2000FUN論壇

標題: Isa：兩個角度「看」一個世界 [打印本頁]

---

作者: 瀨戶１貴    時間: 04-11-14 04:53 AM     標題: Isa：兩個角度「看」一個世界

～～～～～～～～～～～～～～～～～序～～～～～～～～～～～～～～～～～


我諗我算唔上係咩金仔既老臣子
但係總算係一個經歷由金仔係２級公會變到２２級公會既一個老會員
我仲好記得一開始入金仔，純粹係一種你買我賣既關係
賣：我牧師比公會吸５０％等公會升級
買：金仔比我隻鑄鐵一個位去吸牧師升級
唔理我同金仔係咩原因走埋一齊都好，金仔都係一個同我一齊左陪左我近半年既公會
對金仔，我未必有情，始終我唔鍾意打王，唔鍾意ＰＶＰ，淨係鍾意買賣野掛機
但係我肯定，我對金仔有義，因為冇金仔既話，我冇牧師，我冇鑄鐵，而且吉分密穴真係算係一個可以幫人致富既地方，所以冇金仔，我諗我好多野都好唔同，所以我覺得金仔對我黎講，我係差佢一D野，難聽D講句，我真係欠左佢D野。
雖然金仔既公會等級，我諗２２級有２０級係吸我吸返黎，但係我覺得我依然係欠金仔D野，我依然覺得自己仲未可以還曬比金仔，所以即使我知道我對金仔係有貢獻，但係我都唔敢周圍同人講我對金仔「冇功都有勞」呢D說話，因為呢句說話既條件，係要功、勞相近先成立，多勞而少功，又點算得上係「冇功都有勞」呢？

有時世界真係好真實好公平，每一樣野都有佢既光明點同陰暗面，一個密穴，雖然係令金仔帶黎某D正面既野，但係同時，都真係帶黎左其他負面既野。

我o係金仔雖然係有近半年，但係，我諗頭４個月大家都係一種買賣關係，因為果期我拍緊拖，RO對我黎講，我諗果時係一樣我一日都唔會用半個鍾去搞佢既野，所以同公會入面既人冇咩兩句，淨係同金仔會長凝雪有一兩句。係去到變左單身既時候，先開始多D掂下RO，但係對我黎講，RO淨係一個沖下野刺激下既遊戲，好快，我就決定左賣裝備唔玩，而係果個時期，我開始認識多左一兩個公會既人，佢地就係奔走行同埋乜九都擋（即NN）。
之後我賣左一頂小惡魔帽同一件+9洞斗，當時打算快快手手賣曬就走。
可惜要賣曬D野對我呢個懶人黎講實在太難啦，加上果時要準備去台灣電視台實習，結果係賣唔曬就要飛左去台灣。

o係台灣既時候，間唔中得閒都會上下網玩下icq，有幾次撞到金仔會長凝雪，佢話唔想玩RO跟住直頭係冇玩RO TIM......原因.....又係D掛機之後掛左D寶既問題。對我黎講，我不嬲掛機都係幫人淨掛，咩叫淨掛？即係開左外掛之後，就唔理佢去搞其他野，唔敢話去掂人地帳號D野甚至話拎人D野咁大膽，講真，人地信得過你先比個ACC你掛，我諗唔係要做到咁冇品去拎人D野掛，GAME錢JAR喎，係就係話可以賣到真錢，但係果少少錢去出賣其他人對你既信任，我覺得唔值得LAW。

最後我返香港之前，凝雪仲話不如比左個公會我，當時對我黎講，一來係有種受寵若驚既感覺，二來，覺得有D可悲.....點解你有咁多真人FD你唔比，但係你會講埋帳號同密碼一個你素未謀面既人果一刻我諗，金仔入面既人.....唔會係咁差呀?大概都係誤會黎JEL。最後我因為仲係o係台灣，所以推左雪佢話遲D再算。

返到黎香港，雪已經冇玩，但係反而同金仔既人開始多左接觸，始終係暑假關係，真係人都FREE D。奔走行佢地叫左我幾次去網吧之後，有一次終於去左，之後就開始同金仔既人熟，識左JJ（我諗金仔之中，我最當佢係朋友既一個）雲天、鈴鈴、蕃茄、ROY佢地。呢段時間，係我同金仔既熱戀期，真係好多時會出黎打下機，間唔中會搵JJ食飯，佢又會搵下我搞緊咩果種（雖然我經常放飛機）。但係有時有D野就係咁，「路遙知馬力，日久見人心」，大家唔識、唔熟，可能覺得大家都冇咩野咁，但係真係識耐左熟左，好多野就會比你見到另一面出黎.....

---

作者: 瀨戶１貴    時間: 04-11-14 05:38 AM

其實凝雪走左之後，金仔真係一個幾可憐既公會
因為佢已經變成左一個小圈子，通常一個人都會有兩個帳號放左o係公會到，甚至有D過份既，竟然一個人有成五六個帳號入左公會掛機......嗯，無錯，一個三十六人既公會，係有一個人掛五六個帳號落密穴，不過都唔係D咩既，因為聽講話入面第五個係幫SEAMAN掛既（但係一路都未見過聽過佢講野，當時真係懷疑係咪有呢個人玩，直到之後到開返攻城先見過你有咁既人玩返），而第六個帳號就係幫鈴鈴掛既（呢個聽阿奔走行講已經係冇玩既，實際係有冇玩，我真係唔知）。
但係問題開始黎啦，唔對路喎，我公會由有三個位，之後比左一個位出黎比人升，之後過左一輪又比左一個人，得返一個位，但係掛五六個帳號既，依然係舞照跳馬照跑，咁好似唔公平喎。
唔係話我D位越黎越少而覺得唔公平，
而係點解有人話就話同其他人FD，
但係一講公會既密穴位就唔出聲？

加上當時發生藍幻紅幻之分家事件，
所以有次我同阿奔走行講：其實好似幻影咁係幾好架喎，一人一個位，會長都冇情講，好公平呀！
之後奔走行就話：我都知，我都覺得咁唔掂，依家佢一個人掛咁多個帳號入金仔，但係我唔識點同佢講呀
我就話：照直講LAW，幻影佢做到咁公平，都可以有D咁既事發生，如果金仔第日發生D咩，想幫佢都幫佢唔到口啦，而且遲D真係攻城，佢一個人控制六個帳號打咩?就算借ACC比人，我地活人黎黎去去得果幾個，就算到時有人用佢既帳號，一加一減，咪又係得果幾個活人，咁即係變相搵個藉口出黎JEL，唔合理喎
之後奔走行就話：唉，等我搵日同佢講下啦

當時我地講既，大約就係咁，我地講完呢件事之後幾個鍾，果五六個帳號就出曬公會，我諗可能係佢見到呢番說話或者阿奔走行同佢講左件事。

之後過左一兩日，我o係中央見到呢個出左公會既人，咁岩我果時賣緊野，之後佢密我話打比我，咁之後打左比我傾左兩句話佢想收我某D野啦，講左價錢果D啦，跟住講講下，佢話唔玩。
下!?當時我第一個反應就係呢句~_~
點解你又話唔玩又收野- -??
之後我問點解，佢就話心淡，講話自己對公會「冇功都有勞」，掛咁多個帳號入去都唔過份，又話阿奔走行唔識分邊D先係朋友邊D係外人。咁我其實一路o係金仔都係唔知頭唔知路架啦，以為原來佢o係金仔都係「冇功都有勞」既，咁我就將我地話公會應該公平D呀，一個人掛太多帳號，遲D開攻守城既話會好有問題既諗法講比佢知，但係我講完之後聽佢既語氣，我知道佢都係唔明、唔理架啦，所以我都冇多講落去。

果晚奔走行同我講左，話呢個人都同佢傾左電話，果個人話同奔走行好難做到朋友、以後應該都唔會再見架啦，依家唔再玩RO咁既說話。咁其實呢個人雖然唔係識左佢好耐，但係我都唔係第一次聽佢講話唔玩，所以我叫阿奔走行話唔好諗咁多啦，總之希望佢會明白我地既諗法，咁自私同自我中心既諗法，唔好話遊戲，就算現實生活都係唔WORK架LAW。

但係過左幾日之後，奔走行同我講，話呢個人借JJ把口，話要入返公會。
我果時就問，下，佢唔係唔玩咩？
之後原來佢又話玩返.....WELL, NON OF MY BUSINESE啦

咁期間我同金仔既人越黎越熟，當然，放飛機既頻率並冇因為咁而改變到，所以JJ由成日搵我，變到開始少搵我，大家多數都係GAME入面吹水，同埋間唔中過間唔中咁經過佢學校就搵搵佢咁.....

---

作者: 瀨戶１貴    時間: 04-11-14 05:57 AM

咁開頭我都以為冇咩野，但係原來呢件事，我同阿奔走行係比人o係背後放左好多二連矢，但係，明明我地係以平等、公正既原則出發，我唔明點解有人可以沒的放矢咁去話我地，都算啦，你如果係有pt既，你同我地三口六面講既我地一定會聽，但係做咩要冇pt又周圍同人講自己咩「冇功都有勞」果D不合理既論點合理化同埋講D唔講D同片面咁講到自己係有幾好人地有幾差.....
不過算，雖然有D傳播學既書講過，讀者、受眾係會好愚昧咁去接受、相信信息，但係我始終覺得，人係有分別是非黑白既能力，講真，某D人係出名小氣同埋鍾意背後亂插人既，我諗，其他人聽佢講既野都未必會信架。

但係我發現，原來潛移默化呢樣野真係有用架喎，當呢個人不停咁宣傳自己，踩踏其他人既時候，受眾真係會慢慢由唔信變成半信半疑，之後開始對佢講既野堅信不移，而呢班既人，大多數係本身係唔認識呢個人既歷史同背景。
哇！又同傳播學講既野一樣，當你一個人本身係對某D野認知不足既時候，你好容易就會完全接受曬收到既信息；相反，如果你本身係對某樣野有一定既認知，你接收到既信息你係會經過過濾同思考。

簡單D黎講，就真係指鹿為馬，但係，我都覺得呢個人係利害既，因為如果唔係有人講我知，我都唔知道佢背後射左我咁多箭。
呢個世界，有時係呢種人先至係最成功既！
我覺得你對住我，我又FEEL唔到你射我果下勁喎~
可以做到咁，我真係比個服字佢！

---

作者: 瀨戶１貴    時間: 04-11-14 06:18 AM

之後過左冇耐
官方話就快開放攻城啦～
正啦，終於有得玩攻城
死啦，公會得班幽靈人
就係呢個時候，有D異常既事情發生左.....
果個掛好多個密穴帳號既人，無啦啦出去開左個公會
奇怪～
佢掛咁多個金仔，應該幫金仔守城
但係幫金仔守城，唔會去開公會架
開公會既，即係想自己攻城同拎城
攻城拎城既，咁即係唔幫金仔守呀?
但係如果要攻城既，做咩仲掛住五六個帳號架?

