314表白失敗 我真係唔想放棄 好難受....

槍神

話說 我今年升中4 成績話差都幾差  可能係我地學校d女質素差 反之新黎果派係質素高
我由11月果陣就鍾意左個女仔 佢外在不美 但內在很美 佢比我既感覺比任何東西都強烈
什至已經奪走了我心中既第1位 我就一直玩暗戀啦 點解我鍾意佢? 我每日都係到諗點樣可以哄佢開心 同時唔聽書就令成績更差  佢雖然唔係話特別靚 我有次比人收電話 當我身邊既知己都走哂 我想喊既時候 唯獨佢1個留係到安慰我 我果陣同自己講 我唔可以喊.... 祝祝安慰左我1個鍾 我先冇事 由果日開始 我就知道我個心已經比佢奪走了 我一直玩暗戀 同佢都幾fd 有次 我打完波我唔見左件背心 我打比佢問佢 幫我問下你架車上面d人有冇我件背心呀? 係咪佢地拎走左? 佢即克幫我問 結果原來真係比人拎錯左 最後佢幫我keep左1日 第2日佢比番我 電腦堂 我發現左佢幫我鐮番隻就位 我好感動果刻 竟然有人會對我咁好 就咁我就更加鍾意佢 願意為佢做一切。 佢唔舒服 lunch因為我唔夠錢 所以我決定唔食飯 出去買野比佢醫一醫 最後佢係果枝野果到寫左一d多謝既說話 我都幾開心
就到3月14號 我準備左好多野 我諗過買朱古力送比佢 但最後決定整(我係第1次為左1個人而做咁多野) 整得好辛苦 失敗過1次 但我唔會放棄 因為我愛佢 我希望我既真誠可以感動佢 3月13日 第2次成功左 但好樣衰 唔理 照送 畢竟是心意 我知道佢鍾意b duck 我放學即刻出去周圍搵 終於搵到(我果陣唔夠錢整朱 問人借左200蚊,果到冇心意卡買 我決定買本78$既b duck簿比佢,問人借多78$) 由於整朱古力整夜左 我10點半先番屋企(係同學屋企整) 比人罵左1餐 搞到要早訓 冇時間寫野係本簿入面表白 所以set聽日5點半起身 終於都到3月14日  我5點半即刻起身趕埋本野 好彩夠時間趕 寫得切 內容大約係講 我一直唔敢同你表白係因為怕連朋友都冇得做 其實我好鍾意你之類 我放左係朱古力盒入面比佢 結果換來既就係 我其實好鍾意你 都好鍾意大家 我識到你地我好開心 我覺得我地做朋友會開心d 我地可以好似以前咁顛 以前咁hehehaha 我地都係做朋友吧 冇事發生過 當時我接受左呢個結果 3月15日 我如常番學見到佢 雖然表面好似冇咩野咁 但我知道 佢對我已經有小小防範 有小小監介 我主動搵佢佢又避我 我唔搵佢又要忍痛睇住佢同第2個玩得好埋 我真係唔想放棄 我真係好鍾意佢 314後我諗過唔再搵佢 因為我怕我放唔底佢 但我唔搵佢fd又話佢會好心痛 因為咁而小左個朋友 我願意為佢付出我既一切 我仲可以點做....

LsT..

唔洗怕阿...樓主我支持你!

KA2837

樓主, 你好!

首先我想講嘅係, 你不修篇幅!
睇你個POST就知你係咩人~

如果你話係因為俾當時嘅心情影响咗,
咁就即係話, 你呢個POST亦都只係為咗尋求安慰!

咁我就送你一句:"加油!"

其實對方同另一個男仔拍過拖, 你應該知道佢鍾意咩纇型吖~
咁你有冇諗過點解對方拒絕你呢?

拍拖唔係自己一個人嘅事, 諗嘅亦都唔係淨係自己, 仲有對方!
又頭到尾個POST都係講你自己嘅感受, 講佢點對你好, 咁你對人做個啲乜?
就送盒豬古力咁大把? 仲要係有意圖...
如果你係一個自我為中心嘅人, 我諗你一世都溝唔到女~

講住咁多先, 等你有回覆先在講啦~ 我懶得同空氣對話~
加上單嘢都成個月, 呢家變成點都未知...

hoplay1280

@@慢慢黎啦 太急可能會嚇親個女仔~~~
仲有努力讀書-.-
同埋話做朋友....真係做朋友= =唔好迫得咁緊

KA2837

原來呢個POST咁耐架喇...咁樓主近況如何呀?

P.S. 版主! 唔好話我文不對題扣我分住~
等我今晚回覆咗, 聽日真係要扣再扣都未遲~
我唔係嚟水POST呃分架~ 只係聊版有LINK入咗嚟呢度...

KA2837

樓主~ 放心~ 我呢家瞓一覺先~ 今晚12過後再回覆你~

不知不覺的

Taylor_Swift 發表於 12-4-8 01:32 PM
個個都係借錢買樓架喎,個人經歷黎,咁注定你所認識既人包括你都要慢慢還貴息,
你果d咩個人經歷咁cheap咁都 ...

你要搵極端黎講我都無辦法,不過唔好講到個個都好似你d見聞咁.....
我係主觀左覺得你係住籠屋窮到濃果類人,不過都係因為比你講到好似每一個人都係窮到濃,幾百$還唔起咁既樣,攪到我都先入為主以為你都係窮到幾百$都比唔起既人

Taylor_Swift

不知不覺的 發表於 12-4-8 01:11 PM
個個都係借錢買樓架喎,個人經歷黎
幾百$個個都還得起喎,都係個人經歷黎
你果d咩個人經歷咁cheap咁都還唔 ...

