再黎同大家介紹下佢有咩野食~
有生蠔 三文魚生同埋煙三文魚 食落去都幾新鮮
另外有一個美式菜湯(South American Soup) 個味道酸酸甜甜幾特別
我係一個唔鐘意食沙律既人 但係佢個自助沙律吧真係好正 可惜無影到
不過最後見到有 (左)(Caeser Salad)既材料 就已經忍唔住手去整左一碟黎食 佢菜都幾新鮮 咬落去係脆既
係沙律吧旁邊擺左傳說中既血腥馬利(右)(Bloody Mary) 但係我見到個樣就已經唔想食...
食完D頭盤就當然要試下佢個自選意粉啦! 我意粉揀左(Chicken Tortellini) 配料就揀左磨菇同煙肉
而醬汁就揀左(Cream Sauce Mushroom) 個廚師即叫即整 勁好味! 其實主菜有即叫即煎既魚塊同牛扒
但係我對果兩樣都興趣不大 所以無試到
我最後企埋去既地方就當然係我至愛既西式甜品啦
首先講雪糕同埋(Chocolate Fondue)
佢所提供既生果比"Fondue"有棉花糖/青提子/蜜瓜/菠蘿 我可以話隨左個棉花糖我唔係太鐘意之外
其他果三樣生果都同個朱古力好夾
佢提供既雪糕有三樣味道 After dinner mint/ Triple chocolate/ Vanilla bean
紐西蘭出產既所有雪糕都好滑 所以E 三種亦都唔例外
甜品檯上面有5樣甜品
(左)Vanilla bean pannacotta/ (右)Chocolate mousse cup
E兩樣我都無試到 因為食曬其他野已經好飽 不過我對個pannacotta其實有D興趣
(左)Sherry trifle/ (右)Passion fruit creme brulee
我可以講我全下午最欣賞既食物就係佢個Sherry trifle 個慕絲質感夠輕而且唔會過甜 個果醬唔會太酸 非常好味
而個Creme brulee 既焦糖唔會太厚 但係就封住左個Passion fruit D味 要客人食左第一啖先聞到佢個味
Creme caramel
E個就真係好普通 同埋麻麻地好食 我幾啖就已經停曬手
總結: 我認為佢E個價錢係好抵 D料又新鮮 種類算多 最緊要就係迎合唔同人士既口味 有機會既話我會想再去多次
另外我會想學整個Sherry trifle 顏色令得黎又好味 我覺得每一次去自助餐之前都會有種期待係到 當去到之後就會令自己大開眼界
~ 分享到此完畢 下次再去食好野既時候一定會再同大家分享 ~ | 
發表於 09-6-25 07:30 PM
發表於 09-6-25 10:22 PM
睇完好肚餓tim.... haha
發表於 09-6-26 03:08 AM
真係好正!
真係好平!!!!!!
