我究竟應該點做？

kind2003

我女朋友佢份人好好　.. 好到對每個人都好關心(包括男仔).. 個樣都ＯＫ　但係佢好純.. 佢係會幫人幫到底曬 令到男性心動但係自己唔知
而且底線好低. 基本上人地抽佢水 佢唔會出聲阻止 又唔係好介意果隻..
有一件事我放左係心上面好耐 之後我遇到差唔多既情況就好擔心 件事都幾長下.. 請幫幫忙
(下面稱我女友係A 我兄弟係B 仲有個出面既人叫C咁啦)
係咁既 我地岩岩7月開始既
我係第3次 佢係第2次拍拖　
本來係上年我地應該開始左　果陣大家岩岩識左一排　 大家都對大家有ＦＥＥＬ　但係果陣我既兄弟Ｂ都鍾意左佢.. Ａ果陣比Ｂ既神秘感加新鮮感　同埋佢果種好搞笑好好玩既性格吸引住　ＳＯ鍾意埋我兄弟．．Ｂ向A仲展開埋攻勢
果陣3角關係 我又唔想搞到兄弟不和 所以我退出左 順理成章 B就同A開始左
之後兩個月到.. B唔理A 但我果陣仲好關心佢(我地本身係有少少反左面 之後傾番計冇事)
所以我就幫A 分析成件事 姐係點解B唔理佢果D可能性 有咩補救方法之類呀 但係果陣我個心好難受..但係只好死忍 因為我又唔可以直接問Ｂ點解 因為好敏感
但係B最後都冇理到A A好傷心 但係佢知我仲鍾意佢 所以佢冇搵我傾 亦都冇搵到佢自己D FD.. 反而搵左佢出面既一個男仔C  傾
果個男仔我一路都好擔心佢.. 因為佢地岩岩識既　Ｃ第1次約A 出街就搵佢扮佢女友 黎飛左現任果個.. 我對佢好有戒心.. 因為A自己唔介意既關係 衰D講句我真係怕C會溶左Ａ佢．．
之後我唔想既事發生左　Ａ因為太傷心搵Ｃ出黎傾計　果晚Ｃ　咀左佢．．　咀左１０秒之後Ａ先推開佢　（呢件事我係係Ａ個ＦＤ到聽番黎）
我知道左之後好難受．．　但係可惜身份問題　果陣我冇資格嬲佢　冇資格出聲　只好啞忍．．
佢都知道我難受　事後都同我道左歉　果陣我同佢既關係有Ｄ特殊　好似朋友之上　　戀人未滿咁啦
之後４月果陣　Ａ同Ｂ就分左手　Ａ好傷心　Ｂ又好ＣＯＯＬ　冇理到．．　大家最後反左面冇計傾
果陣我一路關心佢．．一路係汁邊幫佢　好似約下佢出街玩咁．．慢慢一路醫佢既傷　一路培養番失去左既感情　到７月既時候開始左
但係問題黎啦．．　每當而家佢變番以前咁　對個個男仔都咁好　條底線又冇乜變既時候（佢成日話留意但係改唔到　好易打回原形）
我又好擔心佢會重蹈番以前既覆徹　好似搞多左個Ｂ同Ｃ出黎咁．．　我又好容易受感情所困　成個人頹曬
我一路都對佢咁好．無論咩事都就曬佢　做錯Ｄ咩好原諒佢　搞到好似比左好大安全感佢咁．．但係反而到我怕佢到頭來唔識珍惜
我又算易吃醋　一吃醋就心情唔好　一心情唔好就脾氣好燥　愈忍就愈難受　至慘既係佢唔知．．要我擺曬ｄ感情上面佢先知
我究竟應該點做好？？　
我明白有時應該用平常心去睇所有事　凡事兩邊睇　但係我算係悲觀既人　好容易向壞果方面諗
我好想可以ＫＥＥＰ住呢段感情．．　時間　精神　我唔介意付出　
但係我又怕付出多左佢唔識珍惜．．　唉好矛盾．．　我應該點算好，？



　

　　

[ 本帖最後由 kind2003 於 11-8-12 09:44 PM 編輯 ]