2000FUN論壇

標題: 一個夜間的士佬與一個自認探靈專家的乘客對話 [打印本頁]

作者: 清新2 時間: 14-6-26 08:51 PM 標題: 一個夜間的士佬與一個自認探靈專家的乘客對話

琴晚，話說十點幾，銅鑼灣落好大雨，我去到洛克道過海站接客。。。。。。。。。。。。。。。。

乘客:司機大佬，唔該馬鞍山西沙唔該。

我k大約開車3-4分鐘，未去到紅隧

乘客:司機。。你架車。。

我:我架車咩？有咩唔妥？

乘客:無咩。。不過你今晚唔好做咁夜，最好一點半前收工。。

講到宜到，我感到有d唔妥。。

我:唔明，即係咩事？

乘客:唔係嚇你，你架車入面有野。

我:下。。唔係掛，唔好搵宜d野講笑好喎。我晚晚都要渣宜架喎

乘客:做乜無啦啦同你講笑，不過你唔駛驚，宜d車裡面既野，通常唔會留係架車耐，今晚你早d收工，聽日應該佢就唔係到啦。。

我:下。。等等。。你點知先。。

乘客:或者你唔信，d佬友叫我做探靈專家，我對宜d野好友感應。。

我:咁。。。專家。。咁我問下，依家隻野係架車邊個位？

乘客:下。。佬友，我怕講左出黎嚇親你喎。。

講到宜家，個心寒左一寒，對佢既話半信半疑

我:唔。。係前坐下話。。

乘客:你話呢？唔信既話，你一陣係架車度放個黃色背涼，里面放滿舊報紙，要舊到有味既，再點一個白色燈籠，你都可以見到佢

(我心里面諗，就算我真係想見到，係邊差度搵黃色背涼，舊報紙同白燈籠,痴線)

我:下。。唔駛啦咁

乘客:你唔信？黃色背涼，舊報紙同白燈籠我屋企存物室都有，一陣落車可以比你。。

我:唔駛客氣。咁。。可唔可以幫我趕走佢，今晚落雨，生意應該唔錯。唔想咁早收工

乘客:宜d野趕唔走架。。你盡可能係凌晨三點前收工啦。。。

待續

作者: 清新2 時間: 14-6-26 08:52 PM

清新2 發表於 14-6-26 08:51 PM
琴晚，話說十點幾，銅鑼灣落好大雨，我去到洛克道過海站接客。。。。。。。。。。。。。。。。

乘客:司機 ...

趁飲茶時間。。再繼續一下先)

乘客:點阿。。有無呃你阿。。

我:咁。。。。網絡有時收得差，都好正常者。。。

乘客:哈哈，人就係咁,都係鐘意呃自己，網絡收得差，又會偏偏部電話放係你隔離個位先收得差既，其他車內既地方都收爆

我:我上網睇過，磁石會影響網絡，話唔到架車係摩打係果個位附近，所以電話放係果個位先收唔到者。。

乘客:你鐘意自己呃自己就是但你啦，不過記得我講過既野，千奇唔好答應隻野任何野

(去度宜到，我雖然口話唔信佢，不過其實心裡面多多少少都有信)

轉眼間，出左獅隊，去到馬鞍山公路

乘客:司機唔該靠右上繞道

我:好

一個落雨既晚上，一個濕滑既公路，一個專業既的士司機，再加上一個探靈專家。。而且，車裡面可能仲有隻。。整個環境我只能用陰森恐怖黎形容。。

架車上左馬鞍山繞道，本來一切都相安無事，突然有一把好惡女人聲劃破這一切寧靜。。

"你車我去邊阿"

宜把聲好大聲好清楚，我非常之肯定唔係咩心理作用，咩幻聲。

係咁既情況下，身為一個職業的士司機既我，好下意識地"急剎",而後面個專家亦因為我急剎扑到街左係度。。

乘客:哇，司機，你搞乜？

我:你聽唔聽到？

乘客:聽到d乜？我真係乜都聽唔到喎。。

我:有把女人聲問我車佢去邊

乘客:唔好講依d住先，宜度高速黎架。。你咁停左係度，等等後面有車，到時真係你同我一齊變鬼，快d開車先啦

作者: 清新2 時間: 14-6-26 08:53 PM

清新2 發表於 14-6-26 08:52 PM
趁飲茶時間。。再繼續一下先)

