[有請官方小暈][偽認真討論]夢之死唔斷氣十年不倒,想續多幾年命要點入手?

綠豆沙

其實有無可能做到一個大既更新去吸引返個人流（關於寵個方面）
隻game係人物既裝備或盾個方面做得好好，令隻game之前可以有咁多人流同埋令隻game維持左咁耐
但我覺得隻game係寵個方面未夠完善，如果啲寵好似盾咁隻隻都唔同，隻隻都有獨特性係度既話，隻game會多左好多野玩。（我覺得預期係咁出新寵，不如改改個system )
E.g. 啲寵隻隻都有唔同既攻擊力，或者誇張啲可能係啲寵會稀有地變色而變得勁d（美觀+打得）
實行上，我覺得可以從捉寵個啲入手，依家普遍無人會係路邊度捉寵黎用，因為又唔坦得又唔打得，但其實如果隻隻捉既寵都唔同既時候，啲玩家就會有動力去捉下寵睇下自己既運氣（同抽箱既吸引玩家買一樣道理）
係咁多玩家都一齊捉寵既時候，就會有機會吸引返啲人流，因為隻game唔再係一個淨係課金pvp既遊戲，可以有返一開始一班人打怪捉寵升lv既樂趣，又會多返啲人去個啲礦石場呢啲平時無人既地方。
如果再之後可以試下一啲專係捉寵既團？或者寵物都可以比玩家黎pvp
亦都符合返隻game既特點（有個獨特性係度）