2000FUN論壇

標題: 忽然有感而發 [打印本頁]

作者: luvavril4ever 時間: 15-11-9 11:38 PM 標題: 忽然有感而發

玩左lol都有3年多d，記得一開始係網吧見到人玩，於是就試下，本身都只係打下電腦消磨下時間，都後來有一段時間追求上鑽石，成日打積分，隊友雷就很燥，到而家開始視LOL為同同學放學後一種聯誼既途徑。
而家既我好坦白講，完全唔在乎積分，平時NG輸贏都無乜所謂，但無可否認LOL真係我玩過咁多只game普遍玩家風氣最差，尤其近年，而我都想講下自己對尼個問題既睇法，首先講明，我都唔算好高尚既玩家，以前有一段
時間我又系個d贏左開全頻串77既仆街，後來我記得睇過一條片，我諗通左認為串人其實無意義，有一段長時間無論對面開全頻串我，隊友打得差然後又要多野講，甚至連跳舞嘲諷個d都全部唔會做，因為我覺得無品都無意義。
話說岩岩遇到一個irelia中路，佢一開波q過黎想殺我點知比我首殺仲要殘血無死度，當然一路都無野，我亦無串或者嘴佢，甚至動作個d都無。然後佢去其他路肥左，我唔夠佢打，本身我個朋友用雷歐娜黎幫我，而佢操作都唔錯
飛兵好型咁走左，之後佢就回頭系度笑，引我地。我朋友唔知系咁岩定點啦就e左佢之後配合我殺左，然後我因為佢岩岩系度笑（而事實上我亦都好憎人系我面前笑，嘲諷甚至show神主牌個d)我開全頻打左個？
當然善惡到頭終有報，我地輸左而我數據都好差，irelia單殺左我之後亦都打翻個？，對面全部人都打左個？黎串我，我開始忍唔住開全頻同佢講，話系佢串先我先打？然後就一番互串個d啦，當然勝者為王敗者為x ,我地投降對面就
展開常見既問號啊？7啊？個d攻勢啦。對面如無意外5個都係香港人而且五排。我d fd都知我嬲嬲地，都同我講話算啦同佢吵只會自己唔開心。但無可否認我真係好討厭尼種人，我認我都有問題，如果我夠大量根本唔需要理佢，但
我系人，始終我會嬲，我會有發火既時候，我明白自己系應該大量，但唔通咁就代表尼種行為系岩？見到有時有d巴打因為同人吵唔開心上黎呻，下面d留言都好似反而系鬧樓主咩自己唔夠人串又或者咩輸就注定比人串之類，反正好似某程度
就忽略左其實唔系串人個個唔岩咩？當然我都認為做人系要大量，而我亦都訓練緊自己，但有時遇到尼種人我地嬲真係人之常情，anyway啦其實打咁大篇野都係抒發下自己岩岩個場既情緒，我印象中3年黎有一次系真係吵到用粗口互鬧，而對面
5個都係香港人，可能就系因為大家都係香港人所以先會咁嬲啦，因為唔明點解會有尼d人，如果系台灣真係費事曬咁多口水。我覺得拳頭公司其實某程度上都有責任，點解要整嘲諷笑黎比玩家用黎串人呢？點解又要整個咩神主牌戰隊牌呢？有時
真係諗唔明，LOL尼只game系我玩過一只好好玩既game,而亦都係第一隻我會玩到發火既game,我都有諗過唔玩，自問自己電腦大把遊戲，而家基本上如果唔係為左同同學玩我都基本上唔想玩，系GTA5入面渣下車殺下人自己又開心又唔洗受氣。
不過到頭來，我都唔想因為咁而失去同同學聯誼既機會，講到尾其實都係抒發下情緒姐，希望各位巴打唔好介意，而同時我都會學習做人大量d,可能我改變唔到環境不過我可以改變自己既心態，希望今次系我最後一次打尼d post啦

作者: peppergroo 時間: 15-11-10 10:34 AM

字海
只推不閱

作者: 冷亦風 時間: 15-11-10 11:02 AM

心態決定一切

作者: Nikon1123 時間: 15-11-10 12:32 PM

人會變月會圓

作者: arshing06 時間: 15-11-10 12:36 PM

心態問題怕受氣既話其實玩少D都可以

作者: twApocalypse 時間: 15-11-11 01:08 PM

心態決定一切....睇開D啦

作者: ASYY 時間: 15-11-11 02:26 PM

什麼人都有~~~由他吧~~

作者: twApocalypse 時間: 15-11-13 06:27 PM

ASYY 發表於 15-11-11 02:26 PM
什麼人都有~~~由他吧~~

我都咁話...我發覺好多人因為打LOL要勝場, 所以搞到好嬲好激氣...
咁樣完全違背打機既原意= =

作者: Chanhoyuen 時間: 15-11-18 02:23 PM

已閱
只推

作者: a27880864 時間: 15-11-20 11:37 AM

一開場直接黑單全部人

歡迎光臨 2000FUN論壇 (https://www.2000fun.com/)