哈利波特—混血王子的背叛 〔集中討論區〕

冰龍仔仔

首先 頭5集我都有去睇 並覺得幾好睇
今集既書我都有睇
令我都抱幾高期望去睇
可惜 今集唔多好睇
個人認為只有3個叫做好睇既地方 鄧不利多同哈利去搵分靈體 ，火車，搵史拉轟 呢3part
今集其實叫愛情片多d
講佢地既愛情佔多

雖然我都知冇可能跟足書
但佢將最剌激既情節都cut晒同改晒
竟然連葬禮，食死人同老師們既戰鬥都cut左
所以 今集真係比我預期中差好多
唔建議大家抱咁高期望去睇

[ 本帖最後由 不敵...+＋ 於 2009-8-1 10:11 AM 編輯 ]

abcabctoto1

-0-下...仲諗住刺激

冰龍仔仔

原帖由 abcabctoto1 於 2009-7-15 02:02 PM 發表
-0-下...仲諗住刺激

剌激我個人認為真係得飲藥水，哈利波特同馬份打個到叫剌激

abcabctoto1

=-=搞錯.咁少...

天才﹏小黑

真架?! 我打算聽日睇架!!

rupertgrint

睇完
我又唔覺好悶喎
今集電影都好好笑阿..
其實個劇情交代得好清楚架喇
只係有D原創劇情(榮恩屋企比食死人燒)
馬份都好多戲..露娜同妙麗好靚女
文妲同貝拉演得好好...
震撼力其實幾好既..(要用背景音樂輔助- -)
最好睇?係搵分靈體 拎史拉轟記憶
差唔多最尾果陣 全體師生望住鄧不利多從高塔跌落黎既遺體
跟住一齊點亮魔杖 指向夜空上既黑魔標記 呢幕好正阿...
黑魔標記跟住化成雲消失
意味住霍格華茲 全體一致對抗佛地魔勢力
觸摸到項鍊個katie同飲左蜂蜜酒既榮恩(<--嘔白泡) 演得好逼真阿...真係抽搐架...
榮恩食左愛情魔藥朱古力個樣好好笑- -
哈利飲左福來福喜好好笑- -
入讀左學校,問史拉轟咩叫分靈體果個佛地魔幾靚仔...有邪惡feel 把聲都好邪惡...
現影術, 行屍, 小金匣洞窟出面個海, 鄧不利多個火海, 撕淌三步殺 特效好好睇
葬禮, fighting scenes,剛特,好多金銀珠寶既老太婆被刪剪
葬禮我覺得唔好擺上黎...
fighting scenes 其實我覺得用兩分鐘講都可以略略打完(咪又係特效,逃跑,尖叫,d學生扮晒野,d食死人奸笑) 所以剪左真係可惜
其實都值得睇!
愛情果部分做得好好架喇...

其實我想聽到哈利知道石內卜做黑魔法防禦術老師時大叫"No!"..呵呵

如果咩都做晒唔通要人捱3個鐘咩...
想去廁所又唔想miss左(超大螢幕+大聲 買碟感受唔到)
第7集就話要分兩集
呢個電影都ok交代晒啦
只係有d刺激場面比人cut/改左

[ 本帖最後由 rupertgrint 於 2009-7-15 05:15 PM 編輯 ]

冰龍仔仔

原帖由 rupertgrint 於 2009-7-15 05:11 PM 發表
睇完
我又唔覺好悶喎
今集電影都好好笑阿..
其實個劇情交代得好清楚架喇
只係有D原創劇情(榮恩屋企比食死人燒)
馬份都好多戲..露娜同妙麗好靚女
文妲同貝拉演得好好...
震撼力其實幾好既..(要用背景音樂輔助- ...

今集馬份真係演得幾好
特技都幾好
但最唔滿意係全集最剌激既打鬥場面冇左
最後全部人舉魔杖個到都ok感動下
今集最剌激既地方我原本以為應該係鄧不利多死後教師同食死人既打鬥場面 可惜最剌激係鄧不利多放火個到
個part哈利拎水個時隻喪c捉住佢隻手我都嚇左一跳
之前幾集我都會睇2次以上(去戲院) 同買碟返黎睇
但今集完全冇意欲想去睇多次 頂多都係買碟睇

andyapctd

我今日都去左睇
不過都係愛情為主 唔係咁多打交場面
可能係交代番上集劇情
同引人睇下一集
發覺金妮都幾正點A_A

Mr.Childen

聽日睇
訂左令位飛.

ehuytr

聽日去睇imax版..希望對我黎講呢集會ok啦..
因為transformer2已經令我有d失望了..

siugeass

我諗住聽日先睇...
我都覺得應該唔錯既!!

紅燒牛牛﹏★

搞到我唔想睇- -

pk_zoo

原帖由 rupertgrint 於 2009-7-15 05:11 PM 發表
睇完
我又唔覺好悶喎
今集電影都好好笑阿..
其實個劇情交代得好清楚架喇
只係有D原創劇情(榮恩屋企比食死人燒)
馬份都好多戲..露娜同妙麗好靚女
文妲同貝拉演得好好...
震撼力其實幾好既..(要用背景音樂輔助- ...

