2000FUN論壇

標題: 請問現在港服多唔多人玩 ? [打印本頁]

作者: 冬謠 時間: 14-9-7 01:47 PM 標題: 請問現在港服多唔多人玩 ?

同埋台灣服有冇封IP ?

因為怕港服少人玩...或好快冇人玩~~會好悶~

作者: 蒼石星a3a 時間: 14-9-7 01:50 PM

回覆冬謠的帖子

我自己覺得多多到LAG
有FD陪玩點都吾會悶

作者: 60706724 時間: 14-9-7 01:52 PM

我玩左11日已經見悶......

作者: 　　霜. 時間: 14-9-7 01:54 PM

可以答你一句呢類game實快少人交易區有眼睇

作者: 冬謠 時間: 14-9-7 02:06 PM

=.= OB 冇幾耐~~咁快就悶~~唔係掛~~咁要考慮玩唔玩~唔係玩一陣又冇O西人~~港服好多時都係咁~~所以好多人喜歡玩台服~比較人多~

作者: 无伝い 時間: 14-9-7 02:59 PM

講真,真系好悶= =!野外冇得開紅,冇得打交,pvp又冇乜性趣!任務乏味,日日做同一樣野!副本黎黎去去都系果幾個,咩活動都冇!

作者: 十字架阿藍 時間: 14-9-7 03:41 PM

應該幾岩你玩..如果係冬婷既話

作者: tino1990 時間: 14-9-7 04:08 PM

人就唔少，悶唔悶睇你點玩，隻GAME入面有好多野可以玩

如果只要追求LEVEL一直解任就實悶

作者: HappinessLucy 時間: 14-9-7 04:21 PM

我有幾個朋友玩台服都話比人凍結左ac

作者: 冬謠 時間: 14-9-7 04:32 PM

=.= 通常都係升LV~整裝~PVP~ ....我基本上只係玩這些~
台灣封帳號理由係咩?

作者: MC.Y 時間: 14-9-7 05:03 PM

其實E類GAME 先算耐玩日日十幾個鐘爆肝 5悶都變悶啦

作者: 　　霜. 時間: 14-9-7 05:48 PM

本帖最後由　　霜. 於 14-9-7 05:49 PM 編輯

tino1990 發表於 14-9-7 04:08 PM
人就唔少，悶唔悶睇你點玩，隻GAME入面有好多野可以玩

如果只要追求LEVEL一直解任就實悶 ...

其實我無追求level 一共玩左3隻職業平均每隻40lv 我都系亂禁跟任何行一日35lv已經吾系難事

事問仲邊有野可以比我試? 不過你岩悶吾悶睇你點玩呢句~~

作者: iamsnoopy 時間: 14-9-7 06:38 PM

睇你追求d咩？如果你想pvp開紅打交黎隻game就

作者: 你叫乜7 時間: 14-9-7 06:51 PM

人就几多下，就系睇你点玩噶借

作者: tino1990 時間: 14-9-7 08:00 PM

　　霜. 發表於 14-9-7 05:48 PM
其實我無追求level 一共玩左3隻職業平均每隻40lv 我都系亂禁跟任何行一日35lv已經吾系難事

事問仲邊 ...

公測唔夠兩個星期已經有三隻角色去到平均４０級，證明你都用左幾多時間玩

其實你可以打開你既成就睇下你有咩成就未解，裝備製作、座騎收集、鬥龍賽、獵人會所

（可能你已經解左大部份，但係我閒日只係夠時間解下任務升級，假日先會搞下Ｄ成就）

作者: 日夜想你◆ 時間: 14-9-7 10:11 PM

本帖最後由日夜想你◆ 於 14-9-7 10:12 PM 編輯

　　霜. 發表於 14-9-7 05:48 PM
其實我無追求level 一共玩左3隻職業平均每隻40lv 我都系亂禁跟任何行一日35lv已經吾系難事
事問仲邊 ...

睇黎你肯定唔洗番工

作者: HappinessLucy 時間: 14-9-7 10:14 PM

本帖最後由 HappinessLucy 於 14-9-7 10:20 PM 編輯

冬謠發表於 14-9-7 04:32 PM
=.= 通常都係升LV~整裝~PVP~ ....我基本上只係玩這些~
台灣封帳號理由係咩?

