2000FUN論壇

標題: 邪教係咪仲係未知自己衰咩？ [打印本頁]

作者: 9yinn 時間: 14-7-26 01:45 AM 標題: 邪教係咪仲係未知自己衰咩？

本帖最後由 9yinn 於 14-7-26 02:44 AM 編輯

趙暈逼你出線？趙暈護你地邪教護到出曬面啦，
到左最後一刻，一代都唔願意解邪教盟，
反而邪教搶先聯合曬戰殤、皇帥倒宣一代戰。
有趣！

成日諗咁多原因，咩一代線手痕要搵人打之餘此類？
係要幻想曾經既同盟幾偽君子、幾醜惡，
又點解唔諗下自己之前一路做過咩黎？

自從邪教、一代、魅惑嶺聯盟，即所謂既鐵三角稱霸九陰，
邪教既人只係出現係世王時間、禁地同煮蛋，
打交開追殺？我地無人開隊啊！我地無人上線啊！
到打到皇帥、戰殤接近收曬皮既時候，
又用「你地都夠人啦？」做解釋。
唔緊要，可能邪教真係多生活玩家呢。
（說來奇怪，最近打魅惑嶺又出到咁多人既？）
對魔塚宣戰？朋友黎啵！識架啵！
得得得，明既，唔想對朋友開刀唔難為你。
魔塚被打散後，招曬前魔塚入幫會。
都係個句啦，朋友麻，要體諒。
到左改版後世王計輸出，
邪教又要求入返線，舊戰友，當然俾啦！

講到呢到，凳當時一代線有呢個咁盡責既同盟眼濕濕。
好，繼續。

唔知係咪屎忽痕，定吸納得太多前一代敵線而令到諗野都唔同左，
對敵幫毫無戰意既邪教，只係因為一次奪書事件，
就將當時既同盟魅惑嶺如世仇一般看待，誓要搵機會滅魅惑嶺幫咁。
為左對付呢個所謂同盟，更不惜招攬十二星座等等，
打算利用「左手轉右手」同「洗底大法」，以為唔會出事。
（有趣既係，近日有人英雄帖不斷將提出洗底大法既罪名推曬俾一代）
邪教勢估唔到十二星座唔肯就範「洗底」之餘，
一段意外既錄音將「收敵人打同盟」一事曝光左。

本住龍小邪同趙暈既交情之下，
邪教係咁既情況下，都仲可以搵到機會，
係唔受一代線其他幫會插手之下同魅惑嶺單對單，
不過結果打起上黎接連慘敗，唯有又陰Ｄ陰Ｄ，
當正其他同盟係盲咁，招返曬班前血色既入幫試圖扭轉劣勢。

其實你地做咁多野，大家有眼睇，有眼見，
試問一代線既人（一代、禦影、同門、無名居），經過咁多事情之後，
再睇住邪教你地咁樣做，仲會唔會無動於衷？

咩一代迫你地選擇？被踢出盟線怪就怪自己啦！
根本趙暈、劉天文想保你地都保唔住，
真係想幫你兜，都唔知點兜好啦話？
唔係一句「費話」就可以當無事發生，
仲好意思責怪趙暈唔守承諾？

題外話，最近聞說邪教不斷有意無意地，
表達到自己好似解放中立幫打世王咁，
唔知仲以為邪教以前無份係一代盟線到排隊打世王添，
咁正義既邪教點解當時又唔出聲既？

再補充多句，中立幫入面有幾多邪教既分身，
大家心裡有數啦，哈哈。

作者: CBL 時間: 14-7-26 01:50 AM

中肯得黎又中POINT

作者: ＊ｋａｌａ 時間: 14-7-26 01:55 AM

又有花生~正丫

作者: wohoo 時間: 14-7-26 01:58 AM

作者: 438698 時間: 14-7-26 02:08 AM

邪教係咪仲係未知自己衰咩？

衰在識錯一代無情無義既偽君子

正係睇樓主標題就得下面既內容

作者: 1987130 時間: 14-7-26 03:19 AM

見小邪之前出千字文你地又出ar 講真依加誰對誰錯好緊要咩唔打都打左啦講咁多又春用咩定係你想係2000fun幫一代攞返d失去左既誠信同佢係背後做既陰濕野有d野我地唔講唔代表我地邪教唔知