好怪好怪，奇怪奇怪
就係呢個時候，凝雪話玩返，之後佢同奔走行就話，呢個人遲D一定搵藉口反面同打金仔架啦.....
我當時話，唔會掛，話曬都係金仔養大佢咁多個ACC，唔會咁冇品既.....

但係當時金仔都真係幾灰.....36個位，好多人都係有一人兩個位，之後加上嚴重既有人有四個位加代掛一兩個都唔知仲有冇玩既ACC....公會實質得廿人左右.....
死啦，如果比人守，一定十二碼啦，仲唔大濟?

但係都冇辦法，船到橋頭自然直.....
不過我真係估唔到，攻城短短開放左兩三個禮拜，我見到睇到既野，竟然可以深刻過我一路以黎既RO發生既事情.........

---

作者: 瀨戶１貴    時間: 04-11-14 06:49 AM

第一次守城，我係出左網吧既
果日有班金仔既人，同埋有班係果個新公會既......
咁一開始去到網吧既時候，果班新公會既（連同掛五六個金仔帳號既人），見佢地已經係準備好曬去攻城咁，我又見到雪o係公會頻叫曬人去守城，之後我問果位攻城既帶頭大哥（唔係天龍八部果個）唔係去守城咩？
之後佢話佢果隊冇牧師－　－
叫我跟佢去攻城.....哇咧.....咁都得~_~
咁我問我個fd金仔有冇人攻啦，之後佢話冇，ok咁我都可以去攻城既

果日金仔唔算多人幫襯
黎黎去去都係小貓三兩隻去下
但係攻攻下，我見到公會有人話有一班人去攻啦
之後我即叫帶頭大哥返去金仔回防啦.....
咁過左一陣之後，帶頭大哥都有返去金仔，果刻我覺得帶頭大哥都算係咁啦，都叫有義氣啦，之後搞搞下仲幫金仔打多左個非陽，哇，一洗佢o係我心目中既形象啦.....
點知真係塞翁「得」馬，焉知非福.....

問題黎啦，帶頭大哥既一班手下，又唔係金仔D咩人喎，但係帶頭大哥就用左佢地既力叫佢地守左自己果幾個密穴位，出事啦，呢個世界NO FREE LUNCH架喎，但食既就帶頭大哥食，之後錢就金仔比，結果，金仔再多四個幽靈帳號加入，即係話，三十六個公會位，只係會有二十六個金仔人，其餘十個只會有一個間唔中幫下金仔守城.....
你話，咩叫汁條皮帶害身家咪呢D LAW........

---

作者: 『超音鼠』    時間: 04-11-14 07:15 AM

嘩
好勁呀你@@
食左咁多人身道理
飽晒^^

---

作者: 瀨戶１貴    時間: 04-11-14 07:21 AM

第二次守城之前
終於比凝雪同奔走行講中，出事啦～～
話說帶頭大哥收左四個幽靈之後，依然話唔方便要收人權限.....
咁其實收人權限凝雪會長係比左佢架啦，但係唔知咩原因，帶頭大哥出左公會之後入返，咁有經驗既都知道，重新入過公會，你個人既稱號同權限都係會唔同左之前果個架啦（除非之前你已經係POST20果隻）。

之後帶頭大哥就嘈話自己冇權限，跟住都係照舊咁周圍放下二連箭射下人背背咁啦
咁咁岩，凝雪又出左去未返屋企.....
唉，你知啦，冇左光障神射就發威架啦，結果射足一晚，但係，利害之處係佢可以淨講比人知佢自己點幫人守城呢樣果樣，又講自己「冇功都有勞」之論說，但係自己出左公會所以冇左權限之事隻字不提.....結果帶頭大哥一班知D唔知D既好兄弟，就緊係話「哇，乜凝雪佢咁冇品架，權限JAR~你冇功都有勞呀」（但係冇人問過佢究竟有咩功，有咩勞就信果下好野）
咁我地知道咩事果幾個，都知道一定係伏筆黎架啦.....無啦啦又會發生D咁既事既.....唉，不過唔理咁多啦，是福不是禍，是禍躲不過，反正有D野預左會發生架啦，問題係幾時.....

咁第二次守城，我因為有fd生日所以去唔到，之後都有幾個人因為有事所以去唔到.....咁數下手指，三十六減四再減十再加0.5（呢零點五幾時會守幾時會攻真係冇人知，雖然佢係左右住十個位）得廿人左右守城......
咁過程我係聽返黎，冇親身睇到，有咩錯誤既請指證
咁守城一開始得廿人守，而果日風雲會黎攻，之後失左一次，有人幫攻返一次，跟住再失......
黎料啦@@
咁奔走行佢地果日係有去網吧既，咁聽講就係有人叫大頭大哥果D去幫手攻返啦
一輪之後，接近尾聲，帶頭大哥既公會攻返個城，咁跟住金仔有人收到風話攻左啦，去拎返果D啦，但係大頭大哥就叫左個牧師不斷出光耀補石，而金仔有人入到去石房果時，就比人打死返出去.....
之後金仔D人燥底啦，你食碗面反碗底
另一邊廂，帶頭大哥公會D人緊係理你就有毛啦，緊係啦，呢班人除左有幾個人有放帳號入金仔之外，其他都冇受金仔恩既，加上帶頭大哥之前放左果D二連矢發揮作用，你會長咁衰咁冇品，唔比你攻就緊架啦.....
再睇睇帶頭大哥，爽咪咪啦，左手飲完茶右手拎件餅，左右手一交過一道比金仔自己公會又食件餅，仲勁過李超人蛇吞象收購大東。

其實都算啦，食還食，食完都洗下手，識收手啦.....
拎左個城之後走去奔走行到同人講"都話金仔冇左我唔掂守唔到,我下個禮拜二會比返個城金仔架喎"
不過有時有運真係有運，咁岩果日有記者o係到......
其實果刻奔走行想打帶頭大哥，好彩真係好彩......
但係記者哥哥都算入球靚波失球sor波......
有睇一本便利既大家就可以見到帶頭大哥叫人去打金仔既一段對話......

[ Last edited by 瀨戶１貴 on 2004-11-14 at 07:22 AM ]

---

作者: 瀨戶１貴    時間: 04-11-14 07:37 AM

咁我果日同fd玩完，出返旺角，咁我知道JJ佢地一定有去打機架啦
我打比JJ問佢地仲o係唔o係到啦，之後去左間cafe搵佢地.....
其實果時我係知道金仔失左城，但係我唔知道個城入左邊個手既
我一上到去果時，就聽到佢地話攻到城，又話係咁出光耀守到個城
咁我果時唔知咩事，咪傻下傻下一齊吹下水，串下咀......

跟住有段小插曲......
咁果時佢地鋤緊dee既，鋤RO幣
我本身又鍾意鋤下dee既，咁一齊鋤啦.....
去到尾尾幾鋪，發生左D我最憎既野
出口術!!
呢樣野真係極之黑人憎，你要贏要RO錢既你不如叫我直接比你算啦
做咩要拎好牌就要殊殊做口號，等下家放你牌......
不嬲打牌鋤啤，贏輸冇所謂喎，但係唔好做呢D野啦，RO幣豪果千幾萬比你有幾閒，你係贏既冇所謂.....唔好用埋D下三流野好喎.....
之後仲要自鳴得意以為好勁咁.....
果下真係興，之後阿賓落左去話算數，當玩下，但係我諗佢都唔係好明我嬲既係咩......
公平同公正，係我對遊戲既基本要求LAW.......

---

作者: 瀨戶１貴    時間: 04-11-14 07:47 AM

返到屋企
有人ICQ整左幾個MESSAGE黎
第一個係問我係咪岩岩用愛能死你(奇怪~_~都話左我唔得閒,同埋開都開自己ACC啦)
第二個就鬧我話我做咩用光耀(光咩耀呀- -我去燒野食用呀- -??)
第三個就話可能果個人未必係我, 話佢好興, 以為係我, 所以一時之氣鬧左我, 但係諗諗下又覺得我唔會咁CHEAP咁做(我仲係唔明佢講緊咩,連續睇4個MESSAGE先問而鬧最後SAY SORRY....奇怪~_~)

之後我就聽到金仔個城轉左手既事，我果刻真係呆左
下，點解岩岩CAFE聽都冇聽過架......
之後一入GAME，就見到媽聲四起－　－
睇黎帶頭大哥真係搞燥左金仔D人......
過左冇幾耐，駐金十人軍隊相繼出會.....(有城果時又唔出，個城一到自己手就....)
果刻，金仔所有人都已經覺得係藍紅幻既翻版......
咁但係果時，我知道有D野，唔可以聽曬一面講
聽左金仔既，聽埋帶頭大哥果邊講既又係咩一回事.......

---

作者: ameko    時間: 04-11-14 08:20 AM

好長.....

我亦冇玩isa.
non my business too~"~
但係我都睇哂

好多道理
人情世故..

呼...........

呢個世界真係咩人都有..........

---

作者: 瀨戶１貴    時間: 04-11-14 08:31 AM

咁究竟，帶頭大哥佢會點講呢～？
佢既答案係
唉.....金仔你叫我點幫佢呀，得果少少人上線，佢地自己根本守唔到個城.......
(奇怪，金仔個城少人，係因為D位........)
(奇怪，金仔冇左城之後，ACC又養大左，金仔同帶頭大哥已經變成佢地同我既關係.....但係金仔養大你，就算多人少人，唔係都應該幫架咩?怪唔知呢一代要有強積金，唔可以再話養兒防老.....)

但係另一個角度，佢係成功架
唔理佢講既野係有幾講半唔講半都好
佢真係可以一個一個咁食上去.......佢公會一定會慢慢多人.......
可惜既係，巧取豪奪換返黎既友誼同關係，一定唔會長久.......
係，呢一刻有D野人地信你，唔去諗下你講既野有幾真，但係長遠計？
紙包唔包到火？
今日你可以講到其他人其他公會點點點都好，但係有D野，大家始終有眼睇.......
依家咁多人咁多公會唔鍾意你，究竟係點解？
果日聽你講一句公道自在人心，我覺得好諷刺.........
不過又係得左喎，聽既人o係心理學既角度黎講，一個反心理用得巧用得好!!

