2000FUN論壇

標題: [理性討論][不刪PO][歡迎鑽石嘴]S4節奏是快是慢？合適英雄？ [打印本頁]

作者: firenz818 時間: 14-7-22 02:18 AM 標題: [理性討論][不刪PO][歡迎鑽石嘴]S4節奏是快是慢？合適英雄？

是咁的，首先係有關S4節奏既問題。

同S3比較感到變慢既原因:
塔既傷害增加／首殺金錢減少／升級所需經驗減少；
相反節奏變快既原因:
野區經濟／小龍經濟／JG效率

從以上可以分析到，前期殺人既難度增加，雪球更難滾起，等級容易追上。同時JG打野效率增加，出完JG裝之後一般係等到跳到40錢先刷一次野怪，有更多時間GANK人。

可能你地會諗，有飾品眼JG前期好難GANK，咁諗係錯既。因為上中下三路，冇一條路係可以單靠一隻眼就防住所有位置既GANK，加上裝備符文既變化，多蘭系列變成前期神裝之一，打一波既情況下，有多蘭既一方往往都係有優勢，所以消耗流（布甲五紅）續漸式微。

線上既情況：
因為英雄既變動問題好難同S3比較，不過若然三路有優勢已經等於贏左八成，因為係優勢存在的情況下，好容易利用小兵作出一打二，二打三的情況（前期），拉入後期既話仲可以靠等級／裝備去壓制。失去視野，換黎強大的單殺能力，只要雙方既支援到位，係線上有優勢既英雄入到團戰一樣有優勢。所以一堆後期英雄(EG:老賈/狗頭/雷茲)既出場率都變低。

遊戲中期：
其實呢個時候優劣都已經出左黎，若然前期角同後期角五五開，後期角贏。但係總唔會每一條線都五五開，唔好講雪球滾得最勁既上路，下路依加都好常見到一種情況，一開始雙殺，然後傳出第二三四五次雙殺。路西恩／老鼠既出現令成個下路出現大變化，以往唔係農到後期，就係靠前期打爆（機械人+葛雷夫），依加變成有逃生有爆發，刺激左好多，導致情況好容易一面倒。

其實呢種情況係上季S3已經出現，同S2大賽比，SKT T1既戰術就係線上打爆人，唔好講FAKER中路有幾勁，上下路覺得有一邊優勢唔大既都已經主動換路，就係利用兩條路既優勢帶風向，導致對方一面倒直接輸視野輸經濟輸等級。
R社避免今季同樣情況，將以上既情況改變，等落後隊伍可以靠團戰打番黎。但係就冇諗到，野區既變化導致JG更容易出現前期住爆一路既情況，特別係近攻無輔助既上路通常都成為目標，一般黎講只要上路有優勢，JG更加容易入侵人地野區導致優勢增加，萬一爆發團戰，係雙方裝備未成形既情況下，上路既優勢就變得好明顯。

由此可見，無論上路定下路反而更容易出現雪球，理論上節奏變慢，實際上節奏變快(BY 某大陸論壇)。

而合適爬分既角色如下：
上路：雷玟，蠻王，鱷魚。

雷玟＞無消耗有CC有位移，唔夠打可以走，夠打可以一打二，6LV後配合大技，全技能強化，外加一招AOE，大部份英雄好難係呢個時候同雷玟打，除非6LV前的優勢太明顯。

蠻王＞無消耗有賴線，前期有運爆擊到一兩下已經出優勢，爆擊唔到就冇計，靠觀念同計算對方技能CD去換，一旦滾起雪球就會變得非常難應付。

鱷魚＞無消耗有賴線有CC有移位，有怒氣既情況下EWQE一套可以無損換血，二級時Q+W的傷害帶威脅性，有優勢就可以隨時爆發團戰，前中期既鱷魚係團戰裡面係有傷害又夠坦，非常恐怖。

