢個家已經沒有了.加上”聚劍門”亦成為了棄置幫派.水浸無權將聚劍門搶番番黎.於是為了重反江湖之際,水浸決定聯同茶賢重整旗鼓,重新建立”一聚劍門一”.
水浸, 茶賢在”一聚劍門一” 重整旗鼓後,江湖上的好友紛紛到來支持,木狼,令狐獨裁,凌賢,徐典(冷狐)都相繼幫助建立”一聚劍門一”.可惜,月夜蝙蝠卻未能參與其中.
水浸亦決定在天下變之後重新開始,希望過往既事我可抹去.於是水浸決定改名換姓,成為”伯賢乄”

作者: 水浸 時間: 14-5-9 03:25 AM

水浸成為”伯賢乄”後.佢周圍招攬幫員期望可以壯大”一聚劍門一”.因為”一聚劍門一”係係兩個九陰江湖合二為一之後先建立而成,所以招攬成功的幫員亦意外的多.
係”一聚劍門一” 建立而成之後.令狐獨裁亦幫助我地提升戰鬥力,幫助我地整左好多武器加強我地實力.就係咁. ”一聚劍門一”既實力就慢慢開始變大.
但係,當你變大既時候,就會出現一班人無故阻攔你地.
係我地”一聚劍門一”.自己有自己玩既時候,突時傳出一D打鬥件事,原來係有兩塊幫地做左聖主既”凌霄殿(凌)”無故向我地發動攻擊. 伯賢乄(水浸)好想去了解事故原因.但一直未有回應.於是伯賢乄(水浸)決定用英雄帖向”凌霄殿(凌)”問個究竟.最後都係咩都問唔到. 伯賢乄(水浸)係無能力既幫主求助之下,都唔知應該點做.因伯賢乄(水浸)從未試過因無理由或唔知情既情況下比人打.唯今之計,伯賢只能夠等待”凌霄殿(凌)”既回應.

作者: 水浸 時間: 14-5-9 03:44 AM

本帖最後由水浸於 14-5-9 11:51 PM 編輯

係”凌霄殿(凌)”仲未回應個五日.伯賢乄(水浸)望住自己辛辛苦苦建立而成既”一聚劍門一”比大幫不斷欺壓下,有部份頂唔住既幫員都走了. 伯賢乄(水浸)只可以做既就係望住”一聚劍門一”慢慢比人打散.雖然係個係五日入面,我地都打贏過一,兩次,個一兩次主要係令狐獨裁以一聚劍門一副幫主既身份帶領我幫小數成員與對方對抗,個兩次亦係一聚劍門一首次既勝利.但係都係頂唔住.
就係第五日之後,”凌霄殿(凌)”終於作出首次回應打我地既原因,原因係”我地有人串親佢地既人”,但係”我地有人”個個”人”佢地到而加我打依篇野都仲未有回應.雖然佢地回應左個原因.但係仍然照打. 一聚劍門一更一度心灰意冷.所以伯賢乄(水浸)比大幫不斷欺壓下,只能低下頭向對方認錯,對方先停止攻打. 伯賢乄(水浸)明白到君子報仇,十年未晚,終有一日會令佢地向我地講番同一番說話.
係事件平息後, 伯賢乄(水浸)發現佢個家回來了!

"事件就快同現時相近"

打到E度先.有人想睇我先繼續

作者: aibaytung 時間: 14-5-9 12:39 PM

回覆水浸的帖子

期待更新

作者: 過路野人 時間: 14-5-9 12:50 PM

繼續!繼續!

作者: goneraway 時間: 14-5-9 01:36 PM

回覆水浸的帖子

你好吊人癮

作者: W-Tommy 時間: 14-5-11 08:59 PM

我都係剛剛開服玩嘅人,不過係亞服戈面,到依加已經冇玩好耐了

九陰真係一隻好好嘅GAME,但官方唔生性成日想賺快錢出埋哂啲商城武功,又減底少林韋陀嘅功力...當時我韋陀係亞服算係數一數二勁

不過最唔鐘意隻GAME打個高級副本打成日= ="

作者: mid-out 時間: 14-5-21 02:53 AM

作者: 吃土雞 時間: 14-6-15 04:10 AM

留名

歡迎光臨 2000FUN論壇 (https://www.2000fun.com/)