眼訓, 係時候去訓~~~
我諗呢個post訓醒之後都一定好多人留低意見架啦
um.........希望如果有人唔認同或者認同既都講下睇法同你睇到你聽到既野
唔好又用反心理，講句"算啦，公道自在人在"
我相信真理越辯越明
同埋有D人最鍾意開新手ACC去撐自己自圓其說.......希望可以少D呢D咁既小人行為啦

---

作者: 龍之介    時間: 04-11-14 09:40 AM

大頭大哥個班係咪姐係 祝福 呀?(唔係唔好怪我,都係估下架咋)
呢個大頭大哥太賤啦,人地信得過你,你竟然可以咁出賣人...
唉~我依為係現實先至會冇義氣呢回事,連係game都可以咁!!
個個jj都係緊大頭大哥?我覺得佢地可能知你上去特登夾定裝你~
夾埋做你d ro錢之後一齊分,呢班人.\ /. ....堂堂正正咁輸比佢冇所謂!!!
出埋哂d狗屎招屈錢,就真係唔抵!!!佢個人太主觀唔會長命,睇著啦~!
你都唔好咁興,同呢d人興冇謂,佢條友唔會風光得幾耐!!!

---

作者: 俠2-黑影    時間: 04-11-14 09:55 AM

呢篇故好好睇-.-
金仔係一個人黎ga?

---

作者: kelvin769    時間: 04-11-14 10:10 AM

Originally posted by 俠2-黑影 at 2004-11-14 09:55 AM:
呢篇故好好睇-.-
金仔係一個人黎ga?

金仔係一個公會..

---

作者: kelvin769    時間: 04-11-14 10:29 AM

只可以用2個字形容果個帶頭大哥...

仆街:ro11::ro11::ro11:

---

作者: 呀豆    時間: 04-11-14 10:33 AM

Originally posted by kelvin769 at 2004-11-14 10:29 AM:
只可以用2個字形容果個帶頭大哥...

仆街:ro11::ro11::ro11:

　　＋分認同！！
　佢．好ｃｈｅａｐ！

---

作者: 魚￣▽￣    時間: 04-11-14 11:48 AM

金仔既事= =我呢d外人就唔好出聲啦
不過藍幻一人一位 -_- 金仔應該跟下=_= 話之你係會長
就算係小貓 有幾個acc 佢都係冇入其他人入公會
寧願自己慢慢磨-_-"

賣賣廣告:幻影收90級以上.進階80以上>3<有三個城 要守城丫@_@ 有意請密小貓子.小四

---

作者: 俠2-黑影    時間: 04-11-14 12:04 PM

Originally posted by kelvin769 at 2004-11-14 10:10 AM:

金仔係一個公會..

ic...可以講下個全名來聽下嗎

---

作者: 小糖～＊＊    時間: 04-11-14 12:10 PM

睇哂luu!!*

---

作者: fatfatbee    時間: 04-11-14 12:21 PM

又係我肥吉出現既時候...8).
算啦甩肺....有d人就係咁樣 係你面前就扮fd 扮可愛...
背後就鬼鬼鼠鼠咁係咁中傷你 同你d fd 講: 阿邊個邊個宜家衰左好多唔好add 佢呀,小心d佢呀呢d 說話....
金庸好撚多呢d西人估唔到ro 都一大把
....都係果句↓
ｒｏ西人何其多,你又屌得幾多個:ro12:

[ Last edited by fatfatbee on 2004-11-14 at 12:25 PM ]

---

作者: isa笨樂    時間: 04-11-14 12:28 PM

可以拍番個叫 人性 既專輯

---

作者: 阿抵抵    時間: 04-11-14 01:15 PM

雖然知你很用心的打 BUT真係太長篇了...拍成紀錄片 都可以播2小時了.......

---

作者: -王小虎-    時間: 04-11-14 02:45 PM

= =好長 ,,,,,,,

---

作者: 神4光仔    時間: 04-11-14 02:55 PM

最憎反骨仔~有一必有二~
必打~

---

作者: 瀨戶１貴    時間: 04-11-14 04:54 PM

訓醒
講埋先~~~

我諗睇完上面既人唔好話帶頭大哥狗唔狗衰唔衰果d住
依家想既係講件事出黎, 等唔同人將佢地見到唔同既野聽到既野講出黎
同埋好多野都未講出黎, 咁快就下結論唔好既

---

作者: 瀨戶１貴    時間: 04-11-14 06:16 PM

咁之後我隻牧師同隻刺客入左去呢個公會
佢地出網吧我都去
我睇到幾樣野我好唔明白.........

記得有次公會有個叫december既人, 問返係咪星期二比返個城金仔果d
之後就有人話帶頭大哥肯佢都唔肯果d.........
帶頭大哥就好自然咁推左落去話係d會員唔肯, 又話金仔都冇人守城, 比返佢都冇用果d........金仔又點解會冇人守城呢??要問下果10個位先知
又係雙贏, 之前講完話會比返人, 之後射左波, 扯下條貓尾就冇左回事
不過, 金仔果邊都冇人諗過要佢比返, 因為佢地知道帶頭大哥根本一早已經有心要拎城
如果唔係唔會無啦啦去開個公會啦.......你估係果d商人收野公會咩= ="

咁之後有次去守城, 我都有去到網吧, 不過因為有事做, 所以遲左去到g4冇位
結果去左第二間搵我個fd佢地, 跟住見到軒仔果d.....
咁我開牧師幫帶頭大哥果守既
之後帶頭大哥佢地守城冇人去, 之後走去攻人, 果日軒仔既angle係其中一個受害者
但係最後都攻唔到啦.......

咁跟住我同軒仔同我個fd, 去左搵佢地食野
帶頭大哥跟住就同軒仔講, 話叫軒仔同佢地同盟啦, 又話devil都唔幫軒仔佢手守城
之後軒仔問佢, 咁之前做咩打angle
你估帶頭大哥講咩........佢話打錯左喎.........
我諗當時有幾個人都呆一呆.......點會咁答架- -"

---

作者: 『阿細』    時間: 04-11-14 06:19 PM

會唔會長左d：－－”

---

作者: ．神話．    時間: 04-11-14 07:03 PM

Originally posted by 瀨戶１貴 at 2004-11-14 06:16 PM:
咁之後我隻牧師同隻刺客入左去呢個公會
佢地出網吧我都去
我睇到幾樣野我好唔明白.........

記得有次公會有個叫december既人, 問返係咪星期二比返個城金仔果d
之後就有人話帶頭大哥肯佢都唔肯果d......... ...

呵...一句打錯就大晒....

講真DEVIL主會有幫ANGEL守的,我地成日自己主會小喵三兩隻守緊....有時直情係人物都入埋分會幫手.....@"@

金仔第一日失城果個我有去幫手...我去到見到金仔打祝福....我就係身邊幫手清唔係佢地既人啦...@"@

之後奔走行就同我講多謝啦...@"@

但係我唔明點解會鬼打鬼= ="我都係去幫佢地清人出去就算了...

---

作者: -夜鶯-    時間: 04-11-14 07:44 PM

Originally posted by ．神話． at 2004-11-14 07:03 PM:


呵...一句打錯就大晒....

講真DEVIL主會有幫ANGEL守的,我地成日自己主會小喵三兩隻守緊....有時直情係人物都入埋分會幫手.....@"@

金仔第一日失城果個我有去幫手...我去到見到金仔打祝福....我就 ...

o個晚得我同你去左幫金仔....我係入城門條路都殺左d惡卡架~o個陣時都唔知咩事,所以冇打祝福d人~only打返敵對工會d人~8)

我地幾時唔幫手,大家自己人,我地幫到實幫~奈何我地主會都要守返自己個城~~
自從o個次之後~而家主會有好多人都轉入左angel幫守~咁叫唔幫?~佢地唔知我地會d野就係度9up 離間我地.....

---

作者: ．神話．    時間: 04-11-14 07:48 PM

呵@V@"~加上我地都唔係志在裝備同等級~"~我地玩開心而已的~~

---

作者: nsahk    時間: 04-11-14 09:51 PM

唉~~~~
賤賤賤
囉到城就走,反面
睇唔起佢

---

作者: 瀨戶１貴    時間: 04-11-14 11:04 PM

Originally posted by ．神話． at 2004-11-14 07:03 PM:


呵...一句打錯就大晒....

講真DEVIL主會有幫ANGEL守的,我地成日自己主會小喵三兩隻守緊....有時直情係人物都入埋分會幫手.....@"@

金仔第一日失城果個我有去幫手...我去到見到金仔打祝福....我就 ...

係帶頭大哥""話""devil冇幫angle......之後話人地唔幫軒仔手= =
我下次引用會引得好d

---

作者: 古墓藍藍    時間: 04-11-14 11:19 PM

我個A/C 巳經俾左人玩..得閒都會返黎PVP 玩下-O-...
轉戰狂人XD..ISA 既野我都唔想理咁多..
其實我都入過金仔(未開攻城個陣)...不過我入去都係奔奔叫我入去玩下..不過都無掛過吉密-O-(其實係我唔識點掛..亦唔想攪咁多野去掛吉密)...
講真個陣金仔真係好似死會咁...好少人講野= =...
對於你呢件事..真係NO COMMENT

[ Last edited by 古墓藍藍 on 2004-11-14 at 11:33 PM ]

---

作者: 【長空】    時間: 04-11-14 11:37 PM

Originally posted by 古墓藍藍 at 2004-11-14 23:19:
我個A/C 巳經俾左人玩..得閒都會返黎PVP 玩下-O-...
轉戰狂人XD..ISA 既野我都唔想理咁多..
其實我都入過金仔(未開攻城個陣)...不過我入去都係奔奔叫我入去玩下..不過都無掛過吉密-O-(其實係我唔識點掛..亦唔想 ...