乘客:點阿。。有無呃你阿。。

(做到宜家先食飯，的士依行真係唔易做)多謝各位棒場，咁我繼續啦。。。

架車行到西沙茶坐對面個巴士站

我:師兄，唔掂，不如我泊埋一邊，比我食支回魂煙定一定驚先

乘客:都好，我都要定驚

我:你又話咩撞鬼專家，連你都驚？

乘客:第一，唔係撞鬼專家，而係探靈專家，第二，你係條高速公路咁急剎停車法，唔驚就有鬼

我:宜家就係真係有鬼，我講堅架，我真係聽到把女人聲

乘客:頭先你唔係話你唔信咩？！宜家又咁驚。。

我:宜d費話就唔好講住，你話你有咁多探靈經驗，點都有返兩招自保掛，可唔可以幫我整走隻野

乘客:我未已經教左你囉

我:下。。邊有？

乘客:我唔係叫你早d收工咩？

我:就咁？？？

乘客:就係咁，咁簡單

我:你呢個專家都好唔專業下喎

乘客:你要分清楚，我唔係軀鬼專家，我只係探靈專家，如果你想見到隻野，又或者想同佢對話，我就有方法幫到你

我:下。。咁。。。係喎，你去西沙邊度？

乘客:企嶺下老圍裡面

我:咁入？？我一陣自己點返出黎。好差恐怖喎

乘客:又真係唔駛咁驚，算啦，本來我都唔想再掂靈界既野，你一陣車到我入去，停車等一等我，我拎野去幫一幫你

我:頭先又話無計？!宜家又話有方法幫我。。

乘客:同你講，靈界既野，少掂為妙，我以前就係同靈界接觸得太多，搞到無左個老婆同個仔

我:無左既意思係？？！

乘客:已經不在人世，所以我基本上完全唔想再同靈界再有任何關係，只不過每逢一個人見到過一次靈體，之後宜個人就會好易見到又或者好易感覺到佢地既存在

我:咁真係感激你喎，為左我而破界

乘客:其實車裡面隻野一d都唔猛，基本上對你做唔出d咩野

我:我真係聽到一把女人聲叫"你車我去邊"架，無吹水，唔係我都唔會係條高速到急停啦

乘客:係囉，最大不了咪嚇下你咁囉，基本上都傷害唔到你

我:咁仲唔夠死阿。渣渣下車比佢嚇一嚇，真係分分鐘比佢嚇到撞車

乘客:宜家我未話幫你囉，快d開車啦

(食完飯，我又開工啦，聽日繼續)

作者: 清新2 時間: 14-6-26 08:53 PM

清新2 發表於 14-6-26 08:53 PM
(做到宜家先食飯，的士依行真係唔易做)多謝各位棒場，咁我繼續啦。。。

架車行到西沙茶坐對面個巴士站

架車由西沙茶坐對面出發，我抱住戰戰競競既心情，因為我真係唔知道將會有咩事等緊我

我: 企嶺下老圍其實近住邊，去到附近可唔可以指一指，我驚miss左個路口

乘客:無問題

我:唔好怪我多口一問，你老婆同個仔。。因咩事。。。。？

我又繼續講:唔好怪我八掛，因為你頭先咁講，真係好令人勾起好奇心

乘客:其實無所謂，都過左兩年啦，都開始無咩感覺

乘客又講:係兩年前，我地一家人去左越南一間唔出名鬼屋探靈，點知個出左事，我淨係記得我入到去其中一間房，見到一幅好心寒既畫，之後就成個人無左知覺

我:等等先，你地一家人去探靈？下？!你地帶埋個仔去阿？你個仔幾大阿？

(係呢個時候，我從倒後鏡望一望佢，發現佢神情唔同之前，之前佢一直係嘻皮笑臉既，但一講到佢老婆同個仔，成個人嚴肅晒，而且覺得佢仲有d陰沉，係呢個情況，我都唔打算再問落去)

乘客:佢仲未出世

我..i see,算啦，講其他野啦

(其實我已經打算終止個話題，點知佢自己再講落去，咁佢想講，我唯有繼續聽)

