2000FUN論壇

標題: 沉默就被人當契弟　By 百鬼夜行 [打印本頁]

作者: 童情 時間: 14-7-23 12:16 PM 標題: 沉默就被人當契弟　By 百鬼夜行

本帖最後由童情於 14-7-23 12:17 PM 編輯

近日太多言論，話我地百鬼「１２狗」衰咀炮抵死又好，話一代義正詞嚴打敵幫都好，戴戴頭盔先，此言論代表個人同百鬼眾人，並唔代表血色圖騰同凌雪閣，大家當茶餘飯後消遣下就算，反正最近個個都話我咀炮到飛天我都唔差在。

第一，當日血色收留我地，我地真心效忠佢地，同門派雲峯搞事，派一代做說客，出爾反爾，結果同大聯盟開打，係全個幫決定既事。當晚旋即有一班人退幫，原因係咩，我諗你問番當事人比較妥當。
我地撐左血色既個段時間，你自己問下血色舊人我地之後做左Ｄ乜。我地百鬼對血色係無愧。所以並無「拍拍羅友走夾唔抖啦」。

第二，我地係較早無幫既個幾日，大聯盟幾個幫都分別搵我地既人交涉，唔淨只邪教，做得出就唔好咁大聲話我地依樣個樣。一代眼紅邪教增加人力，依個無可厚非的，聲稱同盟線有好多玩家對我地有極大仇恨，結果威迫邪教踢我地。其實都唔係話一定唔留得既，只係開出既「洗底」條件係要比人殺唔還得手，比人炮就要企定定聽唔還得口，如果成功渡過觀察期，就證明我地真正洗底，相信換轉閣下都未必能夠忍受，所以我地「１２狗」係入左邪教後既１小時後就乖乖退幫。至於魅惑嶺同邪教開戰，再借題發揮搵一代攬，就係佢地盟線內部既事，我都唔係度評論。但如果仲有人可以大條道理話我地奶袋底，咁我個人覺得太不智。

第三，凌雪閣邀請我地入幫，係早過邪教。當日公孫芊尋係RC口口聲聲話大聯盟唔會郁凌雪，東窗事發趙暈劉天文一句無人知會就當凌雪錯,唔比收，唔係就打。每次一代打百鬼既我都係因為我地收敵線既人或者係佢地仇恨大既人，由岩岩合服百鬼收前惡人谷既人，到血色收左皇帥高登既人，再到依家凌雪收我地，開打／追殺既原因仍然一樣。同時自地敵線既人就得，同門收戰域(前皇帥)既人亦得。咁唯有係我地衰，害左凌雪既朋友。係度多謝凌雪閣既朋友。

另外，近日傳出既錄音，我先唔計較別雪所謂既：「收過凌雪閣前敵人，但無人反映＝一代無錯。」，又或者趙暈提出既「強姦完人地老母，家姐，細妹，轉頭入友幫同你做朋友」依種好有趣既例子。係我地入左邪教前後個一個鐘，別雪話淨係係比武區同義莊打無幫敵對人仕（意指我地），事實係我同君爺掛住邪教個名都比人殺，不過就係魅惑開紅囉，一堆一代係隔離護住，你用隔岸觀火黎形容都並無不妥。
淨係講咀炮，一代容許自己旗下歐陽兄弟炮哂全SER既人，容許同盟魅惑嶺同門隨意搵睇唔過眼既人（或者自己仇恨大既人）咀炮，然後針對我地既楊消，蕭峰咀炮人品格好唔要得。我講左D乜，識睇字既人應該會明白。咁我都只係會炮黑我憎既人吧。

入左凌雪閣之後，我地已經慳番啖氣暖肚，有留意開我地既人應該會知我地已經無白頻咀炮，面對「強敵」如雲峯，王賁白頻既侮辱，魅惑英雄帖對邪教既咄咄逼人，只因為我地係一代既敵人，所以衰咀炮就係人格低劣既情況下，我地只好笑而不語。

江湖追殺令係同門葵葉出，所以一代話唔關佢地事，有冇默許我就唔清楚，我又唔係佢地既人。仲有唔知係紫玄定趙暈話我地好有骨氣，比咁大頂高帽我地我都有D唔好意思。我地人就唔夠你地多，又唔可以咀炮你地，雖然我地都唔會話自己特別有骨氣，只係最基本既個人尊嚴都有既，退GAME就唔會住架啦，除非個SER聽日執，如果靜靜地企下百草都得罪，咁我講聲唔好意思囉，仲想我點喎。

重申：我出依個帖只係因為咁岩有雅興之外，都唔係為左博同情又或者要為自己辯護任何野，見近排咁多花邊新聞咁多事發生，你地咪當係茶餘飯後花生下囉。始終，九陰已經同香港一樣。

打機姐，要打咪打，死咪死，既然係敵對，又何必講經，你依樣唔岩個樣唔岩，一人出100連帖12個人加埋成6千幾蚊，為左你地我就覺得唔係好值喇，收收古譜黎擺仲好，你理得我用幾多錢收D咩之後企百草咩。