作者: 1987130 時間: 14-7-26 03:29 AM

補充一句係魅惑解同盟宣敵對再開追殺我地完全被動同埋都係個句係自己rc講野都要就住ar無野ar！！！！你地完全唔會覺得一代名將依條盟線有問題架喎盟線rc都要放針錄音截圖依d又係咩道理？？？

作者: cathytue 時間: 14-7-26 03:40 AM

on lun 9 不知所謂

作者: ZeRo柔雅 時間: 14-7-26 03:46 AM

本帖最後由 ZeRo柔雅於 14-7-26 03:47 AM 編輯

想問魅惑開邪教追殺果期

我地幾時又入返邪教嫁?

仲有我唔知邊個提出洗底但係洗底計劃同12聖宮名單都係由劉天文同趙暈把口講出黎

你唔好同我講乜野同盟要求叫到要點點點  咁樣係咪人地叫到叫你食屎就食含撚就含

其實兩邊都係本住加大對方既錯  美化自己既原則出貼老老實實  你地咁做

都係想對面理虧姐不過打機呢家野  講咁多人地都係當笑料食花生渣MA

想向中立幫同散人埋手  各位比D實際小小既行動啦  唔好學CY果D咁得把死人口OK?

作者: 76toyz 時間: 14-7-26 04:18 AM

上面0小時在線既人都係樓主既分ac.樓主你柒唔撚柒d呀

作者: iamseanan 時間: 14-7-26 08:08 AM

回覆 ZeRo柔雅的帖子

實際行動咪打撚到垃圾邪教殘廢囉
以為食滑魅惑, 真係柒到甩碌

作者: hkbn888 時間: 14-7-26 09:18 AM

對魔塚宣戰？朋友黎啵！識架啵！
得得得，明既，唔想對朋友開刀唔難為你。

有啲post話當時盟主同講經文都退左一代真心唔知原因求解答

作者: 尋人勿探組 時間: 14-7-26 09:40 AM

認同第一段
雖然邪教被踢出大聯盟但係無名一代都未郁手解佢盟
佢就立即解人盟再宣敵對,追殺

作者: SSYHK 時間: 14-7-26 10:16 AM

即係永遠只可以等你地線行動先？

即係要你地法院對我地宣判完死刑，我地都未郁得住，仲要等你地執行埋先，我地死左啦，斷埋氣先郁得？

咩而家呢個唔係你地想要既結果咩？

定係哦，原來你地本來踢左我地出線，以為我地就會以我地一個小小既幫會去抗衡你地條大大既盟線？我自問就無咁既能力，你地太睇得起我啦！

作者: siuwongzi 時間: 14-7-26 10:49 AM

回覆 SSYHK 的帖子

小邪，只怪你在兇手開鎗前一刹那避撚左佢粒子彈。
點解你吾比我㩒住彈？
點解你吾比我貓虐老鼠完先屠你？
點解你要打九九九級四？

佢地先有尊嚴架，邪教無架。
佢地先講道理架，吾反口架。

呢舖吾洗吾開心架，失去左條鐵三角底褲，但全世界也認為邪教系值得尊重的。
因為，就算你D幫眾講人閒話又好點都好，至少眼見邪教言行一致，大丈夫所為也。
見到一袋味滑果D咁既。詭辯。反口。陰毒。專横。，真系作嘔……

作者: sk237698 時間: 14-7-26 11:13 AM

都開哂戰何必再出po , 有恩有怨直接上戰場打多幾下吧

贏既企係度 , 輸既訓返底

作者: zxcvb123 時間: 14-7-26 11:16 AM

一代俾邪教兩個選擇
人地邪教唔撚鐘意咪解鳩你地同盟囉
下下都要等你地一代行動先咩

作者: 一袋萬歲 時間: 14-7-26 11:17 AM

邊個講我大一袋既壞話
我地打魔塚果陣，趙大盟主同天文大佬退埋幫唔打，幾咁有情有義！
我地火山哥係反口，但係佢都認：我係衰仔，我反口！咁你仲想點呀
至於陰毒，我地大一袋視盟友如兄弟手足，前提你唔搶我野食同玩具。何來陰毒？
另外我大一袋隨時歡迎各大中立幫「打世王」，打好喇，唔好食呀。
仲有我地大一袋開人波之前，絕對會比選擇對方，好自由既，唔會霸王硬上弓喎，何來專橫呀！？