乘客:唉，我個老婆就好命，好快就去左投胎，但個仔就。。

其實我真係唔打算再問，不過佢講到咁，我好下意識問左一句

我:個仔點阿？

乘客:佢可以點阿！投胎又唔得，佢老母又丟低佢唔理自己走左去，咁細個，唔通真係要佢自己搵替身咩？！

(講到宜到，我都唔知比咩反應佢好,某程度上，我覺得佢講d野，仲恐怖過我身邊隔離隻野)

乘客:司機，前面個避車處停一停

我:前面？你就係宜到落車？

乘客:唔係，總之你前面避車處停一停先

我:哦

(個避車處果到，有一顆大樹，岩岩庶住左街燈d光，好黑暗，再加上落雨，雖然開始細雨左，
整個環境。。我都真係唔識形容，總之。。。我真係好驚阿)

我:停係呢到做乜？

乘客:你唔係想我幫你趕走隻野咩？

我:係阿，但你唔係話要去你屋企拎d野先咩？宜家係咁係度就得？

乘客:唔駛咁煩，其實好簡單，總之，一陣無論點都好，你唔好出聲，叫你做乜就做乜

我:哦

(其實去到宜一刻，我都無晒主見，佢話乜就乜啦)

(我向倒後鏡望佢，只見到佢就好似精神病一樣，眯埋眼，係度喃喃自語，佢自言自語得好細聲，全完聲唔到佢講乜)

(佢細細聲咁自言自語左幾分鐘之後)

乘客:司機，開左後面度門

我:哦

(如是者我就開左後面左邊度門，專家真不愧為專家，一開左門，即刻有反應！架車即刻沉一沉，不過我感覺架車好似仲重左咁，就好似仲多左個人一樣)

乘客:掂搞啦，可以關返門開車

我:隻野走左？

乘客:係!佢走左啦,係喎，你比埋個八字我先，為人為到底，我再幫你一把，咁就無手尾跟

(又講到宜到先,遲d再講過)

作者: curapica 時間: 14-6-26 09:05 PM

屌你~繼續啦~

作者: 凸唯而出 時間: 14-6-26 09:16 PM

等緊睇落去

作者: leo040404 時間: 14-6-26 10:13 PM

本帖最後由 leo040404 於 14-6-26 10:13 PM 編輯

我覺我果條探靈司好明顯係想搵司機做替身

作者: curapica 時間: 14-6-27 12:53 PM

未有貨?/

作者: 姜太人 時間: 14-6-27 03:09 PM

點解唔完架?!!

等~

作者: 你講乜眷 時間: 14-6-27 07:35 PM

提示: 作者被禁止或刪除內容自動屏蔽

作者: 清新2 時間: 14-6-27 08:38 PM

(= =我都係估唔到會咁多人睇，先謝謝大家捧場)

我:八字？即係農曆初幾，咩時辰出世果d?

乘客:無錯，就係果d！

我:下，我邊會知阿！

乘客:下，你唔係唔知自己個八字下？！

我:下，我地依d八十後，邊會留意咩鬼時辰八字，最多未知道幾時生日。。至於咩時辰，我只係記得阿媽鬧過我，話我係"害"時出世。。

乘客:咁你話比我聽生歷幾月幾日？我幫你計返。。

我:等等，你要黎做乜先？!

乘客:我幫你阿！你唔係到宜家都唔信我下。。

我:喂！大佬阿，我問你要黎做咩者。。我幾時有話唔信你，咁你話比我知，到底你要我八字黎做咩先？

乘客:你唔好問咁多，總之我係為你好

(聽到呢句"你唔好問咁多，總之我係為你好",我個心真係打左個突，因為好似某d騙案既橋段)

乘客又講:由開車到呢刻，我有邊樣野呃你架？！我話車上面有野，結果呢？我話部電話放係你隔離個位到會收得差，結果呢？估唔到呢刻你先黎唔信我，我真係好失望。。

(佢唔講仲好d,佢一講我就有種感覺...佢好心急拎我個八字)

我:好！就憑你呢句！我信你，我生日日期係12月6日

(我當然唔信佢，我只不過求期up左個日期出黎)

