2000FUN論壇

標題: 【80後社會原罪系列】《80後的置業與性生活》 [打印本頁]

作者: c04352001 時間: 14-8-7 08:00 PM 標題: 【80後社會原罪系列】《80後的置業與性生活》

有80後男性朋友阿誠和拍拖多年的女友Miranda分手，身邊不少人都暗駡他浪費了女方多年青春，待對方年華老去就結束感情。阿誠知道別人怎樣批評他，但他一直也保持住風度，沒解釋也沒反駁。作為朋友，因為怕阿誠這種硬漢會因為保持形象，將所有事一力承擔，最終鬱出病來，因此相約了一班朋友找他飲嘢開解一下。

硬漢嘛，最初對傷心往事也不願多談，但兩杯黃湯落肚後，阿誠開始軟化，說道：「其實呢，我一直都想娶佢架，不過我搵得果萬幾兩萬蚊，一直都上唔到車…..」原來又是那個老問題，買不到樓。同枱的一位女性朋友Judith，對這個答案好像不太滿意：「咁買唔到樓咪租囉，再唔係咪同屋企人一齊住囉，如果因為咁唔結婚好像唔係太講得通。」

一直抑壓自己的阿誠，此刻有點慍怒：「我係因為想儲錢買樓，所以先唔租屋唔結婚住架，不過我未儲到咋嘛。」Judith不知是否心裡替阿誠那個拍拖多年的前女友不值，又可能她今晚出來不是要安慰阿誠，相反是要伸張正義，她的聲線提高了不少：「咩儲唔到錢姐，咁大個人儲個首期儲咗七八年都儲唔掂？」阿誠聞言後，也提高了聲線答道：「阿小姐，平時我爆房要錢架，成日去爆房點儲首期呀？」

眾人聞言後呆了，特別是Judith更是一面錯愕，阿誠喝了幾口酒，鎮靜了一下情緒。數秒後他開始解釋道：「我都係男人，同人拍拖搞嘢係好正常姐，何況我性慾都算幾旺盛……」我錯以為阿誠是飲大了亂說話，又怕Judith之後會告他性騷擾，正想說兩句無聊笑話去打圓場時，阿誠制止了我：「你哋唔好嘈住，等我解釋埋先……我同Miranda（前女朋友）大家都有共識，係要盡早儲錢買屋，所以一直無租樓無同居。咁既然無自己地方，我哋各自又同家人住，想行埋果陣唯有出去爆房啦。到之後，我發覺咁樣唔掂喎，成日爆房點儲首期呀。為咗未來着想，我唯有忍住唔同佢去爆房啦，平時忍唔住咪自己打下飛機算。你知唔知我有女朋友都要忍住唔搞嘢，寧願慳錢而匿喺自己屋企打飛機，係幾咁慘呀？」

他說這番話時，眼睛望住Judith，應是為對方的窮追不捨而反擊，Judith此時滿面通紅，低頭沒有回應。同枱其他男性則默然，大家都明白到阿誠是有多忍辱負重，阿誠續道：「可能Miranda以為我成日唔掂佢，以為我對佢無興趣啦。到有一日，佢就同我講分手，我試過同佢解釋架。但佢只係話既然大家一齊為將來買樓係件咁委屈嘅事，不如唔好再一齊啦。我知道Miranda其實都為儲錢買樓受咗好多苦，但到頭來我都係未同到佢上車，更加唔好講咩結婚呀。我都唔好意思再留住佢……」阿誠說完後，終於忍不住痛哭了起來，而作為聽眾的我，聽到他的經歷也哭了起來。因為想有個安樂窩可以和伴侶安心去性交，但偏又因為要儲錢去買做業主，而忍住不去性交。但再兩頭唔到岸之時，那個伴侶也沒了，此時就算買到樓做到業主，也只有一個人對住冷清的單位獨自打飛機。上不到車的80後，想和愛人造愛也困難重重。

作者: lee111 時間: 14-8-8 02:33 AM

c04352001 發表於 2014-8-7 20:00
有80後男性朋友阿誠和拍拖多年的女友Miranda分手，身邊不少人都暗駡他浪費了女方多年青春，待對方年華老去 ...

睇完

感覺唔錯

作者: chan20008 時間: 14-8-8 08:38 AM

FFF團表示為此事負責。

歡迎光臨 2000FUN論壇 (https://www.2000fun.com/)