2000FUN論壇

標題: 到底開發商/GC係咪真係想卡片多元化? [打印本頁]

---

作者: 〝冰影〞    時間: 16-9-9 04:17 PM     標題: 到底開發商/GC係咪真係想卡片多元化?

其實我個post主要係想講鑲石系統, 技能平唔平衡暫且放埋一邊

我都主要係想針對番GC係鑲石上同開發商反映既程度 或者 到底有無反映


話說而家2,3,4,5轉 都可以透過4屬雪地王拎到, 又或者6,7轉箱抽到,雖然難, 但總好過8,9轉石
而6,7轉石唔洗講, 每日5團就有一粒,有幸就可以開箱開到

然而, 8,9轉既鑲石真係世界級
入手方法唔係無,而係根本不設實際(除非你真係好有米, 消費活動課1萬幾千抽到一百幾十粒咁你可以出番去)
一係就等活動團, 紅兵,虎王,九尾等等去抽
一係就打8,9轉團, 但試問, 1個月有真係打到幾多場9轉 仲要係云云物品中抽中粒咁珍貴既9轉石
8轉我都費事講, 從隨機陣營個刻起 已經宣告死亡

可能作為GM 或者坦護遊戲商既你會話, 團就擺左係度 打唔打你既事
無錯, 打唔打真係我地既事, 但係Motivation drives behavior, 我問番你, 咁點解日日有人開6,7轉
但無人日日開9轉/去8轉到打?
如果你拎其他服同香港比,我都唔怪你, 不過根本就比唔到, 我舉個好簡單既例,人地韓服食額外HP 可以上到100% 姐係30000/30000(30000) 依樣野香港已經做唔到 你仲要比咁我都無野好講