中路：希格斯，飛斯，死歌。

希格斯＞手長有POKE有清兵，差唔多係無COUNTER既情況，上六後既六地圖支援傷害可觀，唔算難命中，中期團戰可以直接秒對方AD/AP，又或者放個位置最多人，達到傷害最大化。

飛斯＞隨住LB/卡薩丁既改動，呢隻英又出番黎，目前黎講死敵得番魔鬥／麗珊卓／球女／星朵拉。不過以爬分既情況黎講，特別係低分端，一樣只要有優勢就會變成無COUNTER既情況，刺客類既英雄只要支援到下路，拎到一兩個頭，番中路就變得特別恐怖。

死歌＞一直都冷門，但係只要連野區經濟都比埋佢，JG放棄部份野怪就可以令死歌變成一個極有威脅性既英雄，雖然今季野怪難打左，不過同樣只要JG住中路一次，死歌既優勢就會出黎，就算之後對面JG算番你，你都一樣可以換走一個或者兩個。上６後可以靠大技執頭，令雪球又易滾起。

下路：路西恩，圖奇，JINX。

三本柱不解釋。

打野：趙信，李星，菲艾。

趙信＞前期單挑極強，遇到李星都係五五波，有突進有緩速有高傷害，好容易前期就殺到人，又或許拎到個優勢。

李星＞一直既野區霸主，靈活性極高，前期同樣高傷害，有紅BUFF既情況下都好容易幫其他路拎到優勢。

菲艾＞因為JG同中路犽宿既變動又變得熱門，有突進有強開有輸出，雖然GANK能力一般，不過配合到線上既人依然有威脅，加上食野怪速度快，上６後又有硬CC，可以配合線上隊友去入侵野區。

以上係我既睇法，唔鐘意可以插我，但係你要比個原因，有力既證據可以證明你既觀念，同時都可以比小弟學野。
好啦，半夜肚餓，打住咁多先。

作者: hk19972003 時間: 14-7-22 02:36 AM

上路：雷玟，蠻王，鱷魚

問過我大諾克未?

作者: MaTakLoLz 時間: 14-7-22 02:46 AM

本帖最後由 MaTakLoLz 於 14-7-22 02:48 AM 編輯

我覺得最主要既原因..
1.英雄既改變
S3一大堆poke英走出黎  只要d poke英肥得起你根本連塔都守唔到  e.g.杰西 , nid , 酒桶 , 卡力斯
s3根本上唔需要打團戰
到s4大部份poke英都被修改  強制要你埋身做輸出  姐係高風險高回報再冇低風險高回報  呢支歌仔唱
相反s4想羸一定要打團戰

2.插眼變動
係s3 sup可以幫全隊人插成打眼對面野區開圖咁濟我自己亦試過順風插半打真眼係對面 eve都冇用    順逆風經濟差太遠真係連眼錢都冇兵都唔敢行出去食
到s4 sup只可以只3隻  而街場玩carry既人會插幾多隻眼??好心咪幫下你但大部份人都係唔插眼
加上紅眼會被拆  同埋有掃眼既情況出現姐係視野會比係s3更加易清除總之就係即使係順風場s4地圖都一定比s3黑喇令進攻更困難

3.裝備上既削弱/加強
有d裝備上既改動間接令某d英雄亦被削弱  e.g.蘭盾
令一d好似惡魚之類既英被削弱依家既惡魚同s3比已經有衰退既現象

作者: 夢的理由 時間: 14-7-22 02:46 AM

菲艾我心目中神gank黎個喎

作者: royriza225 時間: 14-7-22 03:05 AM

絕對支持蠻王易上分

作者: firenz818 時間: 14-7-22 07:39 PM

hk19972003 發表於 14-7-22 02:36 AM
上路：雷玟，蠻王，鱷魚

問過我大諾克未?

