2000FUN論壇

標題: 一些狙擊手少少既感想 [打印本頁]

作者: 塵世巨蟒 時間: 14-5-19 12:41 AM 標題: 一些狙擊手少少既感想

本帖最後由塵世巨蟒於 14-5-24 08:20 PM 編輯

這篇會不定時更新,歡迎討論
小弟game名叫塵世巨蟒＊鐘
主要都係玩狙擊手多。
平時會用pgm加百蟒or沙皇

槍的選擇：
選擇條件係取決對面隊
如果兩邊55波我會用pgm
如果對手突圍較強，我會用百蟒或沙皇，以應付隨時一班人沖出來。
因為小弟用pgm連射速度無其他兩把甘快。

新手建議用槍：
小弟強烈建議新手買frf2 or pgm先，因為依家無左送既m24，特登買比較浪費。
Pgm一來可以練切槍，2來可以練到自己穩定性，因為pgm如果開槍時唔定係好難打中，至少小弟係甘。
其實如果用好左pgm，用大部份既槍都不成問題，指既係要切槍既，如果用唔洗切既會差好遠。
小弟既感覺係pgm用好左。asw,dsr,frf2,m40都會用得好左。
而awm,sv98,tpg-1 由於小弟同佢地合適度較低所以好少用。

然後想同大家分享下打法：
近來好多新兵，唔知真定假新都好鐘意做衝鋒狙。小弟就唔係甘建議，因為狙擊手其實應該係要做補底個個，要知我地既人係邊。透過地圖同交火既紅點，會大慨估到2邊既人數分佈，再決定自己行動。
例子，自己係eu.開場強邊係2弱邊係1
我會守住由1去2既路。確保隊友可以放心向2攻。如果新手做左衝鋒而又不能壓抑到自己行緊果邊，甘係團隊上既價值就低左好多。因為你只係係度同人地互射，最終c4爆唔爆到其實你影響不太。
狙擊手最大任務其實唔係殺人，而係要令c4爆。
假設c4已裝。我會第一時間係炸點守住。雖然好多人會去搵人殺。但狙擊手記得要以慢打快，你要同係鬥機動性，不如去玩步槍。
總結就係，狙擊手唔一定要係進攻最前線，應該係要做最有機會贏既事，必要時係地下汁把步槍。唔好固執。
（迷之聲：你有時都會打頭陣～。～）

小弟只係小泡狙一名，講得唔岩就當無睇過，高抬貴手。
有興趣一齊玩。

作者: 28842230 時間: 14-5-19 01:56 AM

好耐冇見過依D認認真真既POST

作者: 塵世巨蟒 時間: 14-5-19 07:50 AM

回覆 28842230 的帖子

只係想多點人入坑玩狙姐XD....加上有時見到新朋友玩狙真係睇到咀都O埋

作者: 塵世巨蟒 時間: 14-5-19 08:09 AM

本帖最後由塵世巨蟒於 14-5-19 08:10 AM 編輯

今次想同各位講下裝備運用

首先希望大家記住,狙擊手要盡量留多點資源俾自己。
姐係子彈同埋各種手雷
把狙既子彈千祈唔好亂射,唔係切得快人地就會死。同時又會暴露位置。
手槍子彈相對上係可以哂既,因為好少可要打到換彈,更可況用後備就更少。
*切記唔好成日按R,要搵個位真係安全,唔好殺左一個又R,因為你唔會知幾時有人跳出來,
打得準,一槍一個,一排彈都殺5個,你唔會每回合都要殺5個甘悲掛?

手雷好多人都會一開埸就去雷點都掉,我覺得可以既,但唔好一次掉哂2個出去,起碼留一個
再加上,狙擊手天生無步兵掉得甘遠,有好多雷點都掉不到岩位既。
而小弟最想講既係煙彈!(以下不適用於拍照)
發現好多人用既方式都好得意。
小弟既理解係唔好放完煙就係個煙度出去,,只會做左集火個個= =
EG,沙城2洞,好多人掉左係洞口之後沖出去,我一直都唔明。
如果係小弟,我會掉去2洞口同2門果條直線上,
因為甘就可以阻到中間守方既視覺,大家沖出去時只要專心前方就可以,入到去再佈防
EG2,沙城1D,有人會掉係條大直路走出去,其實都係好費解,
小弟就會掉去1D斜路,再補個手雷,因為好多人會係果度CAMP,煙左佢地可以放心探頭OR直沖1UP,同時都可以引到CAMP緊個個出來。
*以小弟經驗,走出煙個個多數無係煙出面個個甘快見到對方,所以係煙中間走出去係唔明智既。