結論, 其實8,9轉3職有d係玩得過, 不過1張70+石既6,7轉同 得2,3石既8,9轉揀 你叫人點玩得落  

---

作者: 心願與你    時間: 16-9-9 04:38 PM

八九轉出得又遲過人，啲石又難拎過人。

---

作者: 忘戀    時間: 16-9-9 06:52 PM

心願與你 發表於 16-9-9 04:38 PM
八九轉出得又遲過人，啲石又難拎過人。

唔係bo

港服8、9轉距離韓服推出只有相差28及27日
而6轉 55日、7轉 90日

印象中港服係繼韓服出完之後最快推出既Ser

其他Ser更慢

競技角鬥場更加係與韓服同步於7月26日推出

角鬥場更新個次快到赫親

---

作者: 天使小王子    時間: 16-9-9 07:00 PM

我覺得8 9轉石難拎唔係最大問題

而係難得得黎 又要難入呢下先仆街

辛辛苦苦草D8 9轉石番黎 鑲嵌失敗真係心痛死

---

作者: 夜x月    時間: 16-9-9 08:16 PM

其實打天惡團仲好1箱抽3粒89轉石

---

作者: 不得丶不愛    時間: 16-9-9 08:30 PM

咁又唔係ge,都係大家齊齊冇*(真係除非你有錢啦),遊戲永遠都課金玩家贏架啦~.~

---

作者: 心願與你    時間: 16-9-9 09:44 PM



回覆 忘戀 的帖子

13 年 6 月 11 日開始有鑲石，然後八轉係一年之後先出，九轉就再隔多一年。
即係等到九轉出已經隔咗兩年。

一日起碼有一粒六、七轉石，兩年起碼各有 7.3 set 石。

一個禮拜得 4 粒混沌（印象中係一場一粒），3 粒換一粒八、九轉石。
八轉到九轉呢一年儲到嘅混沌，最多只係換到八、九轉石各 35 粒。

相差 20 倍喎？
相差 20 倍喎！

重點係，到九轉出嗰陣，八轉團冇人打，九轉團又冇人打，蠻荒之地打怪又唔出八、九轉石。

六、七轉可以繼續日日打，得閒打下蠻荒之地隻小王又可以拎幾粒。

而家 2016 年喇，又隔多一年喇，已經去到相差 30 倍喇喎？
相差 30 倍喇喎！

我當你搏命打活動團拎八轉石，打到 1set 都已經唔錯啦；然後拎晒啲混沌去換九轉石，都有 70 粒。
兩張卡升到 30 石已經係好運。

另一邊廂，3 年間單係計一個人仔，都儲到成 11 set 六、七轉石，已經差唔多夠上 90 石。
如果開多一個分身打，早早上咗 100 石添。

差異咁鬼大，張卡又唔係特別屈（唔計八轉咒），邊個白痴玩八九轉？

天 ser 大把 100 石六、七轉卡，耐不耐都見有人放添。
相比之下，八九轉，除咗之前有土豪整咗張 100 石八轉弓，同埋 PK 張八轉咒應該係 100 石之外，我都唔知重有邊個有 100 石八、九轉。

都係嗰句啦，GC 同 Entwell 自己有眼睇，統計一下遊戲狀態隨時都得。
花時間花心思整八九轉，之後又冇心繼續整好佢，到頭來事與願違，吃力不討好。
咁樣做營商法，真係有夠滑稽兼好笑。

即便八九轉同韓版同時出又點？問題根本唔喺呢度...

---

作者: 叉燒飯    時間: 16-9-9 10:23 PM

要屌下先肯識郁一郁

---

作者: 心願與你    時間: 16-9-9 10:24 PM

回覆 夜x月 的帖子

天惡團多人開咩？

---

作者: 〝冰影〞    時間: 16-9-10 12:48 AM

不得丶不愛 發表於 16-9-9 08:30 PM
咁又唔係ge,都係大家齊齊冇*(真係除非你有錢啦),遊戲永遠都課金玩家贏架啦~.~ ...

而家唔係講緊大家齊齊無既問題, 而係整完張卡出黎大家都唔用 因為同6,7轉無得比 咁整黎個原意做乜

---

作者: kittim    時間: 16-9-10 01:20 AM

回覆 天使小王子 的帖子

係囉入10幾粒得2粒入到=[=[=[=[=[=[=[=[=[=[=[=[=[=[[

---

作者: 不得丶不愛    時間: 16-9-10 02:25 PM

回覆 〝冰影〞 的帖子

咁就唔係石ge問題啦,而係張卡ge問題..跟本都係打怪卡-.-

---

作者: 〝冰影〞    時間: 16-9-10 02:48 PM

不得丶不愛 發表於 16-9-10 02:25 PM
回覆 〝冰影〞 的帖子

咁就唔係石ge問題啦,而係張卡ge問題..跟本都係打怪卡-.- ...

而家唔係講緊大家齊齊無既問題, 而係整完張卡出黎大家都唔用 因為同6,7轉無得比 咁整黎個原意做乜


我補充番 整完張卡出黎大家都唔用黎PVP 因為石既數量同6,7轉無得比

其實我個人認為除左8轉咒之外 9轉戰都幾好玩, 如果有張9轉戰50-60石 我都會揀黎玩下囉 但而家根本就做唔到

---

作者: blackdeath    時間: 16-9-10 10:08 PM



回覆 叉燒飯 的帖子

我唔覺屌左有郁到wo

234589轉石?無搞過
天惡團1次3粒wo?限時既,連打章都要限時
你都唔係24小時係公司做野啦,點撚樣可以成日開到團打呀

7轉弓隱台問題??搞左一半囉,點住腳下放技一樣可以隱完先落
就算係落台先隱,一樣玩完5秒上台情況無變
再加埋爆擊傷害最多7000,到底生存力可以強到咩地步
無撚用既9轉咒傳送唔準用,但係無限屈5秒隱身攻擊就可以
咩邏輯?