Ps。覺得我咀炮既朋友，其實我只係炮歐陽兄弟同埋魅惑同門某幾個人，你地要誤會我，咁我都無辦法。我次次比人打都係人地開紅先，唔通我次次有CAP圖又要話你知咩。識我既人，咁我都唔使解釋啦。
Ps2。　君囝話佢份人好NICE，係九陰和平使者，叫你地唔好再誤會佢。

阻左大家幾分鐘時間，岩睇覺得有趣咪留個言囉，你反駁我既，咁就要睇下我有冇心情同你辯論下，只不過，唔好再逐隻字針定義解釋個種，又或者講野講到比人洗哂腦咁囉。

童情

作者: harry-chan111 時間: 14-7-23 12:36 PM

一係唔好入線,一入就要做契弟咖啦,唔通班友同你講平起平坐

作者: gn25504076 時間: 14-7-23 12:42 PM

你咀炮，人地又有咀炮，但一代d咀炮撚又無話要過黎同你做fd，但你又要人地接受你做盟友:0 咀炮得就預左人地未必接受你。點解成日講到尋日串柒你今日錫晒你係好合理既事？

發帖不為什麼只為雅興，無目的無企圖又洗乜care外人點睇你地丫打機姐。都係果句，會睇呢d post既只有3種人，大聯盟線，大聯盟敵幫線，同埋玩2000fun多過九陰既人:]

作者: fanfan881 時間: 14-7-23 12:43 PM 標題: 弓

童情發表於 2014-7-23 12:16
近日太多言論，話我地百鬼「１２狗」衰咀炮抵死又好，話一代義正詞嚴打敵幫都好，戴戴頭盔先，此言論代表個 ...

聽玩九陰年資耐既朋友話當年邪教同一代做兄弟幫齊上齊落，因為一代天文趙暈練針被搶，幫一代同當時全服最強既神判，無雙，高登（似係宜家一代，魅惑，邪教）開戰出生入死，齊上齊落，當時邪教戰力比一代還要強，到大戰塵埃落定後一路沉寂阿門

作者: gn25504076 時間: 14-7-23 12:46 PM

btw,我有留意開你地，好難理解你地聲稱自己入凌雪前後無白頻出字，仲話笑而不語？入幫後由其頭幾日百草白頻d花生多到食唔晒，講經麽？

作者: 尋人勿探組 時間: 14-7-23 12:52 PM

強帖留名

作者: 小玉瓜 時間: 14-7-23 12:54 PM

fanfan881 發表於 14-7-23 12:43 PM
聽玩九陰年資耐既朋友話當年邪教同一代做兄弟幫齊上齊落，因為一代天文趙暈練針被搶，幫一代同當時全服 ...

塵埃落定後，邪教沉迷煮蛋，快活島以外既事不聞不問，同盟追殺置身事外，對大聯盟戰事參與度低到極點，事先知道血色入幫為打魅惑都照收可也，又敢問係咩野“齊上齊落”？

作者: ckc916 時間: 14-7-23 01:05 PM

邪教跟本無做齊上齊落

作者: koon1111 時間: 14-7-23 01:07 PM

人地連名都改埋,幾甘有誠意希望大家~同情~12狗

作者: 王小虎乄 時間: 14-7-23 01:37 PM

情哥.. 做咩出D咁感性既貼

作者: sk237698 時間: 14-7-23 02:07 PM

本帖最後由 sk237698 於 14-7-23 02:13 PM 編輯

就我知道既野需要補充 , 咁當然你會唔會睇就睇你既雅興 , 洗底令 , 係邪教方提出 , 唔係大聯盟 , 你要先分清楚 , 邪教流出開會錄音已經講得清清楚楚 , 明明白白 , 我唔知道係咪邪教昆埋你地 , 要知道邪教全部都係君子黎

咁點解爆發開戰就唔單止因為你地啦 , 邪教成班圍內開會講到明收你地 , 你地就講到明要打魅惑嶺 , 一隻手邊打得響? 再者開會都唔係未聽過邪教高層把聲 , 竟然可以話唔知情? 真係麻煩佢地老吹都唔該搵個好d既借口

至於你話魅惑嶺咀炮你地 , 只能說 , 就好似每個幫都幾個人鐘意咀炮 , 唔係下下都可以阻止的 , 同埋睇下仇恨度囉

以上留言只代表本人立場

作者: 玩家心聲 時間: 14-7-23 02:21 PM

本帖最後由玩家心聲於 14-7-23 02:24 PM 編輯

回覆童情的帖子

DLLM你條12狗尼個未就係聯盟屠狗你嘅原因LO.
日日2KFUN開埋哂D飛機文打飛機,同D人講話我最撚憎人講粗口,之後補句我DLLM臭西.有咩分別?
你班12狗講到自己幾甘把炮有種,噢!原來攪散百鬼解幫,到入血色攪散血色拍拍屎忽走夾唔抖.
到前排扮契弟呃入邪教攪分化失敗又走難甘走,之後又扮死狗扮可憐呃入凌雪拉仇恨.
尼個未就係你班12狗嘅真面目LO.出POST驚人爆你班12狗D衰野牙?
唔好叫12狗啦, 叫12走狗啦