藍藍唔玩isa喇

---

作者: 【長空】    時間: 04-11-14 11:39 PM

睇完 明白
會再深入了解

---

作者: 古墓藍藍    時間: 04-11-14 11:43 PM

Originally posted by 【長空】 at 2004-11-14 23:37:

藍藍唔玩isa喇

悶丫MA= =
起碼狂人成班人陪我吹水...得閒搵白木黎殺或者(做下白木C.C)

---

作者: 【長空】    時間: 04-11-15 04:21 AM

Originally posted by 古墓藍藍 at 2004-11-14 23:43:


悶丫MA= =
起碼狂人成班人陪我吹水...得閒搵白木黎殺或者(做下白木C.C)

有幾悶ar...你個邊d人成日上個喎我見:O.o

---

作者: 天黑黑    時間: 04-11-15 11:27 AM

咁黑妹明白一貴你上次同我講既野啦
果期便利我都買左 都睇埋
俗語都有話 "人言不可盡信"

另一件事情我要問一貴你
但依家我唔夠時間打..係game度搵你　同你講
我要出街～！

---

作者: 神4光仔    時間: 04-11-15 12:12 PM

Originally posted by 天黑黑 at 2004-11-15 11:27 AM:
咁黑妹明白一貴你上次同我講既野啦
果期便利我都買左 都睇埋
俗語都有話 "人言不可盡信"

另一件事情我要問一貴你
但依家我唔夠時間打..係game度搵你　同你講
我要出街～！

打機上書最多咪game書...整到連消閒雜誌都有人講~真係夠出位=_=
可post個版比我看看嗎=.=""我好好奇y雜誌記者寫game d野=_="
注:冇睇雜誌起碼3年=_=

---

作者: 天黑黑    時間: 04-11-15 01:12 PM

Originally posted by 神4光仔 at 2004-11-15 12:12 PM:

打機上書最多咪game書...整到連消閒雜誌都有人講~真係夠出位=_=
可post個版比我看看嗎=.=""我好好奇y雜誌記者寫game d野=_="
注:冇睇雜誌起碼3年=_=

想睇晒全部就唔得..因為便利網唔比..
開頭少少介紹就有...仲有埋佢個樣..

【轉貼】
撈 冷 門
賣 online game 虛 擬 道 具 　 半 年 賺 9 萬
22 歲 的 Marco ， 從 外 表 看 來 ， 除 了 瘦 削 的 面 龐 和 鼻 上 架  的 幼 框 眼 鏡 有 點 像 吳  華 外 ， 實 在 和 旺 角 街 頭 見 慣 的 青 年 人 無 甚 分 別 。 要 猜 他 從 事 何 種 工 作 ， 可 能 很 多 人 都 會 猜 是 寬 頻 推 廣 員 、 售 貨 員 、 侍 應 … … ， 半 天 也 未 必 猜 得 中 。
其 實 Marco 是 做 買 賣 生 意 ， 而 且 更 是 大 買 賣 ， 每 日 上 落 「 億 億 聲 」 。 他 賣 的 有 貨 幣 、 有 寶 物 、 甚 至 有 帳 戶 ， 但 全 都 很 虛 無 飄 渺 ， 因 為 全 部 只 能 在 互 聯 網 世 界 用 得 到 ， 更 準 確 的 說 ， 是 只 能 用 於 「 仙 境 傳 說 」 （ RO ） 這....

---

作者: ．神話．    時間: 04-11-15 01:19 PM

Originally posted by 神4光仔 at 2004-11-15 12:12 PM:

打機上書最多咪game書...整到連消閒雜誌都有人講~真係夠出位=_=
可post個版比我看看嗎=.=""我好好奇y雜誌記者寫game d野=_="
注:冇睇雜誌起碼3年=_=

呵...幾好睇架A"A!!!半年賺九萬....我都去做呀XDDDD

---

作者: ．神話．    時間: 04-11-15 01:23 PM

Originally posted by 天黑黑 at 2004-11-15 01:12 PM:

想睇晒全部就唔得..因為便利網唔比..
開頭少少介紹就有...仲有埋佢個樣..

【轉貼】
撈 冷 門
賣 online game 虛 擬 道 具 　 半 年 賺 9 萬
22 歲 的 Marco ， 從 外 表 看 來 ， 除 了 瘦 削 的 面 龐 ...

@O@你真快手=_=+~我都係影手CAP埋張相出來@_@!

---

作者: 皇家衛    時間: 04-11-15 02:00 PM

終於把你post的文章全部睇哂, 真係好長..= ="
本來都係冇乜心機睇, 因為太多字, 密密麻麻..
但因我是玩isa的, isa開server咁耐就玩足咁耐, 所以
都想睇睇isa其他d公會問題..
我覺得果個帶頭大哥最初開始時是冇此機心的, 但可能佢
成長後有了一定的財力及朋友後便開始有此叛變的行為.
但佢唔顧念到養自己的恩人此點, 實在便太過份.

---

作者: 【小望～】    時間: 04-11-15 03:53 PM

半年賺9萬咁好搵 我都賣rob算啦=.=

---

作者: -夜鶯-    時間: 04-11-15 04:09 PM

Originally posted by 【小望～】 at 2004-11-15 03:53 PM:
半年賺9萬咁好搵 我都賣rob算啦=.=

---

作者: 眼訓的傻ken    時間: 04-11-15 05:29 PM

睇左我10分鐘= =唔係公主叫我睇都唔知有D咁既POST...好耐沒上2KF- -半年賺9萬太多了!
我印象記得其他SER人地一個月賺到3萬@@但係都係聽返黎,唔知準確性,呢D野聽完就算!睇完後覺得想講句"人不可以貌相"(睇埋張相後)呢D咪叫成功囉..一貴你就失敗啦..玩咁耐ONLINE GAME都係咁都係咁失敗,但我唔會叫你向呢位成功人士學習既,做返自己都係好D,失敗唔緊要XD我都係得閒上黎吹下水算...因為我都玩得太失敗啦..哈哈!!

---

作者: 神4光仔    時間: 04-11-15 05:57 PM

講真啦~呢d錢都搵唔長時間啦掛~我估~打機打到好似返工咁~係ro咁多外掛比佢用咋~比著其他就唔得lu~

佢賺咁多都唔錯o既~不過我係一個踏實的人~我唔like咁做法~因為唔夠踏實~
注:我連5蚊買6合彩都唔會去買~賭都唔賭嫁~@@~一年可能有一兩次啦~cc
不過我都係覺得呢d錢賺唔賺都唔覺得d咩=.=~一堆數據咋wo~打耐少少都有啦~我打機如果唔玩~有時間先會賣eq~一兩日賣唔曬or唔想賣的話一係入古墓~一係送比人~
我空空的來~不留下半點數據~
計真錢都可能幾百至千元eq嫁@@~不過完全冇意義的:(

[ Last edited by 神4光仔 on 2004-11-15 at 05:59 PM ]

---

作者: 瀨戶１貴    時間: 04-11-15 11:16 PM

Originally posted by 眼訓的傻ken at 2004-11-15 05:29 PM:
睇左我10分鐘= =唔係公主叫我睇都唔知有D咁既POST...好耐沒上2KF- -半年賺9萬太多了!
我印象記得其他SER人地一個月賺到3萬@@但係都係聽返黎,唔知準確性,呢D野聽完就算!睇完後覺得想講句"人不可以貌相 ...

講真- -
要搵呢d錢有幾難
如果我果時隻鑄鐵一心去搵錢
唔幫人整武器果d, 同埋我賣野比fd唔係有fd底價
同埋我幫人掛機果時, 偷人地掛到既其中一d寶(呢樣野我之前冇講過出黎,太多野我都懶得打啦)
要有錢要成功, 有幾難~!!??

所謂君子譽於義,小人譽於利.........

---

作者: 眼訓的傻ken    時間: 04-11-16 03:37 AM

Originally posted by 瀨戶１貴 at 2004-11-15 11:16 PM:

講真- -
要搵呢d錢有幾難
如果我果時隻鑄鐵一心去搵錢
唔幫人整武器果d, 同埋我賣野比fd唔係有fd底價
同埋我幫人掛機果時, 偷人地掛到既其中一d寶(呢樣野我之前冇講過出黎,太多野我都懶得打啦)
要有錢要成 ...

係沒難度..要做真係唔難= =但係要做呢d成功行為係好難,除非你係佢個類成功人士...唔係既話好難做到既ccc所以你咪失敗囉...ccc

---

作者: CrazyTiger    時間: 04-11-16 05:15 AM

提示: 作者被禁止或刪除 內容自動屏蔽

---

作者: 神影雪    時間: 04-11-16 05:39 AM

唉講真RO$真係咁難賺咩o係開頭未有B之前可能難
到左而家要賺狂開a/c掛B要幾$都唔係問題

---

作者: 〈←軒仔→〉    時間: 04-11-16 06:44 AM

Originally posted by 瀨戶１貴 at 2004-11-14 06:16 PM:
咁之後我隻牧師同隻刺客入左去呢個公會
佢地出網吧我都去
我睇到幾樣野我好唔明白.........

記得有次公會有個叫december既人, 問返係咪星期二比返個城金仔果d
之後就有人話帶頭大哥肯佢都唔肯果d......... ...

哈哈，死一貴做乜講下講下拉埋我落水＝．＝

---

作者: 〈←軒仔→〉    時間: 04-11-16 06:45 AM

影雪姐幾時返來玩攻戰＞＜！好掛住你丫a.a

---

作者: 〈←軒仔→〉    時間: 04-11-16 06:46 AM

Originally posted by ．神話． at 2004-11-15 01:19 PM:


呵...幾好睇架A"A!!!半年賺九萬....我都去做呀XDDDD

當時我應該係佢格離＝．＝”

---

作者: 瀨戶１貴    時間: 04-11-16 02:15 PM

Originally posted by 〈←軒仔→〉 at 2004-11-16 06:44 AM:


哈哈，死一貴做乜講下講下拉埋我落水＝．＝

sor>.<
我講既係件事, 所以總會有關人既.......
最緊要既係我有冇講錯, 或者係將件事倒轉黎講

---

作者: 瀨戶１貴    時間: 04-11-16 02:16 PM

Originally posted by 〈←軒仔→〉 at 2004-11-16 06:46 AM:


當時我應該係佢格離＝．＝”

isa edison爭d就係咁比人影到相@@

---

作者: 魚￣▽￣    時間: 04-11-16 03:14 PM

edison丫~~~ MY BEST>3<""

不過照衰佬你咁講= =我應該都係小人...

先小人後君子=O=吾追求的道理

---

作者: 〈←軒仔→〉    時間: 04-11-16 03:56 PM

＝　＝唔好ｅｄｉ前ｅｄｉ後啦
會害屎人－．－

---

作者: 神影雪    時間: 04-11-16 06:04 PM

Originally posted by 〈←軒仔→〉 at 2004-11-16 06:45 AM:
影雪姐幾時返來玩攻戰＞＜！好掛住你丫a.a

都諗緊仲玩唔玩返因為隻game好似為掛機咁而家都仲好之前少少開左攻城,睇定o的先而家玩緊新絕代online

---

作者: 超級勁人~    時間: 04-11-16 10:54 PM

我命由我不由天!!

