2000FUN論壇

標題: 如果，夢之歷險還可以歷險（文長慎入,有感而發,未來展望大改革） [打印本頁]

作者: lawlong830 時間: 14-7-19 10:07 PM 標題: 如果，夢之歷險還可以歷險（文長慎入,有感而發,未來展望大改革）

本帖最後由 lawlong830 於 14-10-30 11:04 PM 編輯

(有感而發)
請聽住呢首歌慢慢睇以下既野陳奕迅 - 我的快樂時代
是咁的呢隻game既年紀都已經唔細
相信如果依家大家仲有玩既話大部分既人都應該支持左呢隻game都幾長時間
以本人為例由中二開始玩到依家變左一個大專生(sor其實我只係ive仔)
由曾經比人昆做傻仔到依家笑d人比人爆ac做傻仔大大小小既事都經歷左好多好多
咁多年既時間入面浮浮沉沉有離開過亦都有重聚過放係呢隻game既時間唔少(你可以話我毒L 吹咩毒得開心)
點解呢隻game可以生存到咁耐可以直到依家仲有人支持到依家GC仲keep住更新出8轉? (雖然都係更新得個呢少少野)
比起其他近年新起既game 例如大熱既lol 或好多既即時對戰槍game
夢之歷險呢隻以打怪副本升級 pvp 為主既game 相對性地少左一份令人心跳加速既刺激感(你可以話你打幾個鐘死地火地都keep住刺激既...我吹你吾漲)
相信有好多既玩家都會已經過檔去左玩其他既新game 留底既舊玩家我相信大部分既人仲玩既原因都係因為一個情字唔係愛情係友情啊:)
夢之歷險我個人認為做得最好既就係溝通方面著重人與人之間既連繫簡單既轉換溝通頻道生動既表情家族系統
都可以令到大家係呢隻game入面識到唔少既朋友(或者敵人)
當你玩左一段時間去到一村個個都熟口熟面就算你唔識晒全部人但係你只少都會認得都會有印象
之後就搵番自己既族人朋友(或者愛人) 坐番係一個大家都熟悉既地方入面吹吹水食下花生咁又一日
呢樣野我諗係其他game入面真係搵唔到(至少lol同埋d即時戰略game無又或者可能我少接觸其他game sor)
最後，無論你係已經退出左既玩家定係間唔中上下既玩家或者仲玩緊既玩家
如果你真係有睇晒
我諗你都係對夢之歷險呢隻game有一種情意結
唔捨得離開呢隻game既你係為左d咩?
為左你既傳裝為左你既9xlv ac 為左你既+15卡?
不過請你唔好忘記係夢之歷險入面仲有你既朋友你既敵人
你先會玩得咁開心先可以玩咁耐
如果你曾經比人呃曾經比人打曾經遇著好多好多既小學雞
就當做老天完整你那沒挫敗波折一生之旅
希望大家(GC,小雲)唔好放棄呢隻game
------------------------------------------------------------------------------------------------------------------------------------------------------------
如果，夢之歷險還可以歷險
已有既野我相信依家改變都已經太遲
我講緊d夢之歷險入面已經成形既奇怪系統或者bug
而有D bug 我諗要改唔難只係唔知GC同小雲仲會唔會有心去改
例如:死地無論幾lv入得 (曾經見過一個月都唔夠就升到90lv)
      :洗貢 (嚴重破壞雪地既旅遊人數)
      :裝備系統 90裝 vs 92 93裝(90裝咁難出 92裝咁易出唔係應該越高lv既裝越難出架咩?)
      :裝備系統2 同級裝無高低之分 (即係用死一套裝)
      :三種職的過份不平衡 (我諗應該好少咒單P打得贏劍)
      :職業本來S卡的不平衡[副本/打怪](2轉劍 5轉弓 3轉咒基本上就鎖死左用呢d)
      :寵物系統你講啊有邊隻寵係捉番黎係可以幫手頂下怪你講啊你講啊
      :P石只係需要一個岩LV既就OK= =
      :NPC到買既長弓未知有咩用
      :記憶中有樣野好似叫暗影吉隆崎章 (???)(好似到依家都仲未知有咩用?
      :bug技(不解釋
      :唔少既錯字
      :活動差唔多全部都要用點(唔係話唔得,但有無其他活動?
      :其他(暫時未諗到大家可以補充)

以本人愚見我覺得夢之歷險未來既方向可以係咁.....
首先呢~
S卡方面:依家出到8轉我諗係唔知幾耐既未來應該會出埋9轉(光)掛?
            :+15雖然已經係極限但我覺得如果要再上+16+17+18+19+20之類既S卡
            :應該需要增加d限制例如:+15上+16 所需要既材料可能就係需要95lv先可以衝
            :或者要衝6,7轉卡係需要打夠唔知幾多團既6, 7轉團先可以衝
            :咁樣就相信會增加更多既耐玩性
            :總括而言即係衝卡要夠料之外同埋要夠job之外
            :希望可以新增多d"條件"先可以衝卡
            :或者唔用+16~+20黎形容
            :可以令到對翼變更加靚 or 再增加d效果已經更好(而唔係一定要買點先有-_-