職業平衡???
搞左呀,我覺得仲越整越衰
本身弓手同火戰都仲有得玩下,改完遠攻減30>65%..仲有士氣可以超級迴避都算
個撞暈整到拉速都拉唔到,用點數係你商城買既吱吱帽都係80%↑暈我
成張暗弓完全無左單p能力,改完係好大力呀,淨係果一擊囉
依家唯一作用咪吸定攻加齊技,偷襲一下秒殺人
好撚刺客feel呀BB
最需要改既4轉弓只係做左D垃圾改動

8轉咒有無敵11秒仲加個短cd 60秒mp盾比佢
5轉咒都係會miss更加係致命傷
4轉劍同3轉咒呢d無人會pvp既輔助卡整10秒無法爆擊有咩用?
需要保命既卡就無調整,有足夠生存力既卡再強化

有天使之後7轉劍呢d要慢慢坐既技打持久戰收晒皮
一解左就連自身技都無得補番
米米呢d on9同伴更加唔洗解釋啦
劍士既坦,咒師既負效,弓手既速度去晒邊
依家見到既淨係人人加個神3,劈2下就可以打低你
平衡變失衡就真

仲有D awlv飾品,我同其他人合左加埋70隻以上1次減爆都無
我問佢到底有無整減爆效果入去
我屌你老母臭西條廢柴chris
答我係機率問題,你set0.000001%先合到都係機率問題
你講撚晒

有心搞?
對唔住我真係睇唔出呀原廠既遊戲設計師
浪費左你地一番苦心
真係好撚好撚失望

個個得個睇字,繼續睇住佢垃圾更新啦
pvp遠征團呀,一齊8轉隨機住勢力鬥打敵人+打隻超級渾沌
一齊比新怪一下劈3千幾+大量暈效燒住強回升lv
你地只可以係隻game入面屌住黎玩咋傻西

---

作者: 官方小雲    時間: 16-9-12 10:05 AM

blackdeath 發表於 16-9-10 10:08 PM
回覆 叉燒飯 的帖子

我唔覺屌左有郁到wo

飾品個機率問題已經同原廠反映左
原廠亦已回覆會於下次更新時大幅提高…
不過至於提高幾多…小雲亦不清楚= ="...
目前只好觀望下次更新

---

作者: blackdeath    時間: 16-9-12 01:12 PM



回覆 官方小雲 的帖子

我提佢老母呀 提提提

依家我乜撚野材料都用q晒啦 同我講下次更新提升機率?
不如等埋慶祝完聖誕節先提啦
一早就問過隻飾既問題,我唔知你地幾時先反映比佢知
on9原廠整d野有問題
次次乜撚賠償都無屌你老母
點解會流失人流?因為廢物原廠連呢D咁既地方都做唔好

我成日係到做小丑屌咁耐,結果只係得D小改動
到底原廠有幾堅持佢自己營運既方向、原則
堅持到睇住自己新出既野係港服係無人玩
點解唔可以為港服特別改動

---

作者: 〝冰影〞    時間: 16-9-13 10:00 AM

回覆 官方小雲 的帖子

其實小雲你入黎依個Post
答其他人問題我無所謂,
但你可唔可以唔好直接無視我依個topic而走去覆其他topic
斷估你入黎都係因為我個topic掛

---

作者: 官方小雲    時間: 16-9-13 10:34 AM

〝冰影〞 發表於 16-9-13 10:00 AM
回覆 官方小雲 的帖子

其實小雲你入黎依個Post

唔識點答你= ="...
因為點答都好難令所有人覺得滿意…

開發有自己的考慮…
小雲只可以盡可能以自己的方式來給予玩家額外的獎勵…

小雲個人見解是，
原廠並沒有刻意要讓玩家使用8、9轉卡～
正如「1張70+石既6,7轉 同 70+石既8,9轉揀」，
你還會用6,7轉嗎？

當然，日後不排除原廠會以各種活動的方式，或改版來追加額外鑲石取得方法…

---

作者: blackdeath    時間: 16-9-13 12:56 PM

官方小雲 發表於 16-9-13 11:34 AM
唔識點答你= ="...
因為點答都好難令所有人覺得滿意…

意思就係原廠刻意要人用6/7轉?
廢晒234589轉卡

正如「1張70+石既6,7轉 同 70+石既8,9轉揀」，
你還會用6,7轉嗎？

你問個個人答案都唔會一樣嫁
比如套裝係想為玩光暗屬而設
我有張100石6轉都無用嫁,又唔想用佢,同套裝適性又唔高
有得揀點會選擇6/7呢個方向呢?

