2000FUN論壇

標題: 好耐冇貼, 是日晚餐 [打印本頁]

作者: 東方．真龍 時間: 15-1-10 11:13 PM 標題: 好耐冇貼, 是日晚餐

兩個人 180蚊有找

圖片附件: 76602.jpg (15-1-10 11:12 PM, 180.48 KB) / 下載次數 32
https://www.2000fun.com/forum.php?mod=attachment&aid=NzE3ODUxfDMwZDg3Y2FmfDE3NTQ0NTcwODZ8MA%3D%3D

作者: KA-ar 時間: 15-1-10 11:38 PM

港女至愛

作者: 吳受坤 時間: 15-1-11 04:42 PM

感謝分享

作者: KA2837 時間: 15-1-11 05:06 PM

冇乜特别...

作者: 斬．天．砍．地 時間: 15-1-11 05:20 PM

看上去只有肉的樣子而已

作者: 天涯海闊 時間: 15-1-11 09:14 PM

肥方。真龍

作者: KA2837 時間: 15-1-11 10:49 PM

紅湯白湯都跟埋~

不過就影少咗兩隻包...

但係我多咗碗魚蛋粉~

http://www.2000fun.com/thread-5547972-1-1.html

作者: franky$$ 時間: 15-1-12 09:13 AM

good 不過photo

作者: KA-ar. 時間: 15-1-12 02:35 PM

KA-ar 發表於 15-1-10 11:38 PM
港女至愛

傻系至愛

作者: KA-ar 時間: 15-1-12 11:02 PM

KA-ar. 發表於 2015-1-12 14:35
傻系至愛

即係你講乜春最中意啦

作者: 缺心情 時間: 15-1-16 07:59 PM

本帖最後由缺心情於 15-1-16 07:59 PM 編輯

偶爾一餐是可以的，不過自己買材料去弄也不需180元吧。

作者: 吳受坤 時間: 15-1-16 11:05 PM

本帖最後由吳受坤於 15-1-16 11:10 PM 編輯

缺心情發表於 15-1-16 07:59 PM
偶爾一餐是可以的，不過自己買材料去弄也不需180元吧。

我諗180蚊自己買材料整唔得啦！
買普通一塊西冷牛扒都要過一百蚊啦！
而家係二人餐喎，自己買實過180蚊啦！

如果喺citysuper 買係斷克買仲唔只添啦！

作者: gates 時間: 15-1-17 01:33 AM

good 睇黎唔錯

作者: monkeymko 時間: 15-1-17 11:55 AM

好抵食....

攪到勁想食.....
食得飽唔飽??

作者: KA2837 時間: 15-1-17 05:07 PM

吳受坤發表於 15-1-16 11:05 PM
我諗180蚊自己買材料整唔得啦！
買普通一塊西冷牛扒都要過一百蚊啦！
而家係二人餐喎，自己買實過180蚊啦 ...

真龍食兩個餐唔使$180~

西冷都過百蚊嘅話, 咁餐廳賺咩?

作者: 中奶昔 時間: 15-1-17 07:02 PM

都係每個90蚊幾平
間野係邊

作者: 東方．真龍 時間: 15-1-17 07:25 PM

中奶昔發表於 15-1-17 07:02 PM
都係每個90蚊幾平
間野係邊

旺角女人街頭, 家樂個邊入

作者: 吳受坤 時間: 15-1-17 11:25 PM

KA2837 發表於 15-1-17 05:07 PM
真龍食兩個餐唔使$180~

西冷都過百蚊嘅話, 咁餐廳賺咩?

咁我就唔知，
我只知我屋企人買番黎果啲牛扒都起碼過一百蚊一塊，
係美國安格斯牛扒或者牛柳，
不過我諗餐廳係大手入貨又有相熟肉食公司，
所以會比散買平啩

作者: 風之鳥 時間: 15-1-18 12:07 AM

令我諗起1間叫金鳳茶記，
有湯、餐包、野飲不過都只收$3X。

作者: 雲路 時間: 15-1-18 02:03 AM

好年貴，成８０蚊一個　

作者: 爭霸者 時間: 15-1-18 06:51 AM

算平幾好

作者: 缺心情 時間: 15-1-19 12:32 AM

吳受坤發表於 15-1-17 11:25 PM
咁我就唔知，
我只知我屋企人買番黎果啲牛扒都起碼過一百蚊一塊，
係美國安格斯牛扒或者牛柳，

你屋企食親牛排都專買呢種?