作者: siuwongzi 時間: 14-7-26 11:25 AM

回覆一袋萬歲的帖子

我頂你笑死朕

作者: siuwongzi 時間: 14-7-26 11:26 AM

回覆 sk237698 的帖子

仆你個臭街言論自由無撚埋

一代明將橫撚柒到呢……

作者: 6890 時間: 14-7-26 11:42 AM

之前血色d人係比武區又唔見你地去殺,之後血色過左邪教,凌雪閣就話打仲開追殺
但上面你就話係唔受一代線其他幫會插手之下同魅惑嶺單對單,之前有一個post話一代睇邪教唔順眼就過晒魅惑打
係人都知魅惑無人啦,同埋講到邪教錯晒咁
其實成件事係一代搵藉口打埋邪教

作者: 6890 時間: 14-7-26 11:46 AM

一時一樣,都唔知邊個先真

作者: 一袋萬歲 時間: 14-7-26 11:48 AM

6890 發表於 14-7-26 11:42 AM
之前血色d人係比武區又唔見你地去殺,之後血色過左邪教,凌雪閣就話打仲開追殺
但上面你就話係唔受一代線其他 ...

家陣個ser咁少人，想搵個人打交都冇啦！
邪教送上門唔通唔打咩？緊係借啲而開佢波啦，有交打，過癮嘛。
九陰真經，這就是大一袋的江湖！

作者: sk237698 時間: 14-7-26 11:49 AM

一代有邊D人去左魅惑打?

作者: 6890 時間: 14-7-26 11:53 AM

本帖最後由 6890 於 14-7-26 11:56 AM 編輯

你地又話中立幫入面有幾多邪教既分身，大家心裡有數啦
你知道中立幫有邪教分身姐係你地都係中立幫到放針啦搞笑
錄音又有埋,rc又放埋針0.0
rc入面有幾多一代既分身，大家心裡有數啦

作者: kazafkong232 時間: 14-7-26 01:17 PM

尋人勿探組發表於 14-7-26 09:40 AM
認同第一段
雖然邪教被踢出大聯盟但係無名一代都未郁手解佢盟
佢就立即解人盟再宣敵對,追殺 ...

個人認為 : 由趙盟主開出果兩個"無喱頭選擇"比龍小邪既時候 = 同邪教宣戰啦，邊個解同盟開追殺先已經無關痛癢啦。

作者: 9yinn 時間: 14-7-26 01:26 PM

本帖最後由 9yinn 於 14-7-26 01:30 PM 編輯

哇！一大批邪教護主犬衝曬出黎，
首先覆番1987130，
宜家只准邪教打手打千字文，唔准其他人講多幾句？會唔會咁野蠻啊？
你成日提住有Ｄ野唔講唔代表你地唔知，
不如講黎聽下？唔好學埋龍小邪個套口吻啦！你邊位呀！
至於ＲＣ條針，你敢肯定係一代線既人？

至於龍小邪親人回覆我呢Ｄ卡喱啡實感榮幸，
不過，你個例子當然無錯，但帶出既問題係，
如果一代線真係一路只係搵藉口黎踢你地出線，
點解要等到邪教你地可以聯合曬其他敵幫，
一代都仲未正式解盟？點解宣佈完死刑都唔即刻實行？
拖，一路拖，拖足兩日，
除左趙暈、劉天文仲係到諗辨法兜緊之外，
我就諗唔到其他原因，
你地咁有創意，不如又試下解釋下。

至於你最尾個段，哈，
你地何嘗又唔係想踢魅惑嶺出線呢？
（相信錄音都已經講得好清楚）
而重點係點解聯盟既人想踢你地出線，
或者叫做選擇踢你地出線（而非魅惑嶺）？
以你同趙暈既交情，一代要踢人出盟搵交打，
大可以選擇踢打交更多人既魅惑嶺出盟，

睇黎你地仲未知自己衰咩！

最後啦，
有人作故仔作到一代過曬去魅惑嶺打邪教，
你舉個例子黎聽下？
定係仲唔肯面對單對單輸俾魅惑嶺既真相？

作者: 6890 時間: 14-7-26 01:35 PM

自己搵反個post啦,講咁多做咩,一代仲未知自己衰咩,仲覺得自己岩晒(我講d野可以係其他post搵到)自己唔睇就以為自己岩晒
ＲＣ條針，你敢肯定係一代線既人(我敢肯定)如果唔係點知件事(笑)

作者: 6890 時間: 14-7-26 01:36 PM

唔通係邪教本身d人錄音咩搞笑

作者: 9yinn 時間: 14-7-26 01:38 PM

6890 發表於 14-7-26 01:35 PM
自己搵反個post啦,講咁多做咩,一代仲未知自己衰咩,仲覺得自己岩晒(我講d野可以係其他post搵到)自己唔睇就以 ...

