「長期活動」一起分享夢想與夢境^^

chilie2004

琴晚發夢夢見自己好有商業頭腦
雖然本金唔係咁多
不過因為眼光好
所以係咁短線投資
成日買買賣賣就賺左好多錢喇
哈哈...仲有好多電視台記者訪問我添
如果我大過左之後係咁就好喇

chilie2004

又發夢夢見我搵返部計數機
真係好黑人憎,d人成日都話會夢想成真既
已經3次喇,第3次喇!!!!
不過今次搵返部計數機既地方唔同左@@
係係爹o地媽咪個房到@@好奇怪

chilie2004

琴晚發夢夢見自己做大俠
係夜媽媽去d有錢人到偷野
之後再拎d錢俾窮人用
好好玩,因為我可以周圍走
仲可以飛黎飛去添
我仲有個外號叫美人飛鳥添丫
冇嘜人未聽過我個名架

chilie2004

琴晚發夢又見到我個好朋友
我地同一個時候放學,跟住係地鐵站到見到
所以就一齊走,但係唔知點解唔見我另一個朋友@@
不過升喇,無理到,之後係地鐵到傾計傾到勁開心
但係好奇怪,o人 2陣都叫做係放學時間,但係地鐵入面竟然冇咩人=.=

chilie2004

唔知道係咪凍既關係
琴晚好凍=.=好似成晚都醒下訓下咁
跟住我就聽到好似有人同我講野咁
其實我聽唔到佢講咩
唔知道係咪屋企人講野
定係其他"人"講野...
但係我又好眼訓,就訓左喇@@

＊極無奈耀﹏＊

今日發個夢好奇怪
無喇喇有幾條友黎左我們學校
跟住就係到讀名辦手續
原來改左制度
讀左名既就可以入u=.=
我諗住實冇機會
係到傾下計,又講下電話
約晒朋友出去玩散心同堆搵hd讀
點知有讀我個名
我勁驚訝...跟住就醒左=.=
係開心到醒左...
一過一定唔會成真=_=

下雨天`

我發夢見到我上年個中學好朋友..但係明明我依加無再見佢.
我見到自己上梗數學堂.係同梗自己依加既朋友一齊上.
一放學出課室就見到佢係門口等梗我
明明依加我過左黎外國.但係夢境佢係我依加外國個間中學.
夢境行行下又見到2個我唔中意既以前中學既朋友
跟住我同我既好朋友走自己行黎行去.
之後就醒左啦.

likoonli

我琴晚發左個夢
我夢見我身處係學校課室入面...
之後我得閒無野做...我出左去行下
點知係遠處見到我個鐘意果個人
佢行黎問我今個星期六得唔得閒?
我答得閒,佢拎左兩張Twilight既戲飛出黎.
原來佢想約我星期六去睇Twilight
我果陣真係好開心...
但只係一場夢

Ｃｈｉｒａｓｄ

我夢見同好多朋友係間度假屋度搞緊聚會,談天說地時...
突然有個人拎出把M16自動步槍,話玩射擊,跟住佢就係度假屋露台落地玻璃出面放左張紅色既卡片
但佢舉槍瞄左一輪後,連扳機都未扣,就話射唔中,跟住我就話等我黎喇...
我就順手拎過支槍時,發現槍管被加長左好多倍,由于槍管太長,當我舉槍時槍口已經距卡片不足幾cm
佢地大班人就話,槍管太長喇,要整短d,就係呢支原槍上拆卸左幾個槍管落黎,
當我再次拎上手時已係一把正常既M16,我都係舉槍瞄左一輪後,亦都係未扣扳機.
後尾我就...再次用M16瞄左卡片一眼後,即刻放低M16,已迅雷不及眼既速度拎出把手槍,砰一聲射中左卡片
佢地為我喝彩既同時原來係冇人見到我其實係用手槍擊倒卡片既,後尾我有同佢地講係用手槍擊倒到卡片
呢個夢,預示著d咩呢???

bbasdbb

我發夢我飛左去外太空.去左一個好熱鬧既夜城市.再飛左去一個全部都係機械人既城市..起初我諗呢到咁多機械人.我都搵唔到工啦[想搵工.因為我覺得我返唔到去地球].然後我係個城市撞到我d同學.最後用左張唔知咩票飛左返地球..去左法國...成個夢我都一直好驚.好似發緊惡夢咁

-;小丸子`

我最早有記憶的夢
那是一個在我小時候發的夢
我還是一個就讀幼高的學生
夢境十分幼稚,現在想起來卻又無比回味,雖然那是一個惡夢
夢中我發現自己一早醒來,被告知外面有隻恐龍在破壞地球
我驚醒這不是懶床的時候,連忙到窗外看看恐龍在哪
雖然那隻是一隻咖啡色的,十分卡通化的恐龍
我還是很怕,抱起我最愛的玩偶就跑出房叫醒家人
然後我們不知道為什麼要好像火警那般走後樓梯
"嘀嘀嘀"響起火警聲了!
原來那是鬧鐘的聲音,我醒過來了
這個夢是我有記憶以來最早發過的夢
卻也是我認為 最有純真的夢

凸唯而出

呢個夢我一定唔會忘記
話說,
我夢見自己係學校啦
之後我去左後樓梯
坐係到果時
無啦啦有個人入左黎
睇真d
果個女仔就係我鍾意果個
佢無啦啦勁認真禁問我
: 你係咪鍾意左我
之後我答
:係
但係呢個時後,
有個男仔走左出黎
就講: 佢係女朋友啦
(果個男仔係我情敵 )
我就問個女係咪真,
之後就wake up 左

li_wayne

我最深刻既夢係我好細個 個陣發既夢.
我被媽咪拖住我當時得4歲既我去酒樓飲荼.
我到左依家都仲記得呢一個夢,係一個好溫馨,開心既夢
每當我一諗起呢一個夢我都會自然微笑,
幸福都會從內心溢出來,滿心幸福