樓主就係問出咁多卡有咩用
因為被石頭所限大路都係會整6/7轉卡用
真係完全唔明白點解要將全部玩家困死係6/7轉卡呢個籠入面
只係得一少部份既玩家會周圍搵石合234589轉卡到

---

作者: 〝冰影〞    時間: 16-9-13 02:32 PM

回覆 官方小雲 的帖子

小雲個人見解是，
原廠並沒有刻意要讓玩家使用8、9轉卡～
正如「1張70+石既6,7轉 同 70+石既8,9轉揀」，
你還會用6,7轉嗎？


原廠並沒有刻意要讓玩家使用8、9轉卡～
我諗你曲解左我意思, 我由頭到尾都無話 希望原廠刻意要讓玩家使用8、9轉卡
張卡就擺左出黎, 用唔用當然係玩家既事, 而依句野就引申到落你下1句到啦

正如「1張70+石既6,7轉 同 70+石既8,9轉揀  你還會用6,7轉嗎？
如果大家既鑲石數相約 咁點解你會覺得玩家唔用6,7轉?

我正正就係希望8,9轉既鑲石都可以普及化, 咁先做到多元化
6,7轉本身係好玩既 斷然唔會因為8,9轉 高石左
而放棄6,7轉  依樣野你搞清楚先  

或者我掉轉講, 如果無左鑲石系統, 我會幾肯定咁講, 會有人肯投資多d落8,9轉既卡黎同6,7轉一齊玩
不過咁假設既野嘈黎無謂, 所以都係個句, 一日唔普及8,9轉石, 一日都唔會做到多元化

---

作者: HeyHeiJar    時間: 16-9-13 03:16 PM

官方小雲 發表於 16-9-13 10:34 AM
唔識點答你= ="...
因為點答都好難令所有人覺得滿意…

小雲寶寶

能不能夠跟原廠反映盡快更換遊戲代理?

---

作者: 醉憎海弓    時間: 16-9-13 03:39 PM

回覆 官方小雲 的帖子

甘多張卡醉憎就海弓 幾時先改返平衡同bug?
bug台+紅兵+齊技3色水打無技
小雲你玩埋我戈份？

---

作者: 順時針方向    時間: 16-9-13 04:15 PM



8,9轉好明顯要多人玩 首先修改或者改強/弱  8轉弓,戰明顯 對比咒黎講輸蝕好多
鑲石只係其中原因   而現在8轉咒既人數 相信已經比6 7轉咒既人多 而佢地冇因為鑲石問題而停留係6 7轉到(已經睇到鑲石佔 普及問題並唔係最大原因)
而8.9轉弓戰 無6.7轉強當然停留  <---我相信主流玩家都想係用最強既卡 特殊癖好唔計
如果改變成打團好似6,7轉咁 大量8,9石流入 最大得益都係咒?!  
最後影響既又係小/中課玩家  土豪當然冇問題
好似弓手/戰咁 100石7轉弓戰 定100石8轉弓戰     唔洗諗一定係7轉 各方面都優秀好多
9轉我唔多講 潛力好大 暫時都仲未知好壞

---

作者: 心願與你    時間: 16-9-13 11:50 PM



回覆 官方小雲 的帖子

開發有自己的考慮…
小雲只可以盡可能以自己的方式來給予玩家額外的獎勵…

小雲個人見解是，
原廠並沒有刻意要讓玩家使用8、9轉卡～

我明白原廠係唔會刻意叫玩家用，但問題係實際情況令到大家唔用。
我亦都明白原廠有自己嘅考慮。我更明白原廠嘅考慮，係唔包括遊戲嘅實際情況，同埋玩家嘅感受同反饋。
呢個真係非常多謝小雲你提醒大家。

正如「1張70+石既6,7轉 同 70+石既8,9轉揀」，
你還會用6,7轉嗎？

只可以講呢個比喻有啲令人無言...
問我「還會用 6、7 轉嗎」？
Why not？？
我真係諗唔到 why not。

不如我又問下你吖：
「1 張 70+ 石嘅6、7轉，同得 20 石嘅 8、9 轉揀」
你還會用 8、9 轉嗎？

「1 把 70lv 嘅武器，同得 20lv 嘅武器揀」
你還會用 20lv 武器嗎？

答會嘅人，相信主要係以下四種情況：
1. 無聊得濟；
2. 有特殊廦好；
3. 腦子有問題；
4. 唔夠 level。

---

作者: -逆魂-    時間: 16-9-14 06:44 AM

7轉我已經覺得勁難抽石啦.......