你敢肯定？我夠可以話係皇帥既針錄低傳俾一代線玩分化啦？傻豬。

作者: 6890 時間: 14-7-26 01:38 PM

一代過曬去魅惑嶺打邪教,我係咪作故仔自己睇post,又係你地講,講完又唔認,咁唔好開post diu人啦,功課都未做好

作者: 6890 時間: 14-7-26 01:40 PM

好似你有創意d wo皇帥既針

作者: 9yinn 時間: 14-7-26 01:42 PM

6890 發表於 14-7-26 01:38 PM
一代過曬去魅惑嶺打邪教,我係咪作故仔自己睇post,又係你地講,講完又唔認,咁唔好開post diu人啦,功課都未做 ...

想同做，係兩回事。
我想屌你老母，係咪就真係屌左你老母呀？

做功課？睇二千紛連敵我都不分，
我要扮邪教打手，亦得，得左。
不如真係睇返九陰發生既事實啦。

作者: 尋人勿探組 時間: 14-7-26 01:43 PM

咪撚煩啦上面個幾位
邪教e家自稱緊邪惡

乜都係邪教錯
大聯盟係正義既朋友

作者: CBL 時間: 14-7-26 01:47 PM

9yinn 發表於 14-7-26 01:26 PM
哇！一大批邪教護主犬衝曬出黎，
首先覆番1987130，
宜家只准邪教打手打千字文，唔准其他人講多幾句？會唔 ...

魅惑嶺曾經係低潮的確係事實, 有一段時間的確連半團人都冇,
放AC的放AC, 冇上的冇上, 好多人的戰意都開始減少,
但係, 當邪教奪書主動打魅惑嶺果一刻開始, 魅惑嶺已經開始重新召集舊人,
到聽到錄音之後, 更加即時搵劉天文, 講到明就算唔夠人, 都要照打邪教,
劉天文一直都係好言相勸, 覺得魅惑嶺而家的實力, 未必夠邪教打,
當然, 本人都認為魅惑嶺當時的人數實力, 同邪教比好似有一段距離.
翌日, 魅惑嶺即刻係WHATSAPP群召集, 放左AC的都即刻收AC, 又或者用自己幫的分身幫手,
少上的人都上返晒黎, 最後集到一團人打邪教, 魅惑嶺係本住明知唔夠打, 都要打的心態主動出擊邪教,
就好似之前有人講, 唔通等邪教主動打佢地先還擊?
邪教一直高估左自己幫的實力, 所以單幫打單幫, 俾魅惑嶺打到謝晒,
跟住仲收多一堆人入邪教幫手, 而魅惑嶺當時未有其他人加入,
邪教自以為是的態度, 真係可笑又可悲,
唔怪得經過蘇州大街小巷, 都聽到小童係度唱童謠：
天陰陰, 眼濕濕, 小邪唔認七, 邪教要不得, 全幫洗屎忽

作者: 6890 時間: 14-7-26 01:52 PM

講到一代線岩晒咁
中立幫擺針又岩
rc擺針錄人音又岩
之前血色係比武區唔打又岩
到血色退幫入邪教同凌雪之後開追殺又岩
有個post話一代睇邪教唔順眼,入魅惑打邪教仲話我作故仔又岩
其實係咪邪教錯自己睇

作者: 酷男 時間: 14-7-26 02:11 PM

邪教應該轉美服啦，起碼打中文，Rc講野應該無人識聽，但一定要學識sky horse先

作者: 9yinn 時間: 14-7-26 02:23 PM

酷男發表於 14-7-26 02:11 PM
邪教應該轉美服啦，起碼打中文，Rc講野應該無人識聽，但一定要學識sky horse先 ...