作者: 小雄雄之空間 時間: 15-1-19 10:47 AM

東方．真龍發表於 15-1-17 07:25 PM
旺角女人街頭, 家樂個邊入

-.-果個位都好崎呢喎...
發覺真龍兄每次都發掘唔同既食好野既地方...

作者: hk1234567 時間: 15-1-19 12:54 PM

薄切牛扒搭條腸

作者: 吳受坤 時間: 15-1-19 06:13 PM

缺心情發表於 15-1-19 12:32 AM
你屋企食親牛排都專買呢種?

哦，多數係，
不過有時都買日本果啲

作者: 缺心情 時間: 15-1-19 10:11 PM

吳受坤發表於 15-1-19 06:13 PM
哦，多數係，
不過有時都買日本果啲

咁你屋企都幾有錢，買親都係呢D。

作者: 吳受坤 時間: 15-1-19 10:19 PM

缺心情發表於 15-1-19 10:11 PM
咁你屋企都幾有錢，買親都係呢D。

唔算啦！普通家庭姐

作者: 缺心情 時間: 15-1-20 10:50 AM

吳受坤發表於 15-1-19 10:19 PM
唔算啦！普通家庭姐

對我黎講都唔算普通啦。

作者: 吳受坤 時間: 15-1-20 12:41 PM

缺心情發表於 15-1-20 10:50 AM
對我黎講都唔算普通啦。

你太謙啦

作者: 缺心情 時間: 15-1-20 01:31 PM

吳受坤發表於 15-1-20 12:41 PM
你太謙啦

冇，我絕對是窮光蛋，現在也在失業中，電話,面試不少，在等工作消息。

如果單單是這樣倒是還好，可是現在這裡住的地方又說要加租，一加加一千元=....=。加上天天被樓上那班品德低的死小孩吵，真是火都來。

作者: 吳受坤 時間: 15-1-20 10:15 PM

缺心情發表於 15-1-20 01:31 PM
冇，我絕對是窮光蛋，現在也在失業中，電話,面試不少，在等工作消息。

如果單單是這樣倒是還好，可是現 ...

而家人浮於事，揾到一份好工可能都會難啲，
唯有漁翁撒網啦！
至於你屋企樓上個細路成日又跳又嘈，
真係要報警處理，等佢地唔好以為你好蝦，
有啲人係欺善怕惡，你唔好俾佢地食住你，
警察上佢門處理噪音，你千祈唔好出現同埋如果碰見果啲鄰居都唔好俾佢地知道係你報警，
就算佢地明知係你報警，你都唔好認，
若無其事就得

作者: KA2837 時間: 15-1-22 10:48 AM

吳受坤發表於 15-1-17 11:25 PM
咁我就唔知，
我只知我屋企人買番黎果啲牛扒都起碼過一百蚊一塊，
係美國安格斯牛扒或者牛柳，

牛肉有分級嘅...

而西冷牛扒嘅西冷係指部位, 所以西冷牛扒都可以係大陸黃牛做成~

作者: 悶死人 時間: 15-1-22 11:26 AM

個賣相唔OK 同好貴

作者: 吳受坤 時間: 15-1-22 11:32 AM

KA2837 發表於 15-1-22 10:48 AM
牛肉有分級嘅...

而西冷牛扒嘅西冷係指部位, 所以西冷牛扒都可以係大陸黃牛做成~

牛品種唔同賣都唔同價錢，
不過最緊要隻牛係健康冇病而處理過程衛生乾淨，
煮食過程乾淨同師傅烹調好，
咁咩牛扒都好味姐

作者: KA-ar 時間: 15-1-22 01:30 PM

吳受坤發表於 2015-1-22 11:32
牛品種唔同賣都唔同價錢，
不過最緊要隻牛係健康冇病而處理過程衛生乾淨，
煮食過程乾淨同師傅烹調好，
...

