2000FUN論壇

標題: 女社工打機王搜救隱青 [打印本頁]

作者: 盟主 時間: 14-5-11 12:21 PM 標題: 女社工打機王搜救隱青

https://hk.news.yahoo.com/%E7%A4 ... D%92-225009542.html

【太陽報專訊】一名隱青上月燒炭自殺的悲劇，揭發社署一直無視隱青。署方至今仍拒為「隱青」作定義，既無統計數字，亦無方法接觸他們。反觀民間就有專門協助隱青的機構，訓練一班「打機高手」社工，自○七年至今，於網絡遊戲成功接觸過千名隱青，透過遊戲治療，令他們在社會一展所長，有隱青更獲聘為遊戲程式開發員。立法會社福界議員批評社署懶理隱青需要，令他們孤立無援。

幾句網上提問，社工已經知道該網民是一名隱青。專門協助隱青的機構「吶喊」，機構內的社工全是「打機高手」，擁有逾七年「打機」經驗，更了解隱青的作息習慣、說話方式及喜愛的網絡遊戲等。

升呢打裝備拍住上

社工要用半個月時間玩網絡遊戲，升級、提升技術及賺取裝備等，與隱青玩家「打成一片」。「唔係咁做，隱青根本唔會睬你。透過打機融入隱青生活圈，再加上打機『同level』或勁過佢哋，佢哋至會睬你，同你繼續傾。」註冊社工林蕙詩表示，初時不會透露社工身份，只以玩家身份溝通。

「我亦會接觸啲『高level』隱青玩家，一齊組織『公會』（公會是打機群組），因為佢哋『高level』，容易吸引隱青加入。」林指當隱青加入後，她便開始做遊戲治療。「網絡遊戲講求團隊合作精神，我鼓勵佢哋『開咪』溝通，又鼓勵『高level』玩家借裝備畀其他同伴，領導能力強嘅做指揮。令隱青明白不能獨立生存，要團體合作。」

現年二十三歲，有近十年「機齡」的阿文（化名）表示，「中五嗰陣成績唔太好，老師覺得我有行為偏差，每日午飯後就去網吧打機，會考之後索性匿埋打機。」

「我打機好快『升呢』，試過兩晚唔瞓整遊戲裝備，我覺得咁樣好開心。」後來，他在遊戲中認識不少隱青，發現商機，「嗰陣有社工同我幾啱嘴形，咪一齊玩。佢哋仲叫我試下幫人打機，後來發覺愈來愈多人走嚟問我啲裝備點整，點『升呢』，我就發現有生意做，索性搞個代幣網。」

阿文謂，家人以前經常勸他「外出」找工作，不明白他在房「打機」賺錢，「佢哋見我依家靠自己賺錢，冇問過佢哋攞錢，都冇再嘈啦。」他現已成立「代打機」的團隊，主要賣遊戲代幣、道具及開發手機應用程式。「讀書唔叻永遠畀人睇唔起，我依家搵到鍾意做嘅嘢，最希望梗係生意愈搞愈大啦。」

遊戲交流助尋自我

註冊社工劉兆萱強調，隱青要在次文化中尋找自我價值。「喺打機傾談期間，發現佢受家庭或學業困擾，我就會表露社工身份，到佢有需要時，自然會搵我傾訴。」由○七年至今，「吶喊」以此方式成功接觸一千一百多名隱青，跟進近五百宗個案。

隱青極需協助，惟社署就當他們透明，發言人承認沒有「隱青」的定義，亦沒有統計數字，也無方法接觸隱青。立法會社福界議員張國柱批評政府遺忘隱青，署方應該要正視隱青所遇到的困難，亦要做調查研究，提供整合服務。

我都係隱青黎架,女社工黎打救下我啦

作者: 你講乜春 時間: 14-5-11 12:28 PM

提示: 作者被禁止或刪除內容自動屏蔽

作者: ★藤原拓海★ 時間: 14-5-11 12:44 PM

肯定冇玩過英雄聯盟

作者: 莉迪亞 時間: 14-5-11 12:47 PM

提示: 作者被禁止或刪除內容自動屏蔽

作者: 夢的理由 時間: 14-5-11 01:35 PM

冇女社工接觸我喎唔通我唔夠毒?

作者: FortuNE622 時間: 14-5-11 01:39 PM

夢的理由發表於 14-5-11 01:35 PM
冇女社工接觸我喎唔通我唔夠毒?

少年....你還年輕

作者: lee111 時間: 14-5-11 02:08 PM

夢的理由發表於 14-5-11 01:35 PM
冇女社工接觸我喎唔通我唔夠毒?

你得閒落去網吧扮野

作者: KaRL-BoYS 時間: 14-5-11 03:25 PM

呢篇報導好唔掂

有咩幻由唔講埋社工玩咩game 架

作者: ngoh 時間: 14-5-11 04:07 PM

夢的理由發表於 14-5-11 01:35 PM
冇女社工接觸我喎唔通我唔夠毒?

你吾夠lv 囉因為只限高等級人士參與0.0

歡迎光臨 2000FUN論壇 (https://www.2000fun.com/)