今日打電話上980X客服,出來結果都幾失望。

～龍之小介～

我今日打電話上去係想反映番關於980公司管理方面問題同埋可唔可以推出關於幫忙新手工作?

佢問我管理方面有咩問題,我就話好似之前補秘本既事...搞到好多人都覺得非常不合理不公平...

佢話佢地唔係偷武功...只係 系統出左問題,令到玩家武功出現問題,咁補償番比佢地好合理。

咁關於呢方面我無繼續問落去。(既然佢地已經有答案)

之後我話可唔可以推出一的幫忙新手工作?因為發覺到新手跟本升唔到上去,實戰方面有差距,

就算武功級數一樣,實戰都係追唔到...咁佢就問我想點幫?武器?定系統?定係藥物?

我就話例如將實戰一億前除消限制,

佢就話做唔到,如果要改既就要改動程式,好大工程...呢隻遊戲都十幾年歷史,佢地唔會再進行任何修改工作。

咁加實戰丹?

跟住一貫官方式口吻:呢樣野我地會考慮,如果重有咩意見歡迎再打上來。

就係咁。

我個人主觀覺得：聽電話果位小姐態度唔友善、不耐煩既感覺。

如果係有心去聽，想處理好件事，

最起碼扮野都好，都會主動問我拎番聯絡方法，有消息會通知我

但乜都無做過。

我係幾心淡...總覺得呢個世界好多公司都當消費者係白痴

但一分錢唔係應該一分貨咩?我比咁多錢,你比垃圾我。

比錢佢賺係應該,比小小甜頭你就要你有皇恩浩蕩既感覺。

我個人會繼續留低,起碼佢話會"考慮"處理。

但最小,我講完今次電話之後,有兩件事係響我心目中改變唔到。

我一定會計住來用點數,

福袋唔洗預我,我一蚊都唔會投放落去。

如果唔係金庸ONLINE,我老早就退出...

第二就係永遠將呢間公司入左自己既黑名單。

至於未來,我會研究下可唔可以去消費者委員會度投訴,

就算最後可能無結果,最小我都要呢間980知道

唔好當用家係白痴...我地賺既錢都係有血有汗既...

Meng2

好..GOODJOB..非常好

天敵

支持你!!!!!!!!!!!!!!!我都已經唔入在俾錢網龍賺

懷靜心緣

支持樓主 !!!加油~

~~雲~~

咁聽佢地咁講真係可笑，大工程就唔駛更新?更新丹藥就冇工程?咁樣仲講咩比武純技術?呃我地上賊船…聽到咁多投訴都冇表示既遊戲商根本唔值得我地去投資d錢落去隻game度，只可以講回頭是岸，不過要自己游返上岸

～龍之小介～

多謝評分...我最可惜係唔識SET 錄音...如果假設錄低左,基本上可以話係趕絕呢間公司...

上吧大門大

980: 你班玩家自己ON9炸, 我地由頭到尾都冇講過要點更新, 有福袋俾你地抽已經是皇恩浩蕩
仲嘈想點撚樣? 玩GAME唔撚洗比錢呀? 係架啦, 我地980係咁架啦, 意見接受, 態度照舊, 你咪唔好玩囉
仲好, 連SERVER錢都懢返

微服出巡

如果980肯比D心機去經營隻GAME就唔會咁多人放棄..近視眼經營手法

～龍之小介～

唔知係有心定無意...上980 個討論區每一次都有兩三個新人回舊POST,將投訴不滿既文章推曬去第二頁