打邊爐又唔同喎無個爐點打

作者: 吳受坤 時間: 15-1-22 02:24 PM

KA-ar 發表於 15-1-22 01:30 PM
打邊爐又唔同喎無個爐點打

咁又係喎！

作者: KA2837 時間: 15-1-22 04:55 PM

吳受坤發表於 15-1-22 11:32 AM
牛品種唔同賣都唔同價錢，
不過最緊要隻牛係健康冇病而處理過程衛生乾淨，
煮食過程乾淨同師傅烹調好，

咁又係~

一個成功嘅厨房佬就係要可以將大陸黃牛煮到變日本和牛俾你食而你又唔知!

作者: 缺心情 時間: 15-1-24 07:43 PM

本帖最後由缺心情於 15-1-24 08:54 PM 編輯

吳受坤發表於 15-1-20 10:15 PM
而家人浮於事，揾到一份好工可能都會難啲，
唯有漁翁撒網啦！
至於你屋企樓上個細路成日又跳又嘈，

我一日之內又打電話又填表,面試好多次(我係屋企打電話既時候，附近都有鄰居講埋D廢話)，之前係我未搵到既時候，有一兩位鄰居行過重講左D好難聽既說話。依家搵到一份9千幾接近一萬既工作。

佢地真係好嘈，日日都係到同我嘈，佢地D細路用聲嘈我，我就用聲嘈返佢。有一日佢地就話果日我嘈佢D細路先重好意思話佢地D細路嘈，我就回佢一句：「咦，但係我日日都係俾你地屋企班細路嘈醒，咁唔知邊個嘈邊個先呢」，就完全安靜。如果真係報警，佢地一定知，點會唔知，重邊到會有其他人報警，呢到D人幾乎全部都係欺善怕惡，就算發生好小既事都立即閃，又點會同人吵同報警之類既事發生。記得有一次晚上，係附近既有一戶屋企自己係到吵架，吵到好似想打起上黎（特別聽到個男人好似想動手），我阿哥就好八咁企係露台聽，我就大聲話俾那戶人家知道：「吵都唔緊要，如果真係打起上黎，我就立即報警處理，最憎男人打女人。」。係呢兩邊路行過既鄰居都話有事發生，有事發生，唔知係唔係到要打起上黎，都係快D走，唔好野屎上身啦，到時真係有人報警就麻煩架啦，走啦。講完就立即跑，9秒9跑走。

講真我唔怕會出門既時候睇到佢地，都試過有咁既情況，如果當時係對我冇咩既我就唔會做Ｄ咩，但係如果當時對我做左Ｄ咩既我就會還擊。好似有一次佢既細路踏我家門口附近的白牆一腳（留低左一個黑印，現在沒了），咁岩我係樓梯口行上去睇到，我沉默的看著一大一細的雙眼站在原地好一會，佢地完全動都不敢動，小孩到大人的身後，大人才開始教訓小孩不應該這樣做，跟我說了一聲抱歉，我只係留了一句說話：「今次算數，再有下次俾我睇到佢踏牆，就唔係咁簡單就可以算數。」。在我關門脫鞋時聽到佢地話我好恐怖。

我岩岩打呢篇留言既時候，我阿哥佢一返黎又係到叫累叫痛叫好睡訓(佢沖完又係到打機，點會去訓)，又話要立即洗澡(我返左黎開左熱水爐都未洗，本來要洗但係聽到樓上洗澡就俾佢地洗完先，之後冇幾耐我阿哥佢返黎就要立即搶先要洗，我都已經冇出聲)，撞到我個屏風又完全扮冇事又唔整返好(都已經好多次都係咁)，就一路話好累好痛就返入房。之後又大聲話我未幫盤植物澆水，基本上我都已經懶得應佢就嗯了一句長(應短既，佢又話我冇應佢)，之後又話我態度唔好之類，冇責任心，係到扮曬野，又冇幫那盤植物澆水，佢已經幫我澆左好多次。叫我唔好要任何植物返黎，唔係就同我丟左佢(咁點解我話要送俾人或丟既時候又話唔得?要我就算唔理佢都放左植物死為止先好丟)。