乜野大諾克？你講果隻手短腳短一用就比JG住路既達瑞斯？

作者: firenz818 時間: 14-7-22 07:41 PM

夢的理由發表於 14-7-22 02:46 AM
菲艾我心目中神gank黎個喎

上六之後就神，六前其實麻麻

作者: brian898 時間: 14-7-22 08:05 PM

後選上路英雄咪嬴囉吊

作者: 我叫KEN哥 時間: 14-7-22 08:11 PM

小龍經濟好似小左喎....
另外上路酒桶好OP呀, 一套秒脆皮仲有雷G
另外ADC既話其實口水蟲砲娘都好勁啦, 都係等削架啦

作者: firenz818 時間: 14-7-22 08:49 PM

我叫KEN哥發表於 14-7-22 08:11 PM
小龍經濟好似小左喎....
另外上路酒桶好OP呀, 一套秒脆皮仲有雷G
另外ADC既話其實口水蟲砲娘都好勁啦, 都 ...

上路酒桶講消耗都可以啦，遇到一波流既好易食屎。

作者: 我叫KEN哥 時間: 14-7-22 09:07 PM

firenz818 發表於 14-7-22 08:49 PM
上路酒桶講消耗都可以啦，遇到一波流既好易食屎。

可以打爆你惡魚

作者: firenz818 時間: 14-7-22 09:11 PM

我叫KEN哥發表於 14-7-22 09:07 PM
可以打爆你惡魚

講技術啦，唔係話用邊隻就一定打得爆邊隻既。

作者: 我叫KEN哥 時間: 14-7-22 09:15 PM

firenz818 發表於 14-7-22 09:11 PM
講技術啦，唔係話用邊隻就一定打得爆邊隻既。

酒桶係坦克既剋星....正常黎講, 惡魚前期疊唔到怒氣打酒桶一波, 佢就等GG

作者: sunny037732 時間: 14-7-22 09:31 PM

MaTakLoLz 發表於 14-7-22 02:46 AM
我覺得最主要既原因..
1.英雄既改變
S3一大堆poke英走出黎只要d poke英肥得起你根本連塔都守唔到 e.g ...

我都廢事討論,s4就係打團戰黎嬴,根本就係團戰強既英天下.任何一隻符合團戰強既英都係理應係容易上分.
之前我講果d: 上路飛歐拉中路球女 jg 人馬 ad : 小炮總之團戰強就好易上分.
樓主唔信就算,仲係信你果套,但我而家就係咁上分.
以下為炮娘上分圖:

作者: nokix2x2 時間: 14-7-22 09:42 PM

自從4.11版本更新後
整個節奏真慢左好多
知唔知點解要整到咁慢???
大家都知韓國打法好進取完全玩前其唔同美國戈D 龍幾十分鐘打團戰 GG
我諗因為S4比賽就到唔想韓國玩哂
比下面子其他隊都唔會書得咁樣衰
比人屠得多你都唔想玩啦
自己國家隊書到咁我諗都有少少影響玩家想唔想玩洛下

總之就係針對韓國隊

而我覺得搞到依家D比賽好悶最近睇OGN 8強場場龍兵4百幾 5百
起馬40分鐘先GG 有時成場殺數2邊加埋得10左右悶到死
我諗每個玩家都想個GAME 好睇D 次激D

我覺得S2-S3戈陣最好多強勢英雄選舉又多又次激D
真心希望下版本改返個塔攻擊傷害同攻速因為實在太OP啦
邊個開戰邊個先書
就算有優勢都唔敢開
無優勢就只可以係到等對面開
搞到場場拖成40分鐘仲味GG
以OGN 8強為例

作者: 沉醉之晚 時間: 14-7-22 09:43 PM

本帖最後由沉醉之晚於 14-7-22 09:43 PM 編輯

而家上路最OP

係雷之露露同酒桶三大隻上路POKE王經常比賽出現其實加埋奈德麗=]

露露呢隻野雖然被人NEFT 但普攻人地可以A到傻仔一樣盾又多跑又快大技又多血
雷之唔洗講前期只要唔係太崩後期魔王仲有佢既Q技又遠左埋佢身又W 真係好煩
酒桶呢隻W 同招被動技 W前期出黎好痛被動唔洗講生命回復同舊版本惡魚無恥回血無分別

同埋而家上路多數帶TP 以防敵方BD流再加上呢三隻清冰一流

作者: firenz818 時間: 14-7-22 09:46 PM

sunny037732 發表於 14-7-22 09:31 PM
我都廢事討論,s4就係打團戰黎嬴,根本就係團戰強既英天下.任何一隻符合團戰強既英都係理應係容易上分.
之 ...

