2000FUN論壇

標題: 官網建議，小雲請入 [打印本頁]

作者: A/CUNIT 時間: 17-11-10 03:40 PM 標題: 官網建議，小雲請入

話說夢之歷險港服今年都已經十週年，但官網資料依然係十年如一，官網既資訊同遊戲入面嚴重脫節，唔好話新手想睇下d資料，有時就算係老手想睇番d資料都要周圍問人甚至要上非官網查詢，而且亦都未必搵到答案。或者會有人話隻game仲有新手玩咩？我既答案係如果官網d資料係同隻game做到同步既，新手唔敢講話會多好多，但至少情況會比依家更好。
我知道遊戲既資料量好大，亦唔奢望可以一口氣做晒所有資料，但有幾樣資料係我認為係比較重要：2-9轉人物獲得方式及技能介紹、各職業技能及裝備資料、各類遠征團、所有地圖及地圖NPC和怪物、所有夢古及其他主要寵物、所有同伴及同伴S卡、所有座騎、死地介紹、雪地和沙漠介紹等等（如有其他大家可在補充）
希望小雲可以考慮一下呢個建議，我諗呢個應該唔洗由原廠決定喇掛？就算要我諗原廠都冇理由去反對。上述既建議雖然只屬遊戲一部份資料，但涉及既資料量都係好龐大，希望可以分階段更新官網資料。我係真心想夢歷可以有下個十年，唔想夢歷就咁沒落。

作者: 寒霜 時間: 17-11-10 03:47 PM

意見接受，態度照舊

作者: 官方小雲 時間: 17-11-10 04:43 PM

有諗過搵合作整攻略網…
但係基本上依家所有攻略網都只做手遊，一係就要官方自己寫…
試問小雲又寫得幾多資料~_~...謂有每次有新活動盡寫。

作者: winG!! 時間: 17-11-10 04:48 PM

忘戀出動未?

作者: A/CUNIT 時間: 17-11-10 04:55 PM

回覆官方小雲的帖子

真係要寫既，搞下活動徵召玩家提供資料不失為一個好方法。我上面都講左唔期望一下子寫晒，最緊要官網係一路有更新，又或者玩家做義工提供埋資料比你放上官網，方法有好多，都係睇小雲你搞唔搞

作者: 忘戀 時間: 17-11-10 07:08 PM

本帖最後由忘戀於 17-11-10 10:24 PM 編輯

之前諗住寫
不過寫佐少少發覺要處理嘅資料太多
而且d圖檔又唔齊
之後就close file

以下我將其中一個遠征團做例子

作者: A/CUNIT 時間: 17-11-10 08:16 PM

回覆忘戀的帖子

有心既玩家真係唔少，但好多人都覺得資料量太大所以冇搞落去，如果官方出d活動獎勵下提供資料既玩家我諗成效唔會低，至少要見到官方有誠意繼續做落去

作者: 黃米奇 時間: 17-11-11 08:46 PM

小雲唱夢之歷險主題曲

作者: ˇ為妳喝采` 時間: 17-11-12 10:00 PM

如果官方有心做整合既我唔敢講每位玩家都會落手落力去做去支持
但係我相信都會有唔少既玩家會去幫忙做資料既提供來源
希望小雲你地既作用係解決問題而唔係去發現/製造問題....
我知手就得一對做就實做唔掂架啦
我個人認為你做唔掂整到一半中途腰斬
俾到我睇既果種態度總會比試都唔試就直接賴呢樣賴果樣來得好...
參考:以前GGC手機版岩岩出果時都有一個區係提供英雄攻略咁上下
雖然有好多都係呃分呃獎既文但其中都唔少係認真去寫既攻略文
百分比唔洗多可能你抽出1個%已經夠你整合做簡略既
「知道遊戲既資料量好大，亦唔奢望可以一口氣做晒所有資料，但有幾樣資料係我認為係比較重要：2-9轉人物獲得方式及技能介紹、各職業技能及裝備資料、各類遠征團、所有地圖及地圖NPC和怪物、所有夢古及其他主要寵物、所有同伴及同伴S卡、所有座騎、死地介紹、雪地和沙漠介紹等等（如有其他大家可在補充）」

唔要求你勁詳細做到好似一份通關指南咁簡簡單單指出下地圖 NPC等等已經十分足夠

作者: A/CUNIT 時間: 17-11-13 01:15 PM

回覆 ˇ為妳喝采` 的帖子

講左咁多唔知小雲有冇將件事擺係心，搞唔搞都好，起碼出黎表下態。我知好多人都希望官網可以有多d資料，如果小雲話唔搞既，咁我唯有再搵其他有心之士去諗諗辦法。

作者: kittim 時間: 17-11-13 10:11 PM

而d野一早就要有啦我諗個網6-7年都冇更新過~`~
不過遲到好過冇到

作者: 官方小雲 時間: 17-11-14 11:49 AM

小雲只能夠講…
官網唔係攻略網…
莫講話送禮物…小雲甚至唔可能拎到授權比玩家寫攻略…
但唔會阻止玩家去寫…

作者: 心願與你 時間: 17-11-14 01:38 PM

好似 nos wiki jp 咁整個共筆囉。
睇下有冇邊個做搞手。
http://nostale.wikiwiki.jp/

其實 wiki 本身都可以整？
https://zh.wikipedia.org/wiki/光之冒險
我就冇點研究過 wiki 度寫嘢。

作者: 　　　　﹏ 時間: 17-11-14 11:57 PM

回覆 A/CUNIT 的帖子

一定可以有下一個10年的因為一定要有人課金落呢隻game到..幾萬幾萬咁放係呢隻game到

有佢地nos就有望xd

作者: 官方小雲 時間: 17-11-15 11:39 AM

回覆心願與你的帖子

算係灰色地帶～
一般情況下原廠唔會過問。
但要拎到授權去做，可以話無可能…

作者: m0爺 時間: 17-11-15 03:35 PM

小雲潛台詞：最好係咁啦最好你地做埋佢你地都知我冇乜心機做野

作者: 心願與你 時間: 17-11-15 08:42 PM

本帖最後由心願與你於 17-11-15 08:44 PM 編輯

回覆官方小雲的帖子

咁或者咁講囉，如果 GC 負責起一個 wiki 出嚟，叫做用嚟畀玩家自己整理同分享情報，咁我諗唔涉及授權唔授權吧？
問題係 GC 會唔會願意花人力同金錢，去搭建同維護套 wiki？

（指 server 同 application level）

當然我自己心諗，如果識得玩 wikipedia，就用返 wikipedia 應該會更慳水慳力。
但要做到 nos wiki jp 嘅質素相信有啲困難，眼見 wikipedia 啲中文條目一向都流流哋。

作者: 月夜卍 時間: 17-11-15 11:58 PM

冰之那個出出下停左既

作者: 死亡淍澪 時間: 17-12-10 12:44 AM

其實有個網整理好晒沙地d日任同支線任名,概要同完任比咩
不過岩岩搵番出黎好似無交錢汁左笠

呢度放一頁我搜番出黎既沙任
http://webcache.googleuserconten ... p;ct=clnk&gl=hk

作者: edda伊達 時間: 18-1-15 04:23 PM

這遊戲比較老了，很不容易

歡迎光臨 2000FUN論壇 (https://www.2000fun.com/)