2000FUN論壇

標題: 個幼稚園老師話拉我個仔坐監點算? [打印本頁]

作者: HeyHeiJar 時間: 16-2-12 10:55 AM 標題: 個幼稚園老師話拉我個仔坐監點算?

是咁的，我個仔前排係屋企匿埋喊
我緊係問下佢咩事
點知佢話原來轉左新老師
重話好掛住舊果個老師，話人地又靚又鍚佢又請佢食蛋撻
但唔換都換左，無得改變嫁啵，我諗住喊一排就無野啦

點知近排就黎料啦，佢琴晚返到話唔要返學
痴線嫁，有得你揀既咩，細路仔就一定要返學！
佢喊住話老師蝦佢，
話老師一開波無耐就收曬同學仔既零用錢
要搵學校巴士比佢地坐返學
但係明明屋企樓下有巴士直接到，
時間差唔多又無咁貴
最近重話程序出錯，要收多次錢
呀仔話覺得Ｄ錢比老師自己用左
因為佢有前科拎左班會５００蚊買ＰＩＺＺＡ自己食

本身大家都無咩野，反正錢可以再問呀媽拎
點知個老師為左搵外快，
叫埋佢街外補習Ｄ學生入埋班一齊上堂
大家Ｏ曬嘴，咩料呀。。無位啦啵？？
結果Ｄ街外人搶左佢地部分人既位，
重要好唔衛生，ＡＬＬ屎落地下又唔執返，又成日偷佢地Ｄ野
不過細路仔邊有記性，好快又無嬲一齊玩
我仔話唔只咁少，老師重質佢地飲屎尿水，話飲完身體好
又話以後舉手答問題，唔可以跟書本答

咁佢同班同學仔都有反抗過既
佢地小息就係走廊度遊行，又係教員室門口絕食，寫埋投訴信
點知就比其他同學仔話阻住佢放小息
班老師又叫左班長拉走左佢地
重買左支木棒比班長，打到佢地返班房唔敢再亂黎

結果最近啦
老師無啦啦搶左我個仔串魚蛋食
我個仔愈諗就愈嬲。。。佢話明明之前都好地地，佢黎之後就變成咁
佢嬲到震曬，正想去搵老師搶返串魚蛋
班長就行出黎阻止左佢
重無啦啦用木棒打佢，咁我仔無木棒得jerjer咪係地下執舊石掟佢
點知班長拎左支狼牙棒出黎揮兩野
我個仔嚇親就拎左舊磚掟佢
咁就出事啦

之前一齊遊行班同學仔即刻割席話我個仔痴線
話咩為左粒魚蛋唔值，又話佢好暴力
好似之前比班長打唔反抗咪無野囉
話佢搞亂班跌序，又話個班本身唔係咁，
話班長係無錯，重好慘，明明只係幫手維持跌序
又笑９佢，除左打到班長幾下，咩都無改變到
重話我個仔以為自己為民請命？根本係自作多情！
老師食魚蛋係比面我個仔！係佢自己無啦啦搞咁多野，自己出黎，打死無怨！
Ｄ街外補習仔重幫口話，咁唔鐘意咪係第２度讀

而家我個仔話老師要拉９佢，佢琴晚好彩跑得快返屋企先無野
想問，而家點算好？

作者: 劍羽 時間: 16-2-12 10:59 AM

先生，原來你有孩子的嗎？你有妻子的啊？