講真我廢事踢爆佢，早上有時我未睡或被吵醒，其他時候係屋企都睇到佢唔係每日都澆水，上香亦都唔係每日早上都有上。佢話我冇幫自己盤植物澆水，咁佢自己掛住果盤野都枯得七七八八。我之前話過幾次既然係咁，咁我重新整個自己果盤野送俾人又話唔得，之後佢又係一堆廢話。佢話我冇責任心，佢自己返左工咁耐每個月搵既錢多過我，但俾既家用係最少，重好理所當然咁認為好足夠，俾多幾百都唔願意(佢買點數卡都五百幾蚊至六百幾蚊)。佢平時返屋企(假期基本都係一樣)就係拿飲料,零食,開電腦玩遊戲，返到黎都冇做任何家務，碗,衣服,垃圾,地板,家中缺少的東西都是我弄，我之前要上班的時候就在上班之前及下班之後弄家務，我每日返黎就只係睇到屋企咩都冇整，佢買野飲都係丟在我電腦桌旁邊既地板又係好理所當然，就算垃圾袋滿左都照丟垃圾進去(不管是否滿到會掉在地上，掉在地上也不會收拾)，佢本人就係自己房打機玩遊戲。

我用電腦開短片黎聽已經調教小聲到接近關掉聲音位置，樓上時不時都有小孩砰地或拉野既聲發出，我就整返D聲嘈返佢，我阿哥就叫我全名同我講你唔好同我發脾氣，對佢發脾氣係冇用，佢唔會怕，係既把屋企所有野都丟到爛為止，咩都冇就最好。佢就一路係到講，上面一路係到整呢D聲，我就真係有D火係到講:「我頭先係對你發脾氣咩，邊個同你講我係對你發脾氣呀?!我係對上面發，係到同我砰砰砰。」，佢就安靜了一下再說:「咁你上去投訴佢呀嘛。。。你唔同我講邊個知?」，「上去投訴有用咩(我上次就已經上去拍門，佢D大人同細路咩反應都已經係到打過出黎)，我都係日日俾人吵醒。你真係唔知咩，你真係完全聽唔到咩?你唔係聽唔到，你聽得好清楚，你係扮聽唔到，唔好我話你。」(我有時都懷疑阿哥係唔係呢類人。我俾人蝦既時候佢有幫手咩，幫佢條命，佢係到用耳筒玩機扮聽唔到，等到之前有一段時間睇下好似完既時候先同我講：「做咩咁唔開心，係唔係呢到有仆街蝦你，係既同大佬講，大佬同你屌到佢地班仆街真係仆街。」，而呢個過程已經係幾年之後既事。），之後佢就安靜左自己返入房話：「呀。。。買六合彩先，差Ｄ唔記得左。」。又係到同我轉移話題，我回佢一句：「就算你買六合彩，都唔會中架啦。」。

我阿哥會幫我先至出奇，頭先我一直俾上面既細路係到砰砰砰，我就整D聲嘈佢，我阿哥係完全唔罵上面既人，只係罵我，罵我:「你唔上去投訴(我之前上過去)，係到拍夠未呀!?嘈死人!好學唔學學D衰野，痴線!」。我回佢:「唔見你罵佢地?只係罵我。我痴線既話，你地都唔係好得幾多。」，佢回我:「好學唔學只係學識D衰野。」，我回「係呀?都唔見得你有幾好呀，D砰砰砰聲日日不斷就係到扮聽唔到。」，佢回我:「你唔好去死。」，我回:「我都好想死架。」，之後佢就沉默了。

作者: 吳受坤 時間: 15-1-24 09:10 PM

本帖最後由吳受坤於 15-1-24 09:12 PM 編輯

缺心情發表於 15-1-24 07:43 PM
我一日之內又打電話又填表,面試好多次(我係屋企打電話既時候，附近都有鄰居講埋D廢話)，之前係我未搵到既 ...

唉，果啲人日日咁嘈你，
你又唔想報警，咁盞自己屈埋屈埋唔開心，
但你地應該又唔會搬走住，
咁冇計喎，唔通忍到果班細路都大個哂，
希望佢地到時唔會再嘈咩？
咁唯有你百忍成金，處之泰然，
至於你呀哥呢~話哂兩兄弟相依為命，
大家同一屋簷下都要包容互相體諒，
咁唯有希望佢快啲有女朋友搬出去住啦！
家家有本難唸的經，
先至體會到幸福真係唔係必然，
不過你都要放開懷抱，放鬆心情，
千祈唔好搞到自己有抑鬱症都唔知，
呀！你有冇跑步習慣，有時間出去跑番幾個白鴿轉也不錯，
而家天氣清涼，跑完都唔會好熱一身汗，
但個人就會精神左開心左，你不妨一試，
因為運動後會令人釋放胺多酚，令人心情愉快

作者: 吳受坤 時間: 15-1-24 09:19 PM

呀！仲有你一遇到有咩唔開心，
可以深呼吸幾次等自己心情舒緩安靜落黎也都唔錯架！

作者: KA2837 時間: 15-1-24 09:21 PM

吳受坤發表於 2015-1-24 21:10
唉，果啲人日日咁嘈你，
你又唔想報警，咁盞自己屈埋屈埋唔開心，
但你地應該又唔會搬走住，
咁冇計喎， ...