P石方面:現有既P石要保留當然可以但係仲可以新增更加多既P石
            :可以係沙漠可以係火地可以係雪地可以係一村
            :可以增加更多既怪更加唔同既獎勵之類的等等
            :入P石既限制亦都可以由等級之外新增其他唔同既限制
            :例如:S卡屬性(要火屬S卡先入得) 裝備的高低(例如要古裝先入得之類)
            :同家族先入得只可以三個同職等等等..
            :或者可以唔比有強化技

怪物方面:雖然依家既怪我個人認為都夠多元化(但成日重覆狼都有光狼雪原狼暗狼= =
            :但係怪物既技能未夠多元化
            :最新出既暗狼識出5轉弓既狼技我諗都算係一種突破
            :如果D怪就出3轉咒神武禱告我諗都....幾好玩既:)

寵物方面:講真呢樣我係最失望既一方面因為夢之可以捉可以真係用既怪太少
            :大家依家用緊既夢古都係要用點黎換(你收番黎之前人地都係用點抽架
            :而且寵物既用途太單一大部份都係用黎頂怪同CC (大概得春豬同冰鷹係用黎加技?
            :我覺得應該可以增加更多可以捉既寵物更多寵物可以加技或者有更多範圍技既怪
            :例如隻狼可以幫你加狼某d怪可以幫你加抗加攻擊力加防禦力加乜都好喇~

副本方面:依家既副本我諗依家通常都係得個幾個火團or 6,7轉團大家會打
            :唔好話打依家連水修暗 GG 既團都已經比人遺棄左開都無人開
            :可能你會話咁係因為個個都高lv咪唔洗打囉(的確係
            :但係我覺得如果要重新吸引人去打我覺得可以將呢d比人遺棄左既團
            :新增一個地獄級將入面既怪全部升級獎品亦可以因應番之前既將品而提升番級數
            :另外15人副本之外亦都可以新增7人 9人 30人副本或者....100人副本??
            :亦可以新增家族副本要家族既lv去到某d lv先打得
            :或者天使/惡魔先打得既副本
            :王其實可以吾止一隻架....
            :而且我覺得可以增加隱藏情節可以係隨機發生可以係因為滿足某d條件而發生
            :試諗下如果你打完一個副本正諗住抖下既時侯如果有突然既王再出現~

裝備方面:我覺得最大既問題係用死一套裝
            :例如92 93 lv既裝真係得一套我個人認為可以增加更多既套裝
            :以弓手為例弓方面可以有幾種唔同既方向
            :可以乜額外既效果都無但攻擊力超高
            :可以攻擊力較低但爆傷較高
            :可以正常既攻擊力正常既爆傷但係增加防禦力
            :或者可以增加射程/跑速/技能施放時間減低之類
            :其他裝又或者可以74劍甲咁有高既防禦力但速度-2
            :有好有唔好先可以令到pvp增加更加多既變數

迷你屋系統:變化略微不足只有一種主題
                  :如果佢依家既主題係春天咁我覺得佢應該要有更多既主題比我地去買
                  :有春咁就有夏秋冬或者可以有天堂地獄主題?I
                  :或者需要增加更多既裝飾物

咒S卡方面:2轉S卡雖然已經改過不過無奈技能CD太長
               :4轉S卡同樣地CD太長
               :5轉S卡技能方面有d唔實用
               :6/7/8轉未玩過唔好意思高手勿插

劍S卡方面:無咩好講 2轉S卡其實上已經係全能過份既士氣盾
               :只有5轉你想玩攻擊既時候先會特別玩下
               :高手勿插

弓S卡方面:弓S卡方面其實只有4轉無咩用
               :2,6轉單P強射程遠技能實用
               :3轉技能型以弱勝強最靠3轉
               :5轉清怪打團專用就算雪地大P 亦都可以清人(如果你超強
               :7/8轉未好好咁研究過
               :高手勿插

------------------------------------------------------------------------------------------------------------------------------------------------------------

可能你會覺得我傻仔打咁多野出黎之後都係唔會有反應架喇小雲 GC都唔會做野架喇
不過我至少將我既意見將我心入面想講既野講晒出黎
夢之歷險需要香港都需要
多謝你用咁多時間睇晒我所講既
利申:海洋之夢玩左咁耐都係得一隻91lv弓手(努力92中
多謝晒><

作者: ts158668 時間: 14-7-19 10:16 PM

睇晒講得好

有興趣挽天空？一齊挽

作者: lawlong830 時間: 14-7-19 11:16 PM

回覆 ts158668 的帖子

在海洋有一班不能捨棄的朋友:P

作者: TKH0v0 時間: 14-7-19 11:24 PM

講得好！
不過可行性就真係唔多大

作者: 花花-.- 時間: 14-7-19 11:52 PM

GM只會出D要用點既活動

作者: lawlong830 時間: 14-7-20 12:02 AM

回覆花花-.- 的帖子

都是一個問題啊...乜都要點

作者: ˇ為妳喝采` 時間: 14-7-20 12:27 AM

我都有諗過你所講既所有野.
一得閒無野做沖涼就係到諗
隻game點先可以更加好.
可惜始終無能力. 韓國產商.
如果第時有能力既話
一定收購左隻game 繼續大力發展.
(FF)