呢句係好多香港人心中都咁諗

1貴唔好咁傷心LA

---

作者: 瀨戶１貴    時間: 04-11-17 01:02 AM

Originally posted by 超級勁人~ at 2004-11-16 10:54 PM:
我命由我不由天!!

呢句係好多香港人心中都咁諗

1貴唔好咁傷心LA

呢個世界咩人都有
呢樣野我唔會傷心.....
問題係呢種人影響到我冇左d我認為交得過既朋友.....
呢樣野係令人憤怒, 唔係傷心

---

作者: nothing2002    時間: 04-11-17 01:37 AM

等我都斷章取義下~
以下是便利的那位"Marco"於便利的2段"連續"對話:

"由於我在game內有一定知名度,地位等同李嘉誠,所以在我自己的sales以外,不時有其他玩家向我賣貨,並且更會因為我的信譽而肯賣平點給我,雖然我給sales的兌現率較低,但只要你交到貨比我俾我就一定有錢收,唔需要自己周圍搵客兼食驚風散"

"更重要的是,他們(sales)沒有我在RO界的名聲及誠信,好難有客幫襯"


ps:我冇玩isa,但想知1個問題
佢0係isa個朵真係好似李嘉誠咁嚮= =?

[ Last edited by nothing2002 on 2004-11-18 at 03:59 PM ]

---

作者: 服待小吉    時間: 04-11-17 11:00 AM

唔係好覺...
起碼我唔係好識佢=.=

---

作者: kfwilson    時間: 04-11-17 11:46 AM

佢係其他 server 都有賣, 唔只 Isa

---

作者: 放蕩小鴨鴨    時間: 04-11-17 12:13 PM

我 唔 識 佢. . .

---

作者: 皇家衛    時間: 04-11-17 01:34 PM

我係isa打滾左咁耐都唔識佢,
何來出名..:ro11:

---

作者: 瀨戶１貴    時間: 04-11-17 03:15 PM

李嘉誠..........

---

作者: 放蕩小鴨鴨    時間: 04-11-17 09:14 PM

叫佢唅啦!!一貴你仲出名過佢啦~~~
吹水吹到上雜志...佢係李嘉城....我咪索羅斯?

---

作者: 神影雪    時間: 04-11-17 10:53 PM

唔係下話,我都未聽過佢wo(我都係一開isa就玩雖然而家冇玩但佢個名我聽都未聽過
佢o個兩段野我唔多認為係,反而一貴個名多人識o的(仲記得當時一街都係一貴的武器)

---

作者: 0o_小榮_o0    時間: 04-11-18 12:06 AM

你話自己有錢都仲話得姐...
話自己李嘉誠就好似有少少咩law= =

---

作者: IsA-凝雪    時間: 04-11-18 12:30 AM

頂佢個肺呀..2kf申請會員咁鬼麻煩架= ="
攪左幾日至有得講野~仲慘過比gm禁幾日言

好喇...睇左好耐呀成篇野都...首先~
一開始睇呢篇野令我好忐忑
因為~我未見過一貴會咁用心去打咁大篇野...
一貴...你心情係點~係咪好唔開心呀~.~
我明既,因為我都係...諗清楚少少,好似比個pk nn奸計得逞左
攪到我地分裂晒~但係我又諗,其實你都講得岩既...
而家我實在係冇咩時間玩~你地班精英份子,要跟住個冇用會長既話
不會自己開個新會好過喇~.~" 呢樣係真架,因為我返工真係冇咩時間理公會喇!

再黎其二~
一貴...起同你講句對唔住~真架...想講好耐喇~但係搵你唔倒
都唔係咁敢搵你~因為怕你仲係好嬲...希望你明喇...我心情都唔好受哩= ="

之後其三~
呢個吳啟華...似李家誠?!?! 唔係卦~我諗李家誠點都唔會問人借樓去賣~
之後又窮到要爆朋友格咁賤下話~
如果佢係李家誠~我咪係請佢癡膠花個老闆囉!!!

最後其四~
不過而家點都冇所謂喇,自己識錯人冇得怨~
呢d咁既街頭騙案已經出現左唔少受害者喇
先先就比你覺得佢好好人~對你好好~幫你掛機
之後就慢慢要你幫佢搵錢~做野,要你幫佢揚名~唔幫就一句
"冇功都有勞喇"幫公會守一次城就要個公會轉佢地公會圖
唔係就四圍唱你趙完鬆~最後就成日為左少少事借d 咦發老爛~
成日話唔玩唔玩...但係唔玩都仲係度收野賣野囉
之後又四圍唱你好衰~自己好偉大咁~利用完你~咪打你囉
唉~~呢d咁既招數希望唔好有人再中招喇~

---

作者: IsA-凝雪    時間: 04-11-18 12:33 AM

最後講多句~佢就算係ro似李家誠~係現實都只係一個打機都冇錢既普通人
仲有就係~佢真係極度似............吳啟華囉= =

---

作者: 魔里人士度=.=    時間: 04-11-18 12:45 AM

佢係李嘉誠呢點就佢自己先知啦

---

作者: 魔里人士度=.=    時間: 04-11-18 12:46 AM

如果幫人掛機可以發達，我諗我都發得
有時做人對得住自己個良心囉
自己做過咩我諗除左佢自己知，身邊d人都會知囉

正所謂人在做天在看

---

作者: nothing2002    時間: 04-11-18 12:50 AM

見大家咁高興打多幾段出黎

以下是他承接上2段說的話:

"在這一行,只要半年無人說過你騙人,就不會有人擔心你騙人,加上我在各大論壇及留言板的板主都相熟,有知名度,建立很好誠信"
ps:佢可能係2千fun名人都唔定8)

以下是該文章的其中一段開場白+當中內容

"Marco"可說是印証'打機無出息'奶錯誤觀念的又一活生生例子,憑著其高強的打機技巧及靈活的頭腦,利用online game'仙境傳說',在半年內賺了9賺元"
"目前,Marco的'網上公司'約有8至10名sales,加上自己家中三部電腦以外掛程式不停運作,基本上貨源供應充裕"

[ Last edited by nothing2002 on 2004-11-18 at 12:51 AM ]

---

作者: nothing2002    時間: 04-11-18 01:15 AM

sor下~
一直都離題,貼返part貼題既

以下是文章中的其中一個單元:
"9時正,'攻城'正式開始,眾人於Marco另一副手車士打的帶領下展開行動,Marco則氣定神閒地在場指揮及協調,現象氣氛亦相當輕鬆~

約二十分鍾後,他們成功攻進一座地,但之後,戰事卻呈膠著狀態,'他們有點亂,不知應該攻哪座城,守哪座城,今晚可能要到最後一個鍾先決定到戰果'一直在旁督師的Marco亦不得不落場應戰,時為九時四十五分~

落場後,Marco不時與隔離數個座位的同件互相提點,同伴叫道:'殺巫師' '殺緊'Marco回應說,雖然戰況於Marco參戰後稍有改觀,但進展仍然緩慢,輕鬆的呼應亦沒再聽見~

距離完場前的十五分鍾,現在的氣氛亦進一步緊張起, '阿斌,唔好周圍走,全部人返去打金仔(城名)!' Marco向眾人發出緊急指令,終於,11時到來,2小時'攻城'行動結束,Marco一方最終成功攻陷一個城~"

---

作者: 瀨戶１貴    時間: 04-11-18 01:30 AM

Originally posted by nothing2002 at 2004-11-18 01:15 AM:
sor下~
一直都離題,貼返part貼題既

以下是文章中的其中一個單元:
"9時正,'攻城'正式開始,眾人於Marco另一副手車士打的帶領下展開行動,Marco則氣定神閒地在場指揮及協調,現象氣氛亦相當輕鬆~

約二十 ...

呢位師兄你變色都有一手架喎= =
可以將d有骨有味既野quote曬出黎.....
我都要同你寫個服字

---

作者: 瀨戶１貴    時間: 04-11-18 01:50 AM

Originally posted by IsA-凝雪 at 2004-11-18 12:30 AM:
頂佢個肺呀..2kf申請會員咁鬼麻煩架= ="
攪左幾日至有得講野~仲慘過比gm禁幾日言

好喇...睇左好耐呀成篇野都...首先~
一開始睇呢篇野令我好忐忑
因為~我未見過一貴會咁用心去打咁大篇野...
一貴...你 ...

我唔係咩精英份子, 我打機都係為左玩架JEL- -
唔係為咩揚名立萬, 講真, 我唔需要靠打機去證明我D咩
但係面對有D不平時, 我真係忍唔住要爆一爆......


其實呢件事, 仲有好多野我冇打出黎, 亦到懶得再打, 因為真係好"支力"
但係最令我感觸既, 係某一位朋友......
可能我唔係果種鍾意打電話搵人果類人, 而且放飛機係我既生活既一部份.....
但, 我當某一位人真係真係一個朋友......
我諗RO入面, 除左呢位人兄之外,
我未試過會主動去搵GAME友食飯
我亦唔會借D過億既頭色比人

可惜, 我真係估唔到, 唔信我講既野, 唔緊要
但係換黎既, 係一句"估唔到一貴佢咁狗"

我真係有D心淡......
原來我陳文軒係咁一文不值, O係你心目中係一個咁既狗人......

帶頭大哥佢話我係二五仔,
我想問, 我二五過D咩??
話我拉咩月走同拉公主走........
月係邊個我都唔識, 野都未講過
公主, 你自己問下帶頭大哥佢對人做過D咩野.......

話我同你地扮FD??
我諗我一早同你講過我唔鍾意佢.......扮FD??
你地公會知唔知有幾多人唔鍾意佢??
係因為你, D人先留底......
而我, 都係因為你, 先同你地一班人出去玩.....但係比人咁講.......
二五仔, 自己分析下啦......

我諗呢刻, 某D人一定會又講到好好聽咁
"話把口人地到, 唔使理人"呢D好聽既說話
真理越辯越明
如果係身家清白, 使咩做縮頭烏龜!!??
事情, 永遠都係勝於雄辯!!