屌閪仲開心～

作者: 吳受坤 時間: 15-1-24 09:27 PM

KA2837 發表於 15-1-24 09:21 PM
屌閪仲開心～

縱情色慾只會令人更加痛苦沉淪，
千祈唔好沉迷色慾，以免沉淪慾海

世上要令人開心嘅事有其他嘅，
我就唔會咁囉！

作者: KA2837 時間: 15-1-24 10:44 PM

吳受坤發表於 2015-1-24 21:27
縱情色慾只會令人更加痛苦沉淪，
千祈唔好沉迷色慾，以免沉淪慾海
世上要令人開心嘅事有其他嘅，
...

冇男人唔鹹濕！

作者: 吳受坤 時間: 15-1-24 10:46 PM

KA2837 發表於 15-1-24 10:44 PM
冇男人唔鹹濕！

餌太咸

作者: Loveyan4ever 時間: 15-1-25 01:35 AM

咁正

作者: 缺心情 時間: 15-1-26 02:05 AM

本帖最後由缺心情於 15-1-26 02:11 AM 編輯

吳受坤發表於 15-1-24 09:10 PM
唉，果啲人日日咁嘈你，
你又唔想報警，咁盞自己屈埋屈埋唔開心，
但你地應該又唔會搬走住，

暫時冇錢搬住，可以搬我都想搬。
可以既話，真係想自己一個人住就算。

我係女，唔係兩兄弟。
兩者皆難，特別是後者。

對我呢個人黎講，冇點樣幸福過，一早就唔知幸福係咩感覺，問我唔開心,痛苦係咩會感覺深刻好多。我已經係整個晚上都係閱讀圖書等放鬆心情，但係好容易就會俾我大佬搞到好火，之前都成日同我講果D所謂既道理，但係佢自己又做唔到居多。佢由細到大就好鐘意食完就拍屁股走人，一到收拾就立即將個波俾我而且感覺好應份，今日佢係買三樣食材返黎打邊爐，但係所有野都係我自己整，佢認為自己食完拿返自己個裝滿調味料的碗直接放在冰箱完全冇用保鮮紙包好，電子爐放返原位但係完全冇抹過就係收拾好，剩下的大部份通通是我自己來，但係佢就認為佢已經收拾好，而且今日已經送大包好好人咁幫我收拾了(今日係我生日，雖然我都已經當平常日子咁過，但係睇到佢咁就好火。我一起身就已經先係洗兩機衫，出去一會返到黎就係做幾樣家務，重要幫佢準備好果D打邊爐既野，佢就好大少爺咁係自己房一直打機)，就走返入自己房去打機。我就先把被踏過既小椅子洗好，隨手放係地上，佢就認為我太用力的捉著我開始訓話，聲音,語氣,表情也很不客氣，重兩次弄掉我頭上外套的帽子，諷刺我從小就這麼有性格，這樣用力放那小椅子很討厭(他也不想想他每天用力關門等多少次，買的東西也是整袋隨手丟在我身邊弄到我也當沒一件事，東西他沒弄卻愛這左挑右挑)，說老媽幫到我出面(我小時候被打得最慘的那個。到大個吵架時又老是叫我別吵，就算我對也好也被叫別吵，免得再跟他吵下去)，他的意思叫我別迫他打我(他要是打我，我就一腳踢他中間位，讓他再重創跪地多一次)。他說他已經很好人有幫忙收拾，我跟他說係呀，不過拾D唔拾D，之後他又跟我重覆幾次的說我沒上班是否做多一件事這麼困難(首先不管我是否有上班，也不管是否假日他在家，我自己做的家務等事項或外出購買東西也一直不是只有一件，單單今天我就已經把家務全都自己做完，而他我卻老是看到他只是在家開電腦打機(不管是否放假，但他平常就說上班累，放假就說難得放假就不做事，甚麼都是他說)。)，我跟他說我快要上班，他就跟我說只是快要不是已經，又再問同樣的問題兩次(這就是他星座的特點，兩面都是他說就好，說話就是不斷的重覆，除非別人認同及道歉，不然他是不會停。)。我跟他說從小到大他吃飯之後都是拍屁股就走人，他就說我要找幾百年之前的事來說，他也可以說一大堆，說之前住的家地是他抹的，又說抹得很辛苦(可是他別忘了，我長大一點之後，那一些他連廚餘都丟進洗手盤弄到生蟲是我用手弄乾淨的，碗是我洗的，生蟲的垃圾也是我丟的，衣服有時也是我收或曬的，煮食也是我弄的，小強也是我在他在大叫時拍死的(幫他還要諷刺我很噁心)，甚至要收拾一些位置也是我收拾的)。之後又說我別認為只有我自己才累，他也很累，他上班上到肌肉勞損只是沒出聲而已(真的要說的話，我之前上班試過日曬雨淋，中了十幾次「頭獎」，試過被熱茶幾乎照頭淋到全身都是，手也經常性受傷流血留一堆傷痕，手撞到青了一塊(臉也曾經試過)甚至麻痺用不上力氣動不了，各種身體不適還要上班(有的是不同時候，例如感冒,傷風,發燒,嘔吐,腹痛,全身痛又無力等)，差點休克還要被罵是騙人。這只是部份的情況，還有一些都沒說，不是生病，而是別的事。)，說我認為他上班很容易似的(我沒認為他的工作很容易。只是是誰最初一開始就偶爾或慢慢不停挑剔我的工作，又說我就算一天對幾百個客也是輕鬆得很的事，抱著雙手不怎樣做事也行，簡直就是來騙別人薪水。我全身弄到很不舒服，上班之前都沒說一句就上班)。