作者: lawlong830 時間: 14-7-20 12:35 AM

回覆 ˇ為妳喝采` 的帖子

只少我都講晒出黎無憾架喇

作者: whitehins 時間: 14-7-20 12:55 AM

提示: 作者被禁止或刪除內容自動屏蔽

作者: lawlong830 時間: 14-7-20 01:03 AM

回覆 whitehins 的帖子

小弟之名不足掛齒

作者: 爆烈哥 時間: 14-7-20 02:22 AM

好文章~

作者: 愛仔。﹏。 時間: 14-7-20 02:44 AM

本帖最後由愛仔。﹏。於 14-7-20 03:36 AM 編輯

+15都咁難沖雖然係會有人-6幾下上....但15本身都叫難沖仲要沖+16/17/18/19/20 會死人出左都可以勉強接受但如果仲要95先可以沖對低lv玩家不公平姐係低lv玩家只能收+16-20既卡唔可以自己沖

其實職業入面應該唔係得3隻咁小好似你平時NPC買箭咁有樣野叫長弓專用既箭弓手有一把弓叫長弓但唔係用長弓射箭都係用短弓整左出黎都用唔到既箭...

迷你屋系統個主題仲係春天主題春天而過去仲係春天應該要出其他主題仲有迷你屋裝飾品要加多位 50個位真係有D小左不過我估真係出增加位數/主題都係要買點
我想講樣野...依個係一個好on9既野出夢之我玩到依加都係好想講點解夢之入面 24小時都係咁光冇夜晚

一個問題點解GC要封bug龜 BUG係唔岩但D人bug龜就係為左升精你又要整到隻精咁Q難升又要係到出80新精 70%本身都叫難上仲要出埋80% 出唔係問題但你係咪應該整下個升精既問題如果升精唔係咁難升 D人都唔會bug龜啦

今次8轉其實都有問題係雪地整都算但你整到同一時間天惡打王依個係一個好大問題明顯恰新手好似以下咁我例如自己低LV 廢裝<天使> 想入去打隻8轉王但入到去全部都係高LV 傳裝<惡魔> 咁姐係等死打隻王一下都可能做唔到就比人秒Q左真係對低LV好唔公平

其實可以咁講依加夢之諗既野全部都係諗住高LV既玩家可能根本上無諗過低LV既玩家點打

作者: lawlong830 時間: 14-7-20 03:00 AM

本帖最後由 lawlong830 於 14-7-20 03:38 AM 編輯

我建議好似有95lv先衝得只係其中一個條件
能力越大所獲得既越大我個人覺得對低lv既玩家無咩唔公平(或者可以set 95lv以上先可以用到呢d卡?
如果想衝既就快d升上95lv 同你想用9596裝一樣
或者可以唔用+16~+20去形容
可以用達成條件既方法去變咁?
好似贏左角鬥場咁隻翼都會變(好似係?
希望可以推出更多唔同變化既翼(雖然依家都有天惡冰火翼

職業方面我都唔知點講得3種可以話唔好可以話好
好既係唔會太難選擇你想做輸出遠程既就弓坦近戰既就劍比較支援性既就咒
唔好既就係弱點太明顯過份單一而正正因為咁好多人都雙修三修
呢樣如果要改就真係極大工程喇又要再設計過1~8轉s卡又要再係d副本到加番d裝
又要再考慮番同其他職既平衡性諗起都...

另外迷你屋系統方面我都好同意你既講法
如果佢依家既主題係春天咁我覺得佢應該要有更多既主題比我地去買
有春咁就有夏秋冬或者可以有天堂地獄主題?I dont know 可以有好多好多既發揮空間
同埋我無記錯既話屋同別墅既種類好似得艾美到買個到一種only-_-

而24小時都白天....呢個問題...
如果想睇黃昏我諗可以去死地門口睇既...
如果真係有分日夜既話我會希望佢分唔同時段d怪可能會增強/減弱
例如白天既話光屬既怪會變強暗屬會減弱夜晚既話就相反
咁都會有趣d

另外精問題的確係大問題唔bug龜真係唔知點升(雖然我無bug過所以我隻光精都係得6x%-_-
呢個問題真係唔知點解決如果係我我可能會出d怪係專for升精/調低難度..
再唔係既就出d點品幫精靈升%(好似雙經咁

因為死地無限制lv 低lv高lv其實只差一線...
如果要吸引新既玩家我諗GC會寧願出一隻新game 都唔會搵夢之歷險黎搞

至於8轉始於未出我唔知實際情況就暫時唔講喇><

作者: 愛仔。﹏。 時間: 14-7-20 03:23 AM

本帖最後由愛仔。﹏。於 14-7-20 03:26 AM 編輯

回覆 lawlong830 的帖子

其實睇韓ser就知哂D野...
基本上copy之後翻譯再放係港ser

作者: lonely4732 時間: 14-7-20 08:41 AM

回覆 lawlong830 的帖子

冰雞萬用.....