用沙城做例係因為新手大多都接觸沙城為先。

重點:煙係用黎阻止對方睇到你,係保護自己用,唔係用來阻礙自己睇野,等自己送死用

作者: 塵世巨蟒 時間: 14-5-19 08:30 AM

本帖最後由塵世巨蟒於 14-5-19 08:30 AM 編輯

再講下狙擊槍既運用:
其實只係有分切槍(QQ切,數字切,QE切,黑石切)同唔切槍。
雖然小弟係用黑石切,但小弟盡對覺得無論切唔切都可以打得好好。
因為狙擊手最重要係打中,而唔係鬥切槍OR唔切槍,切得快同慢相對上其實係次要。

而就切槍既方法黎講,
1,大槍>>>>小槍
2.大槍>>>>刀
3.大槍>>>>手雷
4.....我唔知仲可以切咩== "
1-3小弟都有測試過,切手雷小弟唔太鐘意拎住舊86係手,所以就唔深究
但係同一把狙切唔同既刀OR小槍係有好大分別!!
或者可以講成唔同既刀同小槍都有不同既拎出速度。
就要大家自己試啦,
小弟就用過哂E錢小槍,個人覺得Glock 21同Beretta92FS 個切槍感覺係最順暢
另阱小弟其實係切刀既,雖然狙擊手有拔小槍加成,唔用好似哂左,
但小弟係私心地想聽下拔用聲,同埋緊急時小弟按2個反應比起按V快多了。
而刀仔,因為較難入手,大家有咩用咩就好了。

重點:切OR不切,甚至切咩野都好,最重要係自己切返佢幾十次,睇下個感覺配唔配合到自己節奏,相信我,係有分別的!

作者: YuKi99 時間: 14-5-19 06:06 PM

可唔可以教下我玩,我泡g打唔中人

場場殺得1,2個

作者: 塵世巨蟒 時間: 14-5-19 06:58 PM

回覆 YuKi99 的帖子

其實我都好泡，
如果係槍法，真心提議去打ＡＩ
第一個目標係（入門）死０過關，命中率要９０％以上
姐係唔可以汁槍。
第二個目標就係（挑戰）死０過關，唔好睇少，挑戰既ＡＩ槍法其實好強。

爆破既時候，其實慨念比槍法重要，
一個好既走位，其實可以救你一命，唔好係同一個位同人對槍３槍以上，
打到第３槍都殺唔列就要轉一轉，去第二個位ＣＡＭＰ返住。

其他慨念野有機會再講

作者: 乃神人也 時間: 14-5-22 10:07 PM

意見only
要練就練frf2先
效果我覺得比pgm更好
因為frf2既控制要求更高
同埋講真.....g手你要求既係槍槍中人
所以唔好將切槍速度同準度調轉次序

勁我就一定唔係....大家中意既可以一試

作者: NubN 時間: 14-5-22 11:18 PM

我反而覺得狙擊手最大任務係殺人

因為無可能一個人都唔殺就會破到一個點(唔計極端情況)
但係殺人就好大機會被敵人射中
不過狙擊手可以用最低既成本(HP)去秒人
其實狙擊手係應該用黎破點試下take人
邊度take到人就推邊度
所以用狙黎守炸點難度都係高左d

作者: 慘叫ggwp 時間: 14-5-23 09:28 AM

學到好多野

作者: x40b 時間: 14-5-23 12:37 PM

而家無EU買M24把
要都要等到藍票出

作者: 塵世巨蟒 時間: 14-5-24 08:17 PM

NubN 發表於 14-5-22 11:18 PM
我反而覺得狙擊手最大任務係殺人

因為無可能一個人都唔殺就會破到一個點(唔計極端情況)

都係既,但如果新手就沖去壓線,其實仲會阻到隊友。
當有返甘上下準時,開場幫手壓線都係好重要既。
另外就係,狙擊如果要守點既話其實同步槍位置有點不同,
唔洗去到甘近,最緊要自己心中有個底,知道邊度同幾時會有機會有人。

作者: andy天仔 時間: 14-5-29 06:58 PM

樓主教我玩下狙我用開M24

加我做朋友可以嗎id:Black乂hole

作者: 塵世巨蟒 時間: 14-5-29 11:41 PM

andy天仔發表於 14-5-29 06:58 PM
樓主教我玩下狙我用開M24

加我做朋友可以嗎id:Black乂hole

教就唔敢,大家交流下啦,
我入GAME時ADD你。
其實咩狙都一樣,一開始唔好追求快同心急,
打中人就算打唔死都唔緊要,起碼練到有一定命中率先。
M24,我覺得重點係識得放棄對槍
M24好難免出現一槍唔死,當一槍唔死就要好快甘決定係唔係要再出去打,
有好多時,一個跑位就可以救返自己又可以殺返佢。
唔好執著見到人就要殺得死OR自己死。
我成日同自己講,你唔死就仲有機會

歡迎光臨 2000FUN論壇 (https://www.2000fun.com/)