台灣本身就封港澳IP 之前D FD無比人封應該係佢地戈邊未捉早幾日捉一捉全部FD AC凍結哂

作者: grass2 時間: 14-9-8 01:23 AM

以香港人喜歡即時開紅殺人既遊玩習慣,這遊戲應該不到半年就會沒落~~~(而且有很多人在遊戲公測10天內就賣AC,就表示這遊戲很多人已經厭倦了)
如果還未開始玩的,還是不要開始玩,這遊戲會令你失望

作者: 小紙張 時間: 14-9-8 01:37 AM

還好吧,有目標就冇咁易悶
但目標達成就要再搵目標Z_Z

作者: 笑わない猫 時間: 14-9-8 07:02 AM

grass2 發表於 14-9-8 01:23 AM
以香港人喜歡即時開紅殺人既遊玩習慣,這遊戲應該不到半年就會沒落~~~(而且有很多人在遊戲公測10天內就賣AC, ...

事實證明 D人系小學雞
開紅亂屠人先叫好玩你能說這不是小學雞?

作者: peppergroo 時間: 14-9-8 08:14 AM

本帖最後由 peppergroo 於 14-9-8 08:31 AM 編輯

笑わない猫發表於 14-9-8 07:02 AM
事實證明 D人系小學雞
開紅亂屠人先叫好玩你能說這不是小學雞?

先生弱肉強食有咩問題?
呢個本身就係自然定律
有料既咪打過,就係因為打唔過人
先會去追求,如果你話開紅殺人就小學雞
咁其實你既思想係絕對式封建
只有你勁過人無人可以勁過你
你唔會係俾偉大既祖國洗腦洗成咁?
人人平等<<<你追求緊既野
無論現實定虛擬兩界都無可能做到平等
有好多GAME都係有新手24小時保護
等級保護等等既制度黎保護新手玩家唔洗比人
屠殺,但係你自問啦,人地玩左一星期你玩一星期
你俾人屠但你屠唔到人,會唔會係你手殘腦殘而唔係人地小學雞呢?
俾人屠殺就只會埋怨,洗唔洗係GAME入面開埋天主教俾你宣示和平?
人地付出既比你多,點解比你勁既人唔可以成為強者?

作者: peppergroo 時間: 14-9-8 08:16 AM

冬謠發表於 14-9-7 01:47 PM
同埋台灣服有冇封IP ?

因為怕港服少人玩...或好快冇人玩~~會好悶~

有無其實差別唔大
你長用VPN佢封唔封又有何分別

作者: 港童大改造 時間: 14-9-8 09:33 AM

無公會實悶架

作者: tino1990 時間: 14-9-8 09:36 AM

每隻GAME公測唔夠幾日就會有人賣AC，而且賣AC次次都差唔多都係果班人（ONLINE GAME快閃黨！？）

但如果見到有人賣AC就代表隻GAME悶咁好多GAME都唔洗玩

作者: 笑わない猫 時間: 14-9-8 09:51 AM

本帖最後由笑わない猫於 14-9-8 09:52 AM 編輯

peppergroo 發表於 14-9-8 08:14 AM
先生弱肉強食有咩問題?
呢個本身就係自然定律
有料既咪打過,就係因為打唔過人

你咁都明我講咩?
  我唔會系比人屠戈班抱歉
我打機個個月都買幾百蚊點GE人
  依隻放左500
一定要打唔過先可以覺得佢有問題?
  笑而不語  無人同你講緊打唔打得過GE問題
我講緊心理學GE野唔明? 去睇多D心理學GE書

