森馬回應拜仁有意出售卻奧斯傳聞：無可能，除非我地癲左啦！

redblueyellow

近日，德國《圖片報》突然爆料，指拜仁慕尼黑將會係近期出售卻奧斯，以換取一筆好價錢。據悉，拜仁想出售卻奧斯既理由係因為“卻奧斯係比賽中既表現唔夠積極”。消息一出立刻引起軒然大波，今個賽季卻奧斯表現一直出色，進步好大，係呢個時候出現咁既消息令人感到意外。消息一出，拜仁體育主管森馬馬上出面澄清，稱球隊絕對唔會賣卻奧斯！



係接受採訪既時候森馬表示，拜仁絕對唔會出售卻奧斯：”呢個消息太過分啦，我地好嬲，呢Ｄ關於拜仁既轉會傳聞完全信唔過，絕對係亂傳！卻奧斯先得22歲，佢係一個偉大既球員，佢係拜仁隊內重要既一人。我地會賣佢？無可能。如果要賣卻奧斯，除非我地癲左啦，呢Ｄ所有都係作出黎，咁既事絕對唔會係拜仁發生！”森馬堅定咁講。

卻奧斯同拜仁既合同2015年先到期，作為球會“拜仁德國隊”計劃中重要一人，卻奧斯係球隊一直得到重用，完全無離隊既跡象。連續兩個賽季，卻奧斯都係拜仁主帥希歷基斯戰術體系中既重要棋子，今個賽季就算係中場球員大範圍輪換，卻奧斯最多都係係前腰同後腰兩個位置轉換，好少出現係後備席上。所以，雖然《圖片報》係馬天尼斯轉會中消息準確性極高，但係今次關於卻奧斯既傳聞，可信程度唔高！