- 閱讀權限
- 95
- 最後登錄
- 14-8-29
- 精華
- 23
- UID
- 374231
- 帖子
- 8230
- 積分
- 11533
- 註冊時間
- 05-3-30
- 在線時間
- 3254 小時
- UID
- 374231
- 帖子
- 8230
- 積分
- 11533
- Good
- 1417
- 註冊時間
- 05-3-30
- 在線時間
- 3254 小時
|
溫書策略?
轉自#2 版友 殘酷之天使
1.中史
上年出到好精d個d課題notes可以拎去燒左佢都得了,不過貼└題既話要大路少少...唔好貼得太勁,勁飛課題唔讀,呢d同賭博差不多,高grade固然好,低grade分分鍾你升中6就係靠呢幾分,咁就冇左,實在唔值。我覺得如果你貼個題係有機會出既話就成課溫左佢,唔好分part了,萬一佢一條6分essay關於個個課題3方面既,咁你咪中招?如果今年會考有d課題完全未出現過而個d課題d野你又有興趣既,讀晒佢...死極都有限,我呢科係C左既,好多人都覺得中史好麻煩..好多野讀,但其實中史1D都唔麻煩,只要明白當中既人物,地點,時間同埋事件,就可以拎到唔錯既分數,點可以明白當中既事件同埋人物呢?好多人都會咁問,如果你覺得死記係可以幫到你既,我可以話岩1半,但背野過程一定會好痛苦,仲有發唔發覺到,每次背完,實有好多野會唔記得,而我個人比較建議既方法就係,練習練習練習,點解我咁強調練習?因為做練習唔需要用好多精神去記,有時D人物,你錯左,睇完答案之後好快就會牢牢記住,唔需要強記咁乏味,而且,呢個方法比強記更有效率,點解我咁講呢?中史05年先開始第一界,可以做既PP好少,我諗有人會拎番好耐好耐之前個DPP黎做,個人覺得咁樣做十分浪費時間,而且有好多問題已經OUT晒C,你仲要晒埋D時間去搵呢D題目,會考時間本身已經唔係好多,呢D時間浪費左實在好唔值,仲有一點就係,當你睇書個陣,根本冇D所謂既題目俾你做,就算有,都係D好封閉式既題目,D級數根本追唔到考試局個D題目,呢個時候可以做既,就係買出邊D練習,題目多之餘又可以練習下,recall番d記憶。
作為一個中史人,我覺得有需要係中5個年考加一個中史聯校mock,參加既學校唔少,呢個mock有咩咁巴閉呀?去唔去都冇所謂啦,我可以答你,絕對唔係,你諗下,如果你冇興趣讀書,冇興趣去考好呢科既,你會唔會報?我諗唔會,因為報呢個考試都要少量金錢,但呢個考試可以令你明白,究竟,你自己既實力去到邊,唔好淪為井底之蛙而不自知,同時俾你知道自己個定位,落後太多有需要去加把勁。就算你係會考拎得唔錯既成績,中6要睇番自己係咪有能力去讀中史呢科...因為D資料真係好多好多.. #4
[quote]
Q:上年出到好精d個d課題notes可以拎去燒左佢都得了< 但係正係估07年會唔會太危險?
不過貼└題既話要大路少少< 點tip大路..即係隋唐咁呀?
A:我今年AL呀,都冇睇過今年D範圍,我考個時就係將上年出得好精要個D課題飛走晒,其實我讀得都幾大路,例如我讀秦漢既我會拉埋王莽+法家(魚)家思想個D有關既野一齊讀,好似隋唐咁,我又會讀埋安史之亂個D,周代我會讀埋春秋戰國天子地位點解會係咁下降,最後俾人消滅,最後五四運動我又會同軍閥個D一齊讀,至於幾場戰爭我就精溫,最後我係會考都冇選呢題答,因為我已經夠晒資料選足夠既題目去答了。我TIP既方式係,TIP完要讀得少,但準確要高,唔係讀完都冇用,而好似我咁有關係咁抽TOPIC黎讀,一黎因為未出,好大機會見係會考見得番,二來一條題目佢會連埋其他課題問,有機會中正你TIP個D有關既課題
Q:專攻未出個d課文<咁咪得番好小lo...佢好多都連埋出..好似三課一題咁
A:呢樣野就好似係一樣定律黎,我MISS都叫我讀晒去考,我最後就梗係冇聽到啦,汁番上一年未出既去專攻,再加埋之前我自己收既MARKING
背幾背咁就C左番來了~MARKING係一樣好有用既野來,係俾老師拎黎改卷用既ANS,個D ANS好短而且好中POINT,你自己係呢D SHORT ANS入邊擴長既話,就應該會有個唔錯ge成績,至於你問有d 3課1題,咁唔通都飛晒佢?3課1題每課都有一定分數係個題,有d課文其實得個名掛係到,入邊成課可能問題得2,3分既,有機會會番炒,但唔係一定。好似我咁就出過既都飛晒佢,呢樣野係一個文學拎A既教我既,到時你會發現,你溫未出個D課文,絕對夠答D題目。
轉自#6 版友 夢想‧翱翔
中史我打算咁做
歷年出問題既模式相信大家都知道,我唔多講
因甲乙部考既範圍唔同
甲部到鴉片戰爭有4條唔洗答
個人意見我周實溫既,雖則佢唔係年年出,不過幾易答
要溫就成個朝代溫,唔溫就成個唔好溫
雖然係有d係朝代比較題,但比黎比去都係果幾個朝,我都唔多講
到左乙部
49年後面果d太混亂,我一題都唔會溫,因往年出卷形式49年後最多都係出2題
咁你可以4題唔做,我集中溫49年前果d就ok,仲有得你揀4題中有邊題易做d,執分易d
咁就萬無一失
轉自#9 版友 ~白~
中史我不建議tip,最多甲部唔讀一個單元
乙部千萬唔好讀少,另外評倫題好睇你分析能力有幾多
讀到足都拿唔到分就係呢到,要小心
文學可以自己判斷跳讀,不過唔好讀少過30課比較穩陣
文學地位果幾分,你真係咁懶就由佢升啦
轉自#13 版友 rico1101
我覺得唔好飛題 ..
如果你認為少出果d ..
最好唔好死背 ..
你情願係咁睇多幾次 ..
睇得多 ..
自自然然你就會唔多唔小記得小小 ..
咁就夠你既分析慢慢組合番 ..
咁樣我覺得易拎分d ..
不過當然你認為重要d課題最好背到熟 ..
例如上年未出過果d都最好背 ..
但都唔係忽略左上年出過的 ..
因為佢有時陰你 ..
出多一年 .. 所以果d課題你只要睇多幾次我覺得就ok ..
[ 本帖最後由 殘酷之天使 於 10-5-8 07:30 AM 編輯 ] |
|