作者: sck123 時間: 14-7-20 11:12 AM

夢之pvp,職,S卡,怪,寵,遠征,抗,屬性,裝,機率計算不嬲都有大把問題要處理
只不過叫極都無反應先彩你有味

作者: 零度可樂 時間: 14-7-20 11:28 AM

愛仔。﹏。發表於 14-7-20 02:44 AM
+15都咁難沖雖然係會有人-6幾下上....但15本身都叫難沖仲要沖+16/17/18/19/20 會死人出左都可以勉強接 ...

其實本來呢種game既設定就係愈高lv愈有著數-.-
火團夠限死90lv打
就算打卡都有lv數限制啦
65lv以下既人一樣打唔到5轉
我覺得呢d算係正常rpg設定
其實講真nos既設定已經好照顧新手
你跟住主任解可以直接上到55lv
如果係雙經時段解仲可以上到60lv
之後再入d細族打下死地都升到啦..
不過8轉既設定又真係好麻煩
我覺得想完一團都難過登天
天使惡魔自己打都打到天黑啦..仲要1粒鐘內殺王

作者: 安靜了 時間: 14-7-20 12:04 PM

老實講呢隻GAME已經算係好成功
對比同期果D ONLINE GAME 其他都收晒皮咁濟
不得不欣賞呢隻GAME既玩家可以對此多熱情
唔知有幾多玩家同本人一樣斷斷續續咁玩
成日見到有唔同既新人以前未見過又無啦啦上到好高LV
証明夢之仲有吸引力

另外樓主所講既建議構思其實係好多玩家既夢想
但試想想香港大部分既ONLINE GAME都係賺錢行第一
對比其他國家既ONLINE GAME 佢地係吸引更多玩家投入遊戲為大前提
往往提供好多免費而又實用既裝備比玩家
我唔係話玩家投放資金落去遊戲到唔好
而係其實有好多人都係由學生時代玩起
叫學生哥放咁多錢落去未免由追求遊戲既樂趣變成網絡物質主義既奴隸
由此可見 GC只係會繼續提供無限既買點活動

作者: 風至 時間: 14-7-20 12:47 PM

88弓點會用死一套

有把200火
有把200暗

本人膠UP THX

作者: lawlong830 時間: 14-7-20 02:07 PM

風至發表於 14-7-20 12:47 PM
88弓點會用死一套
有把200火
有把200暗

你講得岩但係都係得88裝有囉

而且仲要唔算係實用既裝-_-

作者: blackdeath 時間: 14-7-20 02:10 PM

洗貢，bug精，bug寵果d算啦
有d bug係維持隻game既平衡性而要存在
無bug寵，天毛個價肯定又升到飛天
夢之個系統比起其他game有娛樂性好多
有s卡系統，唔洗玩死一套技能
有雪地系統，唔洗局限p場打交
當然你可以話有d game可以開紅，但你係咪想夢之可以開紅？

樓主講話一個lv可以出唔同既裝
我覺得盾已經可以取代左
你可以玩爆裝，扣抗裝，高攻防既裝
當然有人既盾幾乎集以上既野於一身
但就算出幾款唔同既裝最後勁唔勁都係取決於你個盾

我覺得最應該做既係對於某d舊既s卡調整（2-5轉）
新卡出現已經淘汰緊舊卡
咒師舊卡根本全部都係垃圾
弓手情況算好，得4轉稱得上為垃圾
劍士3,4,5轉基本可以話無咩用

係職業上，完全突顯唔到各職業特色
劍士除左用2,7轉係唔會硬到仆街
弓手最自豪既速度，多得隻新翼，已經無左
對住新翼想拉打已經不可能
咒算係最能保持特色，一直都有中唔完既效果，好靚既技能效果
（完全唔會miss呢個特點已經被盾呢樣野打破左）

不過小雲已經潛左水，應該都睇唔到
如果小雲聽晚12點前入黎覆我
我拍片del身上一件裝備
我應該贏硬，小雲實唔會走入黎

作者: lawlong830 時間: 14-7-20 02:21 PM

本帖最後由 lawlong830 於 14-7-20 02:44 PM 編輯

回覆 blackdeath 的帖子

我講出一個lv可以有唔同既套裝
係因為唔係個個都有傳裝而又打到勁盾(講真,真係要勁盾先會凸顯到功效出黎
同埋有d效果係現時既盾無既
例如+血 +mp +命中增傷(<-呢個好似以前有?
同埋當你入得盾件裝你應該都會用好耐咁就會少左變化性

另外, 如果真係小雲入黎車仔你真係捨得拍片del晒你傳裝?
你唔要不如送比我+e

作者: herbert99 時間: 14-7-20 02:24 PM

本帖最後由 herbert99 於 14-7-20 02:25 PM 編輯

lawlong830 發表於 14-7-20 02:21 PM
回覆 blackdeath 的帖子

我講出一個lv可以有唔同既套裝

我拍片del身上一件裝備

睇死佢都係淆抵DEL 15弓

作者: kenyeung525 時間: 14-7-20 02:29 PM

本帖最後由 kenyeung525 於 14-7-20 03:44 PM 編輯

lawlong830 發表於 14-7-19 10:07 PM
(有感而發)
請聽住呢首歌慢慢睇以下既野陳奕迅 - 我的快樂時代
是咁的呢隻game既年紀都已經唔細