作者: 港童大改造 時間: 14-9-8 09:52 AM

有快閃黨好正常
有D人中意新GAME就衝LV
幾日內就賣AC

作者: iamsnoopy 時間: 14-9-8 09:55 AM

每個人都有佢追求，喜歡的玩法，有咩好嘈，download 落黎玩下，又唔洗錢，咪盡管試下玩下low.人地話唔好玩好玩，要你自己感覺下先知。

作者: 　　霜. 時間: 14-9-8 09:59 AM

本帖最後由　　霜. 於 14-9-8 10:00 AM 編輯

日夜想你◆ 發表於 14-9-7 10:11 PM
睇黎你肯定唔洗番工

我做電腦既公司打機已經唔係咩新聞

另外 1日35lv其實要既時間唔多開隻住舊既組隊黎打任汁一下 5個鍾左右就已經成事

作者: YoloQ 時間: 14-9-8 10:47 AM

暫時人數都仲係好多
希望第日出左國戰既時侯
可以都咁多人一齊打

作者: 小紙張 時間: 14-9-8 12:07 PM

回覆 YoloQ 的帖子

希望佢國戰快D出-.-

作者: tino1990 時間: 14-9-8 12:48 PM

睇到台灣上週版本都係一堆修正，國戰應該還有一段時間了

我都係慢慢解下成就先

作者: 日夜想你◆ 時間: 14-9-8 06:06 PM

本帖最後由日夜想你◆ 於 14-9-8 06:06 PM 編輯

　　霜. 發表於 14-9-8 09:59 AM
我做電腦既公司打機已經唔係咩新聞
另外 1日35lv其實要既時間唔多開隻住舊既組隊黎打任汁一下 5個鍾左 ...

原來係咁

作者: hiiragi 時間: 14-9-8 06:10 PM

本帖最後由 hiiragi 於 14-9-8 06:10 PM 編輯

小紙張發表於 14-9-8 12:07 PM
回覆 YoloQ 的帖子

希望佢國戰快D出-.-

閣下一定有玩軌跡系列

作者: 小紙張 時間: 14-9-9 12:09 AM

回覆 hiiragi 的帖子

冇呀._.
我只係好好奇國戰有咩玩

作者: reeselkh 時間: 14-9-9 02:56 AM

peppergroo 發表於 14-9-8 08:14 AM
先生弱肉強食有咩問題?
呢個本身就係自然定律
有料既咪打過,就係因為打唔過人

我代ALTA多謝你先
最好撩起多D人咁就愈多人幫襯佢

作者: 　　霜. 時間: 14-9-9 12:25 PM

日夜想你◆ 發表於 14-9-8 06:06 PM
原來係咁

其實唔洗專登紅字相信全部行家都會係咁

作者: A`Four 時間: 14-9-9 12:50 PM

peppergroo 發表於 14-9-8 08:14 AM
先生弱肉強食有咩問題?
呢個本身就係自然定律
有料既咪打過,就係因為打唔過人

睇黎你好大壓力
如果兩者都玩左一星期,咁就唔係叫屠新手啦

BTW
打機都係想求快樂姐,唔洗咁激動既

作者: 日夜想你◆ 時間: 14-9-9 09:08 PM

　　霜. 發表於 14-9-9 12:25 PM
其實唔洗專登紅字相信全部行家都會係咁

用紅字係想你自己睇清楚你講既野炸醒目仔全部行家都會係咁

? 最起碼我識得4個fd都唔會囉全部? 其中一個自己係老闆

作者: まゆゆ^^ 時間: 14-9-9 09:35 PM

　　霜. 發表於 14-9-7 05:48 PM
其實我無追求level 一共玩左3隻職業平均每隻40lv 我都系亂禁跟任何行一日35lv已經吾系難事

事問仲邊 ...

大佬你講d野都好難用說服力一時話自己做電腦 >我都系亂禁跟任何行一日35lv已經吾系難事

<乜野跟任何行跟任務行下話做電腦連打字唔洗睇清楚就照禁你呢份電腦工都好令人質疑下呢樣都算跟住又話自己5個鐘就可以升到35 姐係你由頭到尾知唔知自己UP乜?