除左放針落同盟ＲＣ之外，你地仲識駁咩？
其他事情又想一句「費話」抹煞曬？

最搞笑既係連邊個係針都未清楚就斷言係一代線既人，
無他，唔咁樣諗，點樣可以有少少地方可以反駁下？

退一萬步講，就算假設ＲＣ枝針係一代既人，
（睇清楚係假設）
你地邪教就無任何責任？
有一代既人做到針，難保皇帥、戰殤就一定無？
定係本來就已經熟到唔洗放針隨出隨入？嘿！

最後又迫我再次重覆返標題，
邪教係咪仲係未知自己衰咩？

作者: 90580846 時間: 14-7-26 02:26 PM

回覆 9yinn 的帖子

仲係度講經打就打LA ON79

作者: Berman847630750 時間: 14-7-26 02:27 PM

留意出貼人- -好嘫得閒

作者: 9yinn 時間: 14-7-26 02:27 PM

6890 發表於 14-7-26 01:52 PM
講到一代線岩晒咁
中立幫擺針又岩
rc擺針錄人音又岩

一代同盟線一直追殺十二星座我諗全九陰都知，
（或者邪教可能唔知？）
唔會因為咁岩一兩分鐘、甚至一兩小時停左手，件事就無發生過。

另外，既然你當時在場，身為同盟，點解又無盡到同盟既責任幫手殺十二星座？

作者: 9yinn 時間: 14-7-26 02:28 PM

Berman847630750 發表於 14-7-26 02:27 PM
留意出貼人- -好嘫得閒

唔好意思，我份工有時候真係比較得閒。
無得罪到你麻？

作者: 45612 時間: 14-7-26 02:40 PM

再嘈打晒所有中立幫,中立幫正係識嘈

作者: 明白得太早 時間: 14-7-26 02:50 PM

收皮啦一代、你地衰仔黎咖渣、衰仔

作者: iamseanan 時間: 14-7-26 03:04 PM

邪教點估都估唔到會輸得咁核突
game入面唔夠人打
咪上黎搵打手打筆戰囉

好撚肉酸
話你呀! 話你地廢呀唔夠打呀!

作者: 酷男 時間: 14-7-26 03:04 PM

9yinn 發表於 14-7-26 02:23 PM
除左放針落同盟ＲＣ之外，你地仲識駁咩？
其他事情又想一句「費話」抹煞曬？

先生你唔厭觀眾都厭啦，我只係話邪教過美服玩者，咁快就對號入座，放鬆d啦香港人

作者: 9yinn 時間: 14-7-26 03:16 PM

酷男發表於 14-7-26 03:04 PM
先生你唔厭觀眾都厭啦，我只係話邪教過美服玩者，咁快就對號入座，放鬆d啦香港人 ...

王小敏，唔係玩埋咩對號入座咁小學雞化？

你想表達咩，自己心照啦。

作者: 9yinn 時間: 14-7-26 03:18 PM

iamseanan 發表於 14-7-26 03:04 PM
邪教點估都估唔到會輸得咁核突
game入面唔夠人打
咪上黎搵打手打筆戰囉

二千紛真係好醜惡啊！
有佢地講無人講，原來二千紛係邪教一言堂黎？

作者: family520 時間: 14-7-26 03:26 PM

本帖最後由 family520 於 14-7-26 03:26 PM 編輯

魅惑同一代D打手好撚低質

你愈反駁就愈身有屎 因為你地大聯盟誠信已經200%破產

再開埋D垃圾post 是圖挽回本來已經冇既誠信都係無補於事

利申: 玩緊天崖明月刀友人話我知九陰花生一代真係世界級老狐狸

作者: ＊ｋａｌａ 時間: 14-7-26 03:30 PM

其實正身邊個打邊個十一係最清楚~
(對唔住十一我講左出黎添

)

作者: 9yinn 時間: 14-7-26 03:31 PM

本帖最後由 9yinn 於 14-7-26 03:34 PM 編輯

family520 發表於 14-7-26 03:26 PM
魅惑同一代D打手好撚低質

你愈反駁就愈身有屎因為你地大聯盟誠信已經200%破產

慘得過邪教打手完全反駁唔到？

如果用返同樣理論，
邪教打手出曬黎插一代，係咪又係因為身有屎？
邊一邊打手低質，唔洗我講啦？

既然玩緊天崖明月刀就專心Ｄ玩，
乜都唔知仲加把嘴。

作者: family520 時間: 14-7-26 03:38 PM

9yinn 發表於 14-7-26 03:31 PM
慘得過邪教打手完全反駁唔到？
既然玩緊天崖明月刀就專心Ｄ玩，
乜都唔知仲加把嘴。 ...