我講緊d夢之歷險入面已經成形既系統或者bug
例如:死地無論幾lv入得 (曾經見過一個月都唔夠就升到90lv)
      :洗貢 (嚴重破壞雪地既旅遊人數)
      :裝備系統 90裝 vs 92 93裝(90裝咁難出 92裝咁易出唔係應該越高lv既裝越難出架咩?)
      :裝備系統2 同級裝無高低之分 (即係用死一套裝)
      :三種職的過份不平衡 (我諗應該好少咒單P打得贏劍)
      :職業本來S卡的不平衡[副本/打怪](2轉劍 5轉弓 3轉咒基本上就鎖死左用呢d)
      :寵物系統你講啊有邊隻寵係捉番黎係可以幫手頂下怪你講啊你講啊
      :P石只係需要一個岩LV既就OK= =
      :其他(暫時未諗到大家可以補充)

其實裝備無話set死某套裝
只係d人盲目跟風，冇空閒時間去研究其他裝備組合姐

45紅手指>63獅子弓>75魔翼之弓 / 85精靈之弓>90大頭目的褉弓

依家基本上就係呢d主流裝
但係經本人研究，有套組合都不失為一個好選擇

71冰霜之擊搭配44刀
雙重增傷效果唔錯
即使低稀都有增傷彌補

S卡問題
自從6轉之後大大加強咒既pvp能力
依家咒負效同魔盾令佢有番同弓戰隻抽既本錢

另外寵物
有隻樣叫「溫馴雪人」
捉番黎1lv就有二萬幾千血
可以話夠曬頂怪
抗果d數值就唔洗奢望
捉番黎1lv血仲高過點寵
抗仲想要高，遊戲商仲點搵真銀

以前新手36lv做第一個S卡任
係捉隻殘酷巨角羊
3xlv有幾千血，其實都夠曬用
只不過係玩家既胃口養大左姐
想當年每人人手一隻巨角羊
做時空任拉制來去如風
邊似依家個個抱住隻松鼠仔周街跑

作者: lawlong830 時間: 14-7-20 02:41 PM

kenyeung525 發表於 14-7-20 02:29 PM
其實裝備無話set死某套裝
只係d人盲目跟風，冇空閒時間去研究其他裝備組合姐

我指set死一套裝既意思係
71弓就係得一把71弓 44刀就係得一把44刀
裝備組合的確係可以增加變數但我就認為唔夠喇
而且當你去到90lv 仲會唔會用71弓配44刀? 點都係用90弓+90刀掛?
問題就係呢到舊沙同英雄裝雖然都係90裝但只不過係數值去既唔同而唔係屬性上面既唔同
所以我先希望佢可以增加其他唔同既裝備
另外S卡個方面就算你咒打得贏弓咁劍呢

(我未用過咒既5轉以上sorry
寵個方面隻雪人依家仲有得捉:o?

作者: 愛仔。﹏。 時間: 14-7-20 03:16 PM

回覆風至的帖子

仲有水200

作者: kenyeung525 時間: 14-7-20 03:37 PM

本帖最後由 kenyeung525 於 14-7-20 03:56 PM 編輯

lawlong830 發表於 14-7-20 02:41 PM
我指set死一套裝既意思係
71弓就係得一把71弓 44刀就係得一把44刀
裝備組合的確係可以增加變數但我就認 ...

我指set死一套裝既意思係
71弓就係得一把71弓 44刀就係得一把44刀
裝備組合的確係可以增加變數但我就認為唔夠喇
而且當你去到90lv 仲會唔會用71弓配44刀? 點都係用90弓+90刀掛?
問題就係呢到舊沙同英雄裝雖然都係90裝但只不過係數值去既唔同而唔係屬性上面既唔同
所以我先希望佢可以增加其他唔同既裝備

首先夢歷呢隻game設有多種裝備
只不過冇人問津買少見少咁解

弓：
15弓>20弓>21弓>26弓>29弓>30弓>34弓>36弓>37弓>40弓
42弓>43弓>45弓>46弓>48弓>49弓>52弓>53弓>54弓>57弓
60弓>63弓>65弓>68弓>70>71>73>75>79>83>85>88(3款)>90(2款)>92>95

其實你知唔知夢歷有好多裝

只不過d人新手冇合過裝、吸死地唔打怪先唔知道
你話裝備要多樣性
如果44lv有兩把弓，下把弓係45lv
你兩把弓之間選擇有何分別？
同等弓數值屬性簡直係雞肋

敢問閣下
每幾lv就有一把弓換，你覺得普通玩家有能力把把上+7/+8？
就當你唔+7+8咁土豪，至少都要+4~+6掛
+4+6又要幾多吉石雪粉、甚至防爆？

當然你話你+0上+6永無爆炸
甚至+0裝刷怪都冇問題架喎;o

玩家對裝備既選擇不外乎
屬性、稀等、價格、實用性
剔除普通玩家能力負擔唔起既稀等同價格
就得番屬性同實用性

一件主武唔沖攻擊等級
反映唔長用，過渡裝備
既然係過渡裝備姐係騎牛搵馬；
一件主武沖攻擊等級
反映心水裝備
既然係心水裝備就自然會長用

如果你話你係for土豪玩家咁就可以無視上面
不過我相信你講呢d無非都係為普羅大眾

另外S卡個方面就算你咒打得贏弓咁劍呢 (我未用過咒既5轉以上sorry

見過唔少傳戰咒抽贏傳戰戰
另外弓都可以打贏咒
睇你地負效中幾多、增爆幾多、傳戰盾數值姐
我仲未計埋盾迴
你未玩過咒應該玩過傳戰啦掛
相信你會明日好多

寵個方面隻雪人依家仲有得捉:o?