符合團戰強？石頭悟空加里歐茂凱？呢幾隻野出場率極低但明明就係團戰英。

講團戰，艾希ez圖奇好運仲有用過炮娘，我反而唔知炮娘有乜優勢。

若然你真係咁有信心炮娘係下路第一ad，你可唔可以用炮娘上番個鑽黎睇睇？記住留id啵

作者: firenz818 時間: 14-7-22 09:48 PM

沉醉之晚發表於 14-7-22 09:43 PM
而家上路最OP

係雷之露露同酒桶三大隻上路POKE王經常比賽出現其實加埋奈德麗=]

比賽講戰術，同一般solo queue唔同，係pick英會優先考慮團戰。

相反一般要爬分既盡量揀d對線強勢既，反而會有好處。

作者: nokix2x2 時間: 14-7-22 09:59 PM

呢個版本的確係上路最霸道
最近睇OGN 拎親上路酒桶必勝冇場書統治力太強

我見NAJIN 隊玩酒桶帶傳送同出傷害裝出巫妖之禍虛空之杖死亡之帽核心裝備
大陸解說都有講酒桶出呢套裝勁在係可以係上路做霸主控對面兵可以慢慢磨血/直接一套秒對面TOP
加上酒桶有R 有E 有閃的話係好難死
點解要帶傳送??
呢個就係精髓韓國勁就勁在呢一點
係因為酒桶傷害裝一套直接秒AD
有幾套連法
W>E>閃現>Q>Q>R
W>E>閃現>R>Q>Q
E+閃可以好變態對面郁都冇得郁就死距離遠
直接連對面AD

總之傷害裝酒桶重點要放係AD 係AD!!唔好用技係其他人身上因為一套秒唔到結果只係你死
點解要簡AD?因為前中其通常AD冇魔防一套必死! 信我

但係傷害裝有缺點就係團戰收益不大好快死 (如果秒唔到AD)
拖到後其對面有女妖的話好難打

作者: sunny037732 時間: 14-7-22 10:06 PM

本帖最後由 sunny037732 於 14-7-22 10:07 PM 編輯

firenz818 發表於 14-7-22 09:46 PM
符合團戰強？石頭悟空加里歐茂凱？呢幾隻野出場率極低但明明就係團戰英。

講團戰，艾希ez圖奇好運仲有用 ...

你所講既英都係d冷門例子,無錯佢地係團戰強,但係肥唔肥得起都成問題,因為佢地對線好若.先逐個講,石人:團戰好一般,基本上而加有埋治療同埋大部分英雄都有位移技,你想大中3個人以上係好難,再者石人放左大就基本上係隻超級小兵黎.悟空:仲係強勢,但jg 黎講有更好選擇,我之前話人馬強係因為佢招大原理同悟空差不多,但命中率係高過悟空,同埋佢論單挑能力同埋前期gank 能力都要比悟空好
至於你講果d adc ,一係無位移技一係輸出唔夠穩定,我強調adc 的意義係團戰就係用黎輸出,而小炮單挑係adc 中幾乎最強,加埋佢既射程夠遠,同埋有2招位移技,一招可攻可守,另一招,可收頭可推開人地,q 招仲要加攻速,配埋無盡電刀,係中期最高輸出應該係佢.正正中期就係打團既時間,勝既一方就可以變成順風局.
id 我就唔俾啦,不過我之前好似都有呢到講過下,你就當我金牌啦