你咪當我乜都唔知lor

我食完花生都係覺得一代係背後放毒蛇

其他中立幫既人就算一知半解食完花生既佢地
你估會唔會信200%誠信破產既大聯盟

不過我見你由朝到晚都守住2kfun 希望你做好呢份打手工作

作者: tappy 時間: 14-7-26 04:25 PM

HI 點解冇人提起一代FAKE勁凌雪件事

作者: 酷男 時間: 14-7-26 06:51 PM

本帖最後由酷男於 14-7-26 07:27 PM 編輯

9yinn 發表於 14-7-26 03:16 PM
王小敏，唔係玩埋咩對號入座咁小學雞化？
你想表達咩，自己心照啦。 ...

話對號入座我就係玩埋小學雞...咁我話厚多士咪我玩厚多事大嬸

圖片附件: hdd-640x420.jpg (14-7-26 07:00 PM, 66.14 KB) / 下載次數 112
https://www.2000fun.com/forum.php?mod=attachment&aid=NzA3Nzg5fDJlNjMxMTVlfDE3NTM3ODExMjJ8MA%3D%3D

作者: hohotai 時間: 14-7-26 11:08 PM

本帖最後由 hohotai 於 14-7-26 11:12 PM 編輯

中立人仕：

邪教的確唔係一個好盟友，但字裡行間都睇得出佢地對人留有餘地

其實，幾好多個月前，一早都冇哂Ｄ有威脅既敵幫例如戰殤皇帥，佢地人又少，又冇地，都係間中開下紅打下交。對付果小貓三隻又要追殺又要封百草。

盟友開啲追殺，咩又係做個樣，察下鞋，我起蘇州睇你地幾十個打果幾丁友，都唔知個醜字點寫！

至少，邪教都會放過Ｄ仇家。佢地唔打朋友有咩問題，敵幫都係人。你地持强凌弱。人家幫下你地積下陰德炸！

趙暈以前都係魔塚，照打，但邪教不打

而家真係估唔到，最長既盟友，一夜之間反目成仇

邪教係一個唔合作既盟友，一代係一個會反殺你既盟友，天作之合

如果個服只有你地大聯盟幾個幫，資源唔夠分時，邊個會被踼出，我地ＬＥＥ　Ｄ　中立人仕又要食花生（到時可能我已沒有幫了）

作者: 王小虎乄 時間: 14-7-26 11:32 PM

哈...哈...哈...

作者: diefirst 時間: 14-7-27 12:24 AM

樓主好似係歐陽兄弟是但一個啵，你到底炮夠未? 護主護到出哂面，你敢講你主人趙暈放針無錯? 賣朋友老死冇錯? 講到自己弟兄姊妹被殺就好似被強姦咁冇錯? 叫手足用分身威嚇中立幫，甚至有幫員開紅殺佢地，唔俾佢地打世王又冇錯? 仲有咩狗仔陰濕野你地未做啊? 唔好話你地一代咩都啱哂先得㗎………仲有，你唔好講經啦，講咩野趙暈劉天文唔解邪教同盟，努力幫小邪睇下有冇得兜，乜唔係話俾邪教時間諗下揀邊個點睇都係一樣嘅所謂選擇咩，咪笑死人啦，到依家咁嘅地步你地吹到有幾正義都得啦，得啦，九陰最正義就係一代，為左掩飾醜陋，一代可以去到幾盡?

作者: athena6227 時間: 14-7-27 01:28 AM

經常性將錄音事件搬弄
直指邪教一直密謀將魅惑嶺踢出盟線
樓主真係好噁心！
要聽我咪錄俾你囉…

其實我一直好尊重「共產盟線」，
好佩服趙暈點樣將事實誇大扭曲再配合對白加點情感，
而且係無人發覺佢一直喺度洗人腦…

歡迎光臨 2000FUN論壇 (https://www.2000fun.com/)