要是在這條村跑步就免了，在運動場跑步有試過，不過到最後都弄得很麻煩。試過明明穿合適的運動鞋卻被場地人員指著罵我穿了不合適的鞋，我跟她說明她就說這樣好，一句道歉都沒有。之後和朋友去跑步，又會遇到一堆對我外在等討論,批評的人，甚至跟著我一起跑想和我聊或讓我聽到他們,她們討論,批評我的說話都有，之後就算我不跑坐在一旁也立即會有那一些人坐在我附近等繼續，去廁所也是這樣。所以我不太喜歡在公眾場合出現太久，我現在也很少外出坐在餐廳裡吃飯，大多都是叫外賣自取。

作者: 缺心情 時間: 15-1-26 02:13 AM

吳受坤發表於 15-1-24 09:19 PM
呀！仲有你一遇到有咩唔開心，
可以深呼吸幾次等自己心情舒緩安靜落黎也都唔錯架！ ...

我有試過，不過那一些人不會只惹火我一次。

作者: hk1234567 時間: 15-1-27 01:26 PM

KA2837 發表於 15-1-24 10:44 PM
冇男人唔鹹濕！

係外國有單新聞話有個變性人係酒吧度非禮個女仔,證明人妖都一樣鹹濕

作者: 東方．真龍 時間: 15-1-27 02:10 PM

香港D牛真係唔得, 去完日本食返唔到轉頭, 普普通通係日本撒利亞食都勁好食

作者: 常山趙子龍 時間: 15-1-27 07:39 PM

東方．真龍發表於 15-1-27 02:10 PM
香港D牛真係唔得, 去完日本食返唔到轉頭, 普普通通係日本撒利亞食都勁好食 ...

普普通通既 5-800YEN既飯都好食過香港果D

作者: KA2837 時間: 15-1-28 05:32 PM

東方．真龍發表於 15-1-27 02:10 PM
香港D牛真係唔得, 去完日本食返唔到轉頭, 普普通通係日本撒利亞食都勁好食 ...

咁冇得好講...

我喺SYDNEY嘅FISH MARKET食啲海鮮香港真係食唔到~

調轉, 香港嘅奶茶喺CITY唐人街又係飲唔到!

歡迎光臨 2000FUN論壇 (https://www.2000fun.com/)