2000FUN論壇

標題: 食肆禁煲劇玩手機杜絕打躉 [打印本頁]

作者: 我愛伍少梅 時間: 15-3-1 01:23 PM 標題: 食肆禁煲劇玩手機杜絕打躉

http://the-sun.on.cc/cnt/news/20 ... edium=home_CoverImg

一樣米養百樣人，光顧食肆的怪客愈來愈多，顧客永遠是對的這句金科玉律也要因時制宜。近日坊間有食肆對食客開出規矩，包括不准玩電話，不准唱歌，不准玩撲克牌，不准睇電影及不准食剩等等。要光顧就要遵守食肆規矩。有訂定規矩的店主表示，規矩確令部分食客不滿，但不怕規矩多多會趕客，規矩告示亦明言只求食客自重，互相尊重。專家提醒食肆老闆，自訂規矩過於強硬，隨時產生反效果而發生衝突。

天水圍粥店：忘情高歌滋擾食客
「請勿在本店內大聲喧嘩或高聲歌唱」出現於天水圍嘉湖新北江商場一間粥店。粥店負責人何先生表示，因近期部分食客於附近上課學習粵劇，下課後聯袂到粥店用餐，但往往情不自禁「哼番兩句，互相切磋」。

何生形容，唱歌食客愈唱愈入神，更愈哼愈大聲，對其他食客造成影響，「粵曲唔係個個啱聽，其他人怕咗佢哋，都快快走人。」

粥店擔心容許唱歌久而久之變相趕客，希望唱歌客識做「將聲量收細」，便於店內放低一張告示，忠告食客，「咁佢哋見到張牌，都會識做，唔會叫你難做！」唱歌客看見告示，都會專心用餐，只好細細聲唱歌，店員更指，有些唱歌客近日已沒有再出現，不知是否與「禁唱」有關。

元朗韓國餐廳：手指篤篤篤食咗乜都唔知
「不准玩電話，不准食剩，不准未齊人入坐。」一間位於元朗安興街的韓國餐廳，門口貼着一幅寫着大大個「不准」的告示，餐廳於五年前開業，由韓國大媽張太主理。開業一年後，老闆娘便張貼第一張告示「不准食剩」，因為眼見學生和女食客經常食剩飯餸，「我好辛苦咁煮餸出嚟，見到人食剩就好唔開心！」自規矩訂下後，食客開始習慣點菜時要量力而為，減少浪費食物。

後來，智能手機普及，老闆娘發現愈來愈多食客沉迷玩電話。曾目睹有情侶食飯時全程靠電話短訊交談，亦有客人忙於玩電話，連所食的是甚麼也不知。韓國家庭尊重長輩，後輩要待長輩食完才可離座，老闆娘認為，跟朋友或家人食飯要面向對方交談，故此又新增一條規矩「不准玩電話」。她亦擔心客人經常低頭玩電話，長久會傷害頸椎，餐牌不會放於枱面，而是掛於牆上，客人點餐就要抬起頭望。

雖然規矩大大張掛於牆上，但初期仍有客人違規，老闆娘一發現有食客玩電話，就會不客氣地敲敲餐桌提點：「食飯唔好打機喇！」但曾有客人被提點後大發脾氣，拍枱要求即時埋單走人，老闆娘對此處變不驚，「我會話，呢餐我唔會收你錢，但你唔使再嚟！」

「畀錢唔係大晒」
「你畀錢唔係大晒，都要守番呢度嘅規矩。」餐廳內，客人及員工都要守規矩，而大多數食客都明白事理會守規矩。規矩多多更變成餐廳特色，近日於網上廣傳，於社區之間建立名聲。

旺角粥店：難捱貴租望做多轉
位於旺角亞皆老街的一間粥店，同樣於店內張貼「請勿在此觀看任何電影或短片」、「勿在店內耍樂—遊戲機及僕（撲）克牌」及「請勿在此玩遊戲機」，訂立規矩皆因貴租之故。負責人蔡先生稱，店舖位於旅遊旺區，要應付昂貴租金不容易，但不時有人坐於店內打躉玩啤牌，粥店便開始貼「不准玩撲克牌」的告示，後來食客由玩啤牌變成玩手機，以及用電話睇戲「煲劇」，不少客人入店想搵位坐，但「打躉客」亦無動於衷。

「我哋唔係大型連鎖咖啡店，冇最低消費，如果有人買杯豆漿，但坐兩個鐘，咁點算？」蔡生坦言因租金和工資高，粥店要令店面流轉快才可維持生意，但又怕出聲趕客，會令客人反感，認為粥店不近人情，便再加貼不准觀看電影的告示，期望食客守規矩，「如果唔係太過分都唔會點干預嘅！」

作者: 吳受坤 時間: 15-3-1 06:02 PM

先頭睇電視，
見有食肆為左鼓勵食客唔好掛住玩手機，
俾啲手機膠袋食客入住部手機，
食客用餐時完全冇玩手機就可享有九五折！

作者: HeyHeiJar 時間: 15-3-1 09:02 PM

合理啦

作者: 小洋少 時間: 15-3-1 11:32 PM

比著你係老闆 D客叫碗廿零三十蚊野坐係度打你1 2個鐘機

你會點

作者: www00321 時間: 15-3-2 12:42 AM

本帖最後由 www00321 於 15-3-2 12:42 AM 編輯

我都會係食肆到玩手機~~~

不過只會係佢野食未上台之前玩!!

食緊唔會玩,食完就走人~~~

M記另計~

作者: 我係人你唔係 時間: 15-3-2 07:52 AM

一般係個飯未黎之前會玩食完就走唔會坐到玩手機

作者: 善福 時間: 15-3-2 01:18 PM

一台都係禁電話
講真, 去到其他國家唔會咁

作者: 不知不覺的 時間: 15-3-3 04:55 PM

善福發表於 15-3-2 01:18 PM
一台都係禁電話
講真, 去到其他國家唔會咁

就好似的士有冇權拒載

歡迎光臨 2000FUN論壇 (https://www.2000fun.com/)