乘客:幾多年出世？

我:1980年

乘客:幾點出世阿？

我:我咪話左唔知囉，可能真係"害"時掛

乘客:庚申年十月廿九，亥時。。可惜，可惜

我:咩可惜？講黎聽下。。

乘客:講比你知都得，不過你聽完之後，想你幫我一件事

我:咩事先？

乘客:只係想你空車去一個地方先，然後你先返去做自己野

我:下，點解？

乘客:唔好問點解，總之你應承左我先啦

我:去邊先，等等用我幾粒鐘，我今晚真係白做

乘客:放心，唔會好遠，都係係呢度附近

我:到底點解先？

乘客:我一陣會話你知點解

我:咁。。。好啦

(唔好以為我咁容易答應佢，其實我一早已經打算，有乜唔對路隨時反口)

我:咁你可以同我講咩可惜未呢？

乘客:咁你開車先啦，一路行一路講

我:哦

(以下佢所講既野，我真係連諗都無諗過。。對我黎講，我只能用震撼黎形容)

乘客:記唔記我同你講過，係兩年前，去過一間越南既鬼屋探靈。。

我:記得。。但係關我八字咩事？

乘客:吼！你聽埋我講先!!!

我:好！好！好！

乘客:其實果次係去果度進行一個靈界既交易儀式。。致於係咩交易，就唔講啦

(講到呢到，唔知點解我突然記起佢講過，佢老婆同個仔係因為靈界而。。。)

我:交易？你條扑x唔係咁無人性，拎自己老婆同個仔條命黎交易下

乘客:大佬，你聽埋先啦，好無？！

我:嗯

乘客:我當然唔會拎佢地條命交易啦，但結果。。係個儀式進行裡面，我望著幅畫，跟著就好似我同你所講咁，完全失去知覺

我:嗯，跟住呢？

乘客:當我醒返之後，我只睇到我老婆被人劏開個肚。。一屍兩命，而且係我記憶裡面，竟然係我親手。。。。

我:下。。。。你講笑下話

乘客:之後，我真係受唔住打擊，衝左出去。。。跳樓

我:咁都唔死得，就係個天比機會你重新做人，你就要好好珍惜

(佢好似無聽到我講野咁，自己繼續講落去)

乘客:哈哈，仲話探靈專家，都明知死左都唔會一了百了，偏偏自己就。。。我就係蠢。。

(打住咁多先，同屋企人食飯去)

作者: KA2837 時間: 14-6-27 08:42 PM

快啲啦喂~

作者: 卍火雨卍 時間: 14-6-27 10:45 PM

食完飯未呀?????

作者: KA-ar 時間: 14-6-28 12:10 AM

我個f5就來禁爛啦

作者: 清新2 時間: 14-6-28 08:49 PM

沖完涼，又開始過

(個專家越講越激動,我當然安撫安撫住佢先啦，等陣如果佢一時睇唔開跳車自殺，到時真係到我跳樓都唔掂)

我:冷。。靜。。

(求其搵d野拉開個話題先)

我:依，我記得企嶺下老圍個入口係就依度附近喎，係唔係前面路口左轉？

乘客:算啦，唔駛去啦，一世都唔會去到架啦。。

(佢講到呢到，連坐係司機位既我，都感到佢萬念俱灰)

我:你。。你。。你。。你。。唔好嚇我阿。。你。。冷靜d先啦

(由於我真係唔知企嶺下老圍個入口係邊個，再加上我覺得佢有絕對既可能會跳車自殺,所以我再一次將架車駛入避車處)

乘客:做乜停車？

我:又係你頭先話唔駛去既，我諗住就係呢度落低你啦

乘客:你係度落低我。。咁我個仔點算？？

我:你。。。個。。。仔。。？

(我終於大概意識到係咩事)

乘客:你唔係想知點解我要問你拎八字咩？我都仲未講完！

我:。。。。。。，其實八字呢家野呢。。。。我都周不時派街坊，所以呢。。唔駛咁介懷

乘客:我知你諗乜，放心喎，我個仔就算搵替身，都唔會搵你喎，我查過你八字，你條命咁衰。。

(聽到呢句，我腳都軟埋)

