轉貼: 屯門公路不成文規定

wyz1301c2920

話說一日，我約左個朋友（下稱Ｂ）出旺角買野，因為當日另一個朋友（下稱Ａ）要到元朗拎貨出尖沙咀，
而佢係用公司車，於是佢入屯門車我同朋友Ｂ出去，當我同朋友Ｂ買完野後，再約朋友Ａ去唱Ｋ，由於朋友
Ａ第二日早上要上大陸車貨，公司準佢帶走架車，於當晚約零晨兩時，我地一齊坐朋友Ａ車回屯門，當經過
汀九至深井一段路時，朋友Ａ突然減速，後面的車撞上了我地既車，幸好只係小撞，我地架貨ＶＡＮ後面度
門凹左，我地冇人受傷，而另一架車的司機亦只是輕傷，當時另一架車司機落車同我地講︰「好彩我諗住落
斜先收油，所以先咁小事，如果唔係就死啦，你點樣搞架，高速公路唔收得油架。」朋友Ａ當時呆左咁望住
先前經過既公路位上方一條行人天橋，然後講︰「而家Ｄ靚仔痴左線呀，咁樣爬出天橋，跌落黎咪大鑊！仲
要成班人睇住佢咁玩都仲笑…」

我、朋友Ｂ同個司機一齊望上去…一個人都見唔到…

朋友Ａ又話︰「我收油都係因為個靚仔差Ｄ跌落黎，我驚撞死佢呀，好大鑊架…」

朋友Ｂ見狀即刻拉朋友Ａ上車，而且由佢駕駛（朋友Ｂ冇牌），而另一司機聽完亦立刻上車，仲開得好快走
左，而朋友Ｂ亦不斷撻車，架車一著就即刻開得好快走左，而中途朋友Ａ不斷同自己講野…

回到屯門，朋友Ｂ一落車即刻打朋友Ａ塊面兩巴，同佢講︰「走啦，返去啦，你唔係呢度架。」跟住朋友Ａ
先問咩事，朋友Ｂ先講，屯門公路一向有個不成文規定，晚上十一時後，無論你死火，撞車，撞到人定發生
咩事都好，唔好停車，如果停左車，唔好落車…如果真係落左車而有朋友望見公路附近有人，一定要儘快帶
佢離開，而且一定唔可以再由佢駕駛，離開公路後落車前必須打佢兩巴，同佢講︰「走啦，返去啦，你唔係
呢度架。」我當時就真係乜都唔識講，朋友Ｂ話你當冇事，唔可以同朋友Ａ再提，三日後先可以講佢知…

三日後講左俾朋友Ａ知之後，佢突然咳左幾聲（係好沉既咳），然後吐左一舊好核突既野出黎（有Ｄ似打死
左四腳蛇「必」出黎Ｄ野既多十幾倍）…我先知佢咩事，而朋友Ｂ就講呢Ｄ野係佢做九巴個朋友既亞叔教佢
，我都唔知係唔係真係有，不過以後夜晚都唔敢在公路上周圍望……

九龍人

好邪喎...但係好難做到撞到人唔停車

yanB

係囖係囖....

比古洛

屯門公路不嬲都猛鬼

是但na

甘恐怖....-v-.

好驚黎d野

LvvT

咁恐懼既............

Fevil`

-.-上次夜晚去拜年停左車都冇事
(吾係我揸車)

豐。淚

係咪真架= =""....

藍流星

都幾恐怖下。 不過, 屯門公路不嬲都多呢d野, 多數都係汀九段多鬼故出。

懶惰寶貝

朋友b渣得好快咁走(不過冇牌) 佢有冇膽渣呢段路呢?
佢比差佬周到我真係比個good佢

xuegua

以前聽恐怖熱線    都好多人打電話上
話屯門公路夜晚好猛鬼

黎明1

支持

龍葵

打電話求救=﹏=

tommyk

真係有e條不成文規定??

我是大BB仔

呢個鬼故好恐怖,屯門公路不嬲猛鬼

少爺銘

我知道了,好可怕~!

卡卡．鐘

正常都唔停啦,,,無啦啦又無咁夜有人係高速既..
又會咁好彩得你撞到佢??..
十成9中野啦,,仲唔啦啦聲走咩

夜御

原帖由 九龍人 於 08-11-30 11:51 AM 發表
好邪喎...但係好難做到撞到人唔停車

屯門公路.系吾俾人行架`
修理野既都晏周日頭做架啦..`
點會過11點pm?`

raydxxxxx

屯門公路=猛鬼