作者: nokix2x2 時間: 14-7-22 10:06 PM

回覆 firenz818 的帖子

其實呢個版酒桶真係最強既上路
而惡魚實在唔前唔後

依家都乜咩人玩惡魚

理論上當雙方技術都達到最極限/技術一樣
酒桶真係勁D

作者: nokix2x2 時間: 14-7-22 10:11 PM

回覆 firenz818 的帖子

仲有1個上路英好OP 我見RANK網統計呀卡利勝% 55%左右排頭3隻英

出裝布甲+5水
玩龜塔流合1160 之後直接火甲
可以話夠所有上路英打

之後重點都係支援其他路要主動開戰
對面同你打就佢死
重點都係放係AD身上

作者: nokix2x2 時間: 14-7-22 10:15 PM

回覆 firenz818 的帖子

識玩酒桶應該唔會對面1波流到
因為有R 有閃有E+Q媛速

作者: firenz818 時間: 14-7-22 10:26 PM

nokix2x2 發表於 14-7-22 10:15 PM
回覆 firenz818 的帖子

識玩酒桶應該唔會對面1波流到

遇到趙信／天使／j4呢類既英其實好難打，酒桶有回復姐，但係都要靠普攻食兵，一食就好易比人換到血或者一波追住打

作者: sunny037732 時間: 14-7-22 10:34 PM

其實點解你唔睇下攻略網,.http://lol.uuu9.com/gl/呢個網你不坊睇下,再去否認我既觀點都味遲.

作者: firenz818 時間: 14-7-22 10:35 PM

sunny037732 發表於 14-7-22 10:06 PM
你所講既英都係d冷門例子,無錯佢地係團戰強,但係肥唔肥得起都成問題,因為佢地對線好若.先逐個講,石人:團 ...

石頭既大技基本上單靠治療既１秒加速係避唔開，要大中３個其實唔難，放左技之後仲有減攻速減跑速，配合隊友可以直接秒幾件。
人馬大招係勁，不過前期就好易比人入侵jg區仲要冇得還手，遇到李星／趙信呢類，真係連食個雙buff都有困難。
比起悟空，人馬既優勢就係可以直接切入對面後排，不過都係要靠隊友配合。

ad意義係團戰冇錯，但係逆風局既ad一直都係冇傷害。射程方面係等級未高之前其實普通，就算18lv之類，圖奇開大絕對係全game入面射距最遠。雖然炮娘有二技跳走，不過係跳走其間會浪費左一秒左右輸出，除非情況特殊，一般黎講都係拉住打會有效率好多。

而且，既然二技同大技都係用黎保命又唔食ad系數，咁同浪費左兩招技能真係冇分別，講有用講易爬分，一定係黑人為首。

btw，唔洗當，你真係金牌。

作者: nokix2x2 時間: 14-7-22 10:37 PM

回覆 firenz818 的帖子

酒桶都應該夠打
以我睇人玩
依家唯一一個英可以同酒桶有得打 55開
就係奶大力

作者: firenz818 時間: 14-7-22 10:40 PM

nokix2x2 發表於 14-7-22 10:37 PM
回覆 firenz818 的帖子

酒桶都應該夠打

講上路無counter，我都覺得潘森係一哥。

作者: sunny037732 時間: 14-7-22 10:48 PM

firenz818 發表於 14-7-22 10:35 PM
石頭既大技基本上單靠治療既１秒加速係避唔開，要大中３個其實唔難，放左技之後仲有減攻速減跑速，配合隊 ...

我就當石人強勢,點解ogn比賽無人用佢呢,好明顯就係穩定性不足.圖期之前係好強勢,但係而家開左q 係走唔到佬變左佢招q係失去效用,而且最近版本nerf 哂佢d基礎能力值,招毒又nerf 埋,佢已唔再係強勢ad.今期到黑人nerf ,射程不足係黑人最大若點,咁佢點仲會係強勢呢.再者,小炮得益於呢個版本飲血劍被nerf ,而小炮之前都係直出無盡先係最高輸出,變相佢唔會因為飲血劍既nerf 而導致佢唔夠輸出.
btw:你可以keep 住反駁我,講得通就得,我都會buy 的.