---

作者: 放蕩小鴨鴨    時間: 04-11-18 10:21 AM

陳文軒@@:O.o:D5

---

作者: IsA-凝雪    時間: 04-11-18 02:35 PM

邊個狗~邊個二五
第日大家心裡有數喇~
路遙知馬力~日久見人心喇
想當初我都係企係一貴位朋友而家呢個位置
最後咪比佢冼到嘆嘆腰
同佢越要好既人就越大鑊
係佢既針言裡面~最重要既一句就係
朋友係要黎利用同出賣既
佢係虛擬同現實分唔開~ro反面~現實就反面
唔理交情幾深~只係為左幾隻蒼翅都可以反咬你既
不過呢d野都係我講架姐,可以唔信喇
只不過我唔想好人遇害姐

---

作者: 乜九都擋    時間: 04-11-19 05:14 AM

嗯 我覺得是時候發表了
一貴 都應該說完了吧

我想一貴 你說的帶頭大哥是指marco這個人吧
我亦向大家說一下 我就是 MARCO

本人中文水平不高 打的字可能有錯別字或用同音字
希望大家看得明白及不要介意

說不上是平反 但總應該說一下

大家說我是背叛金仔的人 恩將仇報 但我想問大家有否記起乜九工會

大家說我是受金仔的恩 但有否想一下金仔有否受過我的恩

在此 我並不是想跟他計較什麼  只是不說出來大家都不知道

最初isa 是哪1個工會帶起金仔的 老實說一句吧 是我們乜九工會

說我25仔 冇2氣 自私自利

但打王分寶時(2個月期內) 沒說我什麼壞話 現你跟我才說我是自私自利

代你掛機 我有否跟你談什麼條件 有否拿你1件掛回來的東西

我自私自利 25仔 冇2氣

都2個多月吧

哪當時你為何仍跟我一起打吧

我們一起打王都有2個多月 請記起哪1個才是戰友 你不遲而別轉玩天外

偶時回來 請問金仔工會是哪人打理 奔走行嗎 可以問一下你所說的代理會長(奔走行)

我有否為你工會金仔工會負出過, 無論金錢,物品我有否(論色)不給你工會

你走了以後每每我打王時 你工會有會員說想跟來

我有否說不許,不是因為他是金仔工會會員,我要跟他組隊一起打嗎.

一貴你說你將金仔由很低的工會等級一直變強 變至現在的22級工會

哪你除了每天是咁一個制 一直掛。掛。掛。工會等級外 有否為工會做過任何事

說我放7個人物入工會 請問7個入面 有多少是我真身呢

你問seaman是否真有此人存在

我敢可以說你一句~無知 你連seaman都不認識 會長凝雪亦親身坐過

seaman身邊

跟他一起打王

連代理會長奔走行亦認識他 而你這說自己有多麼資深的金仔會員便不知道

可以說你符合你所說的一直是掛。掛。掛。 你對金仔認識有幾深

在7個人物中 有3個是我人物(當中包括鈴鈴,SEAMAN,小小) 我都知自己佔用工會位置很大空間

在這亦向金仔道歉

說我人物在金仔很多 依致金仔軍力積弱 請問金仔在開放戰城的第一次中

被同盟會 風雲會3x~4x攻打中 我有否盡心盡力 力谷祝福人員回防金仔

為其守好 金仔可以守好城 這並不是我1個人的功勞 但有否想一下

是哪一個人士吹雞回防的

我開了祝福新工會 並不是我25仔 我本來便是乜九工會的

你沒可能不知道 我清理乜九再開祝福 難道有問題嗎

凝雪小姐 你知道嗎 受你恩惠的 我可說是很早已還清

更可以說是受你恩惠的可能在祝福只有1~2人吧

你回來沒清楚說一句 是不是有心玩

便要求數十位玩家為你打生打死 這點對大家都不公平

在第3城戰中 大家說我沒幫金仔守城而致失守

相信這點我在第3次城戰前的一天以向奔走行已說得好清楚



nn同佢戰友在城戰當天不會上線幫守城 這句都在工會頻出現過

亦有工會人員回答 下 ~咁咪少左好多人

大家可能問我點解吾幫金仔守城 我只係可以咁講

1個跟會長,副會長是熟朋友 說了數十次希望取得收人權力的我

到最後亦沒有收人能力 如果發生在大家身上

可有會被冷漠的感受 或好像被當作外人看待一樣

城戰開回 我盡心為金仔增加人手 如臥月 ss武僧 等人

每每我想收他們都收不到 要叫奔走行來收 是我不夠資格收人嗎

還是會長不希望我有此能力呢?? 到現在我都不知道

我敢說一句 我祝福工會到現在的會員 沒1個說我自私,賤格

要說到話我打金仔

可以說的是 金仔當時被風雲會打下 而一眾金仔就往南下打同盟會

我想請問一句 為何金仔不打回自己的城市 要轉打同盟會呢???

金仔被攻陷轉了風雲會時

我祝福是在惡卡城力戰中 如果我要打金仔 我需要打惡卡嗎??

難道惡卡比金仔易攻???

我們打惡卡時 惡卡城都有轉了祝福城數次在來回戰事中

我看見金仔城變了風雲才轉戰風雲 當時望族亦有幫忙

在我們打風雲時 金仔有多少人幫手攻風雲呢???答案是小貓2~3隻

但到城戰最後5分鐘 金仔便大軍回來打石

我沒有說過會交還城市 但金仔便2話不說打石

我們用光耀之堂為工會石補血亦很正常

請問一貴 你是聽哪人說我會交還城市呢

再者~ 祝福工會並不是我1人話事 幫金仔守好城市以令我們失去

飛羊2個 中間的跟右上的

我們轉打風雲不打惡卡的 城市拿到的並不是金仔

要求我們同時有沒有想過自己為何不攻回自己城市而攻同盟會

既然不打回城市 祝福在望族幫助下 打下風雲

為什麼要求我們給回你城市 ???

是不是 右上的 我們祝福是不能打嗎 你們不打都不給我們打回

會長凝雪 一貴你說我自私,有否想一想 會長需說是我

但我祝福工會可有兄弟不滿金仔呢 下~次次都要俾金仔的嗎

我地打親d城都要俾金仔 咁打黎托咩 我都聽不少'

我記得仲有隻刺客係lok介紹入祝福幫手 但經幾次我地打打下城要番金仔幫手

及打左個城要俾番金仔你 而極到不滿自行退會

凝雪你一上回來ro 便想拿回失去的 相信都很難

JJ對你的獸人英雄頭盔 自把自為不問大家便拿下去做都極到不滿

你一上來 一句開心的便拿了JJ 奔走行 LOK辛苦打的獸人英雄証做頭盔

請問知道1個1個的打英雄出來的豬証對他們是幾咁有意義

只是你一上來 什麼都不問 便自把自為拿下了

凝雪製造的獸人英雄頭盔 在JJ立場 係點

工會內我上線ON99坐左N年 係PVP打下為金仔收人

我並不是沒有為工會的 我退自己 再偷渡 這連奔走行,臥月都知

而我得到的是 不被理會

我亞媽對我說一句 你點對人 人點對你

我自問沒對凝雪 奔走行你有什麼差 但為何我要受這對待

人心肉做 如果我係大家說得咁差 我相信我而家祝福得小貓1~2隻

出賣兄弟的 相信日久見人心

一貴你說你無機心 專登混入祝福工會 再取娃娃同天步月信任

想他們倒戈雙向 這沒可能吧 你更說祝福工會內有人不滿意我

請你說出名字 吧 我倒想看看是哪人

打ONLINE GAME打到要你陳生晒埋依D錢陪我地一齊打 再拉龍我地人心

你既人格一定很清高吧 都是我的錯 害你費心神 做終極無間

我敢說一句 我做事名刀名槍 說我放暗箭 請問我放哪人的箭呢

你金仔分會工會會長 風星 神羅副會長 希希 知我性格 我需要放你暗箭嗎??

看長線吧



還有 自認李嘉誠的對白 並不是我自己說 是當時做採訪時我身邊朋友說我身家似

足李嘉誠

我要說的都應該說完了

[ Last edited by 乜九都擋 on 2004-11-19 at 05:30 AM ]

---

作者: 進階發光體    時間: 04-11-19 05:59 AM

提示: 作者被禁止或刪除 內容自動屏蔽

---

作者: 瀨戶１貴    時間: 04-11-19 11:51 AM

其實一路我都等緊你上黎, 呢個post, 你本身都知好耐, 好多野, 我都留住冇講, 都係因為等緊你jar



大家說我是受金仔的恩 但有否想一下金仔有否受過我的恩
願聞其詳, 真野同假野既分別, 視乎論點同論據係唔係並存, 可唔可以講下金仔受過你咩恩

最初isa 是哪個工會帶起金仔的 老實說一句吧 是我們乜九工會
同上, 論據??

說我25仔 冇2氣 自私自利
但打王分寶時(2個月期內) 沒說我什麼壞話 現你跟我才說我是自私自利
其實你知唔知好多人都講你打王拎曬d豬證唔同人分呢樣野??
其他人話你, 都唔係一時三刻既事

[ Last edited by 瀨戶１貴 on 2004-11-19 at 12:54 PM ]

---

作者: 瀨戶１貴    時間: 04-11-19 12:00 PM

代你掛機 我有否跟你談什麼條件 有否拿你1件掛回來的東西呢樣野係我覺得你最cheap既地方, 不過我估唔到, 你竟然厚面皮到可以敢話自己冇拎過1件野.....
你知唔知點解娃娃會唔搵你掛機
你知唔知你幫佢掛機果時, 佢成日都有撞入自己acc睇架??
咁你又知唔知成日見到撞入去睇, 見到掛到既洞斗冇左??
而且唔係一次, 而係幾次, 所以之後佢搵我幫佢掛.........
知恩莫望報, 掛機我都成日幫人, 但係我唔會拎人野之餘, 仲要口口聲聲話自己幫人咩幫人咩

偶時回來 請問金仔工會是哪人打理 奔走行嗎 可以問一下你所說的代理會長(奔走行)
我有否為你工會金仔工會負出過, 無論金錢,物品我有否(論色)不給你工會
我覺得你最好野既, 係可以做得出呢樣野
有次o係G4, 同昌仔講話岩岩同貓仔傾左電話, 講好左同盟, 話會幫你地手, 之後又叫昌仔入佢公會.......
你知唔知果日我同昌仔都分別問左貓子, 係咪真有其事??
結果, 我諗大家好清楚咩事, 所以昌仔, 我, 貓子都唔信你個人

如果你要講奔走行, 我諗你會仲慘, 你知唔知阿肥一路對你有幾多野不滿??
你竟然叫人問佢.......我諗要玩宣傳技巧既, 係就玩得飄渺d既, 有d野, 有人證有物證, 唔可以話吹就吹架

[ Last edited by 瀨戶１貴 on 2004-11-19 at 12:55 PM ]

---

作者: 瀨戶１貴    時間: 04-11-19 12:10 PM

說我放7個人物入工會 請問7個入面 有多少是我真身呢
你問seaman是否真有此人存在
在7個人物中 有3個是我人物(當中包括鈴鈴,SEAMAN,小小) 我都知自己佔用工會位置很大空間
哈哈~
我諗我已經講左, 可能你睇唔明, 唔緊要, 我講多次
seaman, 我有見過佢真人, 我係話我"果時""懷疑"呢個人係咪真係有玩
你話你7個人物有3個係其他人既, 我想問當時金仔有城果時, 佢地3個有冇玩ro呀仲
seaman係你fd, 有d野, 講黎冇咩意思, 你可以叫佢點答就點答都得(不過隻acc比人鎖左之後, 仲有冇玩同掛, 心照啦)
鈴鈴, 佢屋企人唔比佢玩ro
小小, 我諗呢個人幾耐冇見過, 你知我知

我講既, 係有冇呢個人玩, 而唔係有冇呢個人存在, 唔好在o係呢到同我玩字啦, 你覺得我會唔會比你o係到玩字呃到人??