---

作者: 官方小雲    時間: 16-9-14 09:55 AM

大家
平均一個星期可以拎到多少6、7轉石？
平均一個星期可以拎到多少8、9轉石？

---

作者: kingscollege    時間: 16-9-14 10:36 AM

官方小雲 發表於 16-9-14 09:55 AM
大家
平均一個星期可以拎到多少6、7轉石？
平均一個星期可以拎到多少8、9轉石？ ...

一個星期最多可以拎到42粒各6、7轉石
一個星期最多可以拎到3粒各8、9轉石

---

作者: 〝冰影〞    時間: 16-9-14 11:33 AM

官方小雲 發表於 16-9-14 09:55 AM
大家
平均一個星期可以拎到多少6、7轉石？
平均一個星期可以拎到多少8、9轉石？ ...

一星期打足67轉團 最少7粒,  有幸開箱抽中可能可以10粒到  
8,9轉石 一星期拎到一粒都偷笑
首先雪地一定無人打8轉個箱等同廢左, 更加唔好提渾咩咩之魂換石依個方法, 就當9轉團一星期有2,3團, 抽都未必抽得中

然後天惡團 而家多左人打既  抽到咪3粒囉, 但問題要等出王, 又難打  根本無一個穩定性係度

---

作者: blackdeath    時間: 16-9-14 12:14 PM

官方小雲 發表於 16-9-14 10:55 AM
大家
平均一個星期可以拎到多少6、7轉石？
平均一個星期可以拎到多少8、9轉石？ ...

依家我只係講穩定換番黎,有打就一定有石既數據
每日5團6/7轉團=1粒6/7轉石 1星期=7粒6/7轉石
1星期4場8轉,如果唔係耶穌復活,應該無可能打到足,有1場都偷笑
首先要有幾十個人陪你入8轉打隻超級勁boss,仲要無人隨機完勢力之後打人阻打boss
4場8轉=4粒渾沌之魂,3粒=1粒8轉石 1星期=1粒
9轉?1星期完全係0
抽番黎既就另計,又唔係百分百抽中
依家講緊100%可以穩定拎到石既途徑

原廠係有自己既考慮,定係數學唔合格先設計成咁?

---

作者: 醉憎海弓    時間: 16-9-14 12:52 PM

回覆 官方小雲 的帖子

小雲無視我問題  

---

作者: 順時針方向    時間: 16-9-14 02:21 PM



回覆 官方小雲 的帖子

8,9轉入手的確難 但係好耐之前亦有玩家達100石8,9轉卡
入手方法大部分都係來自活動團  (每次活動期間/結束之後 都有人賣大量既8,9轉石 數量高達5s以上)(活動期間每日夜晚s2-s5 都會見到某團刷)
只要活動團箱加入同改獲得8,9轉石機率就解決成件事(夢之每隔一段時間就有活動團,我相信活動期間所獲得既8,9轉石 會比每日累積直至到下次活動團既多)
咁樣亦都唔過份  因為活動團無條件限制1日最多打幾多團 而入手條件簡單/普及/照顧所有玩家    (部分人懶唔刷就無辦法)

---

作者: -逆魂-    時間: 16-9-15 06:19 AM

其實我覺得如果8,9轉石咁難抽既..

倒不如叫我地打出黎..

好難咁樣沒完沒了咁抽

---

作者: 忘戀    時間: 16-9-15 08:42 AM

大家
平均一個星期可以拎到多少6、7轉石？  7粒
平均一個星期可以拎到多少8、9轉石？  0粒

---

作者: 心願與你    時間: 16-9-15 10:38 AM

我諗緊如果搵隻 NPC，喺合成嗰一欄度整個：
X 粒遠古石 -> Y 粒英雄石
Y 粒英雄石 -> X 粒遠古石
之類，唔知如何？
純吹水。

---

歡迎光臨 2000FUN論壇 (https://www.2000fun.com/)

Powered by Discuz! X1.5.1