作者: peal2 時間: 14-7-22 11:11 PM

sunny037732 發表於 14-7-22 10:48 PM
我就當石人強勢,點解ogn比賽無人用佢呢,好明顯就係穩定性不足.圖期之前係好強勢,但係而家開左q 係走唔到 ...

你肯講點解扮鑽石未姐

作者: firenz818 時間: 14-7-22 11:12 PM

sunny037732 發表於 14-7-22 10:48 PM
我就當石人強勢,點解ogn比賽無人用佢呢,好明顯就係穩定性不足.圖期之前係好強勢,但係而家開左q 係走唔到 ...

ogn比賽唔係代表全個lol既生態，石人一直都唔強勢，只係用黎證明「就算團戰強勢，都唔代表易爬分」，原因都你都講過，難肥。

圖奇招毒，其實一直以黎個數值都唔高，就算疊夠幾層，都係得幾十真傷，講真nerf唔nerf都係咁上下。
反而今次係黑人大buff，減佢50射程，將佢招e變成無消耗勁短cd，而q既最遠射程一樣冇變，所以我唔認為佢係nerf，依然極強勢。

不過炮娘間接buff既原因係嗜血比人nerf，間接導致一堆出嗜血既ad被nerf，不過相反，係唔出嗜血既情況下，小炮依然係弱勢，近期仲要出現多左庫奇ad，講輸出，我唔夠膽講庫奇高過炮娘，但係開戰前既poke絕對係庫奇有優勢。

作者: 我叫KEN哥 時間: 14-7-22 11:33 PM

firenz818 發表於 14-7-22 11:12 PM
ogn比賽唔係代表全個lol既生態，石人一直都唔強勢，只係用黎證明「就算團戰強勢，都唔代表易爬分」，原因 ...

冇錯, 圖奇雖然技能上弱左DD, 但係妖夢加強左, 嗜血改廢左, 所以仲係維持強勢
至於而家既黑人, E技真係好勁, 所以佢仲會比人NERF
庫奇係勁, 但過左前中期佢就開始輸比砲娘。

作者: firenz818 時間: 14-7-22 11:38 PM

我叫KEN哥發表於 14-7-22 11:33 PM
冇錯, 圖奇雖然技能上弱左DD, 但係妖夢加強左, 嗜血改廢左, 所以仲係維持強勢
至於而家既黑人, E技真係好 ...

[utube]FAg4y2co01M[/utube]
隻黑鬼依加直情比人BUFF到冇天理，我完全理解唔到NERF50射程叫乜鬼NERF

作者: nokix2x2 時間: 14-7-23 08:52 AM

本帖最後由 nokix2x2 於 14-7-23 08:54 AM 編輯

回覆 firenz818 的帖子

我諗每個鑽石/菁英玩家
都會留意OGN比賽
再學佢地簡英 (比如之前 LB 雷玟黑人惡魚 LULU等等)之前版本根本係上分機器
仲會學玩法符文天付

可以話OGN代表整個LOL生態環境

作者: hixo001 時間: 14-7-23 08:58 AM

識用一定用卡特

作者: firenz818 時間: 14-7-23 11:39 AM

nokix2x2 發表於 14-7-23 08:52 AM
回覆 firenz818 的帖子

我諗每個鑽石/菁英玩家

我重覆一次，比賽場既PICK英係經過考慮，有評估過對方實力，考慮過換線，做好一切準備先揀既。
盲目跟比賽出英唔係爬分既方法。

作者: sunny037732 時間: 14-7-23 01:06 PM

firenz818 發表於 14-7-22 11:12 PM
ogn比賽唔係代表全個lol既生態，石人一直都唔強勢，只係用黎證明「就算團戰強勢，都唔代表易爬分」，原因 ...