說我人物在金仔很多 依致金仔軍力積弱 請問金仔在開放戰城的第一次中
被同盟會 風雲會3x~4x攻打中 我有否盡心盡力 力谷祝福人員回防金仔
為其守好 金仔可以守好城 這並不是我1個人的功勞 但有否想一下
是哪一個人士吹雞回防的
我想講, 當時吹雞叫人返金仔既, 係阿lok同我law
我希望你唔好亂講, 將其他人做既野(或者你會覺得係咩功勞)再拉到自己頭上啦
而且, 金仔積弱又係咩原因??
你返去守, 係天經地義既事, 並唔係d咩野功勞law


不如你又講下一本便利出現果d野,
"大家一齊去打金仔"
我都想睇下你對你既"功勞"點解釋

[ Last edited by 瀨戶１貴 on 2004-11-19 at 12:56 PM ]

---

作者: 神4光仔    時間: 04-11-19 12:22 PM

我想講o既係......一個工會強唔多大唔係睇個人力量囉~再強~你一個人都控制唔到2個打手啦
帶起wo.....講真~你地個陣係有城工會~只要係中央收人大把人入~

唔好講到工會強大係因為有你自己~工會強大係睇各會員~人多~齊心~力強~

而且如果真係咁fd~講真唔會為少少一座城嘈~
講真~攻城冇話邊個攻邊個唔岩~不過你地最少都識左咁耐~冇義都有情
出金仔做一個會長大概都係因為城實箱啦掛~唔係y你要出工會另開一個工會~
出工會想幫金仔守城??
咁y你d會員唔like~咪叫佢地唔好守囉~同盟就係有義務幫守城
因為想要個密穴就嘈個d唔要都把就啦~
devil...angel...messxx都係同一個工會~咁多人都係用一個密穴升lv~有事都係大家互幫~就連冇吉城的神羅都會黎幫手守~都冇講一句~
同盟幫同盟守~好應該~

而且你自己同軒仔講咩@@?你心中有數啦~
離間~之後咪又係派人去攻軒仔個城一兩個去攻唔=d咩@@?如果係口頭同盟左個d~去攻都唔應該啦~口講同盟~做就敵人~devil o既都知你咩人~

而且扮同盟的都唔止你一個工會~

---

作者: 瀨戶１貴    時間: 04-11-19 12:25 PM

凝雪小姐 你知道嗎 受你恩惠的 我可說是很早已還清
你還左d咩野??
佔用公會大量密穴空位算唔算係報恩??
吸大左之後唔幫人去守, 算唔算係報恩??


大家可能問我點解吾幫金仔守城 我只係可以咁講
1個跟會長,副會長是熟朋友 說了數十次希望取得收人權力的我
城戰開回 我盡心為金仔增加人手 如臥月 ss武僧 等人
每每我想收他們都收不到 要叫奔走行來收 是我不夠資格收人嗎
我敢說一句 我祝福工會到現在的會員 沒1個說我自私,賤格
呢樣野之前已經講得好清楚, 冇人知你做咩有左權限之後要出公會再入返黎
金仔缺既係公會位, 而唔係收人權
你如果係要增加公會實力既, 做咩唔拎自己食左d位出黎??
你係有心幫金仔收呢d人, 定係收佢地入祝福, 呢d野留返比大家諗
而且, 呢d人唔係你叫返黎既, 又要拉功勞比自己.......唉
祝福依家冇人講你壞話??
咁可能你對祝福了解不足, 或者係我做人做事都比你好, 其他人會講d心聲, 事實比我聽, 有機會既, 你咪睇下你祝福有幾多人不滿你law, 唔好自圓其說


再者~ 祝福工會並不是我1人話事 幫金仔守好城市以令我們失去飛羊2個 中間的跟右上的
我諗你唔好拉祝福落水啦, 掛7個acc既唔係咩祝福, 係你
你自己食碗面反碗底都算, 唔好講呢d野就拉祝福落水, 講其他就拉祝福既會員落水
我地講緊你, 唔係講緊祝福任何人, 唔好轉移視線

[ Last edited by 瀨戶１貴 on 2004-11-19 at 12:57 PM ]

---

作者: 瀨戶１貴    時間: 04-11-19 12:31 PM

但我祝福工會可有兄弟不滿金仔呢 下~次次都要俾金仔的嗎
我地打親d城都要俾金仔 咁打黎托咩 我都聽不少'
我記得仲有隻刺客係lok介紹入祝福幫手 但經幾次我地打打下城要番金仔幫手
及打左個城要俾番金仔你 而極到不滿自行退會

金仔幾時有講過祝福打到既城要比金仔呢
邊個人講, 幾時講, 可唔可以講黎聽下呢??(真係睇少陣都又比人過一棟)
再講一次, 祝福唔幫金仔, 天經地義
我地淨係覺得, 有d"人"吸金仔大既, 霸好多個公會位果d呢, 應該要幫金仔

[ Last edited by 瀨戶１貴 on 2004-11-19 at 12:57 PM ]

---

作者: 瀨戶１貴    時間: 04-11-19 12:40 PM

JJ對你的獸人英雄頭盔 自把自為不問大家便拿下去做都極到不滿
你一上來 一句開心的便拿了JJ 奔走行 LOK辛苦打的獸人英雄証做頭盔
我諗, 凝雪唔玩之前, 佢隻商人晚晚掛機收咩野, 我有眼見
打王得返黎既豬證, 邊個自己唔聲唔聲落曬袋呢??
同你打王打過幾次, d豬證你汁到, 你二話不說
d豬證一個唔好彩我汁到, "一貴, 比個豬證我呀"
我真係想知道, 其他人呢??
其他神射我諗藍水錢都要唔少......
之後再要將其他人晚晚收返黎既豬證拉落其他人身上........好心唔好再做埋呢d野啦...........


工會內我上線ON99坐左N年 係PVP打下為金仔收人
公會收返黎d人, 係阿肥收既!!

我並不是沒有為工會的 我退自己 再偷渡 這連奔走行,臥月都知
金仔冇位, 你退會之後偷渡!?!??!?!?!?
小小隻牧師個位, 係我拎出黎既
之後你果時發皮氣出左公會, 之後公會爆左人, 收返你果幾個acc果時, 我又拎左個位出黎
最後我得返一個牧師位.........
金仔冇位收其他人你退會之後自己偷渡??
我想問金仔有冇人見過??
我未見過

我亞媽對我說一句 你點對人 人點對你
我自問沒對凝雪 奔走行你有什麼差 但為何我要受這對待
人地點解咁對你??
用返你阿媽果句, 人點對你, 皆因你點對人law

[ Last edited by 瀨戶１貴 on 2004-11-19 at 12:58 PM ]

---

作者: 瀨戶１貴    時間: 04-11-19 12:53 PM

一貴你說你無機心 專登混入祝福工會 再取娃娃同天步月信任
咩叫搏取佢地既信任??
點解娃娃會同我fd, 你有冇諗過你自己做d咩??
幫人掛機拎人d野都算
人地都唔鍾意你, 好心你手腳乾淨d啦, 有d行為同動作, 係人都會抗拒law

天步月係邊個我都想知, 我聽到人話我叫佢走
唔該你要屈, 都屈得好好睇睇啦
我連佢係咩人都唔知, 話我離間佢, 我離間d咩野!!!!


打ONLINE GAME打到要你陳生晒埋依D錢陪我地一齊打 再拉龍我地人心
你既人格一定很清高吧 都是我的錯 害你費心神 做終極無間

我出黎打機, 係因為jj, 同埋之後識左既阿lok同娃娃
打機為左拉攏人心??
呢d野我諗我唔需要做啦, 對住d打機友, 除左幾個岩傾既, 我一向彩其他人有味啦
你估我好似有d人咁, 一味要""打比你傾"黎拉攏人呀??
打機對我黎講算得係d咩野, 我又唔需要好似有d人咁, 要靠打機黎證明自己
我又唔需要靠打機先可以識到女仔, 先溝到女(得個溝字就更加慘啦)


你金仔分會工會會長 風星 神羅副會長 希希 知我性格 我需要放你暗箭嗎

我最憎口講無憑, 唔似得有d人, 竟然可以叫人問呢個問果個都夠膽死.....
有d人佢地點睇你, 我諗我唔會講佢地名出黎, 你放過我, 放過其他人既暗箭, 我在情在義, 都唔會講其他人個名出黎比你知呀??
如果佢地覺得同你已經係無話可說既時候, 我諗到時佢地自然會出黎
至少我唔會周圍叫人去幫口(唔係話呢次, 講緊阿肥果次)或者開acc呢d咁既野
我唔需要做law

你個人係點, 全isa一早出曬名啦, 除左你身邊果一班唔聽, 唔理外面既人之外
凡事有兩面, 如果單方面既片面之詞就信以為係事實既,
如果佢地聽下一d你唔講比佢地聽既野, 比佢地知道一d佢地唔知道既事
你估你祝福仲有冇人??
依家祝福都係因為有jj同阿lok jar, 冇佢地, 你估有邊幾班人會走左??