我都好同意...
雖然我冇睇書,只係睇電影版,所以我冇得比較...
但係只係講電影既話黎講呢,呢集真係ok...(如果你係唔睇打鬥場面的話)
今集係全講以前既佛地魔同哈利佢地既愛情...
我都覺得呢集比起上5集黎講真係悶左少少,但係佢以愛情為題,同埋重點係講佛地魔and馬份同班食死人,算係咁...

最刺激果幕就真係鄧不利多玩火果幕...
d特技真係超勁,又係o係咁多集黎講顯得校長最有威嚴同最顯實力既一集,對比番并唔係佢老就冇用...

最感動果幕就一定係校長死左,全體師生舉起樹枝指向佛地魔舊雲果度啦...
果陣我真係有少少想喊出黎...好似一個好熟悉既人死左咁...

最驚嚇就真係哈利同校長去搵分靈體,哈利想係河度裝水果度...
之前影住佢裝水,我都估到有野嫁喇...點知原來係一隻手捉住佢,仲要加埋d音樂...我同我另外2個fd都嚇到彈左向後...(後面d人睇到我地咁大反應,唔知有冇笑呢 )

最估唔到既係原來妙麗係鐘意榮恩...
因為我同我個fd都以為金妮同妙麗都鐘意哈利,點知大失預算,一睇到妙麗幫榮恩果度都知咩事...
之後我仲以為榮恩真係鐘意文妲tim,原來佢都唔鐘意...
跟住哈利原來係鐘意金妮...我又係估唔到...

最靚女我覺得係呀露娜...(金髮,係火車救番哈利果個)...
佢把聲又好聽,個樣又得意...
點解哈利唔係同佢...搞錯...

最離奇既係榮恩無lala解完毒,飲酒果時就即刻成身抽搐,仲嘔白泡,我仲以為佢真係會死...嚇得我丫...
好彩都係哈利醒目救番佢...
仲有就係哈利同馬份隻揪果度...哈利用左果招"澌淌三步殺"之後,馬份即刻爆胱...
我仲以為佢又係就係死左...好在有石內卜救番佢...(雖然本人都唔鐘意佢,但都未致於想佢死)

不過樓主唔講,我都唔知書原來有打鬥同埋葬禮呢幾幕...
我覺得冇做就真係晒曬...
連我最想睇既"魁地奇"就只係匆匆帶過...
又冇得睇埋校長既葬禮...唉~

最後睇完唔知點解,搞到我想睇番頭5集...
想追番,好似唔想哈利波特咁快完咁...想佢一直有好多精彩劇情,做做做...永遠都會keep住出電影...

源~☆

睇完- -
我覺得呢集只係大結局既上半部分黎- -
見到鄧不利多死果刻我呆左- -
以為下一集先死~估唔到佢比混血王子殺左~o~
今集冇左佛地魔- -~
其待大結局~

[ 本帖最後由 源~☆ 於 2009-7-17 03:53 PM 編輯 ]

時光之光

始終同書比就無得比

比分會比87啦

源~☆

最後果到個首飾入面果張紙係邊個寫的~有冇人知???
好似r.a.x唔知乜野~知唔知呢個係咩人黎??

amzta2440

無錯 吾睇呢部 你跟本吾明死神的聖物講更咩- -
我就係咁 睇完死神的聖物 一d都吾明 不過一睇返呢套戲 就即刻明曬
同埋好期待出最後一集既電影
今集最型就係小鄧玩火
其次係哈利睇書學返黎既撕淌三步殺 打到馬分標尿

冰龍仔仔

原帖由 pk_zoo 於 2009-7-17 01:23 PM 發表


我都好同意...
雖然我冇睇書,只係睇電影版,所以我冇得比較...
但係只係講電影既話黎講呢,呢集真係ok...(如果你係唔睇打鬥場面的話)
今集係全講以前既佛地魔同哈利佢地既愛情...
我都覺得呢集 ...

當然..未睇過書同睇過書入去睇好大分別
因為我睇過書 所以知道晒d剌激既場面係邊
但佢cut晒  
但講真 今集真係似科幻愛情片多d

原帖由 源~☆ 於 2009-7-17 03:47 PM 發表
睇完- -
我覺得呢集只係大結局既上半部分黎- -
見到鄧不利多死果刻我呆左- -
以為下一集先死~估唔到佢比混血王子殺左~o~
今集冇左佛地魔- -~
其待大結局~

今集書都係冇佛地魔 如果你未睇過書你就會覺得下集好精采

原帖由 源~☆ 於 2009-7-17 11:50 PM 發表
最後果到個首飾入面果張紙係邊個寫的~有冇人知???
好似r.a.x唔知乜野~知唔知呢個係咩人黎??

個條紙條係下集好重要，提提你 個個人係今集有出現過

pk_zoo

原帖由 冰龍仔仔 於 2009-7-18 08:52 PM 發表

個條紙條係下集好重要，提提你 個個人係今集有出現過

係邊個呢?
係咪石內卜?路平呀?r.a.b到底係邊個呢...