圖期機動性唔夠小炮高,同埋團戰無一個良好既輔助保佢就好易死,積分場就成日係咁,sup唔多會保ad的.黑人nerf唔nerf 就見人見智,有人話佢射程nerf到唔洗玩,亦有人話變相機動性增加,但於我黎講,佢明顯係nerf 左.因為奧巴馬前期裝備味成型時係唔強勢,射程減少會大大增加佢對線食兵風險.而佢招e無錯係可以不停用,但前期係要A到人先得,所以用黎打追擊就會好強勢.但由於你團戰你要去打坦,基本上你無咩可能輸出到後排,如果對面多突進英同CC英,咁你要就容易被控死.結論係奧巴馬用黎打AD 唔再實際,類似葵恩呢D英打TOP 會實用好多倍.如果你睇返近期奧巴龍既勝率係低過之前好多,同埋出場率都係好低.

作者: 沉醉之晚 時間: 14-7-23 05:42 PM

本帖最後由沉醉之晚於 14-7-23 05:43 PM 編輯

回覆 firenz818 的帖子

的確比賽係戰術為先
但每次比賽選手選得出由冷落變強勢一定有原因
呢三隻上路對線就算被壓制保守方面 CS 都唔會有差得太多囉我覺得(始終場場都會有一場被壓制)

更何況呢D PICK英 POKE唔起都中後期打團坦得前期被壓都可以遠攻尾CS啦

就近排AD/AP重出江湖寇格魔為例唔記得同你講寇格魔而家都對線好OP
由Samsung Galaxy Blue vs SK Telecom T1 6月份果時
Samsung Galaxy Blue出左寇格魔
而家GPL LNL 個個都用
佢D W 打%...

作者: x健三x 時間: 14-7-23 06:05 PM

上路應該加埋酒統同埋菲歐拉(回血被動)
中路應該加埋球女(清兵團戰都一流)
AD砲娘
JG草人
以上都係爬分唔錯既選擇

作者: sunny037732 時間: 14-7-23 06:35 PM

x健三x 發表於 14-7-23 06:05 PM
上路應該加埋酒統同埋菲歐拉(回血被動)
中路應該加埋球女(清兵團戰都一流)
AD砲娘

兄弟你跟觀點跟我好相似,有興趣留下id 嗎.

作者: 183593825 時間: 14-7-23 06:43 PM

回覆 sunny037732 的帖子

兄弟你跟觀點跟我好相似,有興趣留下id 嗎.(我唔撚會放出去架,真架

)

作者: peal2 時間: 14-7-23 07:30 PM

183593825 發表於 14-7-23 06:43 PM
回覆 sunny037732 的帖子

兄弟你跟觀點跟我好相似,有興趣留下id 嗎.(我唔撚會放出去架,真架) ...

佢實比個金牌AC同你講係分AC :O)

作者: 燕返卍 時間: 14-7-23 09:11 PM

睇D回文真係學到好多野
多謝哂

作者: x健三x 時間: 14-7-23 09:22 PM

sunny037732 發表於 14-7-23 06:35 PM
兄弟你跟觀點跟我好相似,有興趣留下id 嗎.

我最近少玩喇
以上觀點都係我係金區既所見所聞

作者: x健三x 時間: 14-7-23 09:25 PM

firenz818 發表於 14-7-22 10:40 PM
講上路無counter，我都覺得潘森係一哥。

潘森用約瑞科

作者: firenz818 時間: 14-7-23 11:31 PM

沉醉之晚發表於 14-7-23 05:42 PM
回覆 firenz818 的帖子

的確比賽係戰術為先

係爬分方面，你需要既係一隻要CARRY全場既英雄，而唔係一隻穩定食兵打團戰既英雄，因為你既隊友可能分分鐘仲崩過你，連團戰都唔洗打就20GG

作者: firenz818 時間: 14-7-23 11:34 PM

本帖最後由 firenz818 於 14-7-23 11:34 PM 編輯

x健三x 發表於 14-7-23 09:25 PM
潘森用約瑞科

潘森既Q:
Physical Damage: 65/105/145/185/225 (+1.4 per bonus attack damage)
Yorick既E:
Physical Damage: 55/85/115/145/175 (+1.0 per bonus attack damage)
(傷害既40%生命回復)