作者: 希0_0 時間: 14-9-9 09:47 PM

開紅殺人有咩問題

作者: RedSnake 時間: 14-9-10 01:58 AM

開紅殺人有咩問題?這的確有商討空間
首先,要成為能夠殺人的一方,需要實力外,付出的時間和金錢一般都比被殺的一方多(強調這類遊戲一般情況下),
這短期時間內令遊戲公司的營業額上升,為何是"短期"?
因為長時間都被殺的話,是你都會不開心吧~不開心放棄這遊戲都只是時間問題,
造成低層玩家大量流失,除了影響遊戲公司的營業額外,殺人的一方長時間自HIGH都有虛脫的一天,最終都是放棄收場,這遊戲就完結了~
基本上現在線上遊戲都不會出現令你能夠開紅殺人的功能,甚麼保護功能都是浮雲,你明白的~
(除了中國大陸的線上遊戲)
心態上,如果你口臭得罪人被人殺是自找,問題是多數情況是很多都是無理的開紅殺人,
我明白是弱肉強食,但我只是玩電腦遊戲,不是在原始森林玩求生遊戲好嗎?
如果你認為快樂建於別人痛苦身上是沒問題的話,你不只是小學雞,你人格上都存在很大問題!
如果你又認為被殺的一方是實力上有問題,我只可以說金錢可以算是實力嗎?你知道有人可以花近百萬玩線上遊戲(真有其事,香港人)
你要比實力的話請你玩LOL又好,SCⅡ又好,不要在這類遊戲花了幾個錢就以為自己高人一等!
最後每個人玩遊戲的心態都不一樣,爆肝又好,悠閒又好,都不要質疑別人吧~
在做電腦公司的人會打機?普通公司都會吧(笑~
我才不會說某台灣線上遊戲企劃每天都在工作時間來點艦娘和轉珠呢(笑~

作者: まゆゆ^^ 時間: 14-9-10 04:38 AM

RedSnake 發表於 14-9-10 01:58 AM
開紅殺人有咩問題?這的確有商討空間
首先,要成為能夠殺人的一方,需要實力外,付出的時間和金錢一般都比被殺 ...

1.因為長時間都被殺的話,是你都會不開心吧~不開心放棄這遊戲都只是時間問題, 照你咁講,我挽lol同3個白金組隊一開場4打2 直至完場對面2個死左20次又要放棄lol呢類遊戲? 係咪想笑死我 2.如果你認為快樂建於別人痛苦身上是沒問題的
話,你不只是小學雞,你人格上都存在很大問題! 係既話你生活就慘無理開紅殺人就係代表人格有問題咁官方一開始就直接禁止係城開紅殺人呢樣野你要開紅?? 殺人? 去競技場吧 3你知道有人可以花近百萬玩線上遊戲(真有其事,香港人) 你所講個位香港人係累積咁多年玩遊戲定係一個月用100萬港幣玩遊戲累積就唔難我當你1個正常人係香港大學畢業普通工司工作月入1.5-3萬計埋投資累積咁多年100萬有幾難? 如果你話一個月用100萬港幣 10個月即係1000萬人地大把錢點到你唔服? 在做電腦公司的人會打機?普通公司都會吧(笑~
我才不會說某台灣線上遊戲企劃每天都在工作時間來點艦娘和轉珠呢(笑~ 手機遊戲同online你到底識唔識分? 係公司用手機玩神魔有幾難? 問題係你會唔會用公司電腦玩狩龍戰紀? 你老闆見到你用公司電腦玩狩龍戰紀你估你份工會點? 用下腦啦手機遊戲同電腦online既分別手機晝面同電腦晝面差幾遠呀?

作者: RedSnake 時間: 14-9-10 06:00 AM

まゆゆ^^ 發表於 14-9-10 04:38 AM
1.因為長時間都被殺的話,是你都會不開心吧~不開心放棄這遊戲都只是時間問題, 照你咁講,我挽lol同3個白金 ...

1.我一開始就強調是這類遊戲,即是MMORPG,你又扯去LOL,即是MOBA,兩者一開始性質就不一樣了
2.無理開紅殺人的出發點在那?你可以先說明這點才開始討論嗎?而事實上現在大部分的MMORPG都沒有了可以隨意開紅殺人的系統。沒錯,所以就有了競技場來取消開紅殺人的系統,
3.我舉出此人只是想說明金錢不是實力的一種,以你之後所說的"1個正常人係香港大學畢業普通工司工作月入1.5-3萬計埋投資累積咁多年100萬有幾難? "我只可以笑而不語了

4.我現在重申,有人會在公司用電腦玩線上遊戲,他們心態上有沒有問題我不便評論,我只是說出事實

作者: まゆゆ^^ 時間: 14-9-10 01:29 PM

本帖最後由まゆゆ^^ 於 14-9-10 01:33 PM 編輯

RedSnake 發表於 14-9-10 06:00 AM
1.我一開始就強調是這類遊戲,即是MMORPG,你又扯去LOL,即是MOBA,兩者一開始性質就不一樣了
2.無理開紅殺人 ...