我建議可以聽下其他意思, 真理越辯越明, 公道自在人心

[ Last edited by 瀨戶１貴 on 2004-11-19 at 01:02 PM ]

---

作者: 【小望～】    時間: 04-11-19 01:10 PM

打機打到咁何必呢~掛唔到密穴咪去0偷囉=.="

---

作者: 瀨戶１貴    時間: 04-11-19 01:17 PM

Originally posted by 【小望～】 at 2004-11-19 01:10 PM:
打機打到咁何必呢~掛唔到密穴咪去0偷囉=.="

我都覺law.....
不過你知啦, 零偷升唔到lv架ma.....

---

作者: 【小望～】    時間: 04-11-19 01:22 PM

所以我地工會宜家有密穴 我都係掛一隻 仲要偷度果隻 費事比人講閒話

---

作者: 瀨戶１貴    時間: 04-11-19 01:28 PM

不嬲呢個藍幻既一人一密穴計劃都係勁好架啦........

---

作者: kfwilson    時間: 04-11-19 01:30 PM

To Marco:

恕我多管閒事了

1. 雖然一人多掛, 有人長期只掛不上是因為公會管理不善的緣故, 但是作為公會一個會員的你, 雖然沒有責任去推動改革, 是不是應該自律? 又請問你代掛的人是否常上?

2. 你是否在公會戰前在大部份時間控制了一貴所說的 7 ~ 10 個公會"會員"? 然後在第二次公會戰時全部消失不見? 那些"會員"是不是全部入了祝福?

3. 你既然原本有公會, 為甚麼要"幫"金仔呢? 這與一貴所說的"幽靈會員"是否有關? 既然你要開新公會, 為甚麼要選擇在公會戰開始的時候才開? 如果你是對金仔心灰意冷的話, 為甚麼不早早退會?

4. 如果一貴所說的那些"幽靈會員"現在全部都在祝福的話, 那你無法洗脫利用金仔的密穴培養自己公會實力之嫌, 其實只要金仔會員都明白及接受其中的利害關係, 這也不算甚麼. 請問他們清楚這些事嗎?

5. 作為一個金仔會員, 你是否盡了守城的責任? 你能說金仔不受你控制的會員集體缺席的影響嗎? 一句不到, 自己開了公會去攻別的城. 如果你只是自己一個退, 那對金仔的影響還不會這樣大. 你既然控制了10個位, 能說退便退嗎?

6. 作為兩個目標都是"城"的公會, 金仔和祝福多少會有利益衝突. 有人說, 當祝福會長(即是你)在某次攻城戰尾聲聲稱將城讓予金仔, 但祝福的人不斷放光耀補石, 還將金仔的人清走, 是不是真有其事? 這些事並非不可預見. 或者祝福幫金仔守城是一種補償, 但是, 結果呢?

7. 也許你是一個好會長. 但作為金仔的會員, 你問心無愧嗎?

8. 功勞並不能掩蓋一切, 尤其是處心積慮的陰謀(這沒針對任何人, 別對號入座).

[ Last edited by kfwilson on 2004-11-19 at 01:39 PM ]

---

作者: 瀨戶１貴    時間: 04-11-19 02:03 PM

打ONLINE GAME打到要你陳生晒埋依D錢陪我地一齊打 再拉龍我地人心
我諗左好耐, 問左幾個人, 我都仲係唔知邊個係天步月, game我聽人講, 知道佢係刺客
但係真人, 我諗我加埋應該會係講過唔夠10句話果種人, 否則唔可能一d印象都冇......
如果可以既, 真係提一提我佢係咩人, 同埋我做過d咩野拉攏佢

講返拉攏呢樣野, 我反而想問返, 有幾多個金仔既人比你拉攏入祝福呢??
同你打機果時, 我成日聽到你同呢個同果個金仔人講, 話金仔依家唔掂架啦
都冇曬人, 都唔知佢地想點, 不如你地入黎祝福啦.........
再唔係就話你睇我地幾團結, 唔同理devil啦, 同我地同盟, 我地一定會幫你守城既
又可能係, 你睇我地咁大班人出黎玩, 我同小貓傾過架啦, 佢會幫我地手, 不如你都入黎祝福一齊玩啦.......


我唔知你拉攏既定義係咩野呢??
即係果下呢種行為叫咩呢??
我交個心出黎同人地做朋友, 我叫拉攏(仲要有個係我唔知講埋夠10句野既問號人)
閣下呢d, 叫做咩呀??拉西呀??
小人之心度君子之福
清高唔敢講, 我又唔識自讚自唱, 自圓其說話自己係好人或者有功有勞
但係問心無愧, 講既係真話, 做既野對得住天地良心law

[ Last edited by 瀨戶１貴 on 2004-11-19 at 02:06 PM ]

---

作者: IsA-凝雪    時間: 04-11-19 03:18 PM

好勒~又到我講啦..又等我黎解答你既問題喇

1: ) 最初isa 是哪1個工會帶起金仔的 老實說一句吧 是我們乜九工會
呢個所謂既乜九公會,一開既時間~我公會足足冇左10幾個人~
哈~點解?!你自己心裡有數~連風星個會都冇晒人~
你唔單只拉晒我會d分身同人走~連風風個會果d人你都唔放過
如果唔係呢件事風星佢地會同你嘈?打王持會第一次解散咩
都算喇~果次我極力撐你~你唔好唔記得~果時我當你真係朋友~
你唔好淨係識話同我一齊打王~幫我掛機~多謝你喇
密穴我比位你入~外掛我send埋比你~打王...你一句話冇人~
我20幾個鐘冇訓你都夾硬拉我起身叫我同你打~呢d野你有冇講過出黎比人知呢?
如果係一開始識我既人~加美由佢地都知~我未識你之前~我都有打王
我唔係靠你我都有個歐冠~咁我係咪真係靠你至打倒王呢?
又講返乜九公會喇~你拉晒d人走~我都冇出過聲~我冇所謂~因為我當你朋友(當時)
但係點解你個會果時會有d名氣~係因為我同風星同寶寶~
我出盡力幫你攪起個公會~我用你d人物打王~自己隻人就唔得閒上~
日日都用住你公會個logo~冇人知我係邊個~只係日日幫你賣廣告~都唔緊要
我諗盡辦法~直情升埋隻乜九都補(牧)同乜九都收(練金)黎幫你公會提升知名度
我諗好多人都知喇~你真係講得出一句係乜九公會帶起我地金仔?
唔係卦...會唔會係你已經利用金仔黎帶起你個新公會呢?

當我第一時間話唔玩既時間你同我講咩? 即刻打電話比我
內容: yy如果你真係唔玩不如你比左個城我喇~攻城果日我用我公會黎打你個城
最多我比頂巴帽你囉~
當時我唔回應你~相信大家識我既都知~我好緊張個公會~唔係因為個城
係因為裡面既人~因為我既一班朋友~而唔係會員,想要城~係因為想佢地掛得好
升得快~賺錢多,我自己跟本就冇所謂~
但係到我唔應承你既時間~你又借少少藉口話要打我地囉~

---

作者: IsA-凝雪    時間: 04-11-19 03:24 PM

2:) 但打王分寶時(2個月期內) 沒說我什麼壞話 現你跟我才說我是自私自利
大家睇清楚~係2個月~呢2個月我日日打足12個鐘~仲慘過返工~
我只係得一頂歐冠~其實我都冇介意~因為我都講過~打王唔係因為寶
係因為一班人玩得開心~仲有要補充一點~果時我冇講你壞話?!?!
我可以好肯定咁講一句~梗係有喇)))~~~~~但係果時我忍
因為我當你係朋友~到有一次我忍唔住既時候~我諗ss都會記得
我係公會頻鬧左你好耐~奔走行都知喇~我唔係冇講你壞話架~
你唔好講到好似你係我老闆我要擦你鞋咁先得架~
我要跟都唔跟個咁既老闆喇~我日日收藍草藍水比成團人
專登升隻練金為左整藍水白水減少當時爆水既負擔
2個月我日日打足12個鐘連男朋友都唔理~街都唔出~教都唔訓
我換返黎既只係一個歐冠~而買藍水都唔夠既時間~我都繼續同你玩
係因為我覺得一班人玩得好開心~但係日子耐左覺得好有問題
因為基本上打一日就嘈一日~你少少事就發爛乍~
攪到d人冇晒心機~日日都話唔打~日日都話唔玩ro~
好心你喇~仲細咩........

---

作者: 好想幫你含    時間: 04-11-19 03:30 PM

提示: 作者被禁止或刪除 內容自動屏蔽

---

作者: IsA-凝雪    時間: 04-11-19 03:35 PM

3:) 代你掛機 我有否跟你談什麼條件 有否拿你1件掛回來的東西
代我掛機我真係好多謝你~咁我代你掛機果時呢?開住幾個a/c幫你落海洞
仲幫你set埋~仲要開雙視窗人手幫你升lv果d你點解唔講既?
打王果時跌果d呂呀~神金呀~豬証呀~藍箱呀~神箱~洞斗果d呢~去晒邊~
之前一開server個個好窮既時候你就自己袋晒落袋~好喇~到自己有錢果時
梗係肯拎返出黎喇~我仲好記得有一次呀~打完冰暴~你地叫我開神箱
~~~~~~我開倒件+10洞甲~~~~~~~果時值700萬~都唔係小數目喇~
當時我記得有風星~寶寶~佬佬係度~我當時同你傾緊電話~我同你講開倒件+10洞甲
其實果時我想比風風佢地一個驚喜~但係叫我點你交易~之後就掉左個3洞"樹"琴出黎
你仲同我講~打王一定要帶呢d似垃圾又唔係垃圾既野係身~
一開倒d咩寶就可以掉出黎呃人~呢件事~~你可以澄清架~如果我屈你既話~
你敢講你冇咩???  當時都算~我比左你~冇出聲啦~因為果時同你好fd~我冇咩所謂
所以...你有冇拎我掛機裡面既野~我真係不以致評~我都唔會話你有~
但係果時你好似淨係幫我掛龜島姐~相信冇咩可以比人拎喇

但係我聽講~~有人比左個a/c你掛~但係不久之後~a/c人物既錢比人拎晒
掛返黎既野都冇晒~人地問你拎返~你竟然同人講係為左公會開支囉~
但係我唔明~你個公會關人地差事~~~你要實行咩銀彈政策~
入會幫攻守城就虔+7裝~~就拎人地a/c既野~人地d血汗錢黎呀~
為左果億幾派比人~收買人心~~你出賣一個咁相信你~成個a/c比左你既人
你有冇再賤d呀?!?!

---

歡迎光臨 2000FUN論壇 (https://www.2000fun.com/)

Powered by Discuz! X1.5.1