至於寵物方面
希望你唔好無視左巨角羊BBG

根據過往經驗
每幾次活動就有雪人既出現
形式包括抽團箱、開封印壺捉、日任獎勵晶球etc
任何新手都有機會取得

而且幾年前既s52
的而且確可以捉野生既雪人;p

作者: _呀K~ 時間: 14-7-20 03:58 PM

萬聖節比你地打團刷隻好洗好用既南古仲想點

作者: kenyeung525 時間: 14-7-20 04:36 PM

本帖最後由 kenyeung525 於 14-7-20 04:39 PM 編輯

blackdeath 發表於 14-7-20 02:10 PM
洗貢，bug精，bug寵果d算啦
有d bug係維持隻game既平衡性而要存在
無bug寵，天毛個價肯定又升到飛天

不過小雲已經潛左水，應該都睇唔到
如果小雲聽晚12點前入黎覆我
我拍片del身上一件裝備
我應該贏硬，小雲實唔會走入黎

大雲陣間入黎打你臉點算
等del 15弓啦你

圖片附件: 一手月下光仔唔信大雲做CD-ROM.JPG (14-7-20 04:35 PM, 71.93 KB) / 下載次數 35
https://www.2000fun.com/forum.php?mod=attachment&aid=NzA3Mzc5fDIzYWYwM2MyfDE3NTQ1MzMwMTN8MA%3D%3D

圖片附件: 大雲做CD-ROM.JPG (14-7-20 04:35 PM, 95.61 KB) / 下載次數 32
https://www.2000fun.com/forum.php?mod=attachment&aid=NzA3MzgwfGQ5NjQ5ZGIyfDE3NTQ1MzMwMTN8MA%3D%3D

圖片附件: 大雲做完CD-ROM玩野串人.JPG (14-7-20 04:35 PM, 93.48 KB) / 下載次數 49
https://www.2000fun.com/forum.php?mod=attachment&aid=NzA3MzgxfGI5MDcyMWIyfDE3NTQ1MzMwMTN8MA%3D%3D

作者: lawlong830 時間: 14-7-20 04:41 PM

本帖最後由 lawlong830 於 14-7-20 04:44 PM 編輯

kenyeung525 發表於 14-7-20 03:37 PM
首先夢歷呢隻game設有多種裝備
只不過冇人問津買少見少咁解

首先記憶中我無好似話過要增加唔同LV既裝(?
所以我先希望佢可以增加其他唔同既裝備(先生是咪誤解左我呢句意思,或者你應該睇番我第一篇講既野
我只係建議係一個LV既裝入面增加唔同既裝可以有其他唔同既屬性

寵物方面敢問閣下
隻巨角羊BBG 你到依家仲會用嗎?
的確真係可以幫新手渡過新手期
但係到後期呢?
我所提出既係夢之可以捉既寵真係太少
不論佢地既實用性捉番黎收藏都好
唔好話沙漠火地雪地
普通地圖去到後期d都已經無寵可以捉
同埋我想增加既野係第一篇都有講到我就唔重複講

如果你覺得依家夢之既寵已經好夠咁你可以無視上面

S卡方面你當個個有傳戰既咁我無野好講~

作者: 愛仔。﹏。 時間: 14-7-20 04:46 PM

回覆 blackdeath 的帖子

弓手入新翼咪得

作者: robb1995 時間: 14-7-20 04:53 PM

讚一讚樓主先真係精選心得文

有玩過其他GAME既都應該知,夢之既15人副本的確係無咩轉變,但可能 8轉又會為佢帶來一D既轉變(佢可能想用8轉做試點,試下多人+團P 副本會唔會吸引到玩家回流/吸納更多新血)
GC 如果係積極既又唔懶既,一早就向韓服反映而且仲自己做埋實驗 TIM啦。可惜,就咁睇佢個樣都係死跟韓服果邊既轉變,而無將港台澳玩家既意見表達出去。
如果夢之有機會轉代理,而又唔係咩黑橘果D既話,都應該有機會起死回生。
BTW最想玩反既一隻GAME 都係彩虹冒險因細個成日睇住個FD玩,但自己玩極都玩唔熟個控制方法,中間一段又無玩,最後隻GAME 汁左,而家先黎後悔, 希望有廠家可以買起佢個營運權, 東山再起 ,相信一定比起而家所謂既3D GAME 更多人玩

作者: kenyeung525 時間: 14-7-20 05:09 PM

本帖最後由 kenyeung525 於 14-7-20 05:15 PM 編輯

lawlong830 發表於 14-7-20 04:41 PM
首先記憶中我無好似話過要增加唔同LV既裝(?
所以我先希望佢可以增加其他唔同既裝備(先生是咪誤解左我呢 ...