3.我舉出此人只是想說明金錢不是實力的一種,以你之後所說的"1個正常人係香港大學畢業普通工司工作月入1.5-3萬計埋投資累積咁多年100萬有幾難? "我只可以笑而不語了你中文能力好極有限我識人做寫字樓都18000個月如果你讀到大學月入連1.5萬都無你生活都幾慘下同埋我係問緊你所講既(香港人)用100萬玩game係累積定 1個月100萬呀兄台 1個月15000x12=180000 五年已經900000 我當你5年用左200000 得番700000 只要你講個位香港人同屋企人住因為5年已經用左200000 食飯番屋企先食計埋5年前既銀行存落既錢都大約有800000呀天才你識唔識計數? 仲有我係問你你講個位係1個月用100萬玩game 定係一隻game既年期有人會在公司用電腦玩線上遊戲, 我由頭到尾係問你點樣用公司電腦挽狩龍戰紀/其他online 你講野有無point架

作者: Rokeman 時間: 14-9-10 04:16 PM

我覺得＝。＝　既然玩得兩星期左右就要放ＡＣ－－
咁不如５好玩ＯＮＬＩＮＥ　可能玩返單機仲有樂趣過online..
咁搞法個個一公測狂沖ＬＶ　沖完就放ＡＣ
就煽動其他人唔好玩　咁冇１隻online game可以長命－－

作者: Rokeman 時間: 14-9-10 04:19 PM

就好似而家2000FUN排行第1既夢之歷險..
都遲早玩完== 唔洗睇都知入面都實大把人賣緊AC

作者: 毛巴 時間: 14-9-10 04:59 PM

回覆まゆゆ^^ 的帖子

真係傻的嗎， lol 你講個case 係場場都有？可能間中先得果1,2 場，但開紅殺人擺明係一個游戲系統，咁都可以撈埋黎講真係傻hi

而且咁鐘意將現實拉埋黎講，我可以話比你知首先現實隻game 無開紅系統，而且官方唔會為左你去開，因為你係官方眼中只係佔極少數既客，而呢隻game 暫時頂裝都唔洗花好多錢，幾千蚊咩都搞掂，除非你唔玩可以帶比官方嚴重影響佢每月收入 ,係持續影響wo, 唔係你係佢眼中只係可有可無。
最後，香港ser只係一個代理，訓能醒未啊傻hi, bye bye

作者: まゆゆ^^ 時間: 14-9-10 10:23 PM

本帖最後由まゆゆ^^ 於 14-9-10 10:43 PM 編輯

毛巴發表於 14-9-10 04:59 PM
回覆まゆゆ^^ 的帖子

真係傻的嗎， lol 你講個case 係場場都有？可能間中先得果1,2 場，但開紅殺人擺 ...

lol我同我班白金/金牌fd就係咁玩都係一開頭 4打2 1個係中 4個係下路壓足全場對面5條友肥得2個反正我班fd裝都出齊變相即係5打2 勝算高好多囉唔信自己約戰你勝場有無1100? 定係玩都未玩過?
自己睇番上一頁好無佢話個位香港人用100萬買點玩game 我問佢累積咁多年所有game 定1個月100萬你答唔答到呀?_? 資料來源有無呀? 我真係唔多幾信 1個月100萬? 仲有我邊忽講過我係vip玩家? 好多玩家都可有可無問題係如果官方想吸引多d人買點玩隻game 佢系統會唔會做得更好幫自己去搵多d生意? 官方都唔設定既話開紅殺人有乜問題呢? 你地比人殺個班自己諗下啦唔講錢同你講感情? 傻的嗎

作者: RedSnake 時間: 14-9-11 01:44 AM

まゆゆ^^ 發表於 14-9-10 10:23 PM
lol我同我班白金/金牌fd就係咁玩都係一開頭 4打2 1個係中 4個係下路壓足全場對面5條友肥得2個反正我班f ...