個個都係借錢買樓架喎,個人經歷黎,咁注定你所認識既人包括你都要慢慢還貴息,
你果d咩個人經歷咁cheap咁都還唔起?
我只能說世上無奇不有,
仲有,你家陣係咪玩緊人身攻擊?

不知不覺的

Taylor_Swift 發表於 12-4-8 01:06 PM
邊個話買樓一定要借錢?
自己打工,夠比(手)期,跟住慢慢供..
你借錢還息都還死你,

個個都係借錢買樓架喎,個人經歷黎
幾百$個個都還得起喎,都係個人經歷黎
你果d咩個人經歷咁cheap咁都還唔起?定其實係你本人幾百$都無
重有,幾百$2個人還債真係辛苦呀?.......你係未住緊籠屋?所以窮到濃?咁比心機d搵錢唔好再對住部電腦啦,浪費你d珍貴搵錢既時間,1個鐘28$架對你黎講

Taylor_Swift

不知不覺的 發表於 12-4-8 12:42 PM
你想買樓,都係要借錢咋.....我唔信你一下過買到囉....唔通你又一世唔買咁無志氣?
而且事件中主角只係借果 ...

邊個話買樓一定要借錢?
自己打工,夠比(手)期,跟住慢慢供..
你借錢還息都還死你,
我想講,有人真係幾百蚊都還吾起._.個人經歷

不知不覺的

Taylor_Swift 發表於 12-4-8 10:52 AM
到時要還錢就吾方吾浪漫啦,兩條友一齊儲錢還債,仲吾夠浪漫?

你想買樓,都係要借錢咋.....我唔信你一下過買到囉....唔通你又一世唔買咁無志氣?
而且事件中主角只係借果幾百,你唔係覺得還唔起呀?定係你要搵野黎講?

Taylor_Swift

不知不覺的 發表於 12-4-8 02:11 AM
現實同浪漫係相反,你要咁現實都無辦法....
講返轉頭,你咁諗拍拖都係無用........
浪漫就係咁,男人就唔好 ...

到時要還錢就吾方吾浪漫啦,兩條友一齊儲錢還債,仲吾夠浪漫?

不知不覺的

Taylor_Swift 發表於 12-4-7 09:22 PM
如果浪漫係要借錢以達成既,咁有乜用?

現實同浪漫係相反,你要咁現實都無辦法....
講返轉頭,你咁諗拍拖都係無用........
浪漫就係咁,男人就唔好咁斤斤計較.攪到好似女人咁一d都唔man
咁緊係唔可以太過自己能力啦,借少少又唔係還唔到

Taylor_Swift

不知不覺的 發表於 12-4-6 03:56 AM
你條麻甩佬走左黎e個板....
你咁講好明顯你唔識浪漫.....
你試下叫d女入黎e個post睇,佢地實話掂....

如果浪漫係要借錢以達成既,咁有乜用?

不知不覺的

Taylor_Swift 發表於 12-3-17 09:04 PM
第一,成績差仲想溝女- -?除非你令仔,
         另外,
         你成績差打算第時用乜養妻活兒?

你條麻甩佬走左黎e個板....
你咁講好明顯你唔識浪漫.....
你試下叫d女入黎e個post睇,佢地實話掂....

個問題係就算響e到講到幾浪漫,但係個女仔唔知一樣無用.....
樓主,用無法估計既時間繼續努力.....

smallapple0503

其實我覺得你可以不要那麼在意~
我知道你一定很傷心~
可是日子還是要過下去~
你應該快點讓自己回復心情~
不能一直這樣難過下去~
雖然這需要一些時間~
但我相信只要你願意~
一定可以克服的~
加油喔^^

CHoK!麟=)

佢可能有d受寵若驚~~就算佢真係想一齊~~都要比空間人諗清楚架ma~~~
同埋愛情係雙方面亦的~~如果唔係佢唔開心你都唔開心啦~~慢慢來~~~

HAORAN78

我覺得你可能太急進吧;;;溝女應該慢慢泥..佢對你有FEEL既你實FEEL到既...果時表白先好...呢家你甘搞到自己機會冇埋

Taylor_Swift

奪命心理痛 發表於 12-3-19 12:22 PM
如果對女仔好就一定要花錢
你咁諗就永遠只會遇上物質既女性
同埋你有冇諗過其實佢未必真係想你花錢?

你咁諗就永遠只會遇上物質既女性,
你呢句說話令我諗起港女..
另外,教溝女- -我真係笑死,
自己想溝女既話好心就自己諗計,睇d教學帖黎做乜?
睇完d帖我既感覺好似溝女當打機,教學帖=攻略
所以我吾會睇呢d帖

奪命心理痛

槍神 發表於 12-3-17 09:11 PM
成績差同溝唔溝到女唔關事既 我問人借錢因為我果陣帶唔夠錢先問人借
我唔係冇男人尊嚴 因為果日真係夜小小  ...

如果對女仔好就一定要花錢
你咁諗就永遠只會遇上物質既女性
同埋你有冇諗過其實佢未必真係想你花錢?
只係見你一心為佢好而唔識潑你冷水
有D女仔好簡單,齋講feel
feel呢樣野主要由外貌+行為蘊釀出黎
對人好唔係錯
但唔好盲目去做
尤其是以為用錢就lum到人
做完之後更加咪預左一定有回報
因為佢冇強逼你為佢做
所以就算佢睇中其他人你都冇得怨

我建議你爬爬文
呢個版有篇文章教男追女