首先記憶中我無好似話過要增加唔同LV既裝(?
所以我先希望佢可以增加其他唔同既裝備(先生是咪誤解左我呢句意思,或者你應該睇番我第一篇講既野
我只係建議係一個LV既裝入面增加唔同既裝可以有其他唔同既屬性

首先回帖前咬文嚼字睇下27#我講既野
我話同lv選擇多樣性，但係間隔短而少
選擇本身已經變得冇任何意義
兩把44弓，無論你揀邊把
你始終都係要換下幾lv，甚至下十幾lv既弓

低lv唔講講高lv
本身隻game已經設計左不同等級種類既裝
佢咁做既用意係每個甚至幾個等級都有一把武器
比玩家作出長遠選擇，都可以話係取代同級多款武器既選擇
明唔明-.-？

寵物方面敢問閣下
隻巨角羊BBG 你到依家仲會用嗎?
的確真係可以幫新手渡過新手期
但係到後期呢?
我所提出既係夢之可以捉既寵真係太少
不論佢地既實用性捉番黎收藏都好
唔好話沙漠火地雪地
普通地圖去到後期d都已經無寵可以捉
同埋我想增加既野係第一篇都有講到我就唔重複講

如果你覺得依家夢之既憲已經好夠咁你可以無視上面

當年巨角羊係可以直用到林右光狼
等級升到呢個階段，打天毛打團搵錢唔係難事
玩咁耐你都話後期，你唔識將d錢拎去收隻新寵？
玩咁耐d活動寵都冇隻

？

再者
照樓主你咁講無松鼠仔=生活不能自理
敢問當年遊戲岩岩推出
無錢買點數既玩家點生存？
唔通果批玩家無松鼠仔就生存唔到？
你當果批玩家後期個個有松鼠仔-.-？
大佬，新game供不應求係普遍情況
當年獲取松鼠仔既途徑只得抽點箱
你念下當時有幾多個人先有一隻松鼠仔用？

世界上冇任何野係近乎完美
動植動進化都係靠「夠用」方向發展
睇你點玩既姐

至於你話夢歷捉寵選擇太少我都幾贊同
好可惜隨住隻game既推行歲數
活動獎勵、活動團箱、活動日任、抽點回饋
無一樣唔係逼你去用松鼠仔
遊戲商咁做誘使玩家買點數圖利都係無可厚非
奸商奸商，無奸不商；佢仲點會好心幫你設計多十幾廿種可捉實用寵
基於大勢所趨，有咩理由唔用松鼠仔走去捉寵？

S卡方面你當個個有傳戰既咁我無野好講~

依家隨手拎幾個路人玩家都周街3傳先係問題
我見到咁都想有野講

作者: blackdeath 時間: 14-7-20 06:33 PM

kenyeung525 發表於 14-7-20 04:36 PM
大雲陣間入黎打你臉點算
等del 15弓啦你

唔會del 15弓
15弓咁貴,我諗住del把冒險家彈弓算

作者: blackdeath 時間: 14-7-20 06:33 PM

愛仔。﹏。發表於 14-7-20 04:46 PM
回覆 blackdeath 的帖子

弓手入新翼咪得

弓手都要入翼,咁咪姐係無左高速度呢個特色囉

作者: lawlong830 時間: 14-7-20 07:09 PM

kenyeung525 發表於 14-7-20 05:09 PM
首先回帖前咬文嚼字睇下27#我講既野
我話同lv選擇多樣性，但係間隔短而少
選擇本身已經變得冇任何意義

言下之意係覺得裝備系統無需要作出改變?
你覺得依家咁既裝已經好滿意?
如果係既話咁我覺得無需再討論落去
你覺得有唔同lv既裝就=有同級多款武器唔需要再加其他唔同屬性既裝備唔洗再改
我覺得可以有更多屬性既裝備令到有更多既變化出現
大家有既論點唔同我諗我都唔需要去說服你

寵方面
我無興趣知道以前既玩家係點
我只係有興趣知道未來既夢之會點
我都講左你可以睇番我第一篇講咩
我覺得現在既寵唔夠
但我並無話過一定無(松鼠仔=生活不能自理)呢d咁既野
係你先入為主覺得咁姐~
我覺得唔夠係因為依家既寵只係可以用黎頂怪同cc
得春豬同冰雞可以有增益(<--無其他選擇
有咩理由唔用松鼠仔走去捉寵？
就係因為佢寵少所以先得松鼠仔

作者: kenyeung525 時間: 14-7-20 07:15 PM

本帖最後由 kenyeung525 於 14-7-20 07:28 PM 編輯

lawlong830 發表於 14-7-20 07:09 PM
言下之意係覺得裝備系統無需要作出改變?
你覺得依家咁既裝已經好滿意?
如果係既話咁我覺得無需再討論落 ...