唉你呢個井底之蛙,你知唔知邊個係鍾培生呀?你有玩LOL應該知道香港有隊職業隊叫HKA吧?成立HKA間公司HKES個老闆就係鍾培生呀~條友單係玩神鬼奇兵都用在100萬,仲未計聖魔之血,天子傳奇,etc然後你又話我中文能力好極有限,又唔講錯處。之後你的算式更叫我嘆為觀止,我唔知你係唔係大學生,你知唔知2013年香港的大學生平均月入是多少?你認為讀完大學,可以唔洗還grant loan,然後月入立即有15000,仲要用4/5份人工去打機,還有爆出個10萬銀行儲蓄都用黎打機,成近30歲可以一分錢都冇,你真係數學高分,常識低能...(仲要以為投資一定會賺)最後你問我點樣用公司電腦玩online game,大佬,又唔係我玩,我點知呀,你唔係認為我會甘無聊問人地黎d野呀?事實上就係之前有一個做平面設計,基金佬在他們的工作時段打ro,信不信由你...
p.s.剛剛負責狩龍戰紀的遊戲企劃回答說未來沒有相關類似紅名系統推出,理由不想再打(信不信由你)

作者: まゆゆ^^ 時間: 14-9-11 04:42 AM

本帖最後由まゆゆ^^ 於 14-9-11 04:55 AM 編輯

RedSnake 發表於 14-9-11 01:44 AM
唉你呢個井底之蛙,你知唔知邊個係鍾培生呀?你有玩LOL應該知道香港有隊職業隊叫HKA吧?成立HKA間公司HKES ...

我同你講鍾培生有老豆幫佢老豆講一聲比100萬佢有幾難?_? 係佢老豆比錢佢打機唔係佢自己用100萬囉好無仲有你幾時睇到我講讀到大學即有15000月薪即有? 你無錢買眼鏡我送比你又點話我係話係香港讀到大學搵份15000月薪既工有幾難邊到有你所講既即有自己睇番上面先講野啦投資唔通一定升?搞笑你唔敢搏唔代表其他人唔敢仲有唔知邊個話可以用公司電腦玩online呢

?你身邊朋友有無呀? 得個吹字用公司電腦玩online game? 有就直接比圖啦剛剛負責狩龍戰紀的遊戲企劃回答說未來沒有相關類似紅名系統推出,理由不想再打沒有相關類似紅名系統推出無論如何即係你地比人殺個班就係咁咁仲嘈乜野話無理開紅殺人官方都答左你自己比人殺嘈黎做乜為?

作者: 日夜想你◆ 時間: 14-9-11 05:15 AM

RedSnake 發表於 14-9-11 01:44 AM
唉你呢個井底之蛙,你知唔知邊個係鍾培生呀?你有玩LOL應該知道香港有隊職業隊叫HKA吧?成立HKA間公司HKES ...

剛剛負責狩龍戰紀的遊戲企劃回答說未來沒有相關類似紅名系統推出,理由不想再打(信不信由你) 既然官方一早計好哂無問題喇我仲以為你講邊個鍾培生唔係自己拎錢出黎得老豆比錢既敗家仔

作者: RedSnake 時間: 14-9-11 05:24 AM

對不起,我錯了,我一開始就不應該和一個沒中文理解能力和邏輯的人理論
P.S.不是官方(AITA)說沒紅名系統推出,是狩龍戰紀的遊戲企劃(x-legend)

作者: 日夜想你◆ 時間: 14-9-11 06:29 AM

RedSnake 發表於 14-9-11 05:24 AM
對不起,我錯了,我一開始就不應該和一個沒中文理解能力和邏輯的人理論
P.S.不是官方(AITA)說沒紅名系統推出, ...

真係再回你都廢事繼續吹大話冚大話

歡迎光臨 2000FUN論壇 (https://www.2000fun.com/)