作者: 流氓紅 時間: 14-7-23 02:29 PM

我對唔撚住大牛雄丫我日日企百草掛奇遇中左無根奇遇丫屌

作者: 軒轅青陽 時間: 14-7-23 03:14 PM

估唔到大聯盟咁睇得起我百鬼
連個執左笠咁耐既吹水群都要放針

由百鬼到血色一起不離不棄鍥而不捨
佩服佩服

作者: SSYHK 時間: 14-7-23 03:48 PM

回覆小玉瓜的帖子

置身事外，哈哈哈。

即係要好似你地咁無人都開追殺咁先叫齊上齊落，當敵人係殺你全家既仇人先係盡責，明哂

作者: 小玉瓜 時間: 14-7-23 03:58 PM

SSYHK 發表於 14-7-23 03:48 PM
回覆小玉瓜的帖子

置身事外，哈哈哈。

你地睇住同盟係隔離俾人打，然後一句無追殺唔想有殺6就大條道理堂而皇之袖手旁觀。邪教真係好高貴:O
as per同盟開會，係葉小飛同企鵝提出洗底計劃，點解會變左一代提出？邪教係同盟前就一套，血色前又一套？

作者: SSYHK 時間: 14-7-23 04:27 PM

小玉瓜發表於 2014-7-23 15:58
你地睇住同盟係隔離俾人打，然後一句無追殺唔想有殺6就大條道理堂而皇之袖手旁觀。邪教真係好高貴:O
as p ...

即係言下之意話成條盟線無試過見到有敵幫唔打？咪玩啦，兄弟，你太年輕了。

作者: gn25504076 時間: 14-7-23 04:53 PM

SSYHK 發表於 14-7-23 04:27 PM
即係言下之意話成條盟線無試過見到有敵幫唔打？咪玩啦，兄弟，你太年輕了。 ...

咁大聯盟之間因為奪書出爭執，邪魅唔會係唯一
但龍小邪事先知情然後收血色入黎打同盟，呢個做法唔知又係咪前無古人?

追殺令 - 同門列出
洗底令 - 邪教葉小飛企鵝提出
錄音 - 據報禦影聽埋一代都未聽
而家你個幫D人就將D茅頭向晒趙暈劉天文?.?

作者: mie_花 時間: 14-7-23 07:16 PM

玩家心聲發表於 2014-7-23 14:21
回覆童情的帖子

DLLM你條12狗尼個未就係聯盟屠狗你嘅原因LO.
日日2KFUN開埋哂D飛機文打飛機,同D人講話我 ...

搞散百鬼搞散血色，真係笑而不語，一睇就知你乜都唔知人講咩你講咩，下次吹花人做做功課先好唔好？你話佢地開post打飛機，你何嘗唔係回post當s9m完人？人地講佢睇法就叫打飛機，你講你睇法就唔叫打飛機，得啖笑。

作者: 76toyz 時間: 14-7-24 03:14 AM

玩家心聲發表於 14-7-23 02:21 PM
回覆童情的帖子

DLLM你條12狗尼個未就係聯盟屠狗你嘅原因LO.

死垃圾我屌你老母呀

作者: ZeRo柔雅 時間: 14-7-24 03:57 AM

老老實實我地百鬼唔係乜野正義既朋友都唔算好人

不過你地一代憑乜lun野形容自己咁高尚咁無辜 diu

作者: gn02013846 時間: 14-7-24 07:29 AM

玩家心聲發表於 2014-7-23 14:21
回覆童情的帖子

DLLM你條12狗尼個未就係聯盟屠狗你嘅原因LO.
日日2KFUN開埋哂D飛機文打飛機,同D人講話我 ...

冇文化真可怕，九唔搭八既言論

作者: 玩家心聲 時間: 14-7-24 09:44 AM

回覆 ZeRo柔雅的帖子

班12狗都算一條好狗,我認同

作者: gn02013846 時間: 14-7-24 11:37 AM

玩家心聲發表於 2014-7-24 09:44
回覆 ZeRo柔雅的帖子

班12狗都算一條好狗,我認同

又唔見你d牙變左象牙

作者: 回頭一點紅 時間: 14-7-24 12:02 PM

明明係1打1.個日好似係你地出手打雲峯先

作者: 回頭一點紅 時間: 14-7-24 12:02 PM

係你地出爾反爾

作者: iamseanan 時間: 14-7-24 05:34 PM

講撚完成本金剛經
咪又係成班契弟

作者: 王小虎乄 時間: 14-7-26 01:28 AM

哈.........哈............哈..................

歡迎光臨 2000FUN論壇 (https://www.2000fun.com/)