寵方面
我無興趣知道以前既玩家係點
我只係有興趣知道未來既夢之會點
我都講左你可以睇番我第一篇講咩
我覺得現在既寵唔夠
但我並無話過一定無(松鼠仔=生活不能自理)呢d咁既野
係你先入為主覺得咁姐~
我覺得唔夠係因為依家既寵只係可以用黎頂怪同cc
得春豬同冰雞可以有增益(<--無其他選擇

你話巨角羊、光狼呢d後期完全唔夠用喎

呢d最top既可捉寵都唔夠用
仲唔係暗示緊生活不能自理？
不過你冇咁認為就算你念你啦

有咩理由唔用松鼠仔走去捉寵？
就係因為佢寵少所以先得松鼠仔

睇番我上一樓
有說明點解松鼠仔變左主流
唔止你寵少呢個pt
呢個係其中但唔係主要

不如調番轉問你
你係遊戲廠商
你仲會設計後期可捉寵
能力仲要稍遜於松鼠仔既寵
然後倒自己點寵米

？

作者: lawlong830 時間: 14-7-20 07:28 PM

kenyeung525 發表於 14-7-20 07:15 PM
你話巨角羊、光狼呢d後期完全唔夠用喎
呢d最top既可捉寵都唔夠用
仲唔係暗示緊生活不能自 ...

你鐘意點諗就點諗
你鐘意斷章取義自作聰明扭曲我意思既無所謂
你喜歡一成不變就一成不變
我都無謂再係到同你爭論唔會有結果
完

作者: eason101 時間: 14-7-20 07:33 PM

你所說的內容我十分同意

作者: kenyeung525 時間: 14-7-20 07:43 PM

本帖最後由 kenyeung525 於 14-7-20 07:53 PM 編輯

lawlong830 發表於 14-7-20 07:28 PM
你鐘意點諗就點諗
你鐘意斷章取義自作聰明扭曲我意思既無所謂
你喜歡一成不變就一成不變

此言差矣
你中意曲解原意咪繼續曲解原意
我就管唔到你架啦

有咩遊戲廠商發展遊戲唔係為賺錢

？
唔通真係同你講情唔講金？
你可能入世未深未試過出黎做野
但我可以同你講
任何商人一切以金錢利益為先、玩家利益為次
金錢利益有過之而無不及

上不能謀資金以穩營運
下不能顧訴求而保人流

然而卻有誇誇其談之輩，閉目塞聽、視而不見
如論沽名釣譽，他們無人能及
如論臨敵用兵，他們卻百無一能，只能貽笑天下鳥

連自己都搵唔到水
仲想顧掂玩家訴求？
唔好講到向原廠發起建議書咁偉大

難聽d講句：想仿效蘇秦、張儀，用三寸肉舌掃平東吳？
你只係純粹睇到表面而睇唔到深層面
講既野係人都識
但就可行性同應然性又點睇？
意見分歧係好事，證明仲有玩家對遊戲感到不滿

有代溝真是抱歉喔
另外唔洗再回我帖啦謝謝

作者: _呀K~ 時間: 14-7-20 09:12 PM

幾年前都出左隻免費南古啦
打團就有得抽仲有乜好嘈

作者: natsumerin 時間: 14-7-21 01:29 AM

幫推,好貼

作者: lawlong830 時間: 14-7-21 04:48 PM

推一推:)

作者: lawlong830 時間: 14-8-7 01:59 AM

好似沉左底仲有無咩意見?

作者: 冰藍＊ 時間: 14-8-7 02:41 AM

本帖最後由冰藍＊於 14-8-7 02:43 AM 編輯

GC只係代理.
要隻GAME改變? 封BUG佢就可以得
要改變都係要原廠決定

其實可以諗下. 係GC既問題定係玩家既問題比較嚴重

作者: tcc723723 時間: 14-8-7 08:56 AM

講得好

作者: nofive 時間: 14-8-7 10:33 AM

情意結

作者: ９９ 時間: 14-8-7 11:40 AM

火弓最有用你都傻傻地

作者: Ⓜ。LPM 時間: 14-8-7 12:02 PM

3隻字講得岩

作者: 叉燒飯 時間: 14-8-7 12:04 PM

努力支持
起碼有試過

作者: koukou99 時間: 14-8-7 01:03 PM

本帖最後由 koukou99 於 14-8-7 01:04 PM 編輯

全力加強冒險家一職,相信GM一定又搵錢
1. 推出高lv冒險家裝
2. 推出新冒險家卡片
3. 推出冒險家專用點衫
4. 推出30lv下魔性盾
5. 推出魔盜王卡片,睡衣卡片,吱喳雞舞蹈卡片的寶石鑲嵌

作者: Ⓜ。LPM 時間: 14-8-7 01:54 PM

同埋呢依隻game吾差--
係個代理成日吾做野

作者: ９９ 時間: 14-8-7 09:06 PM

代理有問題唔怪得人

作者: 神中的神 時間: 14-8-7 09:59 PM

其實我覺得三個職業已經算係平衡番
你睇下二至五轉既弓卡  多數都係弓手比較屈機
但出左6 7 轉後  已經平衡番三個角色既特點
唔會再似之前咒成日輸比弓/戰咁  所以冇咩大問題

作者: BABAY 時間: 14-8-9 09:04 AM

講得好

希望小雲接收到玩家既意見，改善一下

作者: 令番薯 時間: 14-8-9 03:45 PM

巳閱

歡迎光臨 2000FUN論壇 (https://www.2000fun.com/)