我:咁。。大佬，咁你想我點阿。

乘客:你可以係度放低我，但係你要車我個仔返去佢自己果度

我:你唔好再玩我啦，放過我啦

乘客:你就當我迫你又好，求你又好，就幫我呢次啦。。

我:你搵第二個幫你啦。。好無？當我求下你

乘客:司機，你伸個頭埋黎睇下

我:又。。搞d咩呀？

乘客:記唔記得我同你講過，如果見到實體靈，會點！

我:下。。。你。。。。

乘客:其實我都唔想傷害你，只不過想你幫我個小忙者。。

我:。。。。咁你個仔係邊阿？

乘客:係我隔離，記唔記得頭先我叫你開門。。

我:咁。。你。。想我車佢去邊阿？

乘客:放心啦！佢會帶你路架啦

作者: hoyin2234 時間: 14-6-29 12:30 AM

冇喇? 等到好心急呀

作者: 你講乜眷 時間: 14-6-29 12:43 AM

提示: 作者被禁止或刪除內容自動屏蔽

作者: hoyin2234 時間: 14-6-29 12:57 AM

回覆你講乜眷的帖子

挑等我仲以為佢咁勁

作者: hoyin2234 時間: 14-6-29 01:08 AM

原作者喺香討POST既
其實個仆街清新2COPY少左幾行:
「(哈哈，個故仔就到此為止啦，之後係點，你地自己幻想一下同自由發揮啦)

(呢篇野本來係等客時，無聊打發下時間，點知。。)

(件事係真係假？！當然裡面有真有假啦)

(其實要寫鬼故比寫其他故仔難，因為寫得太平啖，就會無乜特別，但如果過於天馬行空既話，人地一睇，就會話，假既，唔好睇)」

個故事已經完左

屌你清新2你轉載人D野係唔係要加番「轉載」兩隻字呀

作者: 夢的理由 時間: 14-6-29 02:20 AM

睇到3樓留名天朝起身繼續睇成屋得我一個人睇呢D野淆淆地

作者: 你講乜眷 時間: 14-6-29 02:32 AM

提示: 作者被禁止或刪除內容自動屏蔽

作者: lee111 時間: 14-6-29 03:02 AM

你講乜眷發表於 2014-6-29 02:32
我成日下載鬼片睇

有唔見我驚

以前細過睇僵屍片就驚姐

我殺氣太大

無野敢埋身

作者: Loveyan4ever 時間: 14-6-29 03:03 AM

屌你老母
仲以為仲有
唔好咁撚仆街啦
投唔到胎架屌你

作者: 你講乜眷 時間: 14-6-29 03:05 AM

提示: 作者被禁止或刪除內容自動屏蔽

作者: 清新2 時間: 14-6-29 08:23 PM

hoyin2234 發表於 14-6-29 01:08 AM
原作者喺香討POST既
其實個仆街清新2COPY少左幾行:
「(哈哈，個故仔就到此為止啦，之後係點，你地自己幻想 ...

你既意見我會立入下次轉貼當中
但最緊要係有人入黎睇LA

作者: 清新2 時間: 14-6-29 08:25 PM

你講乜眷發表於 14-6-29 02:32 AM
我成日下載鬼片睇

有唔見我驚

有冇好既彊屍(中國既)
介紹
鬼片好介紹呢
PS好多所為既鬼片最後都係好似金田一果D咁原來係人為既
我覺得好NO9

作者: 爭霸者 時間: 14-6-30 06:04 PM

隔離dis轉過黎既

作者: curapica 時間: 14-6-30 06:30 PM

冇啦???我屌你

作者: KA2837 時間: 14-6-30 06:54 PM

轉又好原創又好, PO埋個結局啦屌~

作者: kms11hihi 時間: 14-6-30 07:49 PM

我係第二個論壇見過都係你po黎

作者: 你講乜眷 時間: 14-6-30 07:52 PM

提示: 作者被禁止或刪除內容自動屏蔽

作者: 清新2 時間: 14-6-30 08:53 PM

你講乜眷發表於 14-6-30 07:52 PM
清新2 潛水中

沒有潛水我不會游泳的

作者: qpss041322 時間: 14-7-8 02:40 PM

好正,我要結局啊!!

歡迎光臨 2000FUN論壇 (https://www.2000fun.com/)