Apple 一年內的七宗罪！

你想我點姐

可能比其他對手追得太急，一年來Apple發生七大錯誤，唔知各位認唔認同以下？
1）New iPad 改錯名，三月出嘅New iPad應該叫iPad 3，可能因官司影響無喇喇改叫new ipad，搞到以後d新機都唔知叫咩名，亂晒大籠！

2）iPhone 5未出前D料太早和太多曝光，搞到大家期望下降！之前Steve job時代產品發表前充滿神秘感，到今時今日九成spec同外型發表前三個月網上以經瘋傳，不驚喜都冇晒！


3）IOS 6個map就真係最失敗！只能講Apple一係自大到接近無知，唔係就佢哋班友以爲全世界得加州一度地方！其實嗰beta版都出咗好幾個月，唔通一D feedback都冇？Scott真係底炒，不過應該係iPhone 5出前炒囉！


4）iPhone 5新亮點不足，極其量只是改良版！個4G LTe 頻普定得太窄，出到外地可能用唔到4G速度。又冇NFC，好多機種都加入但iphone 5就唔跟，都唔知係Apple睇死NFC冇用，定對自家嘅passport信心十足啦！


5）iPhone 5設計用料使生產難度増加，次貸率拖慢出貨。我就未撞過花或什至崩嘅機，日常用易花或崩就唔係插Apple嘅理由。不過如果一開新機有花或崩當然不能接受啦！


6）唔張出咗年幾嘅iPad 2 落架，反而把出咗七個月嘅New ipad/iPad 3火速落架，換架新機又居然叫iPad with retina display？乜new iPad 唔係以經有retina咩？Apple近年從未試過產品週期短過一年嘅，今次就係例外。証明除改名外，連出機計劃都幾混亂。


7）iPad mini嘅發售絕對冇錯，因時制宜7吋平板電腦嘅潮流亦唔係Steve Job生前可預算到，就好似手機興起大mon都唔Apple嘅計算內。反而趁住7吋平板電腦嘅市場未完全被他人佔據時，出招搶先，都係無可厚非。錯就錯在個spec太弱同價錢貴左$30美金。有A5X或A6唔用，用A5感覺慢咗啲。價錢亦因為就iPod touch嘅關係，冇辦法set到279至299美金呢個必勝價錢。iPad mini大賣就一定啦！不過要好似早兩代iPad銷售量就有難度囉！

33369369

老實講 d人幾可會用map去導航 全日都係城市啦 做埋調查:9成人話map冇問題 NFC又係幾時會用呀呢 本身4G對部機呢講係好食電 頻譜窄唔窄都唔關事