單睇數值好似潘森高d，不過未遇到潘森對yorick既場，所以答你唔到

作者: MaTakLoLz 時間: 14-7-24 05:40 AM

回覆 sunny037732 的帖子

奧巴馬NERF你都夠膽講= =...
http://pn.lol.tw/champ.php?patch=2
唔好話係我呃你
Bebe自己都講奧巴馬變神一般的存在請問你有冇真正了解過佢d技既改動...

佢依家既情況等同以前雷夫阿叔一樣 6~9lv 帶把bf劍請問唔計jg黎gank邊隻ad夠佢換??
手短代表爆發力更強依家連大叔都唔夠奧巴馬打請問nerf在何處...?

作者: x健三x 時間: 14-7-24 07:32 AM

firenz818 發表於 14-7-23 11:34 PM
潘森既Q:
Physical Damage: 65/105/145/185/225 (+1.4 per bonus attack damage)
Yorick既E:

約瑞科對線未必可以打出好大既優勢但係至少唔會比佢壓
而且後期都比潘森有用輸出都好高

作者: sunny037732 時間: 14-7-24 12:00 PM

MaTakLoLz 發表於 14-7-24 05:40 AM
回覆 sunny037732 的帖子

奧巴馬NERF你都夠膽講= =...

奧巴馬的確係nerf ,佢nerf 既係ad 位置,但增強既係單人線,奧巴馬更適合打單人路線,如中路或上路.你睇返ogn 比賽就知,奧巴馬一改左,ogn 比賽果d教練都唔會比人用佢,因為奧巴馬打團輸出太危險,太少輸出空間,基本上日後都好難見到ogn比賽有奧巴馬出場.但是,積分場仍然係好強勢,更能勝任上單位置.
btw :每個人都對英雄有唔同既理解,無錯人地選手講d野說服力大d,但係咪一定全部岩哂呢,我更會信客觀既分析.bebe 話奧巴馬的是神的存在,但係佢係勝率係咪真係可以反映佢係神的存在,呢點我不敢苛同.

作者: sunny037732 時間: 14-7-24 12:06 PM

ogn 比賽,小炮開始出場了

作者: firenz818 時間: 14-7-24 03:27 PM

sunny037732 發表於 14-7-24 12:00 PM
奧巴馬的確係nerf ,佢nerf 既係ad 位置,但增強既係單人線,奧巴馬更適合打單人路線,如中路或上路.你睇返og ...

又講比賽

，如果團隊入面有人用d有破陣既英雄，例如酒桶趙信，奧巴馬既輸出空間就會大大增加，佢地唔出只係戰術考慮，同呢隻英強唔強勢根本無關。
而奧巴馬出場去上中單人線，我諗又係源於faker拎黎打中路。以faker既技術，用潛水單中分分鐘都可以carry全場，唔通又代表隻野強勢？

bebe拎過世界冠軍講野都冇說服力，唔通你個金鑽講得有說服力？呢點我都不敢苛同

作者: chunhongbb 時間: 14-7-24 07:30 PM

firenz818 發表於 14-7-24 03:27 PM
又講比賽，如果團隊入面有人用d有破陣既英雄，例如酒桶趙信，奧巴馬既輸出空間就會大大增加，佢 ...

金鑽OP

係未新牌黎比菁英更難擁有更強既人權指數?

作者: 我叫KEN哥 時間: 14-7-24 08:18 PM

蠻易信得一可安天下

歡迎光臨 2000FUN論壇 (https://www.2000fun.com/)