奇怪的夢....

二陵

係咁既..我發左一個好似無開頭既夢...
我唔記得開頭係點架啦..
我記得既部份..就係由呢度開始....

話說事發既時間係夜晚.
雖然係夜晚..但唔知點解夢境入面好光
地點係一座山(係夢入面我覺得呢座山係港島區..但我自己本身住新界)
話說我無啦啦去到呢座山..
諗住由山頂開始走啦..
但我自己就唔知點解唔見左張八達通&散紙.搭唔到車落山
本來同我同行既幾個FD..因為佢地有帶八達通, 所以佢地搭車走左先
於是我自己就決定踩單車走啦(係我自己本身係現實有既一架單車, 但係比平時大架左 ; 另外,佢係夢入面無啦啦出現的...)
落山果陣..我發覺條路勁斜
果種斜....係現實的話,我覺得係連行都行唔到...踩單車更加係會反的
但奇怪地, 係夢入面我踩住單車係落到的.__.
不過我好小心咁落..因為係夢入面我都驚會'炒車'....
係我落緊山既時候..我附近都有D踩單車人士...
但係佢地就好似若無其事咁落山...
同平時見到D人踩單車一樣
落到咁上下既時候
我見到山邊有個識既網友
佢同一班人&佢女友一齊爬山&食野
佢地爬山既方法好怪的....
唔係向上爬...只係打橫爬...
當我見到佢果陣, 佢叫我過去
我放低左架單車..(唔記得擺左去邊
跟住傾左陣計..(內容唔記得了...總之就好似老朋友好耐無見咁..因為我都好耐無見過佢ONLINE)
同佢傾左一陣計之後..我係度等..諗住同佢地成班人一齊走
行到咁上下(條路依然係斜..但唔知點解又會行到..)
我發覺自己無拎到架車...於是靜靜雞行番上山,無同班人講BYEBYE
佢地又好似無理到我咁
我上山既方法係爬(因為座山好斜)
我搵左幾架都唔見自己既...加上唔記得自己架車擺左去邊..我一直爬一直搵
爬到咁上下..我好似見到自己架車...(我架車黃色..所以見到架黃色就當係自己既...
但係一行近去..我見到架車D輪比人拆晒
我已經認唔到佢係咪我架車..
之後..我就醒左了~~~

PS.  我之前都發過搭唔到車番屋企既夢...唔知算唔算連續夢?

[ 本帖最後由 二陵 於 11-7-31 07:36 PM 編輯 